夏記粉麵

營業中

休息中

唔講唔知雞地開左間新麵店，是晚行過見到先知，新店叫夏記粉麵。除左麵食，仲有小食同飯食。有十幾二十款麵食，諗左好耐先落單，哈哈，選擇困難呀😂⭐腩肉米線先來碗腩肉米線，好大碗，勁多腩肉同冬菇，炆得好入味，勁好食喎。米線爽口彈牙，湯頭微辣幾惹味，正！⭐新鮮豬雜米線另外叫左豬雜米線，湯底本身唔辣，入口係濃濃的豬骨味。仲附上一碟蒜蓉辣椒，鹹鹹辣辣好正。豬雜有豬心、豬腰、豬潤、豬肉，爽口鮮味。好好味，湯都飲晒唔好晒🤤⭐蒜香雞翼併滷蛋飯仲叫左碗飯試試，有三隻雞翼同一隻滷蛋，雞翼煎得香口，入口重蒜香味。滷蛋滷得入味，滷水汁香口。⭐涼拌豬耳又叫左份小食豬耳，意外地大碟喎。有紅蘿蔔絲、青瓜絲等同拌，入口清爽有口感，好味😋⭐凍檸茶 & ⭐可樂食辣野就梗係要飲凍飲，呢間個凍檸茶茶底好特別，味道有啲涼茶feel，又幾得意喎😆好味好味，食飽飽好滿足。

招牌小窩米線絕對是必點首選，乳白豬骨湯底濃而不膩，襯托出湖南直送的酸辣醬料格外醒胃。特別加配的海帶結吸飽湯汁脆爽彈牙，滷肥腸軟糯帶嚼勁毫無腥臊，炙燒豬頸肉焦香邊緣更是神來之筆！原本附贈的腐皮吸湯後半融狀態最銷魂，配上青瓜絲與金針菇，多重口感在舌尖開起派對。別錯過琳瑯滿目的涼拌小菜——涼拌豬肚灑滿蒜末辣椒油，麻香透著微微醋酸；青瓜木耳拌得清脆利落，作為解辣神器再適合不過。凍奶茶少甜配方深得我心，茶澀與奶香比例完美，用厚身玻璃杯盛裝更顯懷舊風情。最驚喜是價錢貼地！下午茶時段加$8即享小食飲品，學生出示證件還有額外折扣。牆上手寫菜單飄著墨香，老闆娘熱情招呼著熟客，這種街坊溫度在元朗實屬難得。嗜辣者記得挑戰隱藏版魔鬼辣油，保證辣到靈魂出竅

米線係唔少人嘅comfort food，至於米線嘅重點不在於米線同食材，其實更重要係個湯底！米線嘅湯底離不開麻辣、清湯、酸辣湯等，各家餐廳嘅湯底都會因份量調味不同，而創造出自家嘅口味。而位於元朗嘅夏記粉麵，就以湖南風作主打，辛辣味道豐富，手撕雞手撕雞份量唔少，除左雞肉之外，仲有邪惡嘅雞皮，令手撕雞更香更嫩！調味除咗香濃嘅麻醬，仲有少少辣調味，食嘅時候充滿層次。涼拌皮蛋湖南風嘅涼拌皮蛋都雖然無咗麻辣嘅麻痹感，但仍帶有辛辣味，加上皮蛋Q彈，而蛋黃香綿。新鮮豬雜米線豬雜有齊豬肝、豬腰、豬心、瘦肉同豬肉條，全部都非常新鮮，而且內臟清潔乾淨，食得放心。豬肝口感柔嫩，味道濃酥；豬腰外層爽脆而內層鬆軟嘅口感；豬心肉質軟腍，同樣出色。特登揀咗少見嘅湖南粉，外表有少少似扁烏冬，口感爽口又吸湯，值得推介。麻辣牛肚湖南粉走湖南風嘅麻辣湯，辣味相對強烈，但好彩可以自己揀辣度。揀咗牛肚同肥腸作為配菜，兩款嘅口感同樣爽彈，但就非常吸汁，所以越食越辣，相當滋味。

