夏麵館 (樂富廣場A區)

營業中

休息中

我食晏時訓醒，肚餓出去醫肚，家住屯門寶田邨，附近冇乜特別好食嘅餐廳，就搭車出發去樂富廣場夏麵館享受它嘅特價下午茶。我去到D侍應服務好好，幫我加茶，個度環境新淨寬闊乾淨，坐得幾舒服，叫左嫩雞煨麵、凍豆漿加$20鲜肉小籠包，上餐好快，豆漿甜度👌，鮮肉小籠包👍👍😋😋夠新鮮熱騰騰多汁肉鮮，煨麵😋😋湯底係奶油雞湯，夠濃味道👌，本人喜歡濃味湯底。整體來說Very OK，埋單只是$68，唔食晏等食下午茶價錢都算抵👍👍😋

蟹粉小籠包 （$38兩粒）☹️得勁少蟹粉 同普通小籠包都差唔多擔擔麵都唔錯 可以花生味再濃d三鮮湯年糕👍🏿👍🏿👍🏿呢個幾好食 個湯幾鮮味 三鮮有蝦有雞絲高力豆沙球👍🏿個人覺得呢個最好食 整得夠淋夠鬆軟生煎包都算唔錯 個底有芝麻脆脆地 入面有肉汁 細細個整體黎講唔算有咩特別 不過團購有72折 都抵食嘅 但待應嘅態度唔好 放碗麵放抬勁大力 好似掉埋黎咁

這間食店我在門口行過無數次但都沒有光顧過🙈可能因為價錢比較貴所以沒有進過去今次第一次光顧環境唔錯，坐得都幾舒服 ●蟹粉小籠包小籠包，蟹味勁重我一啖都充滿着蟹嘅味道juicy又多湯汁😋 ●炸醬牛肉菜飯這個炸醬牛肉菜飯我超級推薦堅好食！炸醬同牛肉都炒得好香我都係第一次食到咁野味嘅炸醬配合埋菜飯一齊食👍🏼👍🏼 very good食完真係想再encore多一次😘 ●花雕醉雞花雕醉雞酒味勁重食多幾啖都會醉😆😆如果可以再加多少少調味應該更加好味😋不過鍾意酒味重啲嘅朋友不妨試試 ●夏伯伯酸梅湯最後飲埋個酸梅湯夏天呢款野飲非常合時消暑解渴，而且味道酸酸非常開胃👍🏼同埋呢個酸梅湯一啲澀味都冇！抵讚總結：呢間上海菜味道唔錯只係覺得有少少貴😆不過都值得一試再試😋

唔使排隊又有bb櫈，價錢合理，岩哂我湊住阿囡食飯😁菜肉餛飩面係叫比阿囡食，雞湯底，面質彈牙，菜肉餛飩有湯匙咁大隻，菜和肉比例剛好，阿囡食左大半碗老上海炒面：份量比較多，有筍絲、冬菇絲、白菜仔一齊炒，白菜仔鮮甜無炒過火，味道剛好不會太咸鮮肉小籠包：皮簿用筷子夾都唔穿，湯汁好多可裝滿整支湯匙，肉鮮嫩多汁食完鮮肉小籠包唔夠喉，叫多份蟹肉小籠包食🤤，每夥小籠包上都有蟹子，同樣皮簿要小心夾，肉餡加埋蟹肉，散發出陣陣蟹香味🦀

我相信只有父母會跟我慶祝農曆生日吧在家附近的夏麵館慶祝上次光顧已在2012年 新開張時那時只有很少菜式可選擇味道亦只有一般可言今次會選擇夏麵館,因為看到星期一至日晚上9點後會有85折優惠而且多了許多的選擇9時準時入座,復活節假期人流都不算多點菜後不到五分鐘酸辣湯便來了,速度很快雖是一早整好,但上菜時仍是熱騰騰材料亦很多,味道頗佳回鍋肉,肉片不少顏色雖然深色,但味道不太入味,較淡味只能說是暖暖的味道不太特別小籠包很多汁份量有點少年糕煙煙韌韌很有口感味道淡了點,有些許xo醬的味道,可能我之前吃過都是偏濃味吧價錢就算有85折,價錢仍然有點昂貴三人用餐 扣除折扣後共花費三百多元不過在於這個商場,收費也算一般啦

