墨西哥卷專門店

營業中

休息中

我尋日(4月7日)1300來到 openrice寫1230開 佢竟然1300都唔開 啱啱去到 個老細話訓過龍我趕唔切食 咁就算數啦我第二日(4月8日) 1330再來到 竟然可以都唔開我想問一間店係可以咁嘅服務？又唔開一個fb page講下幾時開門咁樣態度對客人可以嘅咩？我認為態度都係餐廳服務一環咁樣絕對應該post喺openrice比大家留意

晚市冇堂食俾個機會自己掃下街。葵涌廣場都多左好多食店。👍🏻 MexiRoll芝士拉絲餡餅 $45本身一餸$40 配美式辣肉腸雙重芝士 +$5 total $45✨一份兩件方便 share唔使分黎分去✨個餅好脆，即叫即整都要等10分鐘✨呢隻辣肉腸有啲質感，唔似平時pizza果隻扁tat tat✨本身麻麻粟米但佢甜甜地又幾夾個辣肉腸，中和返個辣味✨藍芝士醬好香芝士味，本身都驚唔夾辣肉腸，但咁特別有得配都殺啦，點知又唔錯

平時行葵廣通常都去3樓，食下食下都有d悶，所以今次去左2樓行，發現呢間店既，菜式名好特別，所以就下。作為朋友間既豬隊友，就緊系叫左豬隊友卷。佢地即叫即整，所以所等左約20分鐘。份量系正餐既量,非常好食,汁量剛剛好,唔會過多.D 肉好大舊,十分足料

每次去葵廣掃街都有青春既感覺😌今次食左久違既墨西哥卷！好似未係香港食過🙈超乎期望既好食🥰雷隊友卷（$38）🌯好大件！味道好有驚喜！口感好豐富！有炸雞、蛋、粟米、生菜等！下次一定再encore其他口味！好推介大家去食😽

一直都好中意食墨西哥卷🌮️中意啖啖足料，有肉同菜，感覺好fresh😌😌咁啱係葵廣附近，就試下留意左好耐既墨西哥卷🤤嗌左半份香草雞肉卷加$4要牛油果醬🥑都係$25+$4=$29$25+$4=$29拎上手雞肉好足料，但冇乜香草味冇乜調味，有d生菜同青瓜絲，牛果醬淡淡，感覺似屋企揾塊墨西哥皮包住一堆野，少失望，但呢個價錢，過下口癮都不錯。可能自己expectation太高la。個人覺得元朗朗屏站 再來一次 既墨西哥卷食落有心機好多。

今晚黎到葵芳搵食一直好想食既墨西哥卷，呢度竟然有！所以就衝左去買我揀左至尊牛肉卷（$42）絕唔孤寒，牛肉勁澎湃另外有生菜，粟米做配搭，中和牛肉油膩超大份，細食既女仔絕對可以2個人share食到最後一啖都仲有餡架！$42咁大份而質素唔錯既墨西哥卷真係第二度難搵

其實我真的很喜歡吃wrap, 經過葵涌廣場2樓偶遇呢一間鋪頭，成間都係食墨西哥卷🌮️，仲要係即整即食😋😋見冇乜人排隊試吓就叫咗個雞肉卷，加兩蚊要咗瑞士藍芝士醬，係無最喜歡嘅配搭。由於係即叫即整嘅關係，大概落單前到拎到等左7分鐘左右。但係因為冇座位嘅關係，所以我哋外賣拎左去第二度食， 10分鐘之後先食到，應該係冇咁好味啦！個皮淋哂😭😭有好滯嘅感覺，但係入面嘅生菜、粟米粒同埋雞肉都好足料！下次一定要即刻食先至可以keep得住😢

-好喜歡吃wrap 成份通常都健康但starbucks既 又貴又細 自己備餐又會好麻煩(懶)最近發現葵涌廣場有間食墨西哥卷都好唔錯墨西哥卷可以自選配料 又可以選擇特定嘅款式 再自己選擇醬汁想健康又得 邪惡又得😈-🌯mvp卷+牛油果醬 $41有牛肉, 雞肉, 豬肉同芝士用上墨西哥調味料醃制, 份外香口惹味而且唔乾的, 份量都算多!醬汁選擇咗比較健康, 而且新鮮即製嘅牛油果醬(+$3)口味清新, 無太多額外調味, 挺不錯, 加上番茄蔬菜, 減低膩度滿滿的肉+蔬菜=每一口都很滿足的💕不過感覺吃一個好似唔太夠飽 🙈可能吃2個會岩岩好xd 要再食!!!!(而且店主好似都係onepiece迷 i like it!!! )-

