泰國菜越南菜就聽得多 印尼菜就真係好少見 見有foodies介紹一於去試下啦 ～·～·～·～·～·～·～·～·～·～·～ 💁🏽‍♀️不變·招牌巴東牛肉飯（lunch set) $73 另外加咗$10轉金貝飯（姐係薑黃飯） 巴東牛肉個醬汁甜甜地帶有少少辣 撈飯好好味😕可惜牛肉份量唔算多 💁🏽‍♀️印尼咖喱牛腩飯(lunch set) $66 味道唔錯👍🏻咖哩夠香口 不過就唔算太特別 味道同其他餐廳差唔多 💁🏽‍♀️雙色咖央多士 $40 原味同斑斕味嘅麵包 烘到熱辣辣加埋凍冰冰嘅牛油同埋咖央醬😋好味

曾經紅極一時嘅拉麵 好記得下午茶時間去食淨番清湯 ～·～·～·～·～·～·～·～·～·～·～ 💁🏽‍♀️丸京叉燒拉麵 $100 3塊真叉燒加3塊普通叉燒 😂老實講都真係唔係幾知點分 兩款都夠腍，偏粉紅色嗰款就比較嫩啲 💁🏽‍♀️半熟卵拉麵 $78 我鍾意食流心蛋但係又唔鍾意太生喎 🙈呢隻蛋生熟度啱啱好，浸得好入味 雖然淨番清湯👍🏻反而更顯得出師父熬製湯底嘅功力

鄰近海邊🌊鬧市中一個既寧靜又舒適嘅飲茶好地方 環境闊落，空間感十足 要讚一讚呢間餐廳嘅服務👍🏻店員都好nice又好主動咁加添熱茶 ～·～·～·～·～·～·～·～·～·～·～ 💁🏽‍♀️高湯海參灌湯餃 $88 巨型足料嘅灌湯餃 成隻餃都塞滿咗蝦肉豬肉等等嘅材料🤩 彈彈的海參配上鮮味嘅湯 味道偏清，但係低調得嚟又突出咗每種食材獨自嘅味道 💁🏽‍♀️蟹粉小龍包 $38 呢個必叫😍隔住塊皮都明顯咁透出咗蟹粉蟹膏嘅顏色 一啖咬落去，蟹膏加上肉汁陣味充斥住口腔 🤤滿足滿足 💁🏽‍♀️魚子醬賽螃蟹餃 $68 餃皮煙韌好有口感 面頭鋪上賽螃蟹🦀再以高貴魚子醬作點綴 靚賣相食落都開心啲 💁🏽‍♀️花膠珍珠雞 $68 本身以為平平無奇🙈點知加入面原來加咗成塊花膠 有啲驚喜 💁🏽‍♀️蜂巢海鮮芋角 $68 表面炸得相當鬆脆 入面既芋泥混合海鮮饀料 配搭得宜👍🏻有啲creamy 💁🏽‍♀️手磨紅米腸粉 $68 用咗少見嘅紅米米漿 包住啲脆脆同蝦肉等配料 表面掃上金箔令精緻嘅點心顯得更高貴 💁🏽‍♀️啤梨咸水角 $58 外型以綠綠啤梨形狀呈現🍐相當吸精 涵料都係以豬肉香菇為主 令傳統咸水角變成創新又得意嘅菜式 💁🏽‍♀️西米紅豆沙 $48 好香果皮味😋非常足料 平時好怕食紅豆沙，好驚太甜 今次呢碗甜度啱啱好 另外茶水均以小蠟燭座熱保溫☺️好貼心

