城中泰

營業中

休息中

◐天水圍泰國菜｜創意特色蛋咖喱蟹肉窩夫城中泰位於置富嘉湖商場，搭輕鐵於銀座站落車，行過對面商場就見到，位置方便。平時食泰國菜，生蝦刺身是必不可少，剛好遇見特價，順理成章，點左泰式生蝦刺身，同埋炭燒牛柳沙律做前菜。生蝦刺身辣辣地，惹味又過隱。而牛柳沙律大大份，好味夾抵食！剛好撞上特價，那就是只能用抵！中間配上菠蘿梳打以及青檸梳打，解渴又解辣。之後再點了冬陰功鮮蝦炒意粉，以及蛋咖喱蟹肉窩夫，這兩道菜都帶著一點點fusion , 意粉配上冬陰功作為醬汁，有一點點帶著海鮮味道的辣，是幾特別。但後者的蛋咖喱蟹肉窩夫的創意值更高，平時食的咖喱麵包蟹的那塊麵包外皮都很硬，就算浸滿咖喱後都要一點牙力，但這道菜用窩夫代替，脆卜卜亦不費牙力，同時又可以沾滿香滑濃郁的蛋咖喱，真的不錯。

好一陣無來嘉湖銀座了，上次來時已經知佢改左名做+woo，但仍然較習慣叫銀座😆今次黎發覺商場大裝修中，仲多左好多新食店添，揀左一間叫城中泰嘅餐廳食晚飯，好耐無食泰國菜了。都八點幾了，但餐廳仲係八成滿座，氣氛不錯😌隨意落了一點主食，比較期待甜品呢🤭🦀泰式咖喱軟殼蟹點了個軟殼蟹咖喱，原來咖喱汁同軟殼蟹分開上，咁幾好唔怕啲軟殼蟹淋咗。軟殼蟹係大size，炸起上黎香脆又鮮味，正喎。咖喱汁本身都香口，啲汁梗係要留返黎點包食啦。🫓薄餅 & 🍞蒜蓉金磚兩樣都想用黎配咖喱，唔知點邊樣好就叫晒兩樣啦😎香口酥脆，配上滿滿的咖喱汁真係好正㗎。🥗炭燒牛柳沙律再點左一份沙律，是期間限定的特價菜，牛柳嫩滑又甘香，沙律有生洋蔥、芹菜等，加上醬汁酸酸辣辣好開胃，抵食呢🤤🧇榴蓮窩夫食完正餐就叫上甜品了，一上枱已聞到榴蓮香啦，氣味都幾大㗎🤭榴蓮蓉再加上榴蓮雪糕，味道香甜濃郁，窩夫即烘的外脆內軟，一客有兩件，同朋友分食啱啱好🤤好味好味，真系幾滿足😍

之前一直想試，今日終於過嚟食，叫左2個茶餐。1. 豬頸肉豬扒撈檬$48分別有3塊豬扒同豬頸肉，肉算多，但檬粉偏乾同硬。2. 雞翼朱古力多士$43雞翼入味，唔錯，但只有2隻，朱古力多士不用點糖漿已夠甜。整體唔錯👍

係商場搵食，最後俾佢個榴蓮雪糕窩芙吸引左！賣相好吸引，兩大舊D24呀！甜品最後先食，食主食先鐵板脆蠔餅 $118超大塊，上枱炸炸聲，出晒煙！食落超級脆，好香口！蠔大只，份量都多，唔會剩係得粉，咬落好juicy，好味！蝦頭膏海鮮炒飯 $88材料好豐富，有好多蝦同墨魚仔！飯炒得粒粒分明，唔會太咸，好香既蝦膏同櫻花蝦既味道！炭燒牛柳沙律 $78佢呢款做緊特價，原價要$98，所以叫黎試下牛柳好稔，點埋個汁食好味！沙律相對地辣，好惹味！好有泰式風味！最後上埋個甜品！！面頭既Lotus焦糖餅好好食，好香焦糖味！識簡貨！D24榴連係人間極品！好大舊，啖啖肉，好香甜，好creamy！！個窩芙係係穌皮底，特別，外脆內軟既感覺，好味！好滿足既一餐！

朋友住天水圍，話我知佢屋企附近間泰國餐廳有個榴連雪糕窩夫好得，叫我入去試下，話一定唔會失望。。。終於入咗去食啦☺️泰式鹵水無骨豬手$108鹵水好入味。豬手好淋，肥瘦適中。感覺食咗好多骨膠原。一路食一路又掛念泰國之旅…..鮮青檸明爐烏頭$138食明爐烏頭全靠調味同材料質素，呢個烏頭大大條，好新鮮，魚肉夠結實，青檸夠新鮮，加埋配料，食落酸酸味味，好正👍雪糕waffle$88（2人份量）韓式窩夫上枱時小小熱，加上一大班榴連蓉同埋雪糕，放入口內，一冷一熱，口感超正，雪糕有榴連味或牛乳味，專程過嚟食榴連味，當然揀榴連雪糕，榴連味超濃，窩夫外脆內軟，值得專程入嚟食

