◐香港食到正宗酸菜魚｜Airside開新分店 太二酸菜魚已經久仰大名，但從來無體驗過，Airside開新分店，閒日夜晚都多人排隊，好大廚窗睇到晒酸菜魚製作，尤其淋油個下真係好治癒。座位寬敞，有免費茶水。仲有得抽籤好過癮。 𓇟 酸菜魚2 人份 $258 必點菜式，而且有埋魚頭，魚肉好滑，辣度無得選擇，算正常既辣。酸菜比魚更好味，聽講話醃製30 日。 𓇟 小食 小酥肉$52、夫妻肺片$58，2 份都好送飯。肺片和腩肉好爽口好夾，仲有小小辣。 𓇟 蛋酥軟糍粑$48 軟軟糯糯，外皮小脆。配上黑糖醬，唔會太甜😃 𓇟 乾聰菌菇灼菜心$

◐灣仔日式串燒｜種類繁多 店鋪好大好寬敞，閒日夜晚到訪幾乎無咩人，好啱多人聚會約會食飯。好大招牌寫住「自慢之燒物」即係對燒物好有自信，於是選左好多燒物試下 特盛串燒拼盤（鹽燒） $388🎖️ 唔洗諗肯定揀呢個，有牛舌、羊肉、和牛、雞肉，各有2 串。牛舌好厚口感唔錯👍🏽 月見照燒免治雞肉棒（汁燒）$68🎖️ 雞肉棒搭配生雞蛋撈豉油，味道好夾 唐揚雞$68🎖️ 外脆內嫩，雞唔會鞋 蒜香白鱔$98 唔係坊間鹽燒，係汁燒無特別出色，性價比一般 鹽燒生蠔$58 半生熟狀態，有海水壕味，但距離我期望值有點距離 鰻魚炒飯$128 🎖️ 炒飯好香口，鰻魚粒都多，夠2-3 人份量 飄雪忌廉泡芙$68 泡芙份量慷慨，裡面裝住滿滿既cream，甜而不膩

- カマ鰤魚（魚鮫） 魚鮫部位既鰤魚，稀有部位，每條魚只有幾件。非常厚切，入口先有魚味，後有甘甜味，非常肥美。 - 香箱蟹蓋 香箱蟹所有肉拆好，有蟹籽蟹膏，加紫蘇葉，蟹膏特別多，食到滿滿既蟹味。 - 自家制梅酒 （5-9月） 師傅自己用大樽浸既梅酒，用日本梅，淨返最後2杯，所有精華都係呢2杯到，所以非常甜，亦唔會有死甜 -長崎生蠔 非常新鮮同鮮甜，配搭紅葉蘿蔔同酸汁。 -八爪魚 食得出有壽喜燒醬汁，煮既火候岩岩好，只serve中間最軟淋既部分俾客人 -天婦羅白子 白子新鮮，炸技術好高，白子容易散但師傅可以令佢保持形狀。醬汁都係用白子調出黎。 -鮟鱇魚乾 非常肥美無腥味，配自製麵豉醬，可以解膩，份量好多 -水魚湯 用大量水魚熬製既湯，清甜清口菜式 -磯煮鮑魚 用鮑魚肝醬煮既汁配壽司飯，鮑魚非常入味，鮑魚肝醬好濃郁 -金目鯛燒 魚鱗燒成金色，食到好似薯片咁脆，魚味亦好足 -茶碗蒸 有好多海鮮，另外仲有好大片花膠 -間白魚壽司 入口滑溜，口腔散發淡淡魚味 -赤貝壽司 爽口彈牙 -深海大池魚壽司 -活帶子壽司 師傅將帶子切成多段網形狀，好考刀功。因切得好細所以入口即溶，唔需要太多咀嚼，新鮮而且鮮甜 -甜蝦壽司 新鮮甜蝦配上面蝦膏煮出黎既醬，蝦味得到昇華 -鰆魚壽司 魚味最濃郁一道，屬鯖魚類，味道亦同平時相近，但肉質比平時要滑嫩許多。 -カマ拖羅(魚鮫） 同樣係稀有部位既拖羅，比一般大拖羅要肥美，但仍然食到拖羅自身魚味，配上岩鹽中和油膩感 -拖羅（蛇腹） 比魚鮫部位仲要肥既部位，炙燒過將油脂燒出黎，非常香口，偏向肥膩。 -海膽手卷 使用北海道海膽 -玉子燒（魚肉） 製作中加上魚肉打溶，出現蛋糕既質感，同時蛋味都好足 -甜品（芝士蛋糕，橙果凍，抹茶mousse布丁） 全部均是師傅自家製，甜度適中。作為結尾非常完滿

◐九龍塘校園Cafe 原來浸會大學內都有一間唔起眼的Cafe，有學生優惠，意粉、pizza等等主要西餐食物都有提供。地方寬敞舒服，好過係Canteen食😂 2️⃣人餐食物好豐富🤤🤤🤤🤤🤤 前菜係忌廉湯，溫泉蛋配蘑菇🍄 溫泉蛋好Juicy，蘑菇好香 辣肉腸意粉🤤🤤 本身好期待以為係手工意粉，可惜唔係，辣醬味道好特別 ham pizza🤤 pizza夠晒大份，2 個人食都覺得飽 少不了配脆薯條過口癮😆

