大叻越南牛肉粉餐廳 (已結業)

黎開依頭唔知食乜好，又唔食西，又唔想食中，日本野又落哂場。咁就一于食越南野。黎過大角咀好多次，都冇發現到依間野。見食評都可以，咁就即管試試。依個紮肉雞絲河都幾好，湯底幾甜，雞都質地都可以，唔會散哂，雞都有啲味。整體黎講唔錯。阿姐介紹話豬扒好正，出名。咁就叫黎試試。下午茶好鬼低食，三字尾四字頭搞掂，份量十充，同午餐都無乜分別。豬扒唔係炸。唔會乾爭爭，肉質夠哂淋，阿婆無牙都食到，肉又多汁。幾好食，係啲飯應該耐左，偏硬啲。依個值得推介。平靚正下午茶飽肚之選。