四點金飯店

營業中

休息中

呢一間茶樓好有潮州特色， 亦都可以見到餐牌上面有鹵水鵝之類嘅潮州菜。 但因為我上次去食嘅時候係中午， 所以都係想食番傳統少少嘅點心飲茶。 大家可以留意返朝頭早會有優惠， 十一點鐘之前埋單會有折扣。我叫咗個蠔仔粥， 啲蠔仔都係脹卜卜， 雖然我叫嘅係細碗版， 30蚊， 但份量都唔少， 我最欣賞嘅係佢入面有一啲好香脆嘅魚乾， 令到成碗蠔仔粥嘅鮮味更加突出， 而且增添咗咬口。 如果大家係唔鍾意食芫茜嘅話， 你會更加鍾意呢碗粥。另外嗌咗一碟蘿蔔糕， 我可以話呢一碟係純正嘅蘿蔔糕， 佢唔會有其他花巧嘅食材同埋配料混淆你嘅專注力， 佢雪白無瑕， 你可以好專心咁樣品嚐真正嘅蘿蔔味。 不過如果煎得再香口少少會好食啲。另外一個驚喜係叉燒腸， 條腸入面有好多叉燒， 好足料， 而且一個腸粉皮唔會太厚， 最好食。我哋之後就嗌咗桂花糕， 蝦餃， 山竹牛肉球。 水準都好唔錯， 最後埋單都係200蚊， 其實都幾抵食， 如果大家住附近可以試下過嚟飲茶

今日又可以work from home, 仲可以LUNCH 搵爸爸媽媽一食, 因為限聚令, 又想坐得舒服D。所以都係買外賣返去。爸爸媽媽中意食中式菜, 一去到新都城就搵下有乜食。新都城二期好多食肆, B出口一上到去二期, 落一層係UG就見到 門外好多人, 仲有好多外賣的小食, 真係好多款式。咁多人幫襯, 一於揀呢間。門外已經有好多張外賣紙, 點心紙, 種類好多。入去叫外賣時都要探熱, 雖然外面都多人等位, 職員都好耐性, 有問有答。見我睇緊外賣紙,仲拎埋其他點心紙比我。飯店面積好大, 充滿中國式裝修。最後揀左 :酸甜炸雲吞 $18.8   金珠咸水角 $18.8鼓汁蒸鮮烏頭 (配例湯及白飯) $72鳳梨梅羔一字骨 $92由於有小菜, 職員都溫馨提示要等多一陣,我又可以行一轉商場都得。好彩住得近拎到屋企都係好熱。酸甜炸雲吞(共3粒)職員話個漿汁好好味, 帶有少辣但酸甜味適中, 一定要沾汁食先正, 雲吞亦係即炸, 雲吞皮都係好脆卜卜安珠咸水角(共3粒)本身好中意食咸水角, 好香口, 仲要熱辣辣食, 真係食一粒都唔夠鼓汁蒸鮮烏頭 (配例湯及白飯)烏頭分開3件上, 鼓汁好多。烏頭蒸得啱啱好,

今日天氣凍咗好多 想叫個外賣 咁啱見到四點鐘金飯店有羊腩煲賣咁就買個返屋企返到屋企個羊腩煲仲暖笠笠， 羊腩煲好 料， 有支竹有好多嚿羊腩 仲有竹筍 馬蹄首先講下主菜羊腩， 羊腩大大嚿 羊坑腩， 啖啖肉 食落唔覺太 羊騷味， 因為用咗好多香草闢味。 配料醬汁仲有腐乳 香草。 方便客人選配之後知足就好爽脆嫩滑 ， 仲有竹筍 好鮮味清甜之後仲有好爽脆嘅馬蹄， 最正就係個羊腩煲的醬汁， 條喉得恰當好處好入味。最後就愛咗個豬皮咖哩魚蛋， 脫皮好爽脆， 咖哩汁好入味。