第一次試MVP 卷今次要左莎莎醬，卷入面有豬肉牛肉同雞肉，另外仲有生菜同埋芝士加咗個莎莎醬酸酸辣辣，中和左啲肉嘅肥膩肉類亦都非常足料，加埋卷皮同埋入邊嘅生菜佢應該係全個葵涌廣場入面最健康嘅小食

再續葵涌廣場! 食2串麻辣串, 一包小小的撈撈冷麵其實未夠飽, 經過聞到墨西哥卷幾香, 好想試! 墨西哥雞肉卷 $28大 / $25細 (好似係), 加錢要 Blue Cheese 醬汁! 即叫即包, 等3分鐘就有得食! 餅皮鬆軟熱辣辣, 雞肉嫩滑香口, 包新鮮生菜 & 粟米粒 (跌左2粒) , 就咁食係解油膩既, 不過我加左 Blue Cheese 醬汁就另作別論! Cheese 醬汁食到一粒粒 Blue Cheese, 好足料, 喜愛 Cheese 既千祈要試! 只係食得有點論盡! 註: 回頭率高的一家小店! 食完都幾飽, 想掃多幾間小食店都無戰鬥力! 

葵涌廣場的小食店經常轉，今次去到兩樓買完野飲就見到好多人拎住個墨西哥卷好似好好味好吸引咁😳去到門口都有個人排隊落單，而且餐牌都好多選擇，有細卷（$25）同大卷（$30），岩曬我呢D 食完仲想食其他既野朋友仔墨西哥雞肉卷細（$25）配自家製芥末醬雞肉都幾多食到底都有，雞肉有烤過唔係就咁滾水煮過而且肥瘦均勻，配埋生菜同青瓜絲整體口感唔會太膩，可以一試！

#墨西哥雞肉卷(大) $30又嚟到葵芳食嘢喇🤤叫咗個雞肉卷再配莎莎醬本身小編唔知咩係莎莎醬 見佢推介就叫咗🤣原來莎莎醬係用蕃茄造 係墨西哥菜常見嘅醬等咗大約3分鐘左右就整好攞到上手 真係幾大個 而且雞肉都有好多😙雞肉好嫩滑 而且好香燒烤味配上莎莎醬酸酸地咁好開胃好正😍如果要去食嘅朋友 記得要帶多包紙巾因為一路食 啲汁就一路滴🤣評分:8/10

墨西哥MVP超足料又好味大概系我系香港食墨西哥卷最鐘意既一間佢有牛肉豬肉又有雞肉唔好以為佢得面頭放得多下面就小佢下面都一樣好多！醬汁開胃又夾食一個已經夠一餐飽仲好滿足回頭率100%如果再去都唔知食番呢個好定系試新野因為好味到會有選擇困難

想留肚掃街所以叫左個細份嘅墨西哥牛肉卷，$23。買嗰陣無乜人但都等左5~10分鐘，估計D牛肉係即場烤熟，果然拎上手係熱的。生菜同牛肉嘅份量都幾多，食到底都有，唔會淨係得個樣（即係d料堆曬係面頭但入面空心咁）。肉味唔算太出，不過勝在彈牙有肉汁，唔會燒到乾曬身咁。配料唔太多，有生菜、一片蕃茄同沙律醬，不過呢個價錢又不能期望太高，整體都算OK。

最近同朋友又去咗葵廣掃街😎✌🏽咁啱見到墨西哥卷覺得幾特別，所以就買咗黎試試😋#至尊牛肉卷 ($40)😋好味指數：(7.5/10)牛肉分量多咗一倍😎食落去啖啖肉😍而且牛肉又夠香，食落又夠淋😆配埋啲莎莎醬食落又幾正😋另外仲有啲菜同蕃茄，所以食落又唔會好濟😙👍🏼不過外層就略為濕咗少少唔夠亁身🤔.⭐溫馨小提示📌 卷裡面有好多餡料，所以食嘅時候要小心啲😙