圓方餃子粥麵

營業中

休息中

想去試呢間餃子店好耐嫁啦，之前亦都聽朋友媒體介紹過。今日終於食到啦!中午食晏時間開始多人，坐位都算鬆動，仲可以用隔離張櫈放手袋添。叫咗淨魚湯西洋菜餃加咗7蚊要生菜。上菜時間大約5至8分內，非常快魚湯一般般啦，只有好少好少嘅魚味，唔洗抱太大期望。但餃子真係好好味皮薄餡靚，食得出西洋菜好新鮮，鍾意食餃子一定要試。下次會去試埋韭菜餃先！美中不足其中一隻餃裏面有沙囉，但總括餃子係好好味嘅落單姐姐又有禮貌，讚

下午時份黎到深水埗，人流非一般地多。今日黎到深水埗，主要係因為早幾日同同事講起深水埗美食。其中，佢地提到今次哩間餃子舖，仲話非常之咁平靚正。佢地講到我心郁郁，作為水餃愛好者既我就襯今日得閒黎朝聖一下。一去到餃子店門口，發現左右兩邊都有人龍，仲要唔係短果隻。心諗，係咪真係咁好食，同時亦都諗唔明點解會有兩條隊。我是旦排左一條隊，之後再問前面既人。發現原來左邊係外賣生餃，右邊先係堂食隊。勁好彩我一排就已經係堂食隊，冇跟錯隊。其實條人龍雖然好長，但係我排左冇五分鐘就已經有位坐低左，咁計落佢地個個鐘都賺唔少。回歸正題，湯水餃係我今日既目標。佢地有三種口味既湯水餃，分別係白菜豬肉、韮菜豬肉同西洋菜豬肉。當中因爲韮菜食完會口臭既關係，而當刻我又冇好想食白菜，所以我就揀左西洋菜餃。淨餃8隻要28蚊，都幾平下。落單冇耐，我碗靚餃都上枱喇。佢地d餃唔算大隻，係正常size，行皮薄餡靚路線。餡料充足，而且西洋菜非常新鮮。湯底佢聲稱係魚湯，但係我飲唔到魚味，反而有好大陣麻油味，食完仲殘留係口腔久久不散。雖然魚湯冇魚味，但都唔係差既，只係可能有落味精，食完個口既感覺係食左味精咁。最後講埋佢個餃皮，佢地用既係現成

之前網上見到很多人討論的餃子店，已經mark實下次一試。聞名不如見面，那晚眼見入面差不多已座無虛席，幸好時間尚早，不用排隊就能入座，不然就要在外面等了。魚湯韮菜餃子：先說湯底，魚湯清甜不油膩，反而魚味不算重，亦不會有魚腥味。自家製的餃子皮簿，卻不易爛掉，餡料方面韮菜及豬肉比例均一，一向偏愛韮菜香味，不過略嫌入面的肥肉居多。魚湯西洋菜餃子：西洋菜菜汁加上肉汁配搭也很惹味，西洋菜特別香，令人聯想起西洋菜湯，這款湯餃會比煎餃出味。除了餃子出名外，店還有粥粉麵飯、小食的，價錢都十分平民抵食。不過可能期望有點高，反而覺得質素普普通通，不過不失，沒有那種一吃難忘，要再度回來的感覺。

今日同兩老去行深水埗特賣場，之後我就帶兩老去食食食，這一間一定要來，因有好多人介紹。去到先在門口等兩三張枱，因要留枱供員工用膳，所以等了大概15分鐘左右。叫了魚湯西洋菜餃，煎韮菜餃，蒸蘿蔔糕及豆漿 （今次又無影相啦，掛住食，抱歉）魚湯西洋菜餃，魚湯是淡淡的，應該沒有味精。 西洋菜餃皮很薄，有如雲吞皮。 而餡料有好香的西洋菜味，若西洋菜再嫩些會更好，但食落西洋菜是沒有渣的。煎韮菜餃，沒有想過這麼大隻，皮脆餡香，而且也足料，好好食。而蒸蘿蔔糕，蒸出來點少少豉油已經好夠味，熱辣辣又不油膩，不錯。豆漿雖然有糖，但不是太甜，很好。本來想外賣生餃回家，可惜已售罄，下次請早。

