大丈夫食堂

營業中

休息中

地方寬躺舒服。侍應服務態度好。可能喺深水埗長沙灣都算係貴貴地，大概$100個餐。但係佢嘅份量同埋質素，如果喺尖沙咀或者中環，起碼要三倍價錢先至食到。炸物，非常鬆脆，裡面多汁。食材新鮮！非常有驚喜！價錢唔貴，食多幾次都唔會心痛！跟餐個茶碗蒸好滑嫩！飯都煮得好好！沙律菜好新鮮。好脆。調味又好！唯一可以挑剔嘅只係出餐比較慢。不過佢嘅質素值得等。但其實都唔係真係好耐。2-3個字左右。炸雞$7x,份量好大。好好味。炸豬排好厚好嫩。唔會柴。

第一次嚟呢間餐廳食估唔到環境咁大吉列豬扒飯非常好食炸得好好汁又好味啲肉一啲都唔鞋嗰餐仲包埋茶碗蒸沙律同埋麵豉湯成個餐都係$100多啲非常抵食如果唔係食得太飽一定會再試埋其他刺身同埋壽司佢啲款式好多元化而且定食都有好多可以揀下次會再同朋友過嚟一齊食

公司附近有間好出色嘅餐廳。。一到食晏時間就排長龍。。次次都食唔到。。但係只要有恆心我點了排到黎食為止。。最後好彩有我同事陪我癲。。講真真係好好味。。平時好少炸嘢嘅我。。我都覺得佢炸出嚟唔會好熱氣。。仲要好爽脆。。仲要加埋佢個伴菜。。我完全冇諗過佢呢個菜係可以咁好味。。其實我已經食咗幾次。。雖然而家先介紹俾你地知。。但真係好好食。。如果你哋去記得星期日唔好去啊。。佢係唔開㗎👌🏼👍🏼🐷吉列豬扒定食🍤吉列海鮮定食（蝦、蠔、沙追魚）📍 大丈夫食堂 (長沙灣)長沙灣元州街350號家壹1樓11號舖

呢間好唔日式名的日式食堂。性價比超超超高，特別係午餐。餐廳用手機點菜，清楚，方便。一個餐已經包左麵豉湯, 蒸蛋, 沙律菜。麵豉湯我個人認為較淡蒸蛋非常滑溜刺身井和角切刺身井嘅海鮮都非常新鮮。

未搬之前試過燒鯖魚定食，吉烈豬掛定食；上次試咗壽司烏冬定食，今次就試下南蠻炸雞定食啦 本來諗住早幾日先食完未有咁快再食，但真係忍唔住，再加上果日約咗打針，心諗一針入魂就係咁先，馬上 online 落單食飽 d都係買外賣，唔知係咪近，攞到返公司打開，香氣撲鼻，炸雞仲好脆另外個芝麻 dressing 真係堅正，無得輸，食到要連一滴都唔放過質量高，份量足，絕對夠食，絕對係翻兜嘅首選最可怕嘅係搬近咗，搞到日日 lunch 都想過去

過咗年之後原來搬咗（重點仲要搬近咗我返工嘅地方）當然要黎食之前未食到嘅啦今次試壽司烏冬定食，過到去叫外賣先知，原來可以 online 落單，咁就更方便啦 一如以往，質素高，食完大滿足

My friend recommended me to try this Japanese restaurant because I like to eat pork chop very much. The shop was big and bright which was very comfortable. We can ordered it through the QR code which was also very convenient. It took around 10-15 minutes for the food to arrive. I have to say the pork chop was really big. The presentation of the food was good. The coating of the pork chop was crispy and crunchy. The texture was tender and juicy. It was delicious. I chose big portion of salad beca

間餐廳長期排長龍食完就知點解!!佢性價比極高👍🏻👍🏻全日都同一價錢有齊前菜、麵豉湯、主食同埋茶碗蒸沙律菜同飯可以任食!!🥗🥗🍚🍚以佢價錢同質素午餐黎講係抵食晚餐係超抵食!!😂😂茶碗蒸好滑，有唔少配料!!❤️❤️豬扒好大塊，而且幾厚身!!炸得岩岩好，外脆內軟🐷🐷口感同味道都似日本食既吉列豬扒!!🥰🥰 鰻魚好大條，而且唔薄身燒得好香，冇腥味☺️☺️質素好過好多二百蚊既鰻魚飯！

