士林台灣麵

營業中

休息中

If you a fan of Taiwanese style beef noodle, this is the place for you.This restaurant offers delicious Taiwanese style beef noodles with rich flavour beef broth, they said they cooked their broth with meat and bones for 16 hours. The broth has intense flavour and yet it is not greasy at all. The bowl of chewy noodles comes with three pieces of tender beef tenderloin with two piece of sui tong choi. From my opinion, it taste even better than the beef noodles in Taiwan and is definitely one of t

琴日，放工同啲同事喺元朗食晚飯。成個元朗周圍都好多人，所以我哋想揀一啲餐廳係食得快少少嘅，咁樣等位就會快啲。於是，我哋去咗千色後邊嘅台灣麵。我叫咗碗牛肉麵，牛肉湯底好濃味😍十足十台灣嘅味道一樣。而佢既牛肉，亦都好有口感！亦都唔會太過硬😍😆😆

元朗既台灣野黎講，我比較常去既係千色店附近既台灣麵。我每次都會叫佢既香酥雞扒麵！佢塊雞扒勁大塊，炸完之後既d肉汁仍然有好多，而且勁香口！個麵我就覺得正常發揮，但係配埋雞扒一齊食，成件事好似身處台灣一樣😍😍不過店內既位置唔算多，所以排隊都要少少時間！

近排興起想食台灣牛肉麵，咁岩果日入開元朗就搵到呢間咁多好評既台式店。行行走走都搵左一陣，事關唔太熟元朗啲路。門外有幾張大台，當日天氣都少少清涼，所以夜晚6點左右已經有人坐係外面啲台，而我就揀返坐店內。店內約有十張台，裝潢就同一般茶餐廳、車仔麵果類店相似，坐落唔係話好舒適。墊台紙就係menu，簡單易明。叫左個牛肉麵同雞扒飯，小食叫左個魷魚鬚。紅燒牛肉麵呢個最出名，台台都有叫。聞落個湯底好香濃，飲落一樣好入味同香，牛有成三大舊，全部都十分林身入味牛肉麵面質好煙un，好掛湯，份量剛剛好，而且整碗都好夠熱。果然係招牌菜香酥雞扒飯呢個飯雞扒唔算多，但都算新鮮炸起，雞都滑既，而且外皮都幾香。啲飯就附送肉燥，肉燥幾林幾入味，送飯食唔錯。香酥魷魚鬚呢個正呀，即叫即炸，都等左一陣間。食入口超熱辣辣，而且外皮炸得好酥脆，魷魚口感好新鮮，外面爽脆，中間又帶點林。大推呢杯珍珠奶茶就中規中矩啦，不過食住野再飲兩啖都係正既！

我認識係元朗到食台灣菜唔多但我次次去到都會坐滿人 坐到出門口呀 咁好食就緊係坐到出門口啦香酥排骨麵 🍖 $50雖然係寫清湯底但有超濃厚雞湯味 十分開胃又好飲唔膩 仲可以飲哂成碗湯都得呀麵身方面就本身帶有少少硬不過係可以接受到嘅硬度重點主角-酥炸排骨望圖都見肉身係相當厚 一啲都唔孤寒咬落唔鬆唔韌 肉味濃郁如果覺得唔夠味 或者可以係隔離嘅調調味不錯之選香酥雞扒干拌麵 🍜 $50雖然香酥雞扒嘅外觀同排骨好似但肉身就有些少唔同喇比較嫩滑些少同水分係肉身令人一食再食 好快就食哂咁大塊嘅雞扒喇干拌麵麵底同湯麵一樣唔同就係多咗青瓜絲同肉燥撈埋一齊相當夾 係平淡嘅麵上加一份色彩 多一層味道感觀肉燥嘅咸味，青瓜帶甜 好好食 鹽酥魷魚酥 🐙 $54味道適中 份量剛好夠兩人食而且條條都唔係細架喎炸粉唔係好多 最怕食鹽酥魷魚酥會粉多過肉呀因為元朗都好多餐廳選擇如果係元朗搵唔到食咩好嘅話我都建議去士林台灣麵食因為都會食得又驚喜又滿足

成日經過，都見好多人，今次經過入去試吓！夜晚真係幾多人，連門口都擺曬枱，坐晒人！入咗入面坐，要搭枱！紅燒牛肉麵: 肉畀得好多，有腩位，又有筋果d，口感較鞋身！麵方面煙煙韌韌，幾好食，但湯底較淡味，唔夠濃，食落唔係太‘台灣’！排骨麵：排骨好食又少骨，好食！麻辣金錢肚：見隔離嗌，都叫黎試試，點知完全唔係想像中咁嘅味🤣！用咗甜醬，令到成碟嘢唔同曬，辣味係夠嘅，幾創新嘅配搭！總括黎講，期望過高，試過覺得有小小言過其實！係好食嘅，但應該未至於要排到咁！

搬咗嚟元朗都有半年~仲有好多小店都未試過朋友介紹呢間士林台灣麵係一間不錯的良心小店，一於趁放假試一試佢😊香酥雞扒同個麵係分開上的大過隻手sizes嘅雞扒，炸得香口而不油膩，仲要食咗一陣都無變腍😘酸辣香酥雞扒麵@配上濃湯台灣麵， 麵質QQ彈牙，又有口感讚！今日星期日假期人來人往，但店員姐姐仍然有待客之道，很有服務態度，落單用心，細心聆聽食客要求，唔會急急腳落完單就算欣賞！今時今日姐姐既服務態度真係抵讚啊！

