夏麵館 (荷里活廣場)

營業中

休息中

前兩日（2/6/2021）來這店食下午茶，款式較茶餐廳多，價錢都合理。店內寬敞，枱與枱相距遠，佈置亦有心思。點了二個下午茶餐排骨擔擔麵，排骨剛炸起，好香口，擔擔麵有濃濃花生醬味，唔係好食得辣，要了少辣，都可以食到。回鍋肉粗炒，粗麵較少，太多餸，味道可口，下次可再食。另加了鮮肉小籠包及鮮肉鍋貼，都唔錯。

黑醋話梅骨 $78 排骨肥瘦適中 尚算入味👌🏻輕輕一咬就骨肉分離 味道酸酸甜甜🍋🍯好開胃🤤  炸醬牛肉拌麵 $50 炸醬牛肉🐮用牛肉製成既炸醬 沾滿碟底紅油調料🍾夠辣🌶好惹味💯亦可以食到牛肉肉質 唔會太肥 幾驚喜🤩 麵條🍜選用幼身既陽春麵 有少少口感 如果煮少一陣就更好 不得不提 麵餅份量超多 一個人食會勁飽🤰🏻最好share食👯‍♀️   紅油抄手 $38 一碟6粒 抄手🥟肉餡正常 比例唔算多 肉味亦唔突出 但外皮帶彈牙口感 沾滿醬汁🧉同面頭炸蒜🧄一齊食 好味👍🏻 醬汁🧉紅油好少 唔辣 反而豉油較多 豉油味道甜甜地 同抄手幾夾😋 鮮肉小籠包 $38 一籠有4粒 外皮好厚🫓雖然肉餡好大 但肉鮮欠奉 湯汁亦相對地少 唔洗試🙅🏻‍♀️整體而言， 對於小籠包既質素感到失望😔上海菜餐廳既小籠包竟然同酒樓差唔多 好彩其他菜式拉返少少分 食物份量大方味道中等 性價比中上💰

呢幾日都忙住執屋，週末遇着咁啱有客人上嚟，搞到媽媽連去買餸嘅時間都冇👉🏻👈🏻 #晚餐 本來諗住去附近茶餐廳叫 #外賣，不過又冇 #餐單 喺手，又唔知食乜🧐 醒起之前有個 #UberEat 優惠未用，打開手機，原來張$150優惠券就嚟到期🤪 一於唔蝕底，即刻睇吓附近有咩好嘢食🤤 見到「夏麵館」有小菜外賣，啱晒媽媽口味，我叫咗個 #菜心獅子頭、#回鍋肉，加埋媽媽屋企煲咗個 #老火湯，三個人份量啱啱好🤤 #外賣員 雖然比預期中晏咗少少到，不過啲食物送到嚟仲係熱辣辣嘅... 辛苦哂🙏🏻 #獅子頭 用咗 #小棠菜 做配搭，冇諗過比屋企整嘅好食好多，或者 #媽媽 冇用上湯佢燴啲菜啦... 平時被 #小秘書 嫌棄嘅小棠菜呢晚竟然變成 #美食 🤪 回鍋肉炒得好惹味呀，尤其係啲 #豆乾 索咗啲汁醬，好入味🤤呢餐扣除$150之後，我只係拎咗$37、另加$10 小費出嚟😆 係咪好抵呢✌🏻🤣

以前剛剛接觸上海菜的時候，覺得夏麵館好高質好好吃，但近年越做越普通，質素每況越下。閒日下午有套餐，包前菜、主食和一杯飲品。飲品可以選豆漿、酸梅湯等。前菜是手拍青瓜和春卷，青瓜沒什麼味道，只有輕微的蒜頭味🧄和油而已，春卷反而唔太油，但內餡少到可憐，是吃完也不知道什麼餡。嫩雞煨麵最重要的係湯底，這裏的湯底不香濃，也未到奶白色，而且麵也煮得有點淋，我喜歡有咬勁的麵條。另外一個問題是衛生問題，我不止一次看到這裡的地板有蟑螂在爬。