店舖舊址近荔枝角好食價錢又抵，但偏偏座位少成日排長龍而家新搬左呢個樓上舖，勁大座位闊落、卡位之間既椅背好高，唔會望到前後食客（生得高唔計），私隱度佳當然因為清零清到食客都好稀少所以更加幽靜對舖頭就絕對唔係好事，慘 午餐，叫左個$138海鮮丼set，另追加炸蠔$32一客有2隻QR code落單可以揀多飯少飯沙律可以揀轉胡麻醬但我大大推薦本身隻味好好味架柚子+醋好fresh 味增湯啲蔥好新鮮soksok聲但擺耐左就冇lu茶碗蒸滑捋捋～～有冬菇同青豆 海鮮丼有蝦1隻，其餘各2片：三文魚、吞拿魚、墨魚、帶子、油甘魚、玉子 魚生雖然唔係話好高級果啲，但全部正常水準，呢個價錢食咁多款都好令人滿足架啦，蝦頭仲有膏幾香 炸蠔鬆化多汁，好大方配左好大pat沙律汁，我好鍾意點汁，見到咁充足覺得廚師好considerate…. 希望香港盡快擺脫清零各位良心小店加油💪🏽

🍪 【#長沙灣】大丈夫食堂 Dai Jou Bu Sho Ku Do💥CP值爆燈 免收加一吉列豬扒💥.🍪 食日本嘢但唔係壽司或者拉麵，慕名而來去大丈夫試吉列豬扒！11:30開門就瞬間滿座！😳✧No sushi or ramen, but still great Japanese food! This friendly neighborhood joint earns a reputation for its modestly priced and yummy tonkatsu😍! Opening at 11:30, it gets instantly full in seconds! ~~~~~~~~~~~~~🐷 吉列豬扒定食 Grilled Fried Breaded Pork Loin Cutlet $108（4/5）新鮮即炸(等咗半個鐘)、熱辣辣又脆口！😆肉質結實有彈性，麵包糠稍嫌大粒，但薄薄一層夠香脆👍🏻。可惜椰菜好唔掂，非常粗糙😥！✧Owing to the made-to-order arrangement, expect additional wait time- aro

舊舖有啲難搵，依家搬咗去元州商場對面一棟住宅大廈嘅樓上一樓，易搵好多。新舖面好大，座位增加咗好多，午餐時間唔洗等位即刻入，環境乾淨，燈光明亮，每枱都有私人空間，可以安心舒服傾計，又唔會聽到隔離枱講咩每一份定食都相當豐富，包咗主食、沙律、麵豉湯、茶碗蒸。餐廳好貼心，每樣item都可以揀份量或者沙律轉食材。嗌咗炸豬扒定食同三文魚腩定食。不過好多人都嗌炸豬扒，所以都等咗段時間。炸豬扒好大份，廚房炸嘢手勢好，剩係望已經覺得正，炸豬扒乾身唔油膩，麵包糠炸皮勁脆，豬扒肉質鮮嫩，食完一啖接一啖。餐廳識do，提供舊檸檬仔俾你，吱啲檸檬汁上炸物度，一個人輕鬆ko成大塊炸豬扒舊炸豬扒已經好大份，好彩嗌少飯，不過大胃王食得多都可以落order嗌增量白飯。朋友個三文魚腩定食都相當高質，三文魚腩冇拎三文魚呃你，真係肉質肥美，食落有滿滿嘅魚脂香，而且仲好多舊，比壽司飯份量仲多。總結今餐食得開心，物超所值

一直食開喺福榮街嘅餐廳，而家搬到元州商場對面嘅樓上舖，梗係要嚟試下新舖質素如何啦！新舖闊落好多，環境好舒適，印象分up😄1⃣️第一個要order嘅一定係每次去都必食嘅吉列豬扒定食豬扒炸得外脆內軟，咬落鬆軟多汁，唧啲檸檬汁再品嚐又係一番更加清新嘅風味，完全唔漏！大丈夫嘅豬扒一向比出邊嘅鬆軟，喺出邊食有時乾噌噌，喺呢度食完全唔洗擔心中伏吉列豬扒隔離有配椰菜沙律🥗，配合麻醬食，爽脆清新，連原本非常抗拒椰菜嘅frd都覺得有驚喜👍🏻2⃣️南蠻炸雞定食南蠻炸雞火候控制得啱啱好，非常juicy，呢個價錢嚟講，份量都好足夠👍🏻每一個定食配有蒸滑蛋同味噌湯，蒸蛋好滑，入邊仲有蟹柳同青豆，鮮味&口感都up up up！唔好睇白飯細細一碗，白飯🍚同沙律🥗都可以無限追加！埋單先發現原來唔洗加一服務費💯總結就係 CP值高➕營養均衡❗️ Keep到以往嘅質素！一定會再嚟食！

見佢新開張就試試佢叫左個吉列豬扒餐有驚喜，返到屋企食既時嘅都仲系好脆豬扒好鬆脆好juicy一個餐有蒸蛋有沙律有湯仲可以叫多飯蒸蛋好滑好香價錢中等，食材新鮮，會再幫襯