圓方餃子！呢間圓方餃子唔係位於圓方商場，而係深水埗!呢間食店十分有口碑，好多人都會慕名而來，鍾意食西洋菜嘅一定要試呢間既餃子，不過圓方餃子粥麵出名嘅程度應該好多人都知吧.係我前排先咁遲先去食😛😭😭它的西洋菜餃子好吃到流淚,其他就普普通通！🔹魚湯西洋菜餃 $26/8隻呢度既西洋菜餃真係為之驚喜，係大肚Dum我既第4位，入面既西洋菜新鮮又爽,個陣香味好難忘,菜同肉嘅比例都係做到1:1,肉質又嫩口,餃子晶瑩剔透，夠曬飽滿，脹卜卜，皮夠薄!雖然個湯冇咩特別但都屬清甜,超級經濟✨絕對係深水埗平民美食，絕對值得試❗❗雖然餐牌冇寫可以雙拼，但得喎！另外有新鮮生餃可外賣，下次一定要買走啊。

昨日晚上耍到石硤尾做義工，因返完義工约左班朋友到酒樓食消夜，所以唔學以往食完飯先返義工，祇想食少許嘢。最終諗起圓方餃子，所以遲一個站係深水埗站落車。到了餃子店，見到整坐滿客，好不容易找到座位。魚湯韮菜餃子 - 魚湯好清甜，餃子餡配韮菜，我覺得好夾，韮菜的香味包係餃子裏食起来真係好好味。魚湯西洋菜餃子麵 - 先來飲淡湯，有魚香味好清甜。麵質好靚。主角餃子更值得讚，皮簿餡靚，配西洋菜好清甜。這裏的餃子全部由人手包，所以有一定水準。

最近成日係網絡見到人講呢間餃子店, 咁啱行開附近, 一於試一試佢! 煎餃得一款就係韭菜餃, 即管試一試, 唔錯喎~ 另外叫咗魚皮同餃子麵, 味道唔錯, 餃子唔太咸, 上湯冇味精, 價錢好合理.

慕名而來到深水埗的圓方餃子，叫左魚湯上海雲吞（白菜豬肉餃）（$27/8隻）同魚湯韮菜餃（韮菜豬肉）（$27/8隻）。雲吞同餃子的分別在於皮，雲吞皮比餃子皮薄，形狀為方形，而餃子皮較厚身，形狀為圓形。不過老實說，圓方的雲吞同餃子皮都造得好薄，單論外皮，分別不大。上海雲吞同韮菜餃，魚湯鮮甜，兩者都做到皮薄餡靚，餡料的肉汁仍可保留，可以根據個人口味選擇白菜或韮菜作為餡料。韮菜屬五辛之一，食落始終較為香口，即使係煮餃，依然不覺清淡。

呢日去深水埗買啲野，又到食lunch 既時間，深水埗多野食係人都知，不過食包咩好先係最大難題。行行下見到呢間圓方餃子店，見到有啲人排緊，應該有保證所以就決定食呢間啦。呢間同舊式粥麵店一樣，都係用大圓枱，所以少不免要同其他人搭下枱。見到menu係食粥同餃子為主，所以我地一行二人就要咗一碗豬潤生滾粥同埋一碗久菜餃子。個餃子好食，啲皮厚薄啱啱好，啲料又新鮮，加埋個湯好食。佢可以配麵不過唔係好餓就無配到啦。而個粥就不過不失啦！