疫情下晚市無得堂食，好多人同我一樣會五點左右就去餐廳食早一點。見呢間仲有下午茶就拎左位，因為下午茶去到5點15分，見等到10分都無職員出來叫飛，好奇就行入一步看下有無位，點知職員勁大聲呼喝我出番去(係無禮貌的呼喝)，其實眼見都至少有兩張空枱，只係可能人手唔夠未執得切，但可以禮貌點叫我們等一下，不用大聲呼喝，令人感覺職員態度又十分差。講番食物，整體我覺得都好食，好大份，下午茶價錢算性價比高。酸辣湯麵酸辣湯做得幾好，多料。上海粗炒近期食過都算係最好食，抄得味道剛剛好都幾香，不過我覺得油咗少少。

極少食呢間夏麵館，完全唔知有9折現金優惠券，更唔知使用優惠既流程係點，埋單時好聲好氣問個經理係咪要係aop 度買左先，結果被對方以極差態度同語氣譏諷：唔買點樣兌換？另外，食物質素好一般。唔會再有下次！

久未光顧，卻令人大失所望。疫情下未見有嚴格防疫措施，坐位近又迫。點了小籠包、嫩雞煨麵、春卷，老上海炒麵及酸辣湯。小籠包皮厚而硬，像是番蒸的，真的難吃。春卷餡料少而無味，且有點燶了。上海粗炒是最差的，麵有像梘水味，且粉而糊口，材料少，只得冬菇絲和幾條很幼的肉絲，完全無小炒香味，像在吃豉油撈麵。嫩雞煨麵和酸辣湯算可以，但一小碗平平無奇酸辣湯要30元，未免太貴吧。事實上連基本的茶也很差，淡而無味，跟白開水無分別。

同友人放學睇下鑽石山荷里活有咩好食，就見到呢間，試下啦因為N年無試過。就叫左口水雞（少辣）、雲吞湯麵（有生菜）、蟹粉小龍包（好熱一定要攤下先好食）、烤鴨件（好少叫呢種菜，都不錯）唯有想改善的系衛生問題，要保持清潔多一些啦！

夏麵館 有折扣好抵食 👑 2次食嘅分享推介👍 涼菜五小碟 云吞雞 煱貼 自選涼菜五小碟 ~ $112心多多 又可試多幾款 啱晒 小碟好味道砂鍋雲吞雞~$128大大煲足料 濃雞湯香 凍咗起膠(骨膠原) 半隻但雞小唐菜嫩綠 但云吞煮過淋破皮鮮肉煱貼 ~ $36 3隻即煎香口脆皮 肉餡鮮味有肉汁小籠包很一般 皮厚包口硬蚧粉小籠包 餡重腥👎回煱肉炒麵~$72 有肉有菜 麵1人份 味夠濃 粗麵入味夏味鱔糊湯面 ~ $70鱔冇骨爽口唔腥 麵條糊口唔爽 湯淡口砂煱獅子頭湯麵 $70 味一般 唔香唔濃獅子頭炸肉1嚿(中size) 湯底稀蠔汁味麵大碗份量足 但麵條糊口淡味唔掛湯排骨担担麵~ $66今次排骨(豬扒)炸得好酥脆 撞手神。。。上次食係油冧冧担担麵 湯底麻辣香不足麵條糊口

嗰日同屋企人去荷里活辧點事，辦完後就搵吓嘢食。荷里活嘅食肆頗多，但係我地都鍾意食湯麵，於是就同佢地嚟到「夏麵館」。當時差唔多一點半，店內食客唔算十分多。店員帶咗我地入去裡面坐低，跟住我就興奮地點餐啦！我地嗌咗三碗麵再加三個小食。另外兩個係套餐，仲送多杯熱豆漿。我想食水晶肉，但係冇得跟餐，只能散叫。啲麵送到嘅時候，俾佢地巨型嘅碗嚇親，真係好大碗，仲有四粒雲吞同埋好多麵。菜肉雲吞唔算皮薄餡靚，但係至少可以食得飽肚。紅油抄手啲醬汁同平時食開有些少唔同，甜甜的，一啲都唔辣。另外豆漿冇乜豆味，冇得同自家製相提並論。水晶肉$55得10粒，質素只屬一般。

