士林台灣麵

營業中

休息中

去完下白泥影相, 幾經辛苦先出返元朗!! 朋友介紹去呢間食! 都幾多人, 有d人要坐門口tim~~ 我地一行6人, 等左10~15分鐘左右就有位喇!!!等位時在門口見到有人食魷魚酥! 好似炸得好靚! 又好香, 所以叫左一碟試下!仲叫左 出名的 過橋水餃!一人叫左一碗麵 我只係試左 ::: 香酥雞扒麵 同 紅燒牛肉麵 過橋水餃 我個人覺得冇乜特別 香酥雞扒麵 雞扒好好食! 紅燒牛肉麵 個湯好夠濃, d肉好入味香酥魷魚 個人覺得呢碟最正!!! 炸得好脆, 又唔會太咸! 可以俾個good 佢!! 下次一定會再去!!!!!!

今次試左三樣野：1) 紅燒牛肉麵：湯冇乜味，比較單薄，有個色但唔夠料，雖然表面有一層油，感覺會辣，但實際上並唔辣。牛肉基本OK，但都有一條孖根咬唔開。麵感覺上似關廟麵，有質感，有嚼勁。菜用左小唐菜，感覺上唔似台灣風味，因為台灣基本上用榨菜，而且任由D客自己加，可多可少。2) 香酥雞扒：啖啖肉，份量足，但好似落少左鹽，唔似鹽酥雞。佢俾茄汁你點，更加唔似台灣食法。3) 胚芽奶茶：奶茶香濃，胚芽份量足，唔錯！

位於元朗西菁街嘅士林台灣麵，主打當然係台灣地道食物。二話不說，就來一客紅燒牛肉麵，再加一杯凍檸茶，盛惠$43。湯底濃，有肉味，唔油膩，色澤亦討好，的確有士林嘅風味；牛肉腍，唔韌，筋與肉比例均勻，選材唔錯，保持水準，只可惜份量好似比以往少，嘻嘻；至於麵，就依然唔掂，太腍身，冇咬感，唔好食。

入元朗的前一晚專登上網查一查有咩好嘢食，見到d食客係咁讚，所以決心一定要食!!!估唔有咁多人排隊...仲要攞票...好彩我得一個人，好快就有位~黎到呢到梗係要食下招牌菜紅燒牛肉麵再來杯凍茉香奶茶茉香奶茶先到，急不及待試一下.......一飲，誰知同d珍珠奶茶店差不多~沒什麼特別~不過不失~終於紅燒牛肉麵上枱，二話不說，先喝一口湯，誰知沒什麼特別，同我食的公x點心的牛肉味差不多，只不過沒有味精的(嗱)喉~再來一口麵，同樣冇咩特別，同x桃牌某種長包裝的麵的味道不多，都有一種粉麵味，只係外形有d唔同.....唯獨可以一讚真的是牛肉，雖然看似比平時的多點肥肉，但咬下去又覺得還可以，而且很軟，一咬即斷整體來說，可以一試如果咁啱係附近~

經過不是很多人排隊，未入去試~叫了香酥豬排飯加香芋奶茶，不是想像中那麼好食，不過不失~奶茶較甜~飲了一半就唔想飲~豬排多油，但好在不是千年油~可以一試，沒有驚喜~

成日都好想走去試下佢, 睇下點解貢多好評....今日終於一個人走左去食個tea set啦~ 叫左個紅燒牛肉面 + 凍啡 , 之前個個都有post過佢個樣(so我都冇專登影相) ... 份量大細適中啦~個d面底好Q的(好彈牙), 而且個面好吸的湯底個味, 個湯底就唔算太濃, 反而感覺食完唔會太燥( 不俗) , 不得不提 ... 梗係d牛肉啦 ~ 一個字"得" , d牛肉淆好嫩, 唔會散濕濕, 一d都冇"痴"牙 ~(讚)

成日睇openrice見到哩間野咁多好評,想去試好耐la*家姐陪我睇完醫生之後就決定黎哩度食個下午茶...第一次食..我地梗係揀左最出名既野啦我要紅燒牛肉面+珍珠奶茶~家姐就要香酥雞排米線+香芋奶茶*我覺得紅燒牛肉面唔錯..d面好有咬口,但湯底唔夠濃 但牛肉真係超級正而家姐話雞排冇乜特別,都幾好味*不過不失啦~~~野飲方面ok..下午茶去唔洗加$^^珍珠奶茶好飲,香芋奶茶好甜..但家姐鍾意整體唔錯,冇想像中咁好*but會再去試其他野*但家姐就話應該唔會再去...