以為天水圍冇嘢食？今次就發現喺嘉湖銀座的一間泰國餐廳——【城中泰】！這家位於天水圍的餐廳絕對是值得翻㦸！😋試了我的最愛：海南雞（半隻），價格只需$108！嫩滑多汁的雞肉，嫩滑的口感，每一口都帶來了濃濃的幸福感。餐廳的廚師將海南雞烹調得恰到好處，令人難忘！就算連雞胸都滑到呢～海鹽炭燒盲鰽比較少見，所以都立即點個，價格為$168。這道菜絕對是必選，新鮮的盲鰽魚肉經過炭燒的特殊手法，散發出濃郁的炭燒香氣，入口即化。配上微鹹的海鹽，增添了菜品的層次感，讓人欲罷不能。接著是一道令人垂涎欲滴的蛋咖喱蟹肉窩夫，售價$108。這絕對是味蕾的驚喜！蟹肉的鮮甜與咖喱的香辣完美結合，搭配著酥脆的窩夫，每一口都讓人陶醉其中。這道菜的豐富口味給了我留下深刻的印象，而且夠創新，絕對值得一試。最後決定試試他們的榴槤雪糕窩夫，$88！雖然榴槤是個愛恨交織的水果，但這道菜絕對可以讓你愛上榴槤！窩夫的酥脆與榴槤雪糕的香濃相得益彰，每一口都散發出榴槤的獨特風味，而且窩夫的質感很像牛角包，濃濃的牛油香和榴槤很夾。食泰國菜當然要飲鮮椰青，鮮椰青的清涼解渴，讓我在享受美食的同時也保持了口腔的清新感。至於雞油飯，則是簡單而美味！城

今日又去天水圍食野，同事介紹我去呢間城中泰食下，話又平又抵又好食。今晚夜晚去到，好好咁樣有一個半圓型卡位坐，侍應都十分欣勤，同我地詳細介紹菜式。我見佢有個晚市二人餐都有幾多野食只係$388，仲要有好多選擇俾自己mix&match,廢事諗就揀左呢個，結果抵食又好味，兩個人其實都食唔哂。 ＜二人套餐＞ （$388）🔸️ 城中泰小食拼盤（小）（8.8/10）雖然係小size，但呢個拼盤都份量十足，有四款水食，每款有2件，樣樣都炸得好香脆好好味！我就特別中意佢個魚餅同蝦餅，好好食！ 🔸️ 椰子雞湯（細） (9.2/10)一人一碗湯。呢個湯超好飲超足料！超多雞同菇喺入面，十分之夠味，奶白色既湯，好滋潤，一定要飲！ 🔸️ 泰式海南雞（半隻）（9／10）呢隻泰式海南雞超大份，隻雞大大隻，又肥又滑又多肉，好有雞味，又係推薦。 🔸️ 馬拉盞通菜（8.5／10）正常！幾大碟。 🔸️ 蒜蓉金磚（4片）（8.5／10）呢個餐我地冇揀到粉麵飯類，點個蒜蓉金磚就夠哂飽。外型吸引，食落方便，焗得好靚好脆口。 🔸️ 椰汁千層糕（2件）+椰汁西米糕（2件）（8.2／10）個餐仲有包兩款甜品！真係啱哂女人貪心既天性😂兩樣都煙煙靱靱又

和豬先生踩單車到天水圍🚴‍♀️🚴🤭，途經嘉湖，發現有間新開泰國餐廳。做完運動，特別想食得清淡點，但又想補充些蛋白質，就簡簡單單點了幾道泰菜，整體水準不俗。🐟明爐烏頭 $138由於想清淡，我們選了不要辣。熱騰騰原條烏頭上枱，有肉有湯，味道酸爽開胃。湯底滿滿的料，香茅、南薑、檸檬葉和芹菜，加上青檸汁和魚露。魚肉吸滿湯汁，怎會不香？😝🍢炭燒泰式串燒 $68雞豬各兩串配沙嗲醬，發揮應有水準。🥦🥕🥬泰式雜菜粉絲煲 $88跟普遍中式雜菜粉絲煲的上湯味不同，我更愛泰式😍！泰式粉絲煲更乾身，粉絲充滿麻油香氣。雜菜也切得比較細緻，比較有鑊氣哦。🥐🍨榴槤雪糕窩夫 $88看來是季節限定！快點抓住夏天的尾巴試試🤭窩夫是由牛角包熱壓而成，很酥脆香濃牛油味，3.6 牛奶雪糕是榴槤口味😍重點是D24 榴槤兩大嚿啊啊啊！！！

