難得隔離果個願意陪我去飲啡～～ 南角一開門就坐底左….好快就落埋單（都好似係第一個落單） 飲品好快送上，scone都好快送上， 食完scone無耐差不多坐滿人啦，前後都無10分鐘。 其實成間coffee shop唔算大，可能得大概20個位左右 同前面幾條街唔同，呢間好光猛，因為係米黃色為主，所以感覺好大，仲有個閣樓仔，可能係倉黎。 望下望下…. 隔離換左新客，4個人一齊黎，但因為現時只有兩張2人檯，就係我旁邊兩張，南角唔會移動已經到左的客人，所以新黎的4人就要拆開2個2個坐. 呢刻好奇怪🤔我個all day breakfast都半個鐘未黎，心想可能好多餐一齊叫所以需要時間………. 未幾隔黎出去order完返黎坐底就有嘢食，係all day breakfast🤔🤔🤔😮‍💨 我當然問下我果個幾時到，順便問係唔係比錯啦。waitress話唔係…….. fine 再等 無幾耐又有兩份all day breakfast出餐，分別比我隔離兩張台，但其中一張又話已經食緊，我再問會唔會係我呢……… 個廚話唔係….. 我話我果份未黎過😮‍💨 好想食囉。之後先比多出來的all day 我。果刻心情勁down囉。 難得飲啡～～ 仲要聽到隔離果個話我地食咁少嘢😮‍💨😤 係度想再食多D都無心情啦 撇除出餐混亂，其他嘢食其實都一般，因為太餓，所以無影我份all day breakfast. 但望返其他人post出來果D，我果份其實好茶記feel。我期望太高了 中間又有小插曲，有客人叫完野食可能搬左位，送餐果個唔知，又搵唔到，最終杯啡放係落order時remark果張檯…..之後我就去左廁所無理有無搵個客坐係邊😌 其實叫完餐比個#牌顧客好核突咩？野食放灑落檯收返個-#牌，咪唔會撈亂嘢食，又唔會邊個客人落完單搬咗枱去左邊都唔記得😢，#牌都可以整得好靚仔比客人打卡架。 有機會再黎食，希望有另一個好的改變。

西貢都有的店係灣仔開了分店，當然就腳好多啦 所以特登路過來打下卡 好厲害，keep住都係熱的，都幾大個$33/個 食到尾都好燙口。料好多，食極都爆出來咁 但無我預期咁好味，清過頭，蘋果味唔係好濃 另外叫杯咖啡，$22/杯，任何味道都一樣價錢⋯⋯我叫了焦糖咖啡，味道好似無味咁 舖頭簡簡單單，有兩張高檯，最窩心係有插頭連線比客人差電話 高檯陪高椅放係舖最邊位，望住商場。其實我的食相比行過的人望到灑，搞到我都食得唔自在建議買完上利東街露天地方食可以打卡之餘又唔會食得咁尷尬

無啦啦唔洗返工 無啦啦行過見到開門又無排長龍 係呢個混亂社會再度展開前 有幸來到灣仔食個澳洲式早餐 左望右望 十五十六 心大心細 最後都係選了avocado toast 只係因為自己鍾意食avocado..... 🥰😚 一上桌，成個人果日心情開心灑，好靚呀 其實配搭唔係好特別，只係用上了sour toast（包皮香脆中間麵包軟熟）加上goat cheese.... 味道變得一食再食，要食完為止 後上fruity味咖啡 飲品上得很慢，有好有唔好 可能係外國人文化，食完正餐先飲咖啡，慢慢嘆 香港人就會不習慣

行返公司路過，本應係坐下食個tea，點知爆滿 又唔想係條街等，所以就買個包返公司食. 唔知係咪新鮮出爐，但圓碌碌又暖暖地，所以就吸引左我一路行一路食. 味道係我曾經係深水步一間叫黃x冰室的同一味道，都有d杏仁味。但龜裂的包皮，我一路食唔會一路散開 ，值得讚架。我最怕就係一咬，上面果層脆散開灑。不過個包就有d乾囉。 期待下次入去坐抵嘆下午茶

第一次去是一個人，目的是想有個清淨地方食下嘢同做嘢。 記得是下午兩點後的時間，正常寫字樓客又有，前線行街sales又有，我呢d hea hea人又有。基本上已經無人不認識此coffee cafe。 我叫了pizza and 一杯手沖。手沖係呢間店來講需要等上一段時間，所以如果趕時間，就不要叫了。 pizza是一定要試的。份量是一個人size，切開6件，但我食唔灑。溫存蛋概念真係很特別，呢個係和風味道。pizza質感好乾身和脆脆的感覺，係有點似蛋糕那破崙但脆果種口感似咬咁紙咁薄的酥皮 第二次去係帶同事去傾計，自己舖頭唔夠靜。一坐就2-3個鐘。 同事對我介紹的pizza都讚不絕口 第三次去是自己一個人，為繁忙的一天先嘆個早餐和手沖咖啡 厚多士，雖然邊邊有點硬和乾，但係出爐即奉上。中間麵包是軟熟