現在肺炎這個時勢已經唔好店員態度很惡劣 對客人呼呼喝喝入座時並沒有說明清楚有限用餐時間 1小時15分食到一半我朋友未到先有侍應說「你朋友還未到？我哋有用餐時間1小時15分鐘」我很愕然 在門口你的同事沒有跟我說有限時(?)另外食物方面 真的退步了很多小籠包 蒸得太熟 成pat野生煎包 皮比肉厚豆沙鍋餅 皮厚又縮水眼見已經有好幾位客人被店員「呼喝」出門外等嘅時候走掉身為街坊的我覺得很可惜 明明之前佢哋個蟹粉炒飯好好食今時今日係咪仲要咁樣做生意呢？🤷🏻‍♀️

夏麵館嘅食物真係好抵，又大碗，價錢便宜；有段時間探家人都會嚟食，今次隔咁耐梗係要試吓有無走樣😼未夠12點半已經坐滿7成人😳由於老人家要食早飯，1130嚟到等開門😸屋企人想跟人頭點餐俾我及時制止，因為佢未見過份量之大，4個成人要3個午餐都超夠飽😽擔擔麵配豬扒，唔記得影豬扒😿價錢唔太肯定，埋單$217⋯⋯仲要打包🙀媽媽超喜歡食酸辣湯麵，例牌菜不過而家加咗雲吞好似冇咁好食，但係抵食同飽清湯雲吞麵有4大隻，我除非超肚餓，平時真心食唔晒😪前菜另點2份小籠包子（每客2隻）套餐可以挑前菜1份：手拍青瓜，大愛佢真係好大方、好大碟套餐另有飲品，豆漿、酸梅湯、罐裝汽水另+$2（以前唔使加錢🥴）整體來講都係好食😋⋯⋯抵食！

睇完戲，見到廣告牌話票尾去夏麵館送一客小籠包，所以黎左，不過原來公眾假期係無㗎，但唔緊要，照食可也擔擔麵呢個擔擔麵最好嘅地方係唔會太淋，湯底唔會太杰，味道夠濃，對於重口味嘅我黎講，好正不過超大碗，我又叫左啲前菜小食，所以食唔晒醉雞作為一個冷盤，最怕係啲雞肉好實，呢個醉雞肉質好爽，唔會梅唔會實，好好味😋酒味好香，正👍蟹粉小籠包小籠包係其中一樣我最鍾意嘅上海野食，呢個肉汁好夠，皮亦夠薄，不過蟹粉味唔夠濃😅總括嚟講，味道係好，分量亦好夠，唯一係坐得有啲迫😅

很久沒吃上海菜，放工後便和同事光顧一下夏麵館，人流不錯，但等候時間短，很快便能入座。盛夏天氣令人食慾不振，而酸辣湯湯底裏的烏醋汁令人開胃解膩，簡直是開胃佳品。夏麵館的酸辣湯麵，湯底口感濃稠滑順，濃香醇厚。 麵條煙韌有嚼勁。配料有筍，冬菇，蛋花，豆腐，肉絲，木耳 ...... 而且酸辣兩味調和的剛好，個人喜愛辣的話，可以要求加辣。同事點了雲吞淮山麵（ 加五元），淮山麵清新爽口， 帶著淮山特有的味道，麵條分明， 非油炸的做法，清淡又健康，營養價值高。 雲吞 口感潤滑，鮮香爽脆，皮薄餡靚，無論味道、口感、形狀、色澤都不錯。兩碗麵都屬於大大碗的，所以就再沒有額外點小吃了，由於夏麵館會收取茶錢和加一服務費，整價格變相貴了一點了。

🐖🍜夏麵館炸得香脆又乾身嘅排骨擔擔麵，湯底具備四種味道；甜、麻、香、辣。湯濃惹味麻醬味香帶微辣，麵條係用幼身麵屬腍滑口感掛湯力一般。排骨炸得香脆帶微甜，肉嫩有汁，淨食同沾湯食都好好味😋