🐳在嘉湖海逸酒店旁的商場內有間泰國菜，叫做「城中泰」。廚師是泰國人，而且仲要係大廚，雖然好多泰國餐廳廚師都係泰國人，但未必所有都煮得夠地道和夠好食，哩間「城中泰」真係好好食。😋🐳二人套餐💰388🐳泰式金柚子沙律餐廳所選的柚子是紅色柚子，又甜又多汁，還有小小的紅蝦仔，遠看以為是辣椒😅🐳泰大頭蝦冬蔭湯每人一碗，材料十足，夠辣，夠鮮，越喝越想喝🐳泰式咖哩軟殼蟹 🐳手工薄餅這個一定要配米飯或薄餅一起吃，很喜歡這個咖哩的濃郁度，味道夠惹味和夠香，軟殼蟹脆脆的，好有口感。🐳馬拉盞通菜通菜超嫩，完全冇筋，而且辣辣地，好惹味🐳椰汁千層糕和椰汁西米糕兩種榚都好有特色，都係泰國非常有名的糕點，甜度適中，口感極佳😋 🛎️ 城中泰 (天水圍)🔍天水圍天恩路12-18號+WOO嘉湖二期地下G02號舖

城中泰小食拼盤 這個前菜小食拼盤是最遲上枱嘅一道菜上枱時都已經凍左 味道正正常常 無話特別好味· 泰大頭蝦冬蔭湯 比平時飲到嘅偏酸同偏辣· 泰式海南雞 OKAY啦 正正常常· 炭燒菠蘿海鮮炒飯 原本還以為係原只菠蘿上菜的那種 結果上枱時 菠蘿都可以省掉了 味道有點偏淡 就好似係飯同配料係分開炒的味道· 馬拉盞通菜 可算是最正常🙂· 蒜蓉金磚 咁多道菜 個麵包是最好食的了 炸得香脆 好濃郁蒜蓉味道·甜品應該係岀面工場整嘅 麻麻地·嗌左個二人套餐+個菠蘿炒飯 個人認為在天水圍這個地方要$500+埋單都幾貴下 重點是食物質素真的不太配這個價錢

天水圍城。中泰位於天水圍嘉湖二期商場+WOO的城中泰水準不嬲唔錯，之前一直只試過佢地中午同下午茶，今次朋友來訪就同佢一齊試下佢地嘅晚餐，就叫咗佢地兩人餐泰式金柚子沙律沙律拌入集酸、甜、鹹、辣於一身的泰式醬汁，再加點炸乾蔥，消滯之餘也相當惹味泰大頭蝦冬蔭湯每逢去泰國餐廳都必叫！酸酸辣辣，每碗都跟咗半隻大蝦，蝦肉爽口彈牙泰式冬蔭明爐鱸魚片鍋味道酸酸辣辣，湯連魚肉同伴吃，很開胃🤤，魚肉份量都比好多抵讚馬拉盞炒芥蘭馬拉盞味道鹹香鮮味，可以令爽脆嘅芥蘭更加惹味！用泥送飯好好蒜蓉金磚長條型蒜蓉包顏色金黃，好似金磚一樣咁吸引，外層香脆，蒜蓉、牛油味濃郁 啖啖滋味椰汁千層糕（2件)＋椰汁西米糕（2件）等選擇困難症嘅我唔洗煩🤣，樣樣都有❣️城中泰天水圍天恩路12-18號+WOO嘉湖二期地下G02號舖

平時都好小去天水圍今次就比個榴連甜品吸引咗去🤤間餐廳都幾大間，坐得幾舒服夠闊落～·～·～·～·～·～·～·～·～·～·～💁🏽‍♀️炭燒原隻魷魚 $88香噴噴大大隻🦑肉質彈牙配埋餐廳袐製嘅辣汁之後更加提升咗陣鮮味💁🏽‍♀️炭燒菠蘿海鮮炒飯 $98份量好大碟🍍好多菠蘿粒重點係仲有一條燒菠蘿😍燒完好甜💁🏽‍♀️泰古法馬沙文咖喱牛腩 $88用蠟燭暖住，都幾足料，好多薯仔同牛腩好多咖哩汁🙈冇叫個飯嚟撈真係浪費💁🏽‍♀️榴連窩夫配雪糕 $88好似係呢排新有🤔雪糕可以揀榴連味或者牛乳味我當然唔會錯過揀咗榴連味啦～隻窩夫唔係著通粉醬嗰隻，而係牛肉包壓制而成😍有大大球榴連蓉😋呢餐真係好滿足💁🏽‍♀️椰青 $38💁🏽‍♀️勝獅啤酒 $28

