士林台灣麵

營業中

休息中

紅燒牛肉麵($58)+蜂蜜紅茶($14)有三件相同部位既牛肉，口感夠哂腍，食落口散發啖啖牛肉味，好食。湯底有牛肉味，帶有少少微辣，幾惹味。麵質煙un，同平時食既台灣麵麵質有d唔同，友人都幾鐘意尼隻麵質，但我就麻麻。蜂蜜紅茶就正常，偏甜。(個人口味: 4/5)香酥雞扒飯($50)雞扒大塊，但炸得唔夠惹味(可能同調味粉有關?)，就算灑埋胡椒粉都分別唔大。飯既份量多，但肉燥偏瘦，油份較少，撈埋飯食都唔夠惹味(但可能相對其他肉燥會健康d?)。整體而言，份量足夠，但味道一般，唔太適合重口味既我。(個人口味: 3/5)

家人想去大棠睇紅葉，冇法啦，明知假期人山人海都要入去。行之前梗係要食飽個肚，於是去左呢間士林台灣麵。呢間喺元朗都幾出名，因為早，所以唔使等位，不過一過12點已經滿座。特登叫左唔同款，紅燒牛肉麵係招牌，三大片牛肉忟得好淋, 牛筋都都鬆化湯底都好濃，不過偏鹹排骨麵都係要試下，豬扒厚身好大塊，不過食落冇乜豬味，好似鬆肉粉落得多左，醃到冇哂肉嘅纖維質感麵質彈牙，份量多，個酸辣湯底唔係好掂，好冇層次，除非你一定要食酸辣，否則都係乖乖地叫牛肉麵或加3蚊轉湯底茄子肉燥飯，兩大條茄子份量足，咪睇佢好似好油，其實因為切得大舊，入面都好fresh好juicy椒鹽魷魚鬚，香口野冇話唔好食嘅，一般啦。埋單2百零蚊，唔算平，除左牛肉麵，其他食物一般水準，食牛先好來。

士林係一間非常有名氣嘅平民餐廳呢度最出名就係台灣面，啲面真係非常有彈性，同埋好爽滑。黎到一定要試吓佢啲面，另外好多人食嘅就係酸辣米線，鍾意食酸辣米線嘅朋友都可以一試。另外，我都好鍾意佢嘅肉燥飯，齋食肉燥已經可以食晒啲飯啦今次我食咗牛肉麵同埋雞扒干拌麵。呢度嘅雞扒香脆得來仲好Juicy, 同平時係街邊食嘅普通椒鹽雞扒完全唔一樣。牛肉麵嘅牛肉呢，都算入口即溶，非常之有牛味，食一啖都已經好滿足仲有你可以試吓佢嗰啲台式飲品，冇得跟餐，但係味道都可以。呢杯係香芋奶茶少甜，香芋味啱啱好，食完啲重口味嘅嘢最啱解膩。

今日同老婆仔想食麵，係元朗行到呢度附近，睇到呢間評價好似ok就黎試下，叫左一份酸辣排骨麵、一份酸辣雞米線。但上到黎d麵完全無味，d肉都係好怪，然後自己加左d辣椒油落麵度，都係好奇怪。最後因為唔想浪費所以隔硬儘量食曬，真係無下次。唔知係落單個姊姊問題定師傅問題，點會煮到個麵可以完全無味好似滾水滾幾下咁，肉既份量係多但係真係食唔落，多粉，無味。係台灣野黎講算係我食過最失望的一間，希望會改善啦不過我就唔會想再黎

📸#tagnshare元朗篇- 《樣子不美但正呢》嚟到元朗勁多人排隊既台式小店😍 其實我覺得唔怕熱氣既話，佢既酥炸野堅正! 雞扒入面堅有肉汁💦男人最愛既碟頭飯，哈哈女人呢... 食返啲膠質野😚酸辣豬手麵都唔錯，都唔係太辣，麵夠彈牙🤭我覺得抵食阿! 肉燥雞扒飯$49，男人都夠飽👍🏻個酸辣豬手麵就$51，豬手份量都唔少咖😋 性價比🆙🆙#炸野真係要分享先好食#生飛滋唔好話我阿🙋🏻‍♀️高妹小編- 👇🏻地址👇🏻.士林台灣麵 (元朗)元朗西菁街9號富盛大廈地下

假日到元朗遊玩，經住元朗的友人介紹去試試這間士林台灣麵。這裡最有名氣的便是紅燒牛肉麵。問過店員有清湯可以選擇，但紅燒的也不會很辣，所以我決定試試紅燒的版本。除了紅燒牛肉麵，店內也有很多其他款式的台灣麵。等了一下子店員就送麵來了。有三大件牛腩條，幾棵小棠菜。試了一口湯，湯底很深色，味道很濃厚，但我覺得其實沒有辣味。牛腩條煮得肉質很軟稔，入口即溶。另外不得不讚的是它的麵質，是很彈牙很有咬口的台灣粗麵。另外加錢可以配珍珠奶茶或者其他台式飲品。

一直也有聽聞這家店，惟一直沒有機會試。這天剛好相約朋友在元朗見面，作為元朗「地膽」的他建議吃這家店。///1⃣ 香酥雞扒干拌麵 $49👍 麵質很彈牙！與醬汁一起吃很美味，如果醬汁可多一點點就更完美😃！🥰 不得不讚它的炸雞扒，外皮非常酥脆，肉質嫩滑。大家記住要「襯熱食」，否則變涼了質感和味道也大打折扣。///2⃣ 香酥排骨麵 $49✔湯底很清甜。👎🏼排骨很乾，乾到世界盡頭😫。與雞扒形成強烈對比。///3⃣ 肉燥茄子🍆$43🤤 一個字「正‼️」。亮點是它的肉燥，軟滑味濃💯。雖然茄子🍆偏油，但它的油絕對提升了它的口感。///😲 由於我坐的位置正正在冷氣機風口下，冷風不斷吹著我的食物，令食物快速變冷，影響食物的味道。🥺

