大丈夫食堂

營業中

休息中

由原本細舖搬到依家大舖既大丈夫食堂, 今日試左佢地店既2款人氣定食, 味道都非常唔錯！🍽️ 鹽燒牛舌定食 $98一碟有10片薄切牛舌, 雖然店舖有用鹽同黑椒略為調味, 但都唔會蓋住牛舌本身既牛味, 餐廳會另附一個鐵爐比你自己燒, 可以自己調節牛舌既熟度. 🍽️ 吉列豬扒定食 $115餐廳招牌菜之一, 豬扒份量大,而且仲保有小許肉汁,唔會炸得太乾, 炸粉夠脆亦唔會太厚每個定食都會跟一個茶碗蒸,味道正常, 但蛋唔算太滑, 另外仲有沙律同白飯, 兩樣有減量同增量揀, 細食人士唔驚食唔哂, 大食既都唔怕食唔飽!😆💡大丈夫食堂長沙灣元州街350號家壹1樓11號舖

📍大丈夫食堂📍長沙灣📍日本菜/刺身/壽司/西餐📍營業時間：Mon-Sun1130am-1430pm1800pm-2130pm（中途有落場‼️‼️‼️）前幾日lunch 同朋友過黎試食呢間餐廳，食完之後覺得可以再食多次🤣🤣-豚肉生薑燒定食（💰75）我鍾意食呀呀呀呀呀因為個豚肉燒得好好，多肉，同好多汁，適合撈飯食，然之後有個燉蛋，我覺得個茶碗蒸太少🤣相比起壽司郎，壽司郎啲茶碗蒸啲蛋會多過佢地🤭湯就同普通日本餐廳嘅湯一樣，冇嘢想評價😂-鹽燒牛？定食（💰九十幾）係牛黎嘅，不過唔記得係牛咩😂，有得自己燒俾自己食，自己可以控制想食肉熟嘅程度，不過對一啲人黎講都唔係咁容易handle燒呢part，因為燒過左就會唔好食🤔所以唔識燒嘅人就揀返啲燒埋俾你嘅嘢食喇🫢🫢個肉薄，容易燒，份量適中。-小食炸雞（跟餐加💰$28）我覺得冇咩特別，同平時係牛丼食個啲炸雞一樣，都係炸完即刻出，所以外面個層麵粉唔會好淋。ps：想食落order嘅話揀返跟餐加係最平嘅，因為單點係多一粒炸雞，但係係要俾多十幾二十蚊，唔抵。環境方面，座位寬闊，環境舒適唔吵雜，有空間感，有好多卡位，同埋都有啲係可以一大班人坐埋一齊食嘢嘅位置，傾計都會方便

搬左新鋪後都係第一次幫襯十二點半左右黎到，等左兩張枱十分鐘左右就入得環境比舊鋪大好多，舒服好多枱同枱之間都有好充足嘅空間，唔洗好似以前咁要識縮骨功先攝到入裡面個位炙燒魚背壽司🍣～唔錯，油脂豐富不過又未至於成舊入口即溶，中間仲有啲位爽爽地，如果連中間位都可以做至入口即溶就更加正燒花魚一夜干定食～ok, 魚肉滑嘟嘟，但越食越覺得咸。。。吉列豬扒定食～大丈夫必食之選性價比高南瓜天婦羅～正👍🏻天婦羅粉漿唔會好厚，天婦羅皮炸得好鬆脆平時唔太好天婦羅，但呢個真係好食到想encore呢個比吉豬更吸引食完出去埋單就有好多人等位，好彩早少少到———————————————————————餐廳環境除左比以前大左、舒服左之外，餐廳裡面亦有男女廁🚺開頭對廁所環境都唔抱任何期望，諗住有得去就算。但原來廁所都好企理，仲要有兩格女廁，而且一啲都唔窄，唔洗縮骨功先入到去雖然唔係喺廁所開餐🫢，但個廁所咁乾淨又寬落都加左分。。。。不過咁乾淨唔知係咪因為時間尚早，未係好多人幫襯個廁所———————————————————————以前喺舊鋪會間唔時外賣三文魚牛油果丼，因為外賣炸野一定焗到淋晒，所以一定唔會外賣吉豬三文魚牛油果

由小店搬到中鋪，地方比以前大咗，而且整潔，就是少咗以前小店味道。有遙距排隊，有QR code落單，而且食物餐單選擇多咗，值得一讚炸豬扒保持水準，今次試埋炸蠔，炸軟殼蟹，炸虎蝦，都鬆化美味，燒鯖魚就普通合格啦。定食由$7x -$11x，性價比絕對係掂！