近日放工、放假忙於睇樓，今晚放工又去到嘉湖銀座睇樓，順便視察下附近商場，見到商場有間泰菜店面精緻，以綠色+大自然為主，望落幾Chill，睇餐牌價錢OK就去試下～🍍”城中泰”炭燒菠蘿海鮮炒飯 $98大大件炭燒菠蘿，多款豐富配料：海鮮、肉鬆、腰果、提子乾、臘腸肉、三色豆、菠蘿加上泰式風味炒飯，入口味覺豐富，主要係開胃甜酸味，炭燒菠蘿超加分！燒香後甜味更出！份量大夠哂2個人食～🦑泰味辣椒膏炒鮮魷 $108原隻新鮮鮮魷彈牙，泰式醬汁以九層塔、洋蔥、辣椒膏+香蔥炒勻，少辣更惹味，建議可配多碗白飯，撈醬汁食一流！🧇榴槤雪糕窩夫 $88新推出甜品，加上係榴槤，榴槤控Venus必試la，一球榴槤雪糕+二球榴槤蓉，勁滿足！驚喜位在於窩夫，平時食窩夫係餅皮，今次食嘅窩夫面層一樣係脆餅皮，咬開先發覺入面係平時食嘅手抓餅，原來都幾夾雪糕食喎，推介榴槤迷試試！🥥 椰汁椰青雙色冰粉 $28清新甜品～上層為椰汁糕、下層為椰青糕一次過食到2款口味，另有炸椰絲增加香味，未食過炸椰絲，原來炸椰絲係鹹香帶甜，意想不到咁好味，令甜品味道更上一層樓～🍧椰子塔沙冰 $42原條椰子雪條插入椰子沙冰，有得食有得飲，有椰汁加芒果肉香香

我最喜歡城中泰餐廳的泰式明爐烏頭。這道菜以烏頭魚為主角，經過明爐燒烤後，肉質鮮嫩多汁，充滿了炭火的香氣。魚皮烤得香脆，配上辣椒和青檸的醬汁，味道更加鮮美。明爐烏頭絕對是一道令人垂涎欲滴的美味佳餚。接下來是泰式小食拼盤，包括蝦餅、魚餅、泰式春卷和雞肉燒賣。這個拼盤給了我品嚐多種泰式小吃的機會。蝦餅和魚餅都炸得酥脆，內部鮮嫩多汁。泰式春卷的外皮脆口，內裡的蔬菜和肉絲給了整體口感更多的層次。雞肉燒賣則鮮美多汁，搭配上辣椒醬，味道更上一層樓。這個拼盤是一個絕佳的開胃菜，適合與朋友分享。另外，泰式辣豬肉生菜包也是一道令人印象深刻的菜品。生菜包裹著辣味十足的豬肉餡料，吃起來清爽又辣辣的，帶來了不同的口感。生菜的脆度與豬肉的鮮美完美結合，給了我一種健康又美味的感覺。最後是鮮蝦金邊粉。這道菜以細緻的金邊粉為基底，搭配新鮮的蝦肉和豐富的配料。金邊粉的口感柔軟順滑，蝦肉鮮嫩多汁，配料的組合增添了層次感和口味的豐富度。這是一道令人滿足的主菜，讓我欲罷不能。

今次去咗天水圍嘅城中泰餐廳，真係好正呀！佢嘅泰國菜真係正宗好味，我地點咗好多款，全部都好正😊首先係炸蝦餅，個皮好酥脆，入面嘅蝦肉好鮮甜，真係一咬就爆汁，好好味！😚飛天通菜都好好食，通菜炒得脆口，配埋啲香料同辣椒，味道好鮮美，好開胃！😍😍咖喱軟殼蟹係我最愛嘅一款，蟹肉好鮮嫩，加埋香辣嘅咖喱汁，味道醇厚又香辣！🧡蒜蓉金磚烤得香脆，一入口就咬出蒜香，好好味！食完嘢，唔可以錯過佢嘅椰子沙冰同泰式奶茶！椰子沙冰係用新鮮嘅椰汁同椰肉打成冰沙，味道清甜又滋潤，好解渴！泰式奶茶都好好味，茶香濃郁，夠味又消暑！😍😍😍🔥🔥🔥總括黎講，城中泰餐廳嘅泰國菜真係好正宗，每一道菜都好美味，服務亦好好，價錢亦唔貴，真係好值得一試！🥰