過去整年少了飲茶，今天很想嘗點心，午膳茗茶就在「四點金飯店」，皆因曾外賣加餸感到滿意。下了單，嘗著香片等候美食，看見亞姐推車仔推銷蛋撻仔，我們要一份，是我們喜歡的酥皮，暖烘烘的蛋撻仔，蛋香滑溜，極之開胃。特價點心孖寶：水晶蝦餃和蔥花炸兩腸，蝦餃內涵（饀）是蝦、蝦、蝦，一顆水晶蝦餃有三隻鮮蝦，口感鮮味清爽，減少豬肉的油膩感。蔥花炸兩腸尚可的！原來很想嘗試自家製湯魚麵，可惜售罄，改選滑蛋蝦仁炒河，滑蛋炒得固然很滑，撈起的河粉也很滑，味道不鹹，清淡中却又可口，蝦仁爽脆，蝦味較淡，最欣賞是沒有可怕的蝦腸。有驚喜的炸蛋散，一向吃開的蛋散上枱前已經碌均糖漿，這份蛋散是灑上黃糖粉、香芝麻與碟上少許練奶，首先看見這是很乾爽蛋散，入口鬆化香脆，還暖暖的温度，沒有油脂的感覺，如果不愛太甜可卸去部份黃糖粉，如果喜歡多甜可沾碟上練奶，要多少甜度可以自己揀，十分喜歡這份甜品！結帳後，看見有臘味與賀年糕品小攤位，臘腸肥瘦肉的比例不錯，買一包回家儲糧，稍後再選擇賀年糕品。

最近少同家人飲茶食點心，所以我去左新都城中心二期"四點金飯店"揀左的點心外賣返去慢慢同家人嘆茶傾下計。門外燈光鮮明有種懷舊式既感覺。外賣同堂食一樣禁豐富，非常多選擇水晶蝦餃皇   明蝦子燒賣 懷舊綿花雞  香茜牛肉腸招牌叉燒餐包蒜香蝦春卷原籠馬拉糕翡翠鮮蝦腸蝦餃同燒賣都係飲茶必叫點心水晶蝦餃皇薄的外皮，蝦既餡有大蝦仁，蝦味更濃郁鮮美明蝦蟹子燒賣內餡絞肉很彈牙。蒜香蝦春卷春捲皮炸的相當酥脆，酥脆外皮內包既蝦肉同配料非常卜卜脆。棉花厚身而富彈牙口感，有冬菇蟹柳雞肉好軟淋翡翠鮮蝦腸 香茜牛肉落料腸粉晶瑩薄透，而且牛肉饀料滿滿好足料，牛肉好鮮味原籠馬拉糕好厚身同鬆軟口感仍彈牙，味道適中唔太甜四點金飯店將軍澳貿業路8號新都城中心2期UG樓UG051i號舖

很久沒有回娘家了，所以在娘家附近的新都城二期中近期人氣高企的潮州菜館，購買了六人份量的盆菜和滷水鵝片回家做冬，與娘親和爹爹吃個痛快。這間餐廳的門口總是有站著站著 一堆一堆的客人，看看究竟。內裏環境裝潢富麗堂皇，剛入門口入的左邊是外賣檔，中間設了一道屏風和幾盞大紅燈籠高高掛。食客內進必需要量度體溫，餐廳提供酒精搓手液，衛生設備齊全。鮑魚帶子燒味盆菜到店取貨的時候，店員細心提醒寶寶豬，先把雞湯煮熱，再慢慢倒入盆菜中， 再把整個盆菜煮熱，再慢慢吃用。喜出望外的事，雞湯鮮味撲鼻， 實在令人垂涎欲滴，滿心期待。但貼心的是，盆菜外賣自取是包括銀鍋的。盆菜是供六位食用的，份量驚人，包括蠔皇原隻鮑魚、原粒鮮帶子、蠔汁大花菇、古法炆扣肉、潮式生蝦、嫩滑貴妃雞、潮洲炸魚蛋、蓮藕芋頭、蘿蔔豬皮及田園時蔬。蠔皇原隻鮑魚共有六隻的，蠔汁鮮鹹恰當好處，鮑魚爽口煙韌，味道濃郁新鮮。雪白的原粒鮮帶子也有六粒的。 帶子綿密鬆軟，口感鮮甜。蠔汁大花菇應該也是六粒的，冬菇厚肉爽滑，冬菇味濃郁可口。古法炆扣肉切成薄薄的六片，肥瘦均勻，入口即溶，但是沒有半點油膩感。潮式生蝦也是六隻的，生蝦帶點鹵水鹹香，蝦肉肉質彈牙，蝦味豐富。

