坐忘

營業中

休息中

去過天后分店，鰂魚涌尼間既格局感覺寬落d。豬軟骨一試難忘，所以係必叫。晚市7點9左右，排隊等左大約5至10分鐘就有位，今次快好多。叫左糖心蛋豬軟骨鳥冬($69)，椰香烤雞野菜咖哩飯($64)。豬軟骨一如既往大大件，肉質嫩而軟。不過今次既軟骨就唔似上次既，溶到變骨膠原漿，今次既仍然見到軟骨既形狀，不過煮得冧，所以唔駛太用力咬d軟骨，亦都唔會覺得d骨膠原太膩。不過個人鍾意天后分店個次食到既軟骨，變到似漿既狀態。糖心糖既蛋黃做到流心效果，而且唔會過熟。鳥冬非常多，用上巑岐鳥冬，帶點硬身，有口感。再加埋大量菜及粟米。烤雞份量同樣多，應該有2大塊雞扒，已經切好一件件方便食及烹調入味。不過，唔係太食得出係以烤煮方法烹調雞肉。椰香味濃郁，而且咖哩帶少少少少辣，飯入面混合蕃薯及粟米煮，所以陣陣香味。咖哩同樣加入多種蔬菜煮，夠健康。整體，難得唔駛等太耐位，不過要等都值得。大食既人，唔怕唔夠食。

日復日工作 對自己好d，真係要去坐忘食個靚飯。點解咁講？你lunch time去坐忘門口就知道～十次有九次半都係要等位仲要係閒閒地十幾廿個人，除非你單拖啦，就有機會可以隨機搭枱對我黎講係坐忘食晏，係 超 級 滿 足又大份，又好味～最鍾意係佢嘅豬軟骨好大好大舊，仲要係比兩大舊你其實都夠送兩碗飯架如果要野菜咖哩豬軟骨飯，基本上唔需要食咖哩汁，淨係餸舊肉，已經好好味甜甜地，又有少少膠膠質感嘅軟骨野菜份量都好多，有椰菜花，西蘭花，甘筍，翠玉瓜色彩繽紛，加晒分包保營養均衡lunch仲有埋野飲，可以要凍或者熱茶一杯70蚊有找，都係一個唔錯既選揀不過呢，就真係要好肚餓先好去食，如果唔係分分鐘會食唔曬圖片係野菜咖哩雞扒飯um....我個人認為豬軟骨好味好多

中午放lunch同班同事過黎食呢間係鰂魚涌出哂名嘅小店一坐底即刻叫左招牌—七小時煮豬軟骨定食+熱茶沙津菜我叫左走沙津醬 食落健康啲 呢到嘅沙津菜好新鮮 無黃無霉亦無苦澀味 食落好爽口豬軟骨炆得好林好入味 絕對符合商品說明條例 一啖一啖咁食 真係高手在民間 無需花巧菜式簡單一碟已經令好多人慕名而來定食跟埋一碗白蘿蔔湯 無任何花巧嘢 已經食到白蘿蔔嘅鮮味 呢到每日12點半已經8成入座率 要人齊先可以入座 所以想試嘅朋友最好12點左右黎到

13:00放飯時間到，等左24分鐘坐低。Order左豬軟骨野菜咖哩飯，因為係門口果陣已經問定要食咩，所以好快就有得食啦野菜脆肉瓜4片、西蘭花1、椰菜花1、西芹3小片 ：全部都爽脆豆角2條 ：有豆角原味薯條2條半 ：煮得唔夠耐，唔夠粉；芯有少少生，中意食薯仔既我有啲失望紅蘿蔔3條：鮮甜之餘保留到爽脆，雖然唔係煮得好耐，但完全冇紅蘿蔔果浸味（我本身因為浸味，唔太中意食紅蘿蔔）好驚喜！幾好食~蕃薯南瓜粟米生姜飯飯係珍珠米，煮得乾身，唔會太黏。軟硬適中，帶少少煙韌，如果可以再煙韌啲就更好啦！飯入面加左蕃薯、南瓜、粟米、生姜令成件事變得養生、健康左食到有少少姜味，都揾到有姜絲；粟米增加飯既口感、層次；蕃薯同南瓜就食唔出，不過佢地既存在令飯變得金黃，顏色更吸引主角豬軟骨有成五舊，份量十足！有兩舊係全瘦，肉質硬實，食到一絲絲既肉，唔會韌或難咬。其餘三舊帶膠質，無論口感定味道都好正豬軟骨煮到軟骨既部份變成膠質，食落有啲似肥膏、會漿口；肉質軟淋入味，連埋膠質既部份一齊食，超滿足！滿口膠原蛋白既感覺，連平時唔食肥膏（因為唔中意肥膏口感既我都一啖接一啖咁ko左啲豬軟骨）😆食完帶膠質既豬軟骨好似明白點解咁多人