今日和朋友往長沙灣大丈夫食堂食晚餐,這裡主要食日式定食用QR code點菜,我點了南蠻炸雞定食,朋友則分別點了燒鯖魚定食和燒花魚一夜干定食,南蠻炸雞定食份量十足,還有椰菜,漬物,日式蛋和味噌湯,炸雞炸得金黄香脆,肉質鮮嫩,配上沙律醬和千島醬一起食能提升炸雞口感,椰菜新鮮爽口,白飯飯粒軟綿,而且白飯可以加大,漬物味道醒胃,日式蛋食落香滑,味噌湯咸度適中,豆卜吸收味噌湯,口感豐富,餐廳座位闊落舒適,食物美味高質,高質好味日式定食

禮拜去食都幾多人下好彩都係等咗一陣就有位見到好多家庭去炸豬扒定食標準日劇個種，厚炸豬扒配一大堆菜茶碗蒸偏鹹味噌湯泡飯好惹味d豬扒好實正，個炸皮好好食燒魷魚配mayo絕配不過唔好俾佢凍咗個炸雞就不了，個皮唔好食，好油

本來約了去食飯， 但慘被人甩底， 白行一趟，只好去這間一試。因為有位， 平時人多可能要約， 這間餐廳樓底好高， 通爽乾淨， 座位舒適。吉列豬扒定食$115炸蝦（3隻）$32鰻魚定食 $105另要加一服務有樣好， 飯同沙律菜任食， 沙律菜我要了三碗，好味健康， 飯好食， 鰻魚肥美， 仲有蒸蛋， 炸蝦吉列豬扒怕怕， 所以一舊都冇食。朋友話好味。

本身都不太喜歡炸野，但食過一次後，一星期後再回頭上一次食無影，炸三文魚腩，刺身，都較普通，還可接受。任食飯，沙律菜，兩樣都好好食，菜又新鮮豬扒，雖然明顯係唔夠大塊，砌多舊落去，都無所謂，誠意搭夠，份量足，豬扒多汁好食，唔會醃過龍炸池魚都不錯，所以去兩次都有叫百幾蚊一客豬扒飯，都算低食順帶一提，個洗手間都好乾淨

都真係估唔到元州商場附近既日式餐廳都唔平今次到呢間唔係咁顯眼既日式飯堂 老實說收呢個價錢個環境好似飯堂咁都真係猶疑過會唔會唔太好食呢見到好多人叫鹽燒牛舌定食 同行朋友都叫埋一份係值得推介都有十多塊牛舌可以燒 份量算多而三文魚丼飯都尚算新鮮定食附送的茶碗蒸新鮮熱辣，不要錯過

📍長沙灣 大丈夫食堂 @dai_jou_bu_shokudo 我諗應該好多人都有食過大丈夫😋🫶🏼 有日式lunch set嘅地方就有我探店🇯🇵😆性價比幾高 味道普通吧！不過勝在環境好大 可以同朋友邊食晏邊吹水嘅好地方(●°u°●)​ 」🍣壽司烏冬餐 Sushi Udon Set $97我覺得$97可以食到咁多嘢食都算係咁！首先講吓啲前菜先🥦我覺得沙律都幾高質 另外茶碗蒸都好好食！有好多配料喺入邊 另外漬物都唔錯😆🫶🏼壽司方面我覺得種類就麻麻哋 有啲似平時喺出邊食兒童餐嘅壽司🤣🤣味道一般 三文魚好瘦🍣🥱食完好快就唔記得佢係咩味´д` ;普通貨仔吧！另外烏冬幾好食 個湯都幾濃😆✅而且有油揚做餸都幾好！又唔會有太多肉嘅感覺(◐‿◑)�🐣日式炸雞Japanese Fried Chicken (價錢忘記了(*ˉ︶ˉ*)) 日式炸雞好高質！而且一個汁點左好似俾多咗個層次啲炸雞💕💕🐣價錢唔記得咗 不過好似跟餐+$10-20吧！人均: $100-150 —————📍長沙灣 大丈夫食堂 @dai_jou_bu_shokudo 地址: 長沙灣元州街350號家壹1樓11號舖

估唔到長沙灣呢邊翻新咗之後，開始注入大量新進餐廳，其中呢間唔顯眼嘅日式料理喺元州商場對面，餐廳招牌好細，基本上要網上介紹先會知道。上2樓餐廳寬躺光猛，坐得好舒服，坐低QR code落單，除咗有日式料理套餐，丼飯，刺身，仲有手卷，壽司。今次試左：1-塩燒牛舌定食 HKD98套餐包配椰菜，日式蒸蛋，漬物，麵豉湯。侍應會俾個爐仔我自己燒，份量都好大，大約有八至九塊牛舌，今次揀咗冇鹽，牛舌唔算好厚，正常size，如果想食好少少有個特上。另外日式蒸蛋好滑，好好食。唔鍾意套餐都可以散叫，就咁一碟牛舌自己燒。2-鰻魚定食 HKD105配有飯，沙律，日式蒸蛋，漬物鰻魚好大條，餐廳都係採用日本米，如果以呢個價錢嚟講算係好食，另外個漬物都好特別，可以試吓。3-三文魚腩剌身 HKD60叫咗份刺身試吓，見到有三文魚腩價錢唔算貴，上啲份量都好多，三文魚腩好肥美，而且新鮮，我覺得佢刺身都做得唔錯。行過長沙灣，如果冇乜嘢啱食可以試吓呢間，性價比高而且選擇多，每個定食都唔超過$150😊

