夏銘記

營業中

休息中

很好味的宵夜 小時候的情懷 很久沒有吃了，真的很懷念 很可惜我們到達時已售罄 芥蘭又很靚，魚皮也很脆 辣椒油很香 份量好足夠 下次經過可以試 店員話還有兩間分店在港島 加油努力！

夏銘記呢個名字非常熟悉，原來就係以前勝利道嗰一間老字號麵店，食客依舊絡繹不絕！👍🍜 蔥花牛筋腩片頭撈麵 牛筋腩燉到軟糯黏唇，膠質感滿分！片頭（魚片）意外彈牙，撈勻秘製醬油+蔥花，鹹香惹味～麵條掛汁力強，但記得趁快食，否則會略乾！ 🐟 鴛鴦魚蛋河粉 ▫️ 白魚蛋超光滑！咬開是細膩魚香，鯪魚魚蛋則帶顆粒感，鮮味更濃～▫️ 湯底清澈但超有深度！河粉薄到透光但夾起唔易斷，河粉吸湯一流～ 🍖 南乳豬手 用筷子尖輕輕一篤就骨肉分離，南乳香滲透每絲纖維！ 肥瘦比例完美，配飯或單吃都滿足～🐍 炸黃鱔魚皮 ▫️ 脆到像吃薯片！無腥味，鱔魚香淡淡回甘～▫️ 直接吃or浸湯3秒，兩種食法都絕配！

佐敦分店鋪面唔算大，但勝在乾淨企理，裝修都頗新，店員態度幾好，招呼都算快手，尤其係繁忙時段都keep到效率。繁忙時間人龍源源不絕，五一黃金周第一日去大概等15分鐘有得入。🥢手工炸魚片條呢度最出名嘅一定係炸魚片條，幾乎每枱客都會叫。新鮮炸起，外皮金黃香脆，咬落去魚肉好滑，仲有濃郁魚鮮味，而且炸得唔會油膩。聽到有食客話佢哋嘅魚片係用門鱔、九棍魚自家打製，所以魚味特別濃。建議就咁食，唔好浸湯，咁先食到最脆口嘅口感。🥢蔥花豬手撈麵** 豬手炆得夠淋，膠質豐富，撈埋竹昇麵同蔥花，汁底濃而不膩，味道唔錯。🥢紫菜魚四寶（魚蛋、魚片、墨丸、魚餃）魚蛋同魚片都係自家製，魚味自然，冇腥味。墨丸入面有少少芫茜，食落層次感幾好。魚餃皮帶韌勁，口感不錯，湯底清甜，加埋紫菜更鮮味。 🥢淨雲吞水餃雙拼雲吞皮薄，蝦肉爽口，水餃餡料夠足，有木耳同豬肉，都唔錯。

呢日嚟咗呢間有粉有麵嘅港式餐廳食個 early dinner 🤣$48「牛筋腩湯麵」加「紫菜（+$10）」：牛腩同埋牛筋夠軟熟兼好牛味，麵係幼麵有少少彈牙，整體好味🤣$64「蔥花豬手撈粗麵」：豬手有幾件件件都大大件件件都炆煮得好軟熟一咬落去就離晒骨又好豬味，粗麵比幼麵更加彈牙，撈麵分量仲好多🤣$62「鮮炸金黄魚片一條」：呢個可能係旗艦食物👍，見到幾乎枱枱都嗌同埋勁多外賣👍，咁又真係幾好食，魚片非常鬆軟又好魚味，外皮少少煙靭又脆脆哋，炸過之後好香口🤣$48「淨水餃🥟」：大大隻，裏邊有鮮蝦仁、豬肉 同埋 脆脆哋嘅木耳，好味道😋$20「新鮮油菜」：叫咗兩碟，一碟係芥蘭一碟係菜心，兩碟菜都夠新鮮，菜心幾爽脆，芥蘭仲爽脆😋$20「炸黃鱔魚皮」：卜卜脆幾好食🤣$8「大紅袍」：大大支凍冰冰👍

