多賀野 (新城市廣場一期)

營業中

休息中

今日嚟咗沙田新城市廣場一間新開嘅拉麵店食午餐，嚟到都要排隊等一陣，入面坐滿晒人，店員安排咗我哋坐角落一個比較靜嘅位置，環境舒適，乾淨企理又衛生，👍🏻服務態度亦非常貼心，店員會自動為顧客添茶🍵，亦會主動提供牙籤/紙巾/抹手巾等等用品多賀野醬油拉麵 🍜湯底有清香醬油味而不膩，亦唔會太鹹，😍拉麵爽口彈牙，😆叉燒肥瘦適中，入口口感軟熟，不過如果可以再燒香啲就更好，糖心蛋帶少少甘甜，有蛋香味，糖心嘅效果亦都做得唔錯 山梨縣洋梨汁🍐；完熟水蜜桃汽水🍑：山梨縣洋梨汁味道清甜，生津解渴，飲得出係100%嘅果汁；完熟水蜜桃汽水酸酸甜甜，飲到好香嘅水蜜桃味😋日式煎餃子🥟：餃子外皮煎到好香脆，內裏軟熟多肉汁，配埋特製嘅醋汁好夾😜豚鴨沾面：😘廚師好細心用蠟燭暖住個湯底，湯底味道香濃，唔會太咸，餐牌寫住係用鴨雞同魚淆出嚟嘅；沾面嘅面質比較實，唔似拉麵咁爽口彈牙，個人就比較喜歡食拉麵🍜自家製吉列炸蠔🦪：呢個吉列蠔非常酥脆🤩，外脆內軟，食嘅時候仲係燙口嘅，蠔嘅肉汁同鮮味都鎖住咗，配埋特製嘅醬汁，好似係鰻魚汁加沙律醬，味道非常夾，酸酸甜甜，中和返炸物嘅油膩感芝麻辛辣拉麵 🌶好少食到辣味嘅拉麵，呢個拉麵帶少少麻辣同麻油

其實我個人對於日本拉麵要求是比較高的，欣賞的角度也較常人更為刁鑽一些。我點的是醬油拉麵，我給湯底的評價為“淳厚”，淳厚並不是單純的像我吃過其它的拉麵的多油多鹽而造成的油膩感，而是不會因為過分油膩而齁，也沒有過分寡淡的甜，給我一種應該是小火熬制後湯底獨有的細微的顆粒感和鮮香的滿足感。叉燒很厚，很大，個人感覺要是薄一點就更好了。因為一口吃下太容易滿足，PS：純屬個人習慣，我平日吃拉麵總是要小口的吃叉燒，總覺得要把叉燒留在最後吃才有意猶未盡的樂趣。雞蛋應該算是一個小亮點吧，我個人是比較喜歡這種7分火候的雞蛋，硬度適中剛好可以夾起，蛋液也不會在夾的過程中太多的流出，一口吃下時也不會像10分熟的雞蛋一般的澀，既有固體的質感也有液體的絲滑，及其適合我這種角度刁鑽的拉麵客。

呢間拉麵店喺尖沙咀K11 Musea開嗰陣已經想試，而家沙田都有分店，喺正我樓下仲使諗嘅。聽聞日本店係米芝蓮餐廳，咁第一次就試吓佢嘅招牌「多賀野醬油拉麵」啦。食拉麵之前飲啖湯先，係走清淡路線嘅味道，有淡淡鰹魚香，又有雞湯微鹹，加埋醬油味，層次豐富但又唔會好重口味。同平時食開濃郁嘅豬骨湯拉麵有另一番風味，鍾意清淡口味拉麵嘅朋友仔會鍾意。之後試個麵，呢度餐牌冇得揀軟硬度，但我覺得個硬度係適中嘅。麵身偏幼，口感都煙韌，仲有少少麥香味，幾好。拉麵仲有兩塊大叉燒係最驚喜，真係超大塊，肥瘦適中，咬落好鬆化，唔係好柴或者成口油，女仔都啱食。仲點咗個蝦小食，份量以小食嚟講都ok，啲蝦唔會炸得太乾太油，脆卜卜咁送酒一流。呢餐都幾好食，不負米芝蓮餐廳之名，下次會再嚟試佢哋嘅沾麵。