由細到都覺得大排檔好有地道風味 而且熟食中心嘅食肆又好似愈嚟愈少 得閒都要去下🙈可能唔知幾多年後就會絕跡㗎啦 大排檔搞放題都幾有噱頭😂一試無妨 ～·～·～·～·～·～·～·～·～·～·～ 放題有3個唔同嘅價錢 由$288-488當中有包普通小炒、火鍋或海鮮 但要留意唔好眼闊肚窄，餸菜份量同平時散叫一樣嘅 今次先試下最平$288嗰款🙈希望食得回到本 💁🏽‍♀️可愛BB鴿 即叫即整🔥熱辣辣上枱 層皮係脆嫁 💁🏽‍♀️海鹽香煎和牛粒 煎得算香口 當送酒菜都幾好 💁🏽‍♀️手拍小黃瓜 涼伴汁味道調配得好適中 青瓜夠爽幾清甜 💁🏽‍♀️特色金沙雞翼 呢款不得了😆好邪惡 炸到脆卜卜好juicy 每啖都沾滿咸蛋黃 溫馨提示：小心熱得滯辣親咀 💁🏽‍♀️腰果黑醋骨 本身以為係金沙骨，但原來係豬扒嚟 醬汁甜甜酸酸好開胃 唔覺唔覺就清咗碟 💁🏽‍♀️麻辣噱螺 見呢款係小食嗰欄😂以為份量好少 點知…..都幾大鍋 平時食嘢連lur骨都懶嘅我表示：食呢道菜好攰🙈 鐘意辣嘅人應該都人 如果自認黑洞嘅話😂食呢個放題都好似唔錯

唔係講笑😍呢間啲燒味都真係幾出色 每日都唔同例湯，仲要幾好飲 ～·～·～·～·～·～·～·～·～·～·～ 💁🏽‍♀️黯然燒魂飯 $60 半肥瘦嘅叉燒好腍 袐制嘅燒肉汁係叉燒嘅精粹 撈飯成碗都食得曬🤪真係好鐘意汁撈飯 😂好似個個post講飯都係有汁撈咁款

比呢間餐廳嘅雞吸引番兜食多次 呢間分店座位幾闊落同多位 裝潢幾有以前去馬來西亞地道嘅feel ～·～·～·～·～·～·～·～·～·～·～ 💁🏽‍♀️娘惹炸雞咖哩配椰漿飯 $85 隻炸髀大到佔咗一半碟面🤩 加上蝦片花生魚乾，配埋班蘭汁椰漿飯，相當搶眼 見個樣外皮好似炸到好脆，都驚驚地入面既肉質會鞋 但一刀切開之後😍見到啲肉汁係咁流出黎我就放心曬　 炸既時間同火力控制得相當好，做到皮脆肉嫩 腌料調教得宜，點埋香料咖哩汁都唔會過咸 💁🏽‍♀️火焰醬香椰子雞煲（半隻）配油飯 $168 本身以為會普普通通一個砂鍋仔上枱 點知上枱前先點著咗茅台酒沿邊倒落去 一打開煲蓋芳香嘅酒氣即為清甜既椰子雞湯提升左層次 煲入面除左雞件、椰子肉、杞子之外就無其他多餘既配菜 估唔到咁簡單既材料😋可以煮出唔簡單既味道 最後仲成煲清曬🥥一滴湯都冇浪費 油飯蒜味好香，單食飯都忍唔住爬多幾啖 另外都有醬油加上南薑辣椒青檸，可以自行蘸雞件用 點咗青檸醬油又有另一番風味 💁🏽‍♀️麻辣水魷通菜 $25 呢款係套餐加嘅優惠小食 成個碗底都係滿滿嘅通菜 份量絕對唔手軟 成日出街食飯🙈多菜小肉都係好事