其實呢間啦餐廳，喺元朗已經出名左一段時間。今次午餐我叫咗個紅燒牛肉麵嚟食，配埋招牌珍珠奶茶。紅燒牛肉麵的確好出色，牛肉味配埋個湯，果然同我喺台灣食嘅差唔多。 啲珍珠仲好有咬口，行過嘅朋友可以試吓，唔該唔會令到你哋失望

士林台灣麵，應該係元朗區內最有名氣嘅台灣食肆，我由中學食咗十幾年，價錢越嚟越貴，而且質素越嚟越差。今次嗌咗個香酥雞扒飯，先講菜，啲油多到食落口時食到成個嘴唇都係油，雞扒唔夠熱，皮多過肉，係勝在啲皮仲夠脆，飯方面都係普通肉澡飯，唔會好鹹，又唔甜。環境方面，雖然曾經裝修過，但依然係咁迫咁窄

在網上看到很多人推介的台灣牛肉麵店，所以最後決定和家人一起試一試，果然有驚喜，果然是名不虛傳的一碗牛肉麵。先說牛肉，牛肉的質地十分軟淋，而且很入味，真的很正，令人一食難忘。而且牛肉麵的湯底不是死鹹的那種，牛肉麵的質地也十分彈牙。而且珍珠奶茶的份量也大大杯，令人十分滿足。會在推介朋友到餐廳進食而且食物上菜的速度也很迅速，整體來說是香港少有的美味牛肉麵，會再光顧的👍🏻👍🏻👍🏻👍🏻👍🏻

呢間係元朗既士林台灣麵好出名 第一次食係兩年前 估唔到兩年後食返 味道依然好食夜晚8點去到 門口都開左好多枱 成間舖都坐滿哂人 等左大約15分鐘就有位 叫左碗紅燒牛肉麵同埋芋香珍珠奶茶 牛肉麵湯底好濃味 但又唔會有一層油係上面 食完都唔會好口渴 呢方面我十分欣賞！除此之外 牛肉都好淋身好入味 麵質粗幼硬度都岩岩好 食到最後都忍唔住飲左幾啖湯試真啲個味haha 但係杯芋香珍珠奶茶就一般喇 珍珠有啲太硬 茶底都太甜 同埋好重奶粉味 不過碗麵搭救啦😉👍🏻

去元朗做嘢，經過見到呢間台灣嘢出面好多人等緊，check下先知原來佢都好出名!所以都要會一會佢食個lunch~等咗一陣終於入得，朋友食咗最出名嘅紅燒牛肉麵，真係好正!湯底濃郁，牛肉大大件，煮到軟腍腍超入味，但唔會爛晒，仍然可以完整地夾起~真係好食!我就食咗排骨乾拌麵~排骨外皮炸得酥脆，咬落去又仍然有肉汁，都好juicy! 不過拌麵醬我自己就覺得鹹咗少少啦另外我哋仲share咗肉燥茄子，店員姐姐未拎到都已經聞到陣香味~應該係即整，所以超熱辣! 份量絕對唔少少，而茄子都好軟熟，配上肉燥真係一絕!!👍 唯一美中不足係碟茄子比較油，食完成口都係油，真係好罪惡!!!整體真係算不錯，出街做嘢都食到個正lunch～下次再嚟我要食紅燒牛肉麵!

呢一間台灣牛肉麵已經開咗好多年，幾年黎食仲係大排人龍，當時一食已經覺得佢好好味，湯底濃郁，牛肉易煮得好淋，而且非常大方牛肉嘅份量係好多嘅。麵條亦都好彈牙。但係上個月再去食多一次湯底已經冇以前咁好飲，淡左好多，牛肉有保持水準但係麵條都已經冇以前咁彈牙。但價錢來講佢唔算貴，仲算平添！

吃過很多大店小店的台式牛肉麵，最喜歡仍是「士林」的紅燒牛肉麵每當想起或工作辛苦時，都會去吃，作為獎勵自己或义义🔋真的是小店，坐位不多，只有三張2人枱，其餘是4人枱，繁忙時段和假日許多時座無虛席，當然也需取票排隊呢光顧了這麼多年，當然知道什麼時段不需排隊，什麼時段很少人⋯，有次試過整間店30分鐘內只有我們這枱，像包塲一樣，舒服自在，正😁紅燒牛肉麵😋😋😋，湯底是微辣濃郁的，內有三大件巴西牛𦟌，今次真好彩，三件都有筋肉的(有時只有一件或兩件是筋肉)，又弄得淋，很合我的口味👍🏼蜂蜜綠茶😋😋😋，是我必叫的。一碗牛肉麵，一杯蜂蜜綠茶，大滿足😄！還有，鹽酥魷魚鬚😋😋😋，炸得香口乾身👍🏼，但要快吃「士林」的炸功是挺好的，還有香酥雞翼、雞扒都是我喜愛的

第一次寫食評，寫得唔好請唔好見怪 今晚全餐飯感覺都幾良好，全部嘢都好滿意，唔怪得全場爆滿！紅燒牛肉麵湯底唔油，好濃味；牛肉半筋半肉炆得好淋；麵質煙韌，超級正！推介！！香酥排骨飯排骨炸得好香脆，冇油膩感；配上肉燥&椰菜，幾好食！珍珠奶茶 (少甜少珍珠)奶茶香甜，珍珠夠煙韌，好飲！