係沙田好耐冇食過拉麵，所以自己一個人都照去食（好似孤獨美食家個主角咁）😅，本來見到要等位想轉身走，但係又想食，而且係日本有＂米之蓮＂推介吸引，所以照去攞飛，由攞飛到有位都算好快，坐低感覺非常舒服，員工有一種熱情招待你嘅感覺，order 咗沾麵同和牛芝士丸丶蟹肉沙律，食物到枱時，發現沾麵竟然會有一個爉燭座將啲湯保暖送上，用百幾蚊價錢，有咁嘅服務，真係意想不到的驚喜，員工又會問食物啱唔啱食？一句講晒＂間鋪頭食物唔差之餘又細心＂，有一種可以比你輕鬆享受的感覺👍！下次要試吓Suntory 🍺+🍜+🥟)

執左豚王之後，感覺沙田冇得再食拉麵。見到同一舖位開「多賀野」，以為執到寶，點知。。。盐味拉麵$128非常普通，啖到冇乜味，而且好細碗，以往我去豚王一定食唔哂個麵，呢度幾啖食哂，而家師傅好刀功，一啖可以食哂一塊叉燒芝士和牛丸$79/3粒 即炸起熱辣辣送上。不過同我在凍肉舖買芝士牛肉漢堡一樣味，毫無驚喜可言😑老公叫左醬油拉麵，同樣味道一般；反而囝囝叫兒童餐佢話好好食。雖然味道一般但服務一流。如果我回頭幫襯，絕對因為佢地的服務而非食物。講漏左，pat pat,稍為大少少都坐唔到佢d 特色座椅😑

Very authentic Tokyo style shoryu ramen. We tried the crab tsukemen as well. Texture was good and portion was generous. Soup not too salty and can taste the freshness and sweetness from seafood. Our boy and girl ordered the kids meal and happily clean their plates. One was mini ramen and the other was rice. Served with their favourite Yakult drinks and dessert.

之前在K11吃過一次，裡面的蟹肉丸和沾面讓我印象深刻，這次聽說沙田新開了第2間分店，來這邊開會就順便帶同事來試試。裝修上很特別，天花板上用了很多波波球，區別於傳統拉麵店。這裡沒有尖沙咀店的蟹肉丸，轉為了芝士牛肉丸，一口咬下去，芝士就會爆漿一樣流出，一點也不遜色與蟹肉丸，各有特色。我點了軟殼蟹沾面，同事點了豚鴨肉沾面。沾面依舊保持尖沙咀店的水準，Q彈有韌度，是我最喜歡的麵條硬度。侍應生還很貼心的告訴我們如果湯凍了可以加熱。

喺附近做嘢諗住去食午餐叫咗個拉麵食諗住應該都會好食呀話晒午餐都百幾蚊個點知都未開始食佢啲面就已經索晒啲湯水，變到勁乾 。咁好啦照食但係之後真係頂唔順。叫個侍應幫我加湯點知叫嗰陣時扮睇唔到，叫完之後都起碼等咗10分鐘之後先可以再加湯 。仲見到佢話要收服務費on top差唔多成$200先買到單仲要係冇嘢飲 咩都無 我喺沙田飛的出去銅鑼灣食一籣都冇咁嬲不如佢哋試吓整佢個湯底喺出邊買啲即食麵粉沖出嚟仲好啦起碼我都覺得你啲面都有味 唔係得個辣字

三個麵 + 兩支汽水 + 一個小食要＄700， 抵唔抵食就見仁見智，我就覺得貴咗少少！首先兩支汽水都幾特別嘅，其中一個係綠茶可樂，有少少綠茶味，但係唔講就其實有啲似忌廉可樂，都幾得意嘅。另外一支係蘋果汽水，幾重蘋果味，幾好飲。小食係吉列黃牛芝士丸，個心有少少芝士，外面有啲似漢堡扒和牛，外面炸得幾脆口，所以都幾好食！另外，香蔥山椒叉燒拉麵，上面勁多蔥，雖然蔥多好食，但好似太多，比例上啲麵太少，而入邊亦有少少酸菜，成碗面都幾辣，唔食得辣嘅朋友真係要諗清楚。而個鹽味沾麵同極上蟹皇沾麵，個分別就係個湯底同埋多咗軟殼蟹。極上蟹皇沾麵＄188，加一後貴過＄200，真心貴！服務員態度幾好，加分！