牧羊少年食過好多次👍🏻一直都keep到水準同性價比高 原來新分店開咗喺尖沙咀😍仲要開埋酒吧 餐廳分咗西餐同酒吧2個area，環境好舒服好闊落 非常推薦同朋友或者另一半嚟chill chill，間中仲會有love band㗎 係一個嘆住酒傾計嘅好地方 ～·～·～·～·～·～·～·～·～·～·～ 💁🏽‍♀️Shallow $108 主要係Gin、柚子、葡萄柚嘅味道為主 酸酸甜甜嘅味道好清新,仲有陣陣蜜糖香氣 Gin本身獨特嘅味道唔會話好搶😆唔識飲酒嘅人應該都唔會覺得「Kang 」 💁🏽‍♀️Prom Dress $118 蜜桃烏龍vodka、Apricot Brandy、柑橘 因為本食木鐘意蜜桃烏龍茶嘅關係😂一見到就叫咗呢杯 呢杯飲落酒嘅味道相對會重少少 🍑桃味好出☺️甜甜哋好有少女嘅感覺 面頭係一層士多啤梨泡沫仲有啲士多啤梨脆脆 😋好似飲緊奶蓋烏龍茶咁👍🏻推薦 💁🏽‍♀️明太子康提芝士蟹肉墨西哥夾餅 $148 唔好望落個夾餅細細🌮入面都幾多料 比啲芝士碎淹沒曬😆入面好多明太子 蟹肉本身淡味啲，配埋辣辣地嘅明太子好夾 💁🏽‍♀️純素松露醬薯條 $78 見到「純素」兩個字心理上都覺健康啲 即叫即炸熱辣辣，份量比我想像中都多 本身薯條平均沾滿咗紫菜同味粉🍟淨食脆卜卜都已經好好味 黑松醬都唔算細兜🤩食曬啲薯條都仲未點曬啲醬

貼近台灣嘅味道🥲食到好想飛轉台灣 價錢合理又用心制作 ～·～·～·～·～·～·～·～·～·～·～ 💁🏽‍♀️紅燒牛腩刀削麵 $65 牛肉煮到好腍好入味 麵嘅口感彈牙🍜剛剛好 湯底夠濃味又唔會好咸 我幾鐘意個湯飲咗好多啖 重點係食飽之後又冇好口渴嘅感覺 💁🏽‍♀️香酥排雞扒魯肉飯 $53 雞扒炸得好香脆 粉漿唔會話太厚 魯肉比我想肉中多 魯肉汁撈飯一流 💁🏽‍♀️粟米起司蛋飯 $32 蛋皮夠煙韌🤔不過唔沾汁就唔係好有味 中間嘅粟米同芝士麵幾蛋料 💁🏽‍♀️九份芋圓 $40 芋圓口感都幾平均 唔會有啲好粉嘅口感 味道正正常常，唔算太特別 正價嘅話就未必會叫啦

一間以蝦湯為主嘅拉麵小店 前排見到下午茶時段第二碗半價 😮都幾抵喎 ～·～·～·～·～·～·～·～·～·～·～ 💁🏽‍♀️鹽味海老拉麵 $75 老規矩😆未食先試吓啖湯先 蝦嘅鮮味都幾突出🦐咸度適中 麵質都算幾彈牙 💁🏽‍♀️唐揚炸雞 $45 熱辣辣炸起🐔不過就肉質唔算話好嫩嗰種 比較普通咗啲🤔唔算話好有驚喜 💁🏽‍♀️煎餃子 $30 餃子入面餡料都夠多肉汁🥟唔錯唔錯

有啲想要食得清清地🤔又唔多太重味太肥 Poke係幾好嘅一個選擇 但香港唔算多賣poke嘅餐廳 ～·～·～·～·～·～·～·～·～·～·～ 💁🏽‍♀️自選蓋飯 $88起 呢碗揀咗吞拿魚、豆腐、粟米車厘茄 半飯半沙律菜🥬夠飽肚又清又健康 醬汁揀咗辛口蛋黃醬 撈飯辣辣地又creamy同開胃 另外加咗牛油果😆唔知點解覺得食poke一定要加🥑 💁🏽‍♀️自選蓋飯 三文魚、青瓜、蛋絲、車厘茄 呢碗就揀咗柚子沙律醬 味道係日式柚子醋嘅 清香柚子味🍣好似食緊柚子漬三文魚咁