呢間長沙灣餐廳，其實已經食多好多次，除咗人氣吉列豬扒定食好抵食之外，仲有其他美食都一樣高質！ 🫶🏻 平時都係食午市多，日式定食 通常係$70零蚊起跳至百幾蚊(*ˉ︶ˉ*)，已經有魚生、炸物、丼飯等選擇，今次晚餐嚟到呢度，我哋就試咗：🫶🏻海虎蝦天婦羅丼🍤 $118套餐已經包左茶碗蒸、沙律、漬物、麵豉湯！ ‼️最最重要既係沙律菜/椰菜/白飯都可以免費追加！ 🆓 每份定食有得揀多/少飯🍚，沙律🥗可以揀多/少菜，全部可以按個人口味話事！ 炸蝦天婦羅🍤好吸引😍好大隻，炸粉一啲都唔厚，唔會油膩漿口(⁎⁍̴̛ᴗ⁍̴̛⁎)推介！ 而且每隻虎蝦都大大隻，絕對足料，又夠新鮮，每隻都係爽口既！ 三文魚🍣牛油果🥑手卷 $？ ？ 即叫即整，紫菜都仲係脆既！ (⁎⁍̴̛ᴗ⁍̴̛⁎) 大約3-4啖食完，忘記左價少錢，但都係20-30左右！ 茄子天婦羅🍤 $22食肉獸男朋友大推，平時好少見佢食菜🤣茄子🍆除左燒會俾面食兩啖，但呢份佢可以自己食晒⁄(⁄ ⁄ ⁄ω⁄ ⁄ ⁄)⁄佢話炸得好好，外脆內軟。芝士年糕$31食落熱辣辣又煙韌，仲有流心芝士，勁正好好味！整體食物出色，地方寬敞，座位舒適，侍應有禮，午市晚市都一樣水準，推介！ (⁎⁍̴̛ᴗ⁍̴̛⁎

今日有空，想在附近找一間相對較舒適的餐廳跟男友吃頓午餐，但附近好像都沒太多選擇，最後剛好看到這間樓上舖，於是上樓深入看看。餐廳面積不小，裝潢比較簡約，走廊尚算寬闊，座位不太密集，感覺還好。今日不吃正餐，我只點了炸雞，男友則點了一客吉列豬扒定食。吉列豬扒定食我吃了一件，豬扒外層炸得鬆脆，油膩感不重，肉質尚算鬆軟不乾嚡，但有微微豬‘‘除’’味，所以整體不美味。炸雞醬料本身沒大問題，雞塊大大件，外層香脆，如炸粉能添加點調味會更好。雞肉炸得剛好，肉質嫩滑且充滿肉汁，單論口感是不錯的！可惜，炸功再好，都被濃濃的雪藏味拖垮，雞件本身似乎沒調味，反而雪味很重，即使沾上大量醬料都於事無補，濃濃的雪藏味令我只吃了兩件就放棄，唉！連基本的雪味都處理不好，怎辦喔？食物質素整體中下，都敗在食材本身，先不論烹調方法和外加調味，最基本只期望百多元一份豬扒沒豬除，雞肉沒雪藏味，因為這些不討喜的味道，已足以影響整體味道。服務方面屬正常水準，不過不失，上菜速度都可以，不會等候太久。今頓午餐，我只吃了兩件雞，餘下的他都處理掉。唉！一會要到附近便利店買件蛋糕調整心情呢！

要做大丈夫，就要去呢間！網上介紹，便去試試午餐。招牌菜是吉列豬扒飯。套餐跟燉蛋、椰菜絲、湯和白飯。和其他豬扒店不同，菜絲無得添加。餐餐特色用機械人送餐，幾得意。我當然先試主角豬扒，夾起外層麵包糠無散，合格。豬扒有油脂，咬落不會乾，又香口。大合格。我再另外加炸蝦和魚生，味道正常，新鮮。值得推介，會再來。

之前被朋友帶嚟試佢嘅炸豬排定食，一試難忘，真係好好味，今次帶埋媽咪細妹再次幫襯，佢哋第一次嚟當然介紹佢哋食炸豬排啦！ 我就一於試佢嘅炸生蠔定食，其實上次見倒已經好想食了😋個生蠔一到睇倒都流口水，隻隻炸到金黃色脹卜卜，香氣撲鼻😋 一口咬落去個外皮熱辣酥脆一啲都唔油，入面隻蠔超級嫰滑，好juicy剛剛好熟，真係冇得輸😝 豬扒當然保持一貫水準，連我個㕑神母親大人都贊不絕口，就知佢有幾好味👍 佢哋未食完就已經話下次可以再嚟試其他了😝