食乜嘢：豬軟骨野菜咖喱飯 ($69)評分：8/10好耐冇試過影到咁靚嘅大特寫喇 😉 坐忘感覺好多港島返工嘅人都唔陌生 😙 六七十蚊個飯主打好家常菜風味嘅特色飯同埋烏冬～耐唔耐就會掛住佢哋嘅豬軟骨咖喱飯 😆 飯同汁嘅比例其實我覺得汁已經俾多得濟因為其實隻咖喱好濃味偏鹹 😛 但豬軟骨真係煮得好好，究竟係點樣先可以煮到咁淋身 😍 完全係入口即化開，同時啖啖肉喔但感覺有冇牛腩咁肥 ☺️ 感覺一份有好多骨膠原 😂 啲軟骨一 pat pat 攞咗入飯到之後就令到飯嘅質地亦都變得好黏，同時有少少似食肥膏 😅🙂 >> 冇咁邪惡嘅肥膏 😌 有啲人或者未必鍾意呢種質感～不過唔緊要佢哋啲烏冬望落都唔錯嘅

前排同個fd去試呢間，個fd試過推介，佢重點推介個豬軟骨，於是就叫咗個豬軟骨飯同一個咖哩豬軟骨飯，餐飲蘋果汁，個豬軟骨非常入味，佢啲軟骨煮到好似牛根咁淋而啲肉都入晒啲汁味，真係無推介錯，而個咖哩汁就好普通，係黑咖哩黎，有好多配菜，杯蘋果汁係用果汁先生，如果唔like果汁先生可以唔叫，因為要加$5仲要係細杯，成個餐連嘢飲$65，雖然有啲貴，不過勝在佢係自家制唔係一般餐廳咁求其整，所以整體唔錯，推介係豬軟骨飯

2018年10月28日。晴。鰂魚涌。呢間鰂魚涌嘅人氣小店其實食過好多次，但都未寫過食評一定要推介一下～呢日晏咗食飯，7點幾8點先來到，但門口竟然都係大排長龍等咗大概20分鐘先入到餐廳餐牌設計零花巧，但有心思黑白手寫餐牌，歷久常新！選擇多籮籮，有定食，有丼有飯，仲有湯麵最後一版有店長嘅深情告白，講返佢開舖嘅初衷，等餐嘅時候不妨睇睇牛油烤雞野菜咖哩飯，$64咖哩飯會跟蕃薯南瓜粟米生薑飯，正氣養生，又有咬口咖哩味濃郁，有別於一般日式咖哩，呢度嘅咖哩唔會好甜，但亦唔會辣，非常特別烤雞嫩滑唔嚡口，配合多種蔬菜，一睇就知營養均衡，有益健康豬軟骨七小時定食，$66定食會跟多個湯，清清甜甜，幾好味㗎！豬軟骨用咗七個鐘炮製，所以非常入味，但鹹淡適中而且軟骨部分已經變成啫喱狀，入口即融，差唔多每次都忍唔住會點呢個定食小店喺天后都開咗分店，聽聞一樣多人，無計啦～好味又抵食，排下隊都要㗎啦～

店內設計簡約，桌面椅子餐盤也是木質而成，讓人有貼近大自然的感覺。同friend叫左2款食物，分別是豬軟骨咖哩飯，同埋椰香烤雞咖哩飯，2樣都十分美味。飯是加入了粟米，每款也配以各式蔬菜，十分健康。前者豬軟骨軟淋入味，有3大件，超抵食，醬汁稍咸，但配飯便剛剛好。後者有濃濃椰香味，烤雞也是醃製過的，有獨特的香味，十分可口。飯類份量很大，若是女孩子，可嘗試點一款飯，再加一款烏冬。但店內有最低消費，每人$60，要注意喔～

