城中泰

營業中

休息中

今日經開天水圍，在嘉湖銀座商場被一間泰式餐廳「城中泰」吸引，坐下來吃個晚飯，不一會兒便眼見全場滿座👍🏼餐廳環境舒適，座位寬闊，燈光亦明亮，十分適合家人朋友同事共進晚餐，而且服務員態度亦特別一讚👍🏻炭燒菠蘿海鮮炒飯菠蘿經烤熱過，炒飯有提子乾、肉鬆、蝦仁、魷魚、臘腸粒，吃每一口都十分香口滿足，口感豐富， 十分惹味！喜歡吃炒飯嘅朋友，不能錯過！泰式咖喱蟹肉配農夫包蟹肉鮮甜份量足，一梳梳的，咖喱汁香滑濃郁，帶有椰香甜味又少少辣，切開農夫包的時候，咖喱汁如岩漿湧出來，配上農夫包一起吃絕對是絕配！又好食又過癮，小朋友見到都好驚喜！椰汁珍多冰足料椰汁，香濃清甜解渴，滿足！壓軸出場，就係最新推出的「榴槤雪糕窩夫」濃郁嘅D24榴槤配上3.6牛奶雪糕再加埋香脆微熱嘅窩夫，食到停唔到口！喜愛榴槤嘅朋友，必點！原來餐廳最近做緊優惠，全單食滿$400仲會送甜品，好抵食！今晚送嘅甜品係椰汁椰青雙色冰粉，冰冰涼涼好清新，充滿椰汁香味，好正！總括而言，「城中泰」性價比極高！地方闊落，餐廳環境舒適，食物有驚喜，下次會帶埋朋友家人過嚟再食👍🏼👍🏼👍🏼📍地址: 天水圍天恩路12-18號+WOO嘉湖二期地下G02號舖#mid

銀座裝修後出現，少有的天水圍泰國菜餐廳。比旁邊的一間沙爹餐廳好些。先是燈光較光，感覺舒服，座位也坐得舒適。泰菜也是很好吃的，價錢合理，和朋友一起來多叫幾道菜share是非常好的。

+Woo呢個商場近年開咗好多新餐廳，今次又嚟呢頭野食，天水圍區一向好少可有得食泰國菜，即刻試試呢個泰國餐廳嘅質素如何先😋 (下午茶set) 香辣肉碎煎蛋飯 💰HK$53肉碎份量好多，將啲肉碎同埋啲飯撈埋一齊好惹味。呢到嘅肉碎除咗用泰式香葉之外，仲加咗啲豆角碎同埋三色椒一齊炒，色彩豐富，賣相好～(下午茶set) 輕量青咖哩雞扒飯💰HK$45雖然話就話係輕量，但其實份量都多～青咖哩汁陣陣椰香，成碗喺旁邊另上，可以按自己喜好去點同埋撈飯！不過雞扒味道就稍為遜色，下次可以叫其他肉類再配呢個青咖哩！馬拉盞炒通菜 💰HK$78一直好掛住泰式炒菜，而且出街食有啲菜食下，感覺健康啲！啲通菜好鮮嫩唔會老，整體感覺唔會太油太辣！👍🏻下次再約埋一大堆朋友嚟食先，到時可以再試到更加多唔同嘅菜式😋

難得送咗亞女去學嘢，兩公婆就拍下拖食個晚餐，天水圍銀座開咗間新泰菜，裝修簡約舒適，就入去食吓。打開Menu，見到價錢唔貴，又好似幾抵食，不過就唔係太大碟，所以要嗌多啲先夠食🤣，食物味道好適合香港人。❤️泰式海生蝦刺身$98同一般泰式生蝦差唔多，正常。❤️炭燒泰式豬頸肉$78🌟呢個炭燒泰式豬頸肉，好出色，味道好夠，好好食。❤️泰式咖喱軟殼蟹$138好食，咖喱唔辣，但軟殼蟹就唔夠脆，不過抵食。❤️泰大頭蝦冬陰功湯$38/位（2位起）味道適合香港人，唔太酸、都亦唔太辣，好飲👍。❤️馬拉盞炒椰菜苗$88椰菜苗炒得剛剛好，馬拉盞味道好出。👍❤️蒜蓉金磚（4件）$28麵包烘得乾身，不過蒜蓉牛油就唔太出味。💛城中泰拼盆（小）$78拼盤包括蝦餅、魚餅、泰式春卷、雞肉燒賣，我覺得味道麻麻地，蝦餅唔爽。服務🤵🏻服務一般。環境🌉裝修簡約舒適，無限時👍。