夏銘記麵家 (佐敦)佐敦白加士街5號地舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介：葱花鵝腸豉油王撈粗麵 $64，鮮炸魚片條 $62，蠔油芥蘭 $20葱花鵝腸豉油王撈粗麵：麵條彈牙有勁，鵝腸量多， 煙靭而美味，配上特製辣椒甜豉油和爽脆的葱花，加上魚湯一碗，水準一流。麵條的韌性與鵝腸的鮮美，加上葱花的清香，層次豐富，口感層次多樣，令人回味無窮！😄😄😄鮮炸魚片條：炸魚片條外皮金黃酥脆，內裡的魚肉卻保持著鮮嫩多汁的口感，入口即化。魚片的鮮甜與酥脆的外皮形成強烈對比，口感層次豐富，第二度實食唔番！👍👍👍蠔油芥蘭：新鮮爽脆的芥蘭，配上濃郁醇厚的蠔油， 蔬菜的清脆口感與蠔油的濃郁香氣完美融合！😍😍😍

經過佐敦白加士街見到這間夏銘記麵店，被門口廣告手工炸魚片吸引，我叫了一碗雲吞墨魚丸粗麵加手工炸魚片一條，魚片皮脆及彈牙，真的好好味，值得再次光臨下次一定要試炸魚片頭及炸黃鱔魚皮

在佐敦一帶有很多粉麵店，夏銘記是我其中一間喜歡的，時不時就會去食，從店面可見他對食物品質是有要求的。.每次來都會叫一整條炸魚片，他們的魚片魚蛋真的無可取代，軟得來又入味，即叫即炸即食真的十分好吃。.他們的水餃雲吞也絕對是有驚喜，很少粉麵舖會用大蝦，所以每一啖都是彈牙清新的蝦肉，我就十分欣賞他們對食材及製作的堅持，這種老字號在香港已經不多了。.當然撈牛腩麵也是絕配，牛腩煮得很腍，又留有口感，這個絕對是永不言敗的粉面組合。.值得一提，他們家的辣椒油真的好正，吃少少已經充滿辣味。

今天中午，我到位於佐敦的夏銘記麵家餐廳吃午餐。這間店在區內頗有名氣，經常有食客排隊等位。點餐時，我選了淨雲吞水餃，這湯頭清甜，雲吞的餡料鮮美，讓人一口接一口。接著，我還點了炸魚片頭，外脆內嫩，魚肉鮮甜，每一口都令人滿足。再加上芥蘭菜，清爽的口感令整頓飯更為均衡。飲品方面，我選了忌廉，口感滑順，真是絕配！這頓午餐不僅美味，還讓我感受到香港地道的飲食文化。每次來到這裡，都能品嚐到正宗的港式風味，真是讓人心滿意足。

夏銘記在油麻地是已經吃過，搬遷之後，在佐敦和西環開了分店，今晚路過佐敦，便來到這裏一嚐晚餐，試試味道是否改變。鮮炸魚片條切片一條$62，魚肉味道十足，外皮香脆，內裏肉質鮮嫩，口感不算太彈牙，如果喜歡吃鬆軟的魚片，這個必試。魚蛋魚片河$44，魚蛋和魚片都很彈牙，湯底帶點胡椒的香氣，河粉鮮嫩可口。淨墨魚丸$44，墨魚丸味道不算太濃，外皮有點脆，內裏的肉質軟腍可口。蔥花牛筋腩片頭撈麵$79 ，魚片頭外脆內裏彈牙，牛筋和牛腩炆煮得很軟腍腍入味，想不到這間以魚蛋為主打的食肆，牛腩和牛筋都一樣出色。油菜$20

今日同阿媽去完針灸，餓到咕咕聲，求其喺佐敦搵間粉麵店醫肚。點知有驚喜。首先個**鮮榨魚片條**真係冇得頂，魚片切得薄薄哋，入面雪白，咬落去又鮮又彈牙，阿媽食到唔停口！跟住個**蔥花牛筋腩片頭撈麵**仲正，牛筋腩煮到淋淋哋又入味，片頭爽口，撈埋啲蔥花同醬汁，食到lam lam脷～ 個**紫菜三寶湯**都好得意，魚蛋、魚餃、木丸浸住紫菜湯，鮮味十足，我連湯都飲晒！**淨雲吞**皮薄餡多，蝦肉同豬肉撈得啱啱好，阿媽話好耐冇食過咁好味嘅雲吞。最後叫碟菜心,淋啲蠔油又嫩又爽口。最窩心係啲姐姐服務好好，見我哋要食藥，仲主動斟多杯熱水俾我哋。呢啲街坊小店，價錢抵食又有heart，實會再嚟！

