夏記粉麵

營業中

休息中

米線係唔少人嘅comfort food，至於米線嘅重點不在於米線同食材，其實更重要係個湯底！米線嘅湯底離不開麻辣、清湯、酸辣湯等，各家餐廳嘅湯底都會因份量調味不同，而創造出自家嘅口味。而位於元朗嘅夏記粉麵，就以湖南風作主打，辛辣味道豐富，手撕雞手撕雞份量唔少，除左雞肉之外，仲有邪惡嘅雞皮，令手撕雞更香更嫩！調味除咗香濃嘅麻醬，仲有少少辣調味，食嘅時候充滿層次。涼拌皮蛋湖南風嘅涼拌皮蛋都雖然無咗麻辣嘅麻痹感，但仍帶有辛辣味，加上皮蛋Q彈，而蛋黃香綿。新鮮豬雜米線豬雜有齊豬肝、豬腰、豬心、瘦肉同豬肉條，全部都非常新鮮，而且內臟清潔乾淨，食得放心。豬肝口感柔嫩，味道濃酥；豬腰外層爽脆而內層鬆軟嘅口感；豬心肉質軟腍，同樣出色。特登揀咗少見嘅湖南粉，外表有少少似扁烏冬，口感爽口又吸湯，值得推介。麻辣牛肚湖南粉走湖南風嘅麻辣湯，辣味相對強烈，但好彩可以自己揀辣度。揀咗牛肚同肥腸作為配菜，兩款嘅口感同樣爽彈，但就非常吸汁，所以越食越辣，相當滋味。