同學仔咁啱夾到時間就一齊去食泰菜，餐廳地方舒適，侍應招呼唔錯，不過食品就一般般，豬手又鞋又唔夠淋，生菜肉碎就唔錯，柚子沙律就正正常常，總括來説坐低食得舒舒服服囉！

🔸泰式 無骨鳳爪啖啖肉 唔駛啜/吮骨頭混合酸、甜、辣的味道，相當開胃🔸海南雞飯 (油飯) - 雞脾肉 彈牙又嫩滑 雞皮與雞肉之間，有層水晶啫喱～膠質 - 配上 三色醬汁 （薑蓉、辣椒醬、黑醬油）- 油飯 + 清湯熱辣辣嘅油飯，粒粒分明，味道適中，淡淡的雞油味～🔸香茅豬扒撈檬係炎炎盛夏，配上涼浸浸, 開胃的甜酸汁（碌冧）, 撈檬惹味之餘又為身體降溫。香茅豬扒係有骨豬排，色澤金黃，入味香口🔸飲品 點左奶茶 及 龍眼肉杞子茶值得一提特飲 只是加10蚊，龍眼甜甜地養血安神，枸杞又補眼明目滋補心肝腎👍🏻

試吓位於天水圍的泰式餐廳。餐廳的裝修明亮而別緻，天花懸著綠植，加上淡綠色調和木系的裝修，幾舒適的感覺。午餐有十款選擇，有飯也有泰式粉麵等，價格由$61-$76，包飲品。泰式車仔船河$66這扎肉墨丸金邊粉份量十足，金邊粉多到滿，扎肉和墨丸是standard 水平，不過不失，湯底的味道沒有很濃，有少少豬骨湯的甜品，是ok的。奶茶是港式奶茶，奶比較多，茶味比較淡但不澀口。午餐是吃得飽的，免加－服務費。

一行10人去天水圍酒店搵下附近有咩食見到泰國菜館就去試吓份量一啲比較少一啲多味道都唔錯😋環境夠大 枱同枱間隔都好寬幾有渡假feel 因為唔逼😌服務態度好炒菜唔夠惹味其他冷盤都幾好食 正宗咖喱包好大份 無令人失望😌酸魚都大份 唔會太酸 剛好如果有冬蔭公湯底會更好味同有風味Pad Thai不過不失 正正常常 嗌得過炒飯兩款 菠蘿炒飯比較抵食 好味最後整個芒果糯米飯正常發揮 芒果夠甜 糯米飯熱上椰汁糕一份四件整體不錯 食環境氣氛都唔錯

平安夜當晚，同兩位好姊妹走到銀座間新泰菜館 <城中泰>，12月19號試業，12月23號正式開張！我們3人等4 人枱，等了大約10分鐘！這裡樓底高，舒適優雅！價錢合理，食物不錯！平安夜泰式晚餐城中泰拼盤 (小) $78有彈牙的魚餅、香脆而餡料豐足的春卷！ 爽彈帶辣惹味的蝦餅，配上甜美的泰式醬汁，就是完美的組合！炭燒泰式串燒雞肉及豬肉 各兩串 $68價錢合理，雞肉及豬肉既大件、又入味多汁！干炒海鮮水晶粉 $88見到水晶粉好特色，特別點來一試！水晶粉富彈性又惹味！海鮮包括：蝦、墨魚仔...及粟米芯、甘筍...熱洛神檸檬 $30水溫熱燙，洛神花加檸檬，充滿天然果酸，開胃消滯！椰汁珍多冰 $33入口透心涼，椰香滿載，又充滿口感，整體無得輸！

雖然偏貴 但好鐘意嚟開餐因為侍應態度實在係好好未落單已經獲得好心情今次嗌咗兩個飯餐下午茶海南雞本身濃味 較硬同少少鞋冬瓜湯超好飲唔覺有味精咖哩豬扒 豬扒少少乾兩舊薯仔超級超級好食無骨鳳爪就酸多過辣 唔夠頂癮

係銀座開左間新既泰國菜，見d位幾闊、裝修算新就入去試下，叫左豬手飯同海南雞飯，下午茶價格平均都要五十幾蚊，凍飲仲要加3蚊，絕對唔算平。先講海南雞飯，d醬汁唔好味，油飯唔香，海南雞好鞋，無乜雞味，依個質素仲衰過普通連鎖快餐店，完全唔值56蚊。杯檸茶得個酸字，唔香茶味。豬手飯就又係好鞋，唔好食。普通茶記既質素但貴過茶記既價錢，夜晚個性價比就更加低落，所以都係無回頭。味道:4/10環境:6/10態度:5/10價錢:3/10總分:18/40評級: D(唔合格)