經常出入樂富商場，從未幫襯過呢間。近排，商場裝修改格，好多餐廳閉門裝修。唯有試下呢間。習慣性觀察其他人食乜。。。。以往必叫小籠包，鍋貼。。。見到格離枱叫左，但睇落皮厚冇汁。今次都係“以貌取人“安全d。選擇了菜肉雲吞擔擔麵，排骨擔擔麵同生煎包。不過不失，但生煎包就乾左d了。價錢唔係太貴。服務就普普通通。會唔會再光顧。。。？!

位於樂富好嘅食物餐館唔多唯有揀咗呢間尋日去食晚餐好耐好耐冇食講緊係半年至一年前去食帶埋屋企人諗住高高興興食餐好嘅點知叫咗個松子魚無了松子而且炸了很久一樣沒有了口感仲有叫咗個蟹子小籠包冇特別又叫咗上海粗炒又係冇乜味道最後甜品叫咗一個酒釀小丸子唔熱嘅總之成個過程都麻麻到咗尋晚又試吓去食睇吓有冇改善1️⃣叫咗一個酸辣湯幾好味嘅因為味道適中唔會太酸亦都唔會泰勒材料係多嘅2️⃣再叫咗一個炒年糕味道可以接受熱辣辣的3️⃣又叫咗一個獅子頭湯麵湯底冇味道嘅不過夠熱因為係砂煲上獅子頭味道麻麻不過夠林4️⃣最後叫咗一個炒鱔糊鱔糊無味之餘仲要又硬又有骨😑今次當然唔敢再叫甜品啦叫咗四樣嘢都係得一樣野係最好食😒就係酸辣湯⋯冇嘢好講🤐希望有待改善不過夏麵館荷里活廣場嗰間係好味好多真心希望有待改善因為我都幾鍾意食家鄉菜

11号晚來食，為在個小龐包黎 入到黎無乜客人，員工黑口黑面 都習慣，食左一陣野 成班員連經理因爲某件事大大聲講哂粗口！怪不得越黎越小人黎食，貴公司應該好好培訓一下員工既服務態度

有人話夏麵館好味，有人話一般，有咩方法好得過自己親身去試試？原本只係想試下碗麵，點知見到有蟹粉小籠包，於是叫咗一客，再叫生煎包，一客哆唻咪，哆唻咪即係蟹粉，蟹黃同蝦仁，用饅頭伴吃，麵就點咗酥炸雞扒麵。生煎包底部鋪滿芝麻，夠特別，蟹粉小籠包夠多汁，湯汁好熱辣口，哆唻咪蝦仁夠彈牙，可惜兩款都唔重蟹味，有點失望，酥炸雞扒麵個湯底清得黎偏咸，雞扒炸到過哂火，乾身無哂肉汁，再次失望，麵身煮得唔錯，軟硬適中無煮得太冧。下次想試下酥炸豬扒麵，希望件豬扒唔會令我失望。

是晚係樂富搵野食，諗左好耐都五知要食咩好。叮！就係眼前岀現左夏麵館啦。事隔幾年無黎過，份菜單又五同左，多左蟹粉類菜式，今晚就叫左蟹粉炒飯，炒四季豆，小籠包，炒羊肉。蟹粉炒飯真係一流，值得推介！炒四季豆都好好食，炒得乾身同入味。小籠包子蒸得岩岩好，好juicy 羊肉味道一般般，比較濃味同咸，配白飯一流，可惜是日叫左炒飯，所以成個味道都偏咸 整體上我都覺得。