一碗$27/8隻湯餃，可以填飽肚子 可遇不可求 仲可以雙拼，都係仍然$27/8只 我叫左西洋菜餃和白菜餃 隻隻都係人手包 粒粒都咁大粒 食過返尋味 要再幫襯 咬一啖，西洋菜味道由缺口湧出來 平時都唔覺西洋菜可以咁好味 係呢度食完，果度味係仲可以係口裡面逗留 好清香啊 另外叫左煎餃 可能比湯的西洋菜餃填滿左個味蕾 所以我個腦海返到屋企都只係西洋菜餃 再度幫親 都仍然只係食西洋菜餃 仲要係淨餃唔要麵，因為8隻其實都唔係好夠喉 店裡面都有自家制腸粉 淨腸粉好味d，不過要等 細細幼幼滑滑 粉糊醬有飽滿 食一碟都覺飽

琴晚路過，心血來潮想食舊式西餐 經朋友慫恿就一齊入去食嘢 店員跟老闆娘還是著住紅色衣服，好有節日感覺 心想，可以填補返25號的聖誕大餐 牆上檯上餐牌上都有5花6門的套餐 我選了鵝肝牛扒，友人選了羊架 先上忌廉湯 餐牌寫著有牛尾湯，起初還以為有牛尾湯飲。最後只有忌廉和羅宋湯兩款 餐包是微波爐加熱，加得很熱 以致餐包淋 但太熱渣上手，飲幾口湯後，暖和了，但包邊又開始硬好後悔無親熱食 之後正餐就上了 雖然我塊鵝肝好似燒黑灑，但其實又剛剛好咋，唔腥，夾5成熟牛扒一流 。不過我塊牛，應該係6成，因為已經無血水變緊粉粉紅 朋友的羊 7成 就剛剛好，跟我的5成一樣熟的程度 最後甜品有啫喱或紅豆糕和餐茶 總體，主餐野食很好，比一些黑黑暗暗的港式懷舊扒房的扒餐更高水準

上左幾堂咖啡班，連同結伴去coffee店踩場
好震撼

NOC係我們踩場第一站
位於西環7號差館附近的咖啡店，比其他分店地方佔地最大規模齊全
皆因有自己的烘豆機

地方以白色為主 好乾淨整齊顏色跟擺設望落去好柔和

假日都爆滿，難得有位，即刻急不及待排隊買飲品
我們一行6人飲左10杯大大小小不同口味咖啡
排隊位置有個qr code，scan code之後，原來係買9杯送1杯
我地總共斷斷續續買了10杯，店員即刻比我們使用，所以第10杯是免費的

餐牌上我們好奇的 dirty 係同latte有點相似，不過先後次序就不同，而且係用凍奶。味道比latte更有expresso味道，一飲就愛上了。


另外，當然要試手沖啦 pourover
有兩個產地：蒲隆地和哥斯大黎加
印象最深刻的是蒲隆地，果酸味濃d 但唔會over左
barista手沖好好，大家都好喜歡



我個人亦都好鍾意，好想買返去自己沖來飲，不過望見店內可以買的啡豆，就係沒有呢個產地。
可能賣灑


我們還試了mocha，cappuccino 同埋甜店，邊飲邊聊天邊食嘢。

除了咖啡，都有茶飲品同all day breakfast
店員對咖啡都有一定的認識，所以當我們問到餐牌上不明的地方，他們都很樂意解答

真係想知道點解長期排隊 所以終於去試下 12月26號 lunch 12點幾 排左15-20分鐘左右 唔過份 就到我們了 舖細少 20個位左右 平均lunch連加一$150左右，假期豪一次吧 但原來對於外國人來說，就便。而且又係米芝連唔怪得咁多遊客同西人來食 我們點了和牛湯麵同pad thai 炒老虎蝦 整體上 醬汁湯濃，用料認真 試過一定會愛上個和牛湯 本人覺得味精唔重 份量其實係細少精緻 唔夠食 想繼續食 一定會再光顧 而且甜品都未食 🤗 期望晚市野食會有多些選擇

店內原來有兩層，人多可以坐樓上 樓下中間一張大長檯，打對面坐又得，打橫排排坐又得，店員都好任客人隨意坐 我同朋友選擇了門口對街的吧檯 其實餐廳高左幾級，係可以直接望到街外遊人行過，亦因為坐高左，遊人行過只係點綴而不是騷擾果種，所以下午茶hea下都好有情調 當然，始終都係望街，不時被外面遊人拍攝時拍埋入鏡。如果想不避騷擾情況下，可以坐貼牆身的檯 店內裝飾帶有英式小鎮風格 如果加小小音樂，氣氛會更加寫意 很久沒有來這小區遊盪 今次來開PMQ搵食，見posting話有個好味tiramisu，而且又有asiamiles訂位儲分，更加要到此一打卡 今次選了 rose latte 同埋 tiramisu 其實本身剛好食完lunch，未落格又再食，所以只可以品嚐甜品 帶有少少玫瑰味道，可以不用另外加糖調味 小巧別緻的王牌甜品 是雪硬上的donut形狀tiramisu，浸係香濃expresso裡面顯得咖啡特別濃郁。 但本人比較喜歡有酒味道的tiramisu。如果浸係有酒味道的咖啡裡會令到個甜品更加加分。