新都城四點金，飲過幾次早茶，呢次嚟晚飯 ，一家三口叫返個三餸一湯，白飯要再裝嘅套餐 ，呢個餐包埋包嘅，係有杏汁燉白肺湯， 豬肺湯當然好味啦，不過豬肺有得幾舊 ，我哋三個人，真係食兩舊都算唔少㗎， 湯當然好飲啦，有杏汁味養顏補肺，正呀 。潮州凍烏頭 潮州出名係凍嘅，呢味烏頭淨係整，都需要一日時間，整熟仲要風乾，掛喺度又唔可以用機械代替，所以整得好食真係除咗潮州 人，我諗都幾難整得到好嘢，燒腸墨魚 好靚呀！墨魚做得唔錯，加埋燒腸 ，要食一啲都唔容易，潮州嘢呢兩味嘢，做得好，分分鐘成舊水落樓呀。家鄉煎蠔餅 潮州菜唔食蠔餅，硬係覺得爭啲，再加埋個白粥，係潮州嘅白粥，唔係我哋廣東嘅白粥，所以兩味呢味嘢夾埋又係好正嘅。招牌蛋散呢個甜品嚟嘅 甜品唔會錯，甜嘛。我哋另外叫多個臘味春菜苗煲， 臘味包括三樣嘢，潤腸臘腸臘肉，三樣都肥香膩，再加埋春菜苗， 索番啲油膩，話真係食落都好有味呀 。非常好味呀。呢個再整支啤酒叫咗兩罐汽水一家三口慢慢印 食完呢個餐 乜都飽曬 下次再來

今日突然間好想飲茶，決定外賣點心，當時已經差唔多11:00 ，條隊都好長下，基本上都等咗成15分鐘先至到我，我見到阿姐都不時會補點心，但係執嘢嘅程序就有啲慢，不過都算乾淨衛生，因為佢每一個點心都會分開用唔同嘅容器裝上，但係就唔係太環保。我哋叫咗個燒賣、鮮蝦卷、叉燒包、鳳爪，本來諗住嗌鳳爪排骨飯，點知已經賣晒，就要咗個蒸雞飯。個燒賣幾好食，但係鮮蝦卷就一般般，可能好多菜，不過果皮都算脆，叉燒包凍咗啲，個鳳爪幾好食，個雞飯都充滿雞油味。

靚仔想食打冷嘢，聽說位於將軍澳新都城二期有間呢！四點金飯店晚上有得打冷！真開心便去試下。晚市還有套餐優惠，價錢都實惠~自選三餸一湯$268我哋轉飲杏汁燉白肺湯只需加$20一於潤下個肺先。😋湯好白好滑，入口好潤好香杏仁味，啲肺滑嘟嘟，而且重好多舊添。👍潮州凍烏頭~雖然不是潮州人，老公就非常喜愛食，烏頭實肉，而且是啖啖肉，慢慢起皮再加潮州豆瓣醬一起食，再飲啖啤酒就覺得好享受。燒腸墨魚~呢個靚仔喜愛食，墨魚紅腸豆腐三樣都是男人嘅浪漫喎！哈哈！比佢笑死，不過豆腐煮得好入味。家鄉煎蠔餅~呢個煮法有啲似台灣嘅阿仔煎煮法，入口煙煙韌韌，幾有口感，蠔都幾大隻下。甜品~招牌蛋散 入口唧融化又鬆脆，小小甜。套餐都好夠份量呢！見到黑板寫有時令臘味煲，咁就嚟多個臘味春菜苗煲$102臘味係時令配潮州春菜就啱啱好，成個煲熱辣辣上，正。老公和靚仔食得開心，近近地打冷好去處。