在未轉入這公司工作前, 去台灣是抱著一種旅遊的心態, 不如現在般每個月也要去工作, 自然也會對台灣的一切, 特別是牛肉麵和台妹(!?)更為憧憬, 要是想念台灣的牛肉麵, 就會在這裡吃碗紅燒牛肉麵解一解思念之情.說是牛肉麵, 其實是半𦟌半筋吧! 牛𦟌腍而帶脂肪, 所以除了Q彈外, 也有軟化了的口感, 牛味夠, 配上微辣而帶牛香的湯汁, 對那時想念台灣的我已是一種好好的慰籍. 麵身在浸上湯汁後依然保持堅挺, 但如果用上寬身麵就更好, 如此惹味的湯以掛湯力更強的寬身麵, 相信會更吸引.我不會說要在這裡要找回100%的台灣味, 單單是牛肉的來源已經不能吧! 你要在香港找一間用台灣黃牛製作的牛肉麵, 相信已是接近不可能的了. 另外台灣牛肉麵店就是牛肉麵, 牛肉湯麵和鹵味, 買這三大項已而. 在香港就要買其他台式食品和飲品, 例如是炸雞排和珍珠奶茶, 不夠多元就不能生存, 這樣又怎可有100%的台灣味呢?

—有朋自遠方來 突然叫我介紹元朗有咩係必食嘅霎時間醒唔起 淨係諗到掃街小食之類幾經辛苦先諗起士林lol鋪頭細細 座位唔多所以露天都有位 仲可以畀人帶狗仔或者食煙香酥雞扒麵($50)除咗湯麵仲有乾伴麵揀自動分開上餸 厚厚嘅雞扒 薄薄嘅脆皮 唔太鹹 有椰菜墊底碗麵好多蔥花👍 麵底都唔錯略嫌個碗經過長年累月被侵蝕咗 有d漬——————————————————士林台灣麵 Shilin Taiwan Shop元朗西菁街9號富盛大廈地下

經朋友介紹嚟左士林牛肉麵，決定今次試下佢個「紅燒牛肉麵」，果然無令人失望👍🏽一碗有三舊牛腩條，幾條小棠菜，都幾足料😛😛😛 面條都好彈牙好爽口，好鐘意👍🏽加$12就可以有台式飲品，所以加左杯珍珠奶茶（凍飲再加$2）都好好飲啊👍🏽 珍珠有咬口，奶茶又夠香～值得一飲！會再encore🤩🤩🤩

假日晚上約左個朋友黎撐台腳 本來以為會好多人黎幫襯，但出奇地又冇咩人，完全吾洗排隊 第一次幫襯到依家都有4、5年，甘耐以黎間店都冇變過。侍應阿姨一樣甘 nice，野食出品一樣甘高質不過分量就好似少過之前。但對我黎講都夠 lu 同以前一樣都係點紅燒牛肉麵麵好彈牙，有口感牛肉都好高質 係張相入面都睇到，每條牛肉都係一行筋一行肉甘淨係賣相都冇得頂牛肉又香又淋，吾會痴牙。 甘高質既牛肉麵竟然只賣 56 蚊...係出邊好難搵到...

元朗既台灣菜選擇不少，但每次想食既時候都會諗起士林。除左因為佢伴我成長之外，佢既肉燥飯係會食過番尋味。餐廳有室內及室外位置，出面坐會鬆動點，枱上有餐單紙睇。最愛呢度既肉燥茄子飯，茄子同肉燥唔係事先撈埋一齊上，茄子大大舊，煎得好香，外皮少少脆，加埋鼓油汁，好食。肉燥配飯一流。友人叫左香酥雞扒麵。炸雞扒皮唔會太厚，新鮮炸起，亦唔會太油膩。麵條彈牙，撈埋肉燥加爽口青瓜，啖啖美味。埋單都係一百左右，性價比高。

士林台灣麵係元朗開左好多年，每逢星期六日下午一定好多人等位食就知水準keep到~雖然呢間餐廳主打係牛肉麵，但個人偏好呢家既炸野同肉燥！首選係呢個香酥雞排干拌麵，雞排同隻碟差唔多大，外皮炸到金黃酥脆，但又唔會好厚粉，雞肉仲係嫩滑juicy既。干拌麵Q彈有咬口，拌上青瓜絲同肉燥一齊食，味道超夾。呢個香酥排骨飯都唔錯架，不過豬排似係用梅頭豬，食落腍滑肉質較普通豬排嫩d，但因為油脂較多，所以炸得無甘脆口。肉燥配飯既，好似比配麵份量會多少少，仲會有少量椰菜附送添。

夜晚七點幾嘅時候已經見到有大批人龍係門口心諗有乜嘢咁好食呢就試下啦！！叫咗佢嘅招牌牛肉麵牛肉都算淋，湯底小辣，但可以接受 。麵質都還可以，不過未至於神化到 要排長龍囉😅😅😅😅茶x嘅牛肉麵仲好食啲 haha見到佢嘅面咁出名，除咗牛肉麵之外，就叫多個豬手麵。呢個豬手 骨仲多過用，不過好就好在炆得都算淋。 但係湯底就冇乜味遜色咗啲

住開元朗嘅都知道士林台灣麵好受歡迎，如果係正值午餐時段或者晚餐時段你一定要等位。食咗咁多年，保持一貫水平 ，質素唔會下降，因為太多有名嘅食肆做好口碑後質素都會下降，士林台灣麵呢一方面做得好好保持水準。今次又係例牌食個雞扒面轉牛肉湯底，湯底又好味，雞扒又鬆脆，麵條又好味，可以話無可挑剔。不過最近戒緊甜所以冇嗌到飲品，只係飲餐廳供應嘅免費茶。每次食完真係好滿足，份量又夠又好味。如果喺元朗諗唔到食咩士林台灣麵係我必然之選。