影片
更多
2019-03-03
449 瀏覽
下午時份黎到深水埗，人流非一般地多。今日黎到深水埗，主要係因為早幾日同同事講起深水埗美食。其中，佢地提到今次哩間餃子舖，仲話非常之咁平靚正。佢地講到我心郁郁，作為水餃愛好者既我就襯今日得閒黎朝聖一下。一去到餃子店門口，發現左右兩邊都有人龍，仲要唔係短果隻。心諗，係咪真係咁好食，同時亦都諗唔明點解會有兩條隊。我是旦排左一條隊，之後再問前面既人。發現原來左邊係外賣生餃，右邊先係堂食隊。勁好彩我一排就已經係堂食隊，冇跟錯隊。其實條人龍雖然好長，但係我排左冇五分鐘就已經有位坐低左，咁計落佢地個個鐘都賺唔少。回歸正題，湯水餃係我今日既目標。佢地有三種口味既湯水餃，分別係白菜豬肉、韮菜豬肉同西洋菜豬肉。當中因爲韮菜食完會口臭既關係，而當刻我又冇好想食白菜，所以我就揀左西洋菜餃。淨餃8隻要28蚊，都幾平下。落單冇耐，我碗靚餃都上枱喇。佢地d餃唔算大隻，係正常size，行皮薄餡靚路線。餡料充足，而且西洋菜非常新鮮。湯底佢聲稱係魚湯，但係我飲唔到魚味，反而有好大陣麻油味，食完仲殘留係口腔久久不散。雖然魚湯冇魚味，但都唔係差既，只係可能有落味精，食完個口既感覺係食左味精咁。最後講埋佢個餃皮，佢地用既係現成
一去到餃子店門口，發現左右兩邊都有人龍，仲要唔係短果隻。心諗，係咪真係咁好食，同時亦都諗唔明點解會有兩條隊。我是旦排左一條隊，之後再問前面既人。發現原來左邊係外賣生餃，右邊先係堂食隊。勁好彩我一排就已經係堂食隊，冇跟錯隊。其實條人龍雖然好長，但係我排左冇五分鐘就已經有位坐低左，咁計落佢地個個鐘都賺唔少。
回歸正題，湯水餃係我今日既目標。佢地有三種口味既湯水餃，分別係白菜豬肉、韮菜豬肉同西洋菜豬肉。當中因爲韮菜食完會口臭既關係，而當刻我又冇好想食白菜，所以我就揀左西洋菜餃。淨餃8隻要28蚊，都幾平下。落單冇耐，我碗靚餃都上枱喇。佢地d餃唔算大隻，係正常size，行皮薄餡靚路線。餡料充足，而且西洋菜非常新鮮。湯底佢聲稱係魚湯，但係我飲唔到魚味，反而有好大陣麻油味，食完仲殘留係口腔久久不散。雖然魚湯冇魚味，但都唔係差既，只係可能有落味精，食完個口既感覺係食左味精咁。最後講埋佢個餃皮，佢地用既係現成餃皮，並唔係北方果種用麵粉揉成既手擀餃子皮。食落個餃皮滑嘟嘟軟淋淋，並唔係我鍾意果種有口感有q度既餃皮。兼且，佢個餃子唔係隻隻都包得咁靚，佢有兩三隻既餃d餃子皮疊得太厚，所以煮完出黎都係死實一舊野咁。
總括，如果唔係住附近唔洗特登黎幫襯，整體質素屬中等。
題外話，岩先食野果陣有對情侶坐我隔離，個男人一路食一路嫌三嫌四，講野冇禮貌，叫人幫手好似老奉咁，又話d野食係垃圾（但係佢之後又加單兼打算外賣埋生餃）。坐係佢隔離食野，我覺得好辛苦，嚴重影響埋我既心情。講完。
張貼