第一次係買外賣, 今次就堂食, 由於未夠7點, 所以都唔洗等位。肉燥雞排飯: 肉燥好好味!!! 又唔會太咸, 撈飯岩哂, 略嫌唔夠多~ 雞排好脆, 好好味!!! 但見到人地叫面好似大塊D既, 唔通因為面無肉燥?!肉燥茄子(小食): 鍾意食茹子既我當然覺得好好味啦~ 熱辣辣, 不過一咬, 漏左好多油出黎呀, 如果唔想食咁油, 就唔建議點喇~ 面頭仲有好多肉燥, 拎埋去撈飯, 正!!香酥雞翼面: 開緊餐先到, 所以唔記得影相喇~ 有4隻雞翼, 隻隻都好大隻, 唔係UN痴痴的, 又唔會一D肥一D營養不良, 好多肉, 外皮好脆, 男朋友食左3隻!珍珠奶茶: 麻麻地, 雖然唔想飲太甜, 亦無叫小甜, 都唔夠甜, 有D淡, 珍珠就OK!

山長水遠 入元朗 就上網搵定野食話呢間好食 又去試下係門口等左15分鐘左右 見到d剪報又話個大廚係台灣西華飯店黎 好似好勁…有位喇店舖唔大呀 同男友叫左2個set紅燒牛肉麵set ( $31)雞扒沙津set( $31)仲叫左個炸豆腐 ($25)紅燒牛肉麵 好快到D湯好濃呀 好味D牛肉又好”林” 無得彈 D麵就正常個d吧真係唔錯 一定要試雞扒沙津雞扒係就真係好大塊閎不過無味架 唔太好食沙津都係平時茶餐廳個d吧個炸豆腐又係無味既… 要”點”d蠔油食個皮唔算厚… 我飲個杯係蜂蜜綠茶 無蜂蜜味既

之前呢度裝修, 裝修後第一次走入來, 唔知裝修左D乜, 因為格局, 台櫈甚至碗碟都同以前的一樣, 還好價錢都好似係一樣無乜加價.叫了例牌的炸雞扒干拌麵, 水準依然,雞扒大大塊, 即叫即炸, 岩晒我呢D食肉獸.干拌麵的麵條有咬口, 佐以肉燥和青瓜絲, 好味.牛肉麵的湯底還KEEP得到, 基本上碗湯都會清左八成或以上.招呼, OK啦, 係呢D細店仔 佢快手送到食物來就唔好有其他要求了

每次經過元朗，一肚餓就總是想起這間餐廳的紅燒牛肉麵，但也不是次次都有機會嚐得到，因為在午市晚市時份，這兒都必會大排長龍，有時候排到手軟腳軟又餓又渴，也只有放棄轉而幫襯旁邊的雲南米線。今日居然難得碰上下午茶時段，不用排隊立刻有位，而且下午茶餐仲送埋杯飲品，實在是好抵食呀！一坐下，餐牌都不用看，一點都不需要考慮，就點了紅燒牛肉麵和香酥雞扒麵，因為它們都是我的至愛。等了一會，熱騰騰香噴噴的牛肉麵便已送上；先飲一口牛肉湯，依然是香濃鮮甜，牛味濃郁；根據餐牌上的資料，那是選用新鮮牛骨和牛肉，以明火熬足十六小時，再焗到第三天才用作湯底，故火侯十足，每次我都會很捧場地喝個清光。而主角紅燒牛肉亦毫不欺場，筋肉分明，一點肥羔也沒有；而且嫩滑入味非常，冧滑程度差不多是咀嚼兩三下，牛肉已在口內散開融化；另外配菜有我最喜歡的小棠菜，亦十分翠綠清甜；至於麵底我就略嫌不夠彈牙，所以改為滑滑的米線，吸收了牛肉湯的精華後就更加美味。香酥雞扒麵隨後送來，配的是清湯底，採用了新鮮豬骨，老雞和金華火腿，慢火精製十二小時而成，十分清甜，和牛肉湯各有特色。炸雞扒看來厚厚的炸粉，但放入口中便會發現極之鬆脆，雞扒大大件卻又很嫩滑，