講起餃子，朋友話圓方餃子好食。佢鍾意食西洋菜餃子，又話煎餃好大隻，咁我就一於通通都試。魚湯西洋菜餃($27)：皮唔厚，又唔會一夾就爛，摺疊嘅部份都煮熟了，入口滑嘟嘟。餡就以西洋菜為主，啲豬肉似乎只係要來黐住嘅菜同皮，無乜豬肉味。其實我第一次食西洋菜餃，我嘛嘛哋呢個味，唔係佢整得唔好食，係我自己嘛嘛哋西洋菜陣味。至於個魚湯呢，OK喎，飲咗幾啖又唔覺口渴。煎韮菜餃($16)：朋友無講錯，真係大隻。皮唔厚，又無日式餃子咁薄，油囉，有少少黑色鑊撈，可能我放太耐，唔脆。餡同西洋菜餃一樣，豬肉少，韮菜味為主，即係鍾意就鍾意，唔鍾意就唔鍾意。跟餐油菜($7)：未見過咁粗嘅菜莖，有2cm吧。此外，無特別。

最近突然很喜歡吃餃子，前幾天剛吃完美味的，今天再跑去吃圓方的😋😋圓方的魚湯較清淡，西洋菜餃清香得來好有口感👍👍 但其实圓方的西洋菜餃是雲吞，不是餃子🙄🙄 奇怪餐牌點解寫餃子😅😅水餃皮為圓形，餛飩皮為正方形；水餃皮厚，餛飩皮较薄，故煮熟后有透明感。所以就算用同一种餡，但兩種皮包出來的口感是很不同😁😁 雲吞就如秀氣的女子，餃子就如粗礦的男子，故北方人多吃餃子，南方人如蘇滬杭多吃雲吞

作為深水埗人我一得閒就食呢間餃子因為我唔鍾意食厚皮既水餃呢種皮薄餡靚既餃就啱哂啦👍🏻最愛食佢既西洋菜餃$27有8隻餃係呢個時勢真係抵到爛仲要個魚湯底清清底無味精真係可以食餃飲埋d湯其實佢有生餃$24一打但自己又煮唔到呢個魚湯底🤷🏻‍♀️都係係鋪頭食啦👅仲可以加$7加個菜埋單都只係$34😋

話說經常食美味餃子🥟的我，被友人建議去食下呢間餃子🥟店，話我會愛上的。 可惜，未令我十分滿意。不過，它餃子的確皮薄的。而且西洋菜餃及韮菜煎餃十分美味。而且只需43蚊。但佢輸舌左哪裡？ 答案就喺！ 餃子的數量同湯底。一碗7隻，不多，其實8隻剛剛好。 湯底味精同罐頭味太重，令成個層次沒有貫徹健康的概念，有失所望。店面的位置非常近地鐵站，而且干淨。如果能改善湯底新鮮度，及每碗餃子數目，則可以令其價值更高，吸引回頭客。

第一次食圓方，網上風評好似好好咁，黎到現場就算已經過左lunch time，3點幾都仲有5-6個人等緊，不過等幾分鐘好快入得。基本上一落單，等幾分鐘好快就有有野食黎，叫左呢度好出名既西洋菜湯餃，西洋菜餃唔係度度有得食，啲菜好新鮮，皮夠薄，個湯就一般啦，好似雞粉溝水咁，整體黎講冇網上面講得咁好食，都有中上水平，價錢幾吸引，27蚊8隻餃子，味道唔會令人失望但亦都唔會話好有驚喜，經過都可以試下既。

一碗$27/8隻湯餃，可以填飽肚子可遇不可求仲可以雙拼，都係仍然$27/8只我叫左西洋菜餃和白菜餃隻隻都係人手包粒粒都咁大粒食過返尋味 要再幫襯咬一啖，西洋菜味道由缺口湧出來平時都唔覺西洋菜可以咁好味係呢度食完，果度味係仲可以係口裡面逗留 好清香啊另外叫左煎餃可能比湯的西洋菜餃填滿左個味蕾所以我個腦海返到屋企都只係西洋菜餃再度幫親 都仍然只係食西洋菜餃仲要係淨餃唔要麵，因為8隻其實都唔係好夠喉 店裡面都有自家制腸粉淨腸粉好味d，不過要等細細幼幼滑滑 粉糊醬有飽滿 食一碟都覺飽