有時人食到滯滯地，真係唔鬼想食其他野，所以清清地食個陽春麵吧，計埋加一都唔洗500蚊，抵丫加上近媽子家姐屋企，食完就上去，而家一人住，咩都要慳住食真係清到無朋友呀，2條菜，幾粒蔥同個陽春麵條，加清到睇到湯碗深處既湯，真的無野講，仲要加一但完全無服務可言，又要收茶位，不過個陽春麵味道幾好，口感又唔會腍或太硬，味道清得黎又唔會好淡，但又唔係好鹹，不過我覺得個湯就好似放左味精，事關令人好口渴，菜都好新鮮清清，綜觀味道一般般，我寧願食魚蛋河，加上服務無人理，唔知講咩好，嬲

我已經光顧左呢間食店幾次，雖然一直食物質素都有保障，但係服務質素卻嚴重不足。店員好少會照顧食客嘅需要，通常都行埋左一邊。就服務而言，今日覺得有明顯進步。店員會主動為我加茶水，下單後再加要求亦無黑面，而且埋單時有禮，會講多謝而就食物而言，今次叫左雞排擔擔麵、排骨擔擔麵、仲有菜肉餛飩麵。雞排擔擔麵嘅雞排皮有啲硬，但係接受到嘅。擔擔麵就係一貫水準，湯底唔會太辣而且夠濃，夠花生同辣味。排骨嘅肉好食，肉嘅比例夠多。飲品而言，凍豆漿唔會有冰，大杯抵飲之餘又夠細心而且唔會太甜又有豆香！

因為鍾意食上海野，間唔中都會黎食下野，尤其係酸辣湯麵，如果自己一個黎食唔到咁多野我都會點一碗酸辣湯麵。平時食開都無咩野，今日真係一肚氣⋯1）對筷子未用已經係污糟，未洗乾淨，我同個黑衫職員講要換一對，佢竟然將另一張枱果對交換就算數，無得頂！2）落左order 15分鐘碗麵未到，叫個黑衫職員追下，佢回答無禮貌，態度真係麻麻，自己職員落漏order無道歉個樣仲串串共。3）餐單寫明會收茶錢但係飲完杯茶好耐都冇人斟水，當時晚上9點幾，客人唔多，當時係有足夠職員有凸，佢地冇諗過留意客人枱面，只係一味執場，唔知係咪趕住一夠鐘收工就可以走人。4）個人建議呢間連鎖餐廳可以提供「餐巾」，如客人遺忘帶紙巾都唔使用手抺咀，做飲食貼心一d。其實夏麵館食物質素幾好，但服務態度真係有待改善，可能而家香港人怨氣高，希望公司可以多點培訓，搞返靚仔去。

叫左個:醉雞 x1蒜泥白肉 x1高力豆沙 x13碗唔同既擔擔麵醉雞都還可以，但花雕酒味已經蒸發了一大半， 理應個醉汁要有酒精微微揮發的感覺，好明顯醉汁處理方面有好大既進步空間…蒜泥白肉真的不知所謂，作為馳名川菜之一，竟然冇辣椒，冇花椒，冇蒜泥？ 完全 觸犯了商品說明條例(蒜泥白肉冇蒜泥？) 笑左… 隻碟只有粉皮，肥肉，同埋甜豉油…高力豆沙感覺幾得意，可以一試…擔擔麵湯底希過水… 應該要再濃D先meet到擔擔麵這名稱的requirement...

同d fd食左差唔多400蚊，無一樣野係值得讚...一黎d茶凍既，叫左個雞排擔擔面，除左花生醬唔夠多之外，都還算可以，我地又叫左個醉雞，完全無酒精味係咩玩法？最差係個蒜泥白肉，完全無蒜味，說好的蒜泥唔知去左邊，又無麻辣味，得甜豉油味，不如改命叫甜豉油白肉...講真譚仔仲整得好過佢幾十倍...經理服務態度又差，西口西面，真係無野好講