今日襯掛八號風球過黎沙田新城市廣場行下，無意間發現呢間聲稱係米芝蓮食府，一於去試下。一入去覺得個店面唔係咁大，座位與座位之間有點迫，張2人檯都好細，擺咗2個盤就唔使指意再放到其他嘢。好啦！言歸正傳，我同我老公叫咗吉列蠔，餃子同2碗鴨湯沾麵。因為我地2公婆都好鍾意食沾麵，所以都一齊揀咗沾麵。首先2個小食先上檯，味道不過不失，但勝在都夠熱。期待已久既沾麵終於隆重登場，於是急不及待立刻試一試湯底，一試之下就覺得大失所望，湯的味道是不錯，但最可惜的是湯的温度不夠熱，只可以稱得上微温。整碗頓時失色不少，再加上價錢算不上便宜，要136元1碗，質素不應該是這樣的。同埋，講緊市面上有些日本沾麵的價錢比這間便宜又好食的多的是，我相信唔會再幫襯這間餐廳了。

星期日行經見到有新拉麵店所以決定同老婆一試。依間野好似係日本過黎, 之前未聽過, 不過見佢門口玻璃望入去有部製麵機自己做麵, 加分(唔知係咪生意忙關係裡面有點亂 )門口等左20分鐘左右然後安排入座, 尚可接受(本人最憎等位xdd) 餐廳裝修一般, 唔算太迫, 開放式廚房氣氛幾好. 我本人點左蟹皇沾麵, 比我預期中好, 個粗麵幾彈牙, 而我老婆則叫左個鹽味拉麵, 佢話隻蛋幾好食. 而員工都勤力, 有幫加茶, 同埋見到有個似係日本人係餐廳幫手(唔知係咪老細) 下次會再返黎, 試下辣嗰個麵

1）出餐時間極慢閒日午餐，由下單至餐點送到需要約30-40分鐘。見侍應向隔離枱講咗幾次要等多10/15分鐘（唔知佢地本身等咗幾耐），成間餐廳嘅客等緊多過食緊2）食物質素點了豚鴨沾麵（無得揀麵嘅份量），份量足夠，味道尚可，但似冷麵多過沾麵。湯本身已經唔熱，亦沒有保溫措施3）服務質素樓面多人，但感覺多係新人，服務質素一般。用餐當日，仲有一位職員喺門口同送貨哥哥鬧交4）總結呢個價錢呢個質素，一定沒有第二次

心血來潮嚟寫食評，話說我同太太係無預備亦無資料搜集情況下見到呢間餐廳，撞入去食晚餐，相都無乜影，間鋪係屬於細舖空間唔辛苦亦算舒服。全程我係食左個極上蟹皇沾麵，太太食咗香蔥山椒叉燒拉麵，另外叫左個唔知咩燒蝦。食後感，係真心覺得得啲湯同麵係正嘅，蟹皇麵湯濃郁香甜，拉麵口感彈牙清爽。香蔥山椒叉燒拉麵湯底有辣香，辣不拿喉嚨香蔥清爽，叉燒大槐軟口。店員服務唔錯，係正嘅！除咗張櫈屎忽大啲坐係會夾住，同埋個唔記得咩嘅燒蝦！個燒蝦唔係唔好食，係好食嘅！我亦深信係一個送酒嘅小食，就可能因為我無飲酒，但我望完同食完個燒蝦，我對呢碟盛惠58又細碟嘅嘢嘅感覺係一碟椒鹽發左水又印番幾下嘅蝦乾，無錯！係椒鹽蝦乾！！我食完真心笑咗！但呢間嘢整體係唔差嘅，尤其啲拉麵，難怪東京米芝連，我都有興趣下次去食下其他嘢。

K11 Musea多賀野的拉麵是非常出色，是平時去尖沙咀也會想去食的店鋪這次見距係沙田新城市廣場開了分店，當然要去試一下。一試就出事了拉麵的味道和尖沙咀店簡直天差地別，但又收一樣的價錢。130hkd的拉麵，竟然可以完全普通甚至可以話難食！這裏的醬油拉麵只可以話係普普通通，拉麵舊叉燒又完全冇味，真係食多一啖都浪費精力。完全和尖沙咀店的一試難忘的醬油拉麵冇得比。總體非常失望，食過尖沙咀店之後慕名而來的人可以省力氣了！完全不是一個級別的拉麵！

見新開就食叫左招牌拉麵同炸豆腐食完一個字就係啖，麵同湯都啖，醬油味都唔係點食得到。料好多但係無咩稱得上特別好食。姐係記得竹筍真係好鬼多。炸豆腐Ok既，外跪內軟，不過裏面果個豆腐口感差左D， 睇返個價錢都差咁D。兩樣加埋連服務費要194，夠我去其他地方食3次。而間野總括黎講係好唔抵食，一般貨色但係買到貴一貴，完全係食牌子同舖租。個人認為非常之伏。唔建議大家去食唯一可取之處應該係環境同埋服務算係Ok，但係D野食真係唔掂. 個人就唔會再食了