潮州菜館，裝修古色古香。座位闊落，衛生乾淨。菜式有唔少選擇。另外還有晚飯孖寶菜式，更加實惠，其組合也很吸引。點了金銀蒜蒸斑頭腩。斑頭腩厚肉肥美，蒜蒸保留魚肉鮮味。腩肉無骨，啖啖肉。粉絲在底，吸收了醬汁精華。XO 啫啫芥蘭煲。原煲上枱，保持溫度。啫啫煲有辣味，肉碎炒香芥蘭很中，夠鑊氣。點了潮州菜有名的蠔仔粥。朋友都想食蠔仔粥，所以我們點的是一煲。份量大，可有約八小碗。蠔仔大粒新鮮。潮式粥底不會太綿，保留口感。加了配料冬菇絲，柴魚粒，令蠔仔粥更加鮮甜。

門口有搶眼的金漆招牌，店內掛着紅紅燈籠，燈光色調自然，牆上還掛上不同畫作，充滿古式古香格調，坐在其中嚐一口茶，真是賞心樂事喔！ 睇吓點心紙，發現依家係「特價點心孖寶」時段，有5類揀，1款指定點心另加3擇1選擇，價錢都是$38.8/40.8；星期六及日則$40.8/42.8，覺得相當抵食，一口氣揀         🥢水晶蝦餃皇+葱花炸兩腸；        🥢懷舊綿花雞+蜜汁叉燒包；        🥢紅油抄手+香茜牛肉腸，；        🥢再加沙薑浸雞腳，下單後……等食😋😋😋。 水滾茶靚 ，點心即叫即蒸，不錯不錯喔！真的做出水準來。 不愧蝦餃皇， 蝦夠爽口彈牙！蜜汁叉燒包，採用肥瘦適中叉燒作餡料， 又多肉汁，好味好味！沙薑浸雞腳，以形補形，近來走路多，要多食2隻補充一吓先😙食物質素高，環境舒服，真心推介經過櫥窗見到有好多鹵水食物， 賣相都相當吸引！還有一盒一盒外賣方便食客購買，如果不是下午有事去處理，定必回家加餸！

趁住放大假嘅時候約咗好耐冇見嘅舊同學食飯！大家都住將軍澳，梗係約喺區內食晚飯最方便！佢之前喺四點金飯店飲過下午茶覺得唔錯，所以今晚我哋就試下晚餐！我哋叫咗個三餸一湯嘅套餐，睇落性價比好似幾高！胡椒豬肚湯：鹹菜同豬肚份量都好多，味道清爽！每人都分到兩三碗湯！可惜胡椒味唔夠濃，我哋比較鍾意胡椒味濃嘅胡椒豬肚湯☺️乾撈海皇粉絲煲：用煲仔上枱食都最後都保持熱辣辣！配料有好多唔同種類嘅海鮮，雖然睇落好似全部都細細粒但仍然充滿鮮味，粉絲爽彈吸收曬海鮮嘅精華鮮甜又惹味，重點係粉絲完全唔會黐埋一齊係條條都好分明但又完全無油膩感❤️❤️鹵水鵝拼盤：拼盤有鵝肉；豬脷；腎片；豬大腸；紅腸同豆腐，每樣份量都唔少！滷水滷得入味，鹹度適中唔會太過鹹😋鳳梨梅羔骨：一字骨炸到外表香脆，肉質爽口彈牙！菠蘿鮮甜無渣，醬汁同帶有肥膏嘅一字骨好夾，味道酸甜有濃濃嘅梅子味化解咗肥膏嘅油膩感！感覺上比起味道相似嘅咕嚕骨更勝一籌，醬汁更有層次😍招牌蛋散：絕對有驚喜，雖然係跟套餐送嘅但係水準一流！鬆化嘅蛋散配埋黃糖粉同糖漿，食落好似入口即化咁仲完全唔會黐牙👍🏻👍🏻埋單嘅時候我哋問咗職員知道中午都有蛋散食，下次想食嘅時候隨時都可以食到啦！