今日揸車黎到呢間Innolife試試 門囗就有位泊車 非常方便 呢度非常歡迎帶毛孩一齊用餐 好大地方空氣好清新 加上呢度種左好多植物 環境好舒服 世外桃源咁 蒜泥焗紐西蘭半殼青口伴薯蓉 青口有8隻咁多 好新鮮 配埋蒜泥汁勁正勁好食 值得推介 白切無激素雞胸芝士沙律 雞胸係無激素既 適合女性食 好大舊 份量好足夠 加上沙律 減肥女性啱哂 煙三文魚薄餅 薄餅食落有小小硬 差少少 但好足料 每塊都會有大量芝士、生菜、蕃茄仔同粟米 仲有主角煙三文魚 蘋果紅菜頭有機蔬菜汁 啖啖肉真材實料好大杯 顏色好鮮豔好靚 夏天飲呢個一流 有機洛神花茶 清新既酸味 另外仲加左啲蜂蜜調味 味道酸酸甜甜 飯後飲幫助消化 自家制芝士蛋糕 好多人推介呢個必點既檸檬芝士蛋糕 蛋糕除左有少少檸檬皮 個底仲要係最鍾意既消化餅底 食落好fresh 懷舊蛋花大菜糕 份量超大杯 味道清香又唔會好甜 啱哂夏天食 亦都清到食完啱啱主餐既油膩感

◐超出色手工意粉｜慶祝之選 準備聖誕節慶祝可以好好考慮呢間，手工意粉最推薦，今次週年慶祝係週末🍾，午市有前菜甜品組合比較豐盛。甜品仲可以附加字句，收到時候好sweet🥰 𓇟 前菜 麵包形狀好特別，口感較硬。 餐湯係南瓜湯，好綿密。 三文魚沙律開胃 𓇟 卡邦尼手打扁意粉 芝士味濃郁，手打意粉好煙靭，食完唔會膩，好香蛋黃味。 𓇟燒八爪魚意式辣茄醬手打闊意粉 並唔係普通蕃茄意粉，帶微辣刺激味蕾，八爪魚燒得好軟腍，啖啖肉好入味，10分推薦。 𓇟 伯爵茶奶凍 加左Happy anniversary 寫得好靚，奶凍好smooth，帶微微伯爵茶味，奶味香濃🥰

◐初試超人氣La Famille蛋糕｜聖誕款吸引 La Famille 超人氣蛋糕真係唔差窩，聖誕期間有幾款特色款，真係好快賣晒，我下晝4 點去賣晒啦🥲，揀左幾款基本款都唔錯！ 最鍾意栗子蛋糕！栗子蓉好smooth🥺 最首選推薦😄，全部都係戚風蛋糕，所以好鬆軟。 𓇟伯爵茶味蛋糕🍰🍰🍰🍰🍰 𓇟桃味蛋糕🍰🍰🍰🍰 𓇟沖繩黑糖栗子蒙布朗🍰🍰🍰🍰 𓇟香芒熱情果蛋糕🍰🍰🍰🍰🍰🍰🍰

收工經過見到有間好有日本風味既居酒屋，就行入去試下，環境佈置都好多日本文化氣息。 前菜日本蕃茄非常鮮甜，無任可臭青味。香箱蟹好精緻，係將全隻蟹既肉原隻拆出黎再放入蟹蓋排好，非常考功架同技巧，亦需要好多時間，睇得出用心。 磯煮鮑魚連肝都處理得好好，唔係就咁蒸熟就算，口感彈牙同鮑魚肉差唔多。 壽司種類好多亦好新鮮，有金目鯛，拖羅，魷魚，牡丹蝦，三文魚子，池魚。有淺味應有深味既魚。 串燒就有牛舌同菇，味道都好正常

◐觀塘靚靚Cafe｜澳洲羊臀肉嫩滑 觀塘樓上Cafe，其實都係一間Bar，有各色各種酒，羊臀肉好鬆軟🥹，set lunch 可以加配主食、甜品🌝 有桌球飛鏢玩，夜晚可能真係旺場 𓇟 去骨澳洲羊臀肉 🎖️ 羊臀肉超級嫩滑，切開一件件，啖啖肉，經過要來試試啦 𓇟 慢煮美國安格斯頂級牛板鍵 牛板鍵好厚肉，5 成熟火候控制得好好，食起身牛味好重，好似有小小柴 𓇟甜品 芒果慕斯蛋糕，中規中矩 𓇟飲品 熱朱古力和Latte🥺

好有泰式風情的小店，之前YouTube介紹過呢度手打蝦餅好好食，可惜夜晚去到已經賣晒。 𓇟 黃咖喱雞，追加薄餅$38/泰式沾麵$18 有4 大塊米粉，揀左黃咖喱湯底，上碟唔算好熱。有好多配菜，薯仔洋蔥等。可以將米粉放入後咖喱，但都吸湯，個人推薦加薄餅，好脆口！雞唔算好嫩，勝在份量夠 𓇟 即燒豬頸肉 $88 🎖️ 切得好薄，每件都有焦香味，配上特製醬汁，酸辣辣過癮。 𓇟雞肉炒河 $98 河粉有d 煙韌，唔係平時房式河粉，份量適中，炒得香口 𓇟 飛天炒通菜 $78🎖️ 秘制醬汁炒後，唔算辣但係又惹味，好地道！ 𓇟 可麗餅 $48 椰子或者斑斕味，未食都唔知係咩。好難形容，就似硬版馬拉糕，幾有咬口，味道唔錯，可以一試