四點金飯店

營業中