+WOO位於天水圍，近來重新裝修，更新開了不少特色餐廳，今次就選一間泰式風情。餐廳以薄荷綠色作主調，加上木系桌椅和一些植物，令人有一種放鬆舒閑的感覺。吃泰國菜一向都有些必點的菜式!金柚子沙律金柚子沙律就是其中一款。金柚子不會太碎，一大塊的，吃上一口十分滿足，加上花生，椰子肉，櫻花蝦等配料，口感豐富，酸酸甜甜之餘更帶點辣味，清新又開胃。未到晚飯時間，但又有點餓，來份下午茶！泰式海南雞飯雞肉無骨最高興，飯粒有油香，喝點湯又吃一塊。香辣肉碎煎蛋飯最期待就是戳破煎蛋的一刻，看蛋液緩緩流下，十分療癒！煎蛋剛好能中和肉碎的辣，很惹味！還能加配小食呢～泰式無骨鳳爪口感爽脆，甜、酸、辣同時衝擊味蕾，刺激之餘，十分滋味！再來份冬蔭滋味～泰式冬蔭海蜆鍋滾燙的冬蔭湯底充滿鮮味，配料充足，很滿足！整體這間餐廳性價比很高，而且服務也周到，值得推介！#本地遊 #香港好去處 #thaicuisine #泰式料理 #天水圍美食 #香港美食指南 #hkfood #hkfoodie #foodporn #hkfoodblog #foodbloghk #instafood #blogger #instafoodhk #f

泰國菜向來受香港人歡迎, 這間泰國菜館位於天水圍嘉湖銀座, 裝修清雅, 有渡假屋餐廳嘅感覺。城中泰拚盤拼盤有雞肉燒賣, 春卷,蝦餅和魚餅四款小食, 較喜歡春卷, 細細條又夠脆。欖角肉碎炒飯這個炒飯炒得很夠鑊氣, 飯粒夠乾爽, 帶有欖角和肉碎嘅鹹香。泰式冬陰功明爐鱸魚片鍋大大鍋份量十足, 冬陰功湯底惹味, 又有紅紅綠綠嘅尖椒和芫荽葱粒, 鱸魚片鮮甜香滑。椰汁芒果白糯米飯糯米飯滑溜爽口, 又有清新椰汁香味, 夾埋清甜芒果, 食落又唔會覺得飽滯。椰汁珍多冰味道不太甜, 冰涼椰汁感覺清新。

天水圍嘉湖銀座近年有好多新派食肆進駐, 城中泰是泰國菜餐廳位於置富湖2期, 地方寬敞舒適。二人套餐菜式都幾豐富, 有湯有餸有甜品。泰式金柚子沙律賣相唔錯, 甘油份量頗多又清甜, 配以新鮮蔬菜洋蔥和香脆花生, 相當醒胃。泰大頭蝦冬陰湯湯底濃郁鮮甜, 冬陰功湯料惹味, 還有成隻大頭蝦, 認真足料。泰式咖哩軟殼蟹軟殼蟹炸得香脆, 咖哩夠惹味。馬拉盞芥蘭芥蘭新鲜爽脆, 馬拉盞不太濃味。蒜蓉金磚多士炸到金黃色, 外脆內軟, 鬆軟可口。甜品是椰汁千層糕和椰汁西米糕, 椰汁和甜度啱啱好。

♡♡♡📍城中泰 (天水圍)天水圍天恩路12-18號置富嘉湖2期地下G02號舖
最近嘅天氣又悶又熱 最岩就係食泰國野開下胃😂間鋪頭燈光都幾足 仲有d椰林樹影做裝飾🎍 滿滿嘅渡假feel~🍽️泰大蝦頭冬陰功湯食泰國菜點可以唔食辣野😈一於試下冬陰功湯 辣辣地酸酸地 係落雨嘅天氣下 感覺好驅風😂😂🍽️蒜蓉金磚 幾脆口又有濃濃嘅蒜香味 除左就咁食 仲可以浸湯食 又係另一種感覺😆🍽️炭燒泰式豬頸肉 呢個真係幾好味 淡淡嘅炭香味 配埋酸酸甜甜嘅醬 夠開胃🤤🍽️馬拉盞炒通菜 幾好食 有d蝦米、蝦醬炒埋，又有火喉😚🍽️‘城中泰’鮮蝦金邊粉 係熟識嘅泰式口味 蝦仁都幾大粒 又彈牙 金邊粉加埋青檸汁甜甜地又好fresh😆😆🍼龍眼冰杞子、龍眼都幾足料 仲有片班蘭葉做點綴 朋友話都幾好飲🥰🍼泰國鮮椰青 食泰國菜時係我必點🤣真係好清甜又可以解辣 仲有果肉食🤣🤣