影片
更多
2023-04-18
146 瀏覽
呢間係天水圍開左三個幾月嘅泰國餐廳，一入到去，就覺得好舒適，湖水綠嘅主色調，襯托出裝修好淡雅嘅感覺，好有泰國小清新嘅風格。😊打開餐牌，有好多唔同嘅選擇。😊有好多都想試，但因為今次得兩個人，就叫左以下呢幾款。👍🏻泰式蟹肉咖喱配農夫包 $168農夫包質地非常脆！🤩入邊嘅咖喱，簡直係多到就嚟流出來！切開嗰陣時，見佢好似用岩漿咁流出嚟，真係睇到個人滿心期待！😍 味道上，一食落去，好大浸椰奶香😊 反而咖喱味唔係出面街食到既咖喱味，佢淡淡地咁，但又食到有好多香料嘅味道，好特別！而且蟹肉超級多😍，食極都仲有！汁都好多，一定夠沾哂成個包！仲有好多洋蔥同其他配料！令到味道同口感都好有層次，唔係剩係得一股咖喱味同香料味😊。我地另外仲叫左薄餅配黎食，同農夫包可以交替咁樣食，就唔會覺得咁悶！😊👍🏻炭燒泰式豬頸肉 $78呢個泰式豬頸肉，真係好好食！一食落口，已經食到佢嘅外皮，有層好香嘅蜜汁味！而且個豬頸肉入面，都處理得好好，好有肉味！唔會完全冇味！有啲舖頭淨係識得處理個面，又唔處理舊肉入邊，搞到嘥咗件豬頸肉。呢間餐廳完全冇呢個問題！再加上，佢配咗個靈魂醬汁🤩酸酸甜甜咁！本身豬頸肉食多兩舊，都會開始覺得有啲油膩同
打開餐牌，有好多唔同嘅選擇。😊有好多都想試，但因為今次得兩個人，就叫左以下呢幾款。
👍🏻泰式蟹肉咖喱配農夫包 $168
農夫包質地非常脆！🤩入邊嘅咖喱，簡直係多到就嚟流出來！切開嗰陣時，見佢好似用岩漿咁流出嚟，真係睇到個人滿心期待！😍 味道上，一食落去，好大浸椰奶香😊 反而咖喱味唔係出面街食到既咖喱味，佢淡淡地咁，但又食到有好多香料嘅味道，好特別！而且蟹肉超級多😍，食極都仲有！汁都好多，一定夠沾哂成個包！仲有好多洋蔥同其他配料！令到味道同口感都好有層次，唔係剩係得一股咖喱味同香料味😊。
我地另外仲叫左薄餅配黎食，同農夫包可以交替咁樣食，就唔會覺得咁悶！😊
👍🏻炭燒泰式豬頸肉 $78
呢個泰式豬頸肉，真係好好食！一食落口，已經食到佢嘅外皮，有層好香嘅蜜汁味！而且個豬頸肉入面，都處理得好好，好有肉味！唔會完全冇味！有啲舖頭淨係識得處理個面，又唔處理舊肉入邊，搞到嘥咗件豬頸肉。呢間餐廳完全冇呢個問題！再加上，佢配咗個靈魂醬汁🤩酸酸甜甜咁！本身豬頸肉食多兩舊，都會開始覺得有啲油膩同漏，但而家加咗個酸酸甜甜汁，中和返，仲好調味！我自己食完一舊又一舊😂！真係好吸引！
👍🏻金柚子沙律 $78
如果叫咗農夫包，或者咖喱類嘅嘢，我就覺得呢個金柚子沙律，係必叫！事關佢好清新，金柚子每一舊都好甜好fresh!! 打咗酸酸甜甜嘅汁，再加咗花生，椰子肉，櫻花蝦，成個口感好豐富，好清甜，我好喜歡😊！佢既清新仲可以中和返咖喱嘅濃味👍🏻！食完會覺得味蕾refresh 左，可以繼續食多啲咁😂！❤️我自己係超推介呢個！🤩
👍🏻椰汁芒果白糯米飯 $58
上枱嘅時候，見到個糯米飯係心型，真係好驚喜😍！芒果好鮮甜，一啲都唔酸！😊糯米飯，可能因為要壓成心形，所以邊位略嫌有啲硬，但係中間部份其實好軟熟，而且唔黐牙。😊食嘅時候加埋椰汁，令到個飯再軟熟咗，口感更加好，味道又唔會好甜，剛剛好。😊再加上個飯暖笠笠，以呢款甜品作結，非常滿足。
整體上，我覺得好好味，重點係價錢唔貴，而且份量好足！性價比好高！有啲item 例如咖喱軟殼蟹都係$138，明爐烏頭都係$178，個人覺得價錢相當合理同吸引！
侍應同埋廚房，都係正宗嘅泰國人，佢哋嘅服務好周到，嘢食味道亦都好正宗！
雖然天水圍好似好遠，但其實輕鐵銀座站一落就到😊，非常易搵！
有興趣嘅朋友仔，係個頭搵開食，不妨去試吓啊！🥰
張貼