元朗雞地一向多野食，今次黎試下正宗湖南米線🍜每碗都是即叫即煮湖南的酸辣粉面層滿佈紅油湯，看似很辣，但其實是油香撲鼻，中間有肉碎、花生米、酸豆角，紅薯粉軟硬適中，口感Q彈，另外加咗雞腎，爽口有嚼口，而且份量都幾多三鮮粉可以選擇豬骨或者蕃茄湯底，本身配搭咗豬潤、瘦肉、火腿、豆芽、蕃茄、青瓜🥒同本身點既酸辣粉截然不同，如果唔食得辣可以試吓呢個，湯底偏向比較清，豬潤很嫩而且吾腥，米線亦幾彈牙熗拌土豆絲口感爽口，而且帶麻酸辣，夏天吃很是開胃秘製豬頸肉顏色金黄酥脆，偏向比較薄身但入口爽口彈牙，口感依然香口同有肉汁

香辣牛腩湖南粉🌶️，牛腩炆到超級腍身，咬落去軟綿綿又充滿膠質，滲透住濃郁嘅香辣醬汁，每一啖都係對舌尖嘅挑戰！湖南米粉吸飽晒湯汁，嗦粉嗰陣，辣到我不停吐脷，但又根本停唔到口！新鮮豬什米粉簡直係豬雜愛好者嘅天堂！豬腰、豬心、豬瘦肉、豬肉條片樣樣齊，新鮮程度爆棚💥！豬腰脆卜卜，豬心有嚼勁，瘦肉嫩滑，每啖湯都鮮到眉毛飛走！配埋幼滑米粉，真係下次encore！涼拌土豆絲清爽解膩一流🥔，酸辣味調得剛剛好，土豆絲爽脆到咬落有「咯咯」聲，成碟畀我一個人清晒！黑白臭豆腐 簡直係「臭到入魂，香到入骨」🤯！黑色嗰款外皮炸到超級酥脆，咬開裡面軟綿綿，配上特製醬汁同酸菜，香氣四溢；白色臭豆腐則外脆內嫩，口感更豐富完全唔怕臭！最後飲番杯 凍檸樂❄️，清涼解辣一流，食完好滿足！

行過新開嘅雲南米線店，試咗幾款招牌菜，有啲真係幾有誠意。——————🐽 麻辣涼拌青瓜青瓜好夠凍身，咬落爽脆得嚟仲keep住青瓜清甜，麻辣汁唔會死鹹，花椒香慢慢滲出，辣度溫和啱晒我呢啲唔食得辣嘅人🐽 麻辣涼拌蓮藕片蓮藕片薄薄醃得入味之餘，仲保留到本身嘅爽脆口感，師傅落咗少少孜然粉吊味，椒麻香同蓮藕嘅土澀味意外地夾🐽 豬軟骨羅白金湯米線湯底飲得出用豬骨同雞腳熬，濃得嚟唔漿口，麻辣味溫和唔嗆喉。豬軟骨燜得夠淋，軟骨位半透明有膠質，配埋索湯嘅蘿蔔同芽菜夠晒夾🐽 爽口涼麵豬耳切得透薄脆身，牛百葉汆水時間啱啱好彈牙，手撕雞肉唔鞋口，撈埋自家製麻辣醬同青瓜絲，麻香醒胃得嚟唔油膩，麵質彈牙有咬口，夏天食真係透心涼

今日是復活節假期的最後一天，我來到元朗，剛好經過一家新開伪小店，店內客人絡繹不絕，我決定外賣一試它的龍舆鳳。回到家後，食物依然熱騰騰的。份量方面，我認為對我一個人來說已經足夠。味道方面，我覺得食材新鮮，豬雜的口感也不會讓人感到腥味。雖然我不是食家，但我喜歡親自嘗試，這只是我個人的感受。如果問我下次會否再光顧，我想我會考慮。因為這個天氣適合吃這種食物，而味道也相當不錯。若我再次經過這裡且想吃，我會再次光顧，希望他們能保持這樣的味道和質量。

🔹🔹🔹🔹🔹🔹🔹🔹🔹🔹🔹🔹🔹🔹🔹我哋叫咗酸辣粉同湖南鹵粉，酸辣粉入邊有好多配料，酸辣湯好開胃，個紅薯粉都好彈牙，另外加咗牛展，蘿蔔同滷水蛋，牛展都好腍好入味，唔會韌👍🏻個鹵粉類似係有啲肉燥撈米線咁樣，幾特別，另外加咗燒肉係店家自家制既，個味道好香口又夠脆😋另外仲叫咗兩個小食，秘製豬頸肉同特色皮蛋，豬頸肉炸到好脆好香口，皮蛋香蒜加辣辣地，幾好味😆🔹🔹🔹🔹🔹🔹🔹🔹🔹🔹🔹🔹🔹🔹🔹