七小時慢煮豬軟骨沙律($74)軟骨煮到啫喱狀，係入口即溶既豬軟骨🤤 而且超入味🤤 有四大舊豬軟骨加半大碟菜，平靚正超抵食！慢煮豬軟骨咖哩飯($69)豬軟骨只有兩舊，不過我覺得其實都好夠！咖哩係日式咖哩，甜得黎帶少少辣。而飯係蕃薯粟米飯，淡淡地，係健康既味道，推介👍🏻烤雞扒(+$15)皮焗到好脆，冇乜肥膏，雞肉好嫩好滑🤤黑芝麻牛肋野菜咖哩飯($65)牛肋炆得好淋，仲好多舊😭甜甜地既日式咖哩同芝麻又冇違和感😱 以為野菜係side dish得幾粒，點知有勁多，仲有好多種類（西蘭花、紅蘿蔔、薯仔、西芹、瓜、豆⋯）！總括黎講，坐忘既豬牛雞同野菜都好好食，而且份量多好抵食！每次黎食都會有選擇困難症，樣樣都咁好味唔知揀咩好😭

今日又返舊公司食飯, 我黎搵位先.. 3個人..都等左4個字.. 如果唔係我早到, 佢地唔會考慮食呢度.3個人既命運就係要坐2人台.. 其實好迫..同埋都要被趕收場,,係QB 食野真係好慘..但我原諒呢間野, 因為真心好食!今日同行2人都未試過呢間... 佢地食完都好有驚喜!我叫左招牌豬軟骨野菜咖哩飯. $69 其實個豬軟骨汁已蓋過左咖哩汁了..真係好淋好入味..... 充滿骨膠原.切開哂畀佢地試, 佢地都話下次黎要叫呢款~~( 梗係.我上次第一次黎唔識貨, 都係同行既人點呢款, 我偷黎食發現勁好食, 今次先識叫咋.)然後朋友一號叫左.雞扒野菜咖哩飯. $64呢個係普通好唔會出事既雞扒. 不過係豬軟骨面前, 比下去了.朋友二號叫既. 牛肋野菜咖哩飯. $65今日加左黑芝麻, 第一次試, 又幾好食~有機會真係要試. 同埋最好雙數黎啦... 單數就要ZIP 位好迫..

尼兩個月日日有朋友同我慶祝生日🎂大魚大肉日子沒停午餐想食番清d又吾想咁DRY所以黎左尼間食，見尼間店標榜健康，而且好多蔬菜🥗🥙🥦🥒🥕最主要尼間係一間日本小店主打溫野菜最出名係佢店既咖哩係日式咖哩平日日日中午飯都爆場，今日揀星期六無咁多人既時間來食個午餐🥣店內裝潢簡單已木為主調、簡約裝修。餐牌都係人手寫同畫好有心機仲要款式好多之餘仲可配沙律🥗、鳥冬、飯、而飯都分幾種仲可以隔外再增量或加配料岩晒大食既朋友友人揀左《蘿白牛肋白味噌定食》$76 配湯望落就覺得非常健康啦蘿白、牛肋都好多仲要有一堆沙律🥗 多到友人都食吾完。而我當然要食佢本店既日式咖哩啦我揀左《15種一日野菜咖哩飯》由於我吾想食飯改轉鳥冬+$10再加左半隻溏心蛋$8黎到真係超級大碗鳥冬份量多過原本既飯好多五顏六色既野菜非常吸引鳥冬配日式咖哩汁真係無得輸非常入味，而且鳥冬非常爽同彈，吾會斷仲好滑日式咖哩汁好濃郁但吾辣，咖哩汁配蔬菜真係一流蔬菜沾滿咖哩汁吾會覺得難入口之餘仲要好惹味。十五種蔬菜樣樣都好新鮮，仲要本身有炒過再加入咖哩汁，香上加香15種入面其中我覺得最正就既係茄子🍆、西蘭花🥦、洋蔥、蓮藕最惹味炒得最香。健康又味美既野菜餐必