今日夜晚在元朗走一轉,剛剛好6點多,想想下食咩好呢...上網見到呢間好多人說讚,就即管走來試一試啦~幸好早了5分鐘到來,之後已經要等位了.點了2個麵,一個紅燒牛肉麵,一個雞排麵....果然不負眾望,牛肉麵湯夠濃, 有點辣,夾上牛肉,真的不錯,而且牛肉夠淋,一個字讚.雞排麵,雞排大大塊,去骨,即炸即上,夠肉汁,好食,可惜個湯比較淡,可能是因為雞排是炸,已經好夠味,所以湯麵就以清湯為主.隨帶一提,食店地方較為狹窄,即使有位都係會叫人搭枱,你一食完就會立即拎走你d餐具,好像有點趕客,如果這一點可以改善,咁就最好啦.

Yes this is the best Taiwanese food I had in HK. Love the beef noodles, the mince rice with eggplant is heaven on earth! and the fried chicken is so yummy! Yes the price is a bit expensive for a lunch at such location but i think once in a month is not too bad.

這個鹵水拼盤里有很多東西,有鹵水蛋,雞翼,豆腐,鴨舌,鴨腎,豬耳朵..都好好吃哦~ 很入味炸得剛剛好~ 雞肉很嫩滑~又很細心地切成一塊一塊的,方便進食其實我覺得這個酸辣味有點太辣~害我邊吃邊抹鼻涕因為我第一次去吃,點了酸辣,但不是我要的那種/_\但麵條還是很好吃的~ 很有嚼勁~ 很爽湯底好棒! 是用牛肉和牛骨熬了16個小時!!牛肉都好吃~ 煮得好嫩..

自10/6裝修完畢後, 到今日其實已是第三次去士林吃午飯.整個5月都不能去吃, 故裝修完畢後很是期待, 一個人在午飯時段逼爆人去吃亦在所不惜, 不過一個人很容易就有位.裝修完的裝潢擺設不覺得有什麼分別... 但餐廳仍是一貫水準, 十足誠意!這幾天內, 第一次吃的是紅燒牛肉麵, 第二次是香酥雞扒麵, 第三次是香酥雞翼乾拌麵.雖然等餐時間較久, 但看到老闆親自下廚, 所以覺得再等都是值得.個人認為紅燒牛肉麵是這店最好吃的招牌菜, 牛展和湯都是我試過最好的, 口感和味道都很濃郁, 和它的自家麵是絕配, 吃後自此難忘.香酥雞扒麵, 雞扒十分大塊, 雖然和元朗站的大雞大雞扒的惹味不同, 但浸落清雞湯中再夾來吃, 還是令人啖啖回味.香酥雞翼乾拌麵是第一次吃, 雞翼上枱後看起來較乾, 賣相較滷水雞翼差, 但吃落則頗有驚喜, 而且配合乾拌麵想不到有非常配合的效果. 乾拌麵有肉碎和青瓜, 口感獨特清新, 不會太咸, 剛剛好, 吃後很滿足.雖然士林是小店, 但是我非常喜歡它, 老闆和員工的殷勤態度令人有回到家的感覺. 看見旁邊的譚仔也是坐爆人, 有些不解, 如果兩間鋪位的大小掉轉就好了, 門外等位的忠實粉