這間位於佐敦的【夏銘記】，主打潮州粉麵，其中魚蛋、魚片、墨丸等都是其招牌菜，另外還有牛筋腩、雲吞水餃及泡飯等，款式貴精不貴多。除此之外，還有多款生料可供外賣，最適合外賣返歸打邊爐。鮮炸黃金魚片原條炸魚片炸至金黃，片頭位帶點煙韌，魚片雪白新鮮，魚鮮味十足而且腍滑，是必點之一。紫菜魚三味淨食魚蛋、墨丸及魚皮餃三款各有特色，魚蛋腍滑，墨丸不是外面加了肥豬肉，完全是鮮打墨丸，所以原汁原味。炸醬雲吞撈麵雲吞是原隻蝦仁，新鮮爽彈，炸醬麵份量十足，竹昇麵爽口彈牙，加上炸醬汁酸辣開胃。牛筋腩米牛腩炆至肉質鬆化，牛筋軟腍，加上自家製的辣椒油更添風味。

食家話識食就唔好食彈牙嘅魚片魚蛋，添加比較多，唔知啱唔啱，來呢間食魚蛋和魚片係軟腍嘅，軟滑鮮甜多汁，入口能吃到魚肉的新鮮味道，沒有粉感，不用蘸任何調味，咸淡剛好! 湯底好清，不會濃味🌶️吃辣的朋友強烈建議魚丸蘸店家秘制辣椒油，或在湯麵中加入秘制辣椒油，美味口感瞬間提升環境算係比較細，得幾張枱，出邊都好多人排隊，所以都要食快少少服務態度都唔錯，可樂泡泡湧出來即刻同我清潔，並教我慢慢先放枝飲筒落去，👍👍

今日終於去咗朋友之前推薦嘅魚蛋粉店度食啦～紫菜四寶河🐟入邊有魚皮鮫、魚片、魚蛋、墨魚丸、紫菜。每樣都有2粒，好豐富！魚蛋好香、好濃魚味，肉質鬆化，好食😋墨魚丸河🦑好香墨魚味👍🏻同埋好特別，會加埋啲菜入去一齊打，湯頭好好飲😋食完一啲都唔會覺得頸渴👍🏻河粉爽口，唔會煮到過腍👍🏻原條炸魚片🐟推介！外面脆入面鬆化，魚味濃郁又鮮甜😋😋淨雲吞水餃🥟皮薄餡夠哂豐富👍🏻蝦肉又夠爽同彈牙😋😋辣椒油好好味！好香又夠哂辣！落少少就已經好夠👍🏻👍🏻作為一個愛辣嘅人真係必食！

嚮噹噹老字號全人手手打魚蛋(夏銘記麵家~佐敦)老字號抱著謙虛精益求精心態👍👍手打魚蛋出色，秘制辣椒油跨啦啦🏆🏆，店舖雖然細細地，但送餐速度快又妥當❣️鮮炸魚片條採用新鮮魚肉手打出來魚片條，外脆內嫩，金黄外皮香脆可口，魚肉鮮嫩juicy，魚味鮮甜yummy❣️葱花牛筋腩片頭撈麵葱花清香，牛筋腩軟嫩入味，肉質煙韌、嫩滑、香濃。麵條彈牙😋😋❣️紫菜魚四寶紫菜鮮香，增添湯底鮮香味，魚蛋帶鮮魚香味，魚餃皮薄餡多，大大碗紫菜魚四寶❣️雲吞水餃雲吞皮薄餡靚，鮮蝦豬肉鮮味。水餃皮柔軟，餡料豐富，肉汁四溢，配上自家秘製辣椒醬更添風味

今晚，我同朋友去佐敦的麵家食晚餐。一入店，就聞到嗰陣陣香氣，真係令人食指大動。我哋點咗雲吞水餃幼麵，嗰雲吞皮薄餡滿，一口咬落，鮮味十足。淨魚蛋一碗，魚蛋彈牙，汁水入味，實在係一流，好耐都無食過咁好味道的魚蛋。鮮炸魚片條切片，外脆內嫩，搭配新鮮油菜芥蘭，清新解膩。炸黃鱔魚皮，香脆可口，越食越有味。最後嘅蔥花鵝腸豉油王撈粗麵，麵條有嚼勁，鵝腸鮮嫩，豉油王嘅醬汁將整碗麵提升到另一個層次，實在係太滿足喇！