城中泰

營業中

休息中

嘉湖銀座一直以來都無咩餐廳選擇相信係天水圍人都知，嚟嚟去去都係嗰啲屋邨商場快餐店…… 不過，最近幾個月喺銀座開張嘅呢間泰國菜絕對係沙漠中嘅清泉。平日經過見到夜晚都近乎滿座，相信佢嘅晚餐都有一定水準先有咁多街坊支持，所以呢晚就決定同男友去食番個二人晚餐睇睇佢咩料子~ 🧡晚市二人套餐（$368）🔸城中泰小食拼盤（小）拼盤有4款小食，包括蝦餅、魚餅、泰式春卷同埋雞肉燒賣。小食整體來講非常香口，調味十足但食完又唔會話覺得口渴！個人最鐘意佢嘅蝦餅，口感夠哂爽彈，蝦味十足！ 🔸椰子雞湯（細）非常足料，雞件多多好有雞味，椰子味亦十足，入口舒服！ 🔸泰式冬蔭明爐鱸魚片 明火heat住熱辣辣，冬蔭功味香濃，個人覺得都幾辣！鱸魚新鮮，入口好滑，完全無腥味，正！ 🔸馬拉盞炒通菜 馬拉盞夠哂惹味，通菜炒得啱啱好，新鮮脆口！ 🔸蒜蓉金磚（4件）蒜味十足，多士脆口，非常出色！點冬蔭功或椰子雞湯食另有一番風味，推介！ 🔸椰汁千層糕（2件）+椰汁西米糕（2件）千層糕入口舒服，口感煙韌，椰汁西米糕甜度剛好，作為一餐結尾剛剛好！ 🧡椰汁珍多冰（跟餐半價）食辣野就係要飲個甜甜嘅椰汁珍多冰解一解辣，舒服又滿足！

城中泰 (天水圍)好耐無去過天水圍～ 今日同細妹去開天水圍，發掘到一間性價比高既泰式餐廳😋🇹🇭泰大頭蝦冬蔭功湯 $38/位 （2位起）真係每一碗都有一隻大頭蝦🦐，仲有大量菇類，酸酸辣辣好開胃喔～🇹🇭 蒜蓉金磚 $28/ 4件呢款小編大推❤️ 蒜蓉包切成厚身條狀，而且係兩邊都有烤香同埋塗滿牛油和蒜茸😍，咬落好香好酥脆～🇹🇭 椰香青咖喱配牛腩 $88用香薰蠟燭🕯️令青咖喱保持熱度，牛腩炆得好淋，入口即化～ 仲有泰式茄子🍆等配菜，好豐富喔😋🇹🇭 炭燒泰式串燒 （雞肉）$68/ 4 串雞肉串燒烤得焦香，蘸埋沙嗲醬相得益彰😋🇹🇭椰青 $39椰青大大個而且有好多椰青水～ 椰青水清甜❤️🇹🇭凍咸柑桔蜜 $33唔會太甜，而且咸柑桔🍊酸味特出，好清新～*需加一服務費地址：天水圍天恩路12-18號置富嘉湖2期地下G02號舖

嗌左碟馬沙文咖哩牛腩同埋椰香青咖哩雞排馬沙文咖哩係甜口，唔辣，適合食唔到辣嘅人但牛腩非常之柴！唔好食！椰香青咖哩偏辣，個人覺得好食好多，香好多雞排屬正常水準仲嗌左碟小食拼盤，但68蚊得8件，性價比不高，味道普通（仲貴過碟飯😅）埋單$190，非常唔抵，建議第間

就到6:30pm, 晚餐唔知食咩好，突然想食泰國菜，諗起朋友介紹呢間城中泰，見有位入去試吓。我哋一行3人坐低，之後嚟嘅人就要等枱了。每樣都想試吓，叫左個2人餐，加個沙嗲。沙嗲 - 豬肉+雞肉幾好味 2人套餐有頭盤、湯、幾款主菜和甜品選擇，我地揀左小食拼盤、炸蝦餅幾好食。仲有泰大蝦冬蔭公湯、半隻海南雞、炒芥蘭，套餐只有薄餅或蒜蓉金磚 (蒜蓉多士），我地另外加左個白飯 同 泰式海鮮炒水晶粉。海南雞好滑，好味😋海鮮炒水晶粉都好食，最後有椰汁千層糕同埋椰汁西米糕做甜品，我覺得椰汁西米糕好味，仲有芋頭粒係裡面！ 個千層糕就麻麻。得個甜字😅 （甜品唔記得影相）埋單好似$57X，都算多野食，晚餐唔算太貴，經過可以一試。

泰國菜 Tea set輕量馬沙文咖喱牛腩飯🐮🔸牛腩🐮：肉質軟腍、唔會鞋口，牛筋膜都軟腍。🔸馬沙文咖喱：唔辣，甜甜地，幾濃味，送飯一流😋，味道👍🔸薯仔🥔：入味，口感啱啱好，唔會硬🔸青瓜🥒：新鮮，口感爽脆，咬落索索聲，水份足💦雖然係下午茶餐，雖然寫明係輕量，但份量多，同 set lunch 差不多☺️餐飲：茶走☕🔸茶味夠，口感滑口，練奶也夠 🤗

城中泰疫情前確實較少人幫襯，我曾經幫襯過，真係好好味，但感覺有點貴。及後因為商場裝修的原因搬走了，上年終於在嘉湖重新營業，地點更為有利，眼見食客多咗好多。當晚坐低食飯前，見到職員清潔得好乾淨，仲有幫你消毒坐位，吃得安心其泰菜食物確實保持新鮮好味，炭燒牛肉沙律是必點的食物，因為牛肉味突出，配以沙律菜一切吃，非常fresh呀，切一條條不會太大塊，容易放入口，讚呀，菠蘿海鮮炒飯，都是個人推介！😋😋顏色吸引，菠蘿是烤熱過，我鍾意佢加了腰果，連埋炒飯一齊吃，特別香！放心，餐牌款式好多，建議多d人一齊嚟開飯，可以試到唔同的食物😊

今日試吓位於天水圍新開的泰國茶。餐廳的裝修別緻明亮，以清新的薄荷綠色作主調，配上假植物和木系桌椅，很休閑舒適的感覺。蝦頭膏海鮮炒飯$88這海鮮炒飯炒得幾香，唔油膩，有兩隻爽口的大蝦仁，仲有兩三隻小魷魚。雖然蝦仁無乜蝦味，但夠爽彈，而小鱿魚都十分軟嫩。炒飯炒到粒粒分明，帶淡淡的蝦膏味，還夾著炒旦、清蔥、少許辣椒，味道幾ok.馬拉盞炒通菜$78這通菜的味道平實，炒得唔夠香，而馬拉盞的味道比較淡，帶－點辣。城中泰拼盤$78這拼盤有蝦餅、魚餅、泰式春卷、雞肉燒賣等。蝦餅炸得有幾香，幾有蝦味，十分爽彈；魚餅有冬蔭公的味道，很惹味但不辣；雞肉燒賣水準平隱，椰汁芒果白糯米飯$58這糯米飯的味道不錯，糯米飯熱呼呼的，口感軟滑，加上芒果的酸香，和香滑的椰汁，好味道。若果多－點椰汁，可更理想。