今晚下班後，我漫無目的地回家覓食。住在元朗的我，眾所周知這裡美食眾多，作為本地居民，自然對這些美食了如指掌。經過雞地時，發現曾經的「麵之神」已經倒閉，取而代之的是一家新開的「夏記粉麵」。於是，我勇敢地嘗試這家新店。我詢問店員，店內的招牌是豬雜湯粉，於是決定試試。抱著迎接新事物的心態，我並沒有抱太高的期待。然而，品嚐後發現味道出乎意料地好，豬雜並沒有腥味，湯底鮮美，顯然食材也很新鮮。這是我第一次光顧，也是自費消費。新開張的店鋪，如果能保持水準，我會繼續光顧；如果不好吃，試過一次就不會再來。我支持本土消費，希望能找到更多好吃的食物，並願意推薦給其他人。

今日嚟呢邊還返件畢業袍，意外發現咗一間超級好食嘅肥腸米線！係一間非常乾淨嘅小店，問老闆有咩推介，老闆話今日有啱啱做好的肥腸，肥腸十級愛好者我當然好開心🥳！肥腸米線🍜 光係睇相已經流口水🤤嘅程度，真係太好食啦！48蚊就有超多肥腸，肥腸又入味，處理得又乾淨～下一位客人一入門就問「今日有冇肥腸？」哈哈哈哈，果然點啱咗！秘製豬頸肉🐷 無話可講，太嫩啦！係我喺香港食過最嫩嘅豬頸肉啊啊，秘製辣醬都好好味！怪不得老闆話肥腸面同豬頸肉每日都唔夠賣，幸好我嚟得早😋跟餐凍飲先五蚊！絕對會再嚟！

今日入元朗搵朋友食飯，喺元朗地發現呢一間隱世小店，飯市已經見到坐哂好多街坊同學生一定係寶藏小店秘製豬頸肉米線豬頸肉份量好多，呢個價錢嚟講非常抵食，肉碎非常惹味應該係用咗自家製醬汁去炒過，熱辣辣一碗米線最溫暖人心爽口涼麵試吓佢哋嘅人氣招牌涼面，芫荽青瓜炸黃豆粒一碗有齊晒，我呢碗係小辣，麻辣中带着微甜的重庆凉面，棉質口感彈牙好清爽另外叫咗幾款小食！涼拌豬耳爽口彈牙 ，鹹香酸辣夾雜住，好快就食晒成碟啦酸辣土豆絲佢嘅辣係慢慢喺口入邊滲出嚟非常刺激食辣嘅朋友絕對唔可以錯過滷拌牛柏葉鹵水香濃之餘又唔會蓋過食材本身嘅鮮味。鹵水滲入牛柏葉嘅每條紋路，鹹香回甘，中間仲帶少少八角同陳皮嘅清香，越嚼越有韻味見到好多附近中學生都有幫襯佢哋嘅豬雜湯粉，佢哋講出嚟嘅時候都聞到好香好鮮😳下次再約朋友時候一定要試吓夏記粉麵元朗鳳攸南街3號好順景大廈地下20號舖

呢幾年嚟香港多咗好多酸辣、麻辣、大辣嘅粉麵店，元朗雞地都有一個，佢地主打係豬雜麵，價錢相宜，即管一試：🥢 招牌豬雜米線配祕製辣醬 - 呢碗我敢肯定係必叫之物，佢湯底已很香，最吊味是佢嘅辣醬，同碗麵好夾，忍唔住叫老闆俾多碟辣醬，豬什夠香、豬膶都多，好好食😋🥢 紅燒牛展麵 - 本來要紅燒牛肉，但老闆話牛腩同豬腸都無（好sad），所以叫左牛展，我覺得呢碗麵相對普通，牛展我本來唔喜吃，因對cool牙妹嚟講好難咬😵 不過油麵好食🥢 小辣手撕雞 - 花生加青瓜絲夾雞肉好香，同埋雞肉夠嫩。成餐飯用左$146 蚊連飲兩杯凍檸檬茶，其實好抵，同埋老闆娘好人送左兩碟酸蘿蔔俾我哋。計CP值呢間很抵的。