兩公婆好耐無拍拖了，去新都城行下街順便食埋飯。經過間呢間餐廳，有潮洲菜既套餐，就一於入去試吓。餐廳闊落，一家大細連埋BB車都可以輕鬆入座。（咁食飯最好收車方便啲）。侍應帶我哋入座，親切有禮貌，感覺好友善。望一望餐牌，花多眼亂，樣樣都想試，但得兩個人試唔到太多，最後嗌套餐就方便又公道😂，可以試晒湯，海鮮同主菜，仲有甜品！平日都係$268(78折後）好抵食！我哋叫左粟米魚肚羹，魚肚好足料同新鮮，無腥味，唔落胡椒粉都得，原汁原味！咕嚕燴魚柳，炸得香脆，魚柳唔會霉或者淋，不論魚柳同配菜都好多，夾極都仲有，好飽肚。汁夠惹味，送飯一流家鄉煎蚝烙，蠔仔好豐富同新鮮，唔腥又無沙，蠔既比例仲多過蛋😂，呢個蠔烙我係食得最開心，因為質素比其他潮洲餐廳既好！食左咁多炸嘢，所以揀魚腐浸時蔬黎中和下，魚腐份量一定夠食，呢個餸菜清清地，唔錯！食到呢度已經好飽，原來仲有甜品招牌蛋散🥰，好驚係出面食開個啲油淋淋或者硬實實既蛋散，呢度個蛋散係好鬆脆，入口即化，上面滿滿既糖霜同糖漿，同蛋散融合埋，輕甜得黎唔痴牙，正！呢個套餐如果嗌外賣仲抵，會送白飯！呢個餐夠一家四口食，我地兩公婆食到個肚脹卜卜都係4百蚊有找，下次一定要一家

潮州菜的味道相對比較重和濃，間唔中食吓都幾好味，以前做過潮州菜館，知道潮州菜的功夫比較多，而食潮州獅頭鵝一定要食比較淋身的鵝肉，鵝味香濃又唔會好似鵝片咁硬。今次去咗新都城的四點金和媽咪撐枱腳，佢想食韭菜豬紅和蠔仔肉碎粥一碗，我就點咗一碟鹵水鵝肉，本身想再點一個菜，都係決定食埋食，餸菜每款都好大碟，到最尾都係要打包拎走。韭菜豬紅每塊都有咬口又大塊，豬紅味濃，媽咪鍾意。蠔仔肉碎粥好大碗，我地每人都添咗3小碗，蠔仔大大粒好有蠔味，配上胡椒粉少少辣味令粥味提升。鹵水鵝肉好入味，鵝肉比想像中淋身，送白飯好滋味，碟底仲有鹵水豆腐墊底，鹵水味入晒豆腐裡面，好味！最後仲點左一碗福果清心丸豆爽，白果和清心丸煙煙韌韌，甜度適中！

主打潮式打冷的餐廳印象中買小見小，今天跟友人行寶琳，在新都城二期見到這間潮式餐廳，於是入去試下。由於是平日的關係，人流不算多，只有幾台客。餐廳都算大間，有中式的擺設，而且有些燈籠掛在近門口上方令節日氣氛更濃。滷水獅頭鵝肉滷水獅頭鵝肉比我預期大份，待應送上來時已經有陣陣的滷水香味。說到鵝肉呢，入口香軟滑溜，鹵水入味而不過鹹，滷水甘香多層次，香料味道濃郁。而鵝肉下面是豆腐，沾一點點滷水汁送飯一流。蠔仔烙蠔仔烙大大份，尺吋足足有8吋大，細心地切成8細份，方便享用。蠔仔烙將新鮮的蠔仔肉混合蛋液，,煎至表面金黃香脆，新鮮即煮，上台時還是熱辡辡的。內裡的材料十分豐富，啖啖蠔肉，十分鮮甜味美，加上蔥花提升口感，整體非常好味。我們一下子就將整碟蠔仔烙KO，充滿飽肚感， 十分推介！欖菜肉碎四季豆餐廳提供的蔬菜類大多是淨蔬菜的，所以我們選了這道肉碎炒四季豆，是充滿咸香的一道菜。四季豆十分鮮甜，切成一段段，新鮮爽脆，混合豬肉碎落穫炒香，肉醉帶來香味及增加層次感，非常滿足。