士林台灣麵

營業中

休息中

士林台灣麵係元朗開左好多年，每逢星期六日下午一定好多人等位食就知水準keep到~雖然呢間餐廳主打係牛肉麵，但個人偏好呢家既炸野同肉燥！首選係呢個香酥雞排干拌麵，雞排同隻碟差唔多大，外皮炸到金黃酥脆，但又唔會好厚粉，雞肉仲係嫩滑juicy既。干拌麵Q彈有咬口，拌上青瓜絲同肉燥一齊食，味道超夾。呢個香酥排骨飯都唔錯架，不過豬排似係用梅頭豬，食落腍滑肉質較普通豬排嫩d，但因為油脂較多，所以炸得無甘脆口。肉燥配飯既，好似比配麵份量會多少少，仲會有少量椰菜附送添。