之前食過天后嘅坐忘今次去鰂魚涌呢間試下環境好似比天后嗰間闊落少少七點半去到都算坐滿人但係唔會要等好耐位嗌咗個豬軟骨咖哩野菜飯成碟飯係超級大分份豬軟骨都有成四至五大舊 個份量好似仲多過啲飯咁個豬軟 不錯的burger骨夠曬"淋"就係人都知 而且仲要係好入味 唔錯唔錯呢個飯入面有啲南瓜都幾特別 啲菜就係白芍夠清淡又唔會煮到好老身食完啲豬軟骨再食番啲菜感覺就好似健康啲 而且份量都足夠 唯一覺得可以改善嘅就係 成個飯好似俾豬軟骨嘅汁搶曬咖哩汁就唔係太突出 食完真係好飽

終於黎到呢到食呢間一直好想試嘅小店😚見勁多人黎食佢嘅豬軟骨 好大件定價又唔高好吸引咁🤤小店係由日本店主經營 主打無添加 無味精 多菜少油嘅菜式 係成日要外食嘅人嘅福音黎😀-✏️豬軟骨七小時煮定食 ($66)(轉配特色飯+$3)先介紹個豬軟骨七小時煮定食:豬軟骨份量好多 勝價比好高🙉 不過唔知係咁啱我呢份係咁定係點 有大概一半嘅豬軟骨嘅肉質較乾同有啲啲鞋 不過食左一半到有幾舊就係好軟稔好好食🤔感覺上水準有啲不穩🤔整體軟骨比例冇我想像咁多 冇話食到期待滿滿膠質嘅感覺😗另外有一大份沙律菜伴上 醬料唔會太多 食落好清新 感覺成個飯好均衡咁😛我仲加左錢轉左個特色飯 係蕃薯生薑飯黎 覺得好吸引 不過食落有啲失望 因為就咁食都覺得蕃薯同薑嘅味道好淡 再伴埋醬汁同豬軟骨後更被完全遮蓋左個味道🤥🤥-✏️豬軟骨野菜咖喱飯 ($69)另外仲叫左個豬軟骨野菜咖喱飯🐷整體味道覺得呢個更出色🤪 咖喱係味道較甜嘅傳統日式咖哩 但又唔會係喺出面有時食到好種味精食完會好口乾嗰隻味😌唔知點解 呢碟嘅豬軟骨軟稔好多!好好食🤤所以可能真係咁啱我喺上個post叫嗰碟係咁🤥仲有配左一大堆什錦野菜 好健康好正唔會好似淨係食勁多肉咁🤣

難得有long lunch，到了坐忘食個靚午餐。由於店舖較細，座位數目不多，所要要等一陣先可以入座。店內裝修簡約，簡單舒適。店員服務態度很親切。餐飲項目不少，對選擇困難症的人來說，實在有點頭痛。最後和朋友點了豬軟骨拉麵，以及野菜咖哩飯。食材十分新鮮，有滿滿的蔬菜，即使點了咖哩，也不覺有半點罪惡感。烏冬十分彈牙，配料十分豐富，唐心蛋亦出乎意料的好食和入味。雖然價錢偏貴了一點，但偶爾一次也是值得，是一餐有質素的lunch~

今日同男朋友仔去開呢頭，就醒起想食坐忘ge豬軟骨烏冬，天后分店就成日去，呢到就未試過喇。12點45分之前埋單就有95折食完先12點半就享用到呢個優惠店舖相比天后 較為闊落，趕在12點前入座人流較小。Lunch Menu 望落有啲不一樣，天后店有較多選擇。lunch時間送多杯茶，我地就揀左凍焙茶。今日叫左個烤雞野菜咖哩飯比天后ge純咖哩多左椰汁 更為滋味，辣味都比較重，同天后相比，我更愛呢間ge咖哩 烤雞都煎得夠香，無雪味，而且肉質滑嫩 烤雞野菜咖哩飯 $64 評分 8/10每次都一定要叫慢煮豬軟骨，一直都好神奇佢地可以煮到又林又嫩，入口既溶 不斷吸入骨膠原加埋隻半熟蛋，恰到好處絕對推薦豬軟骨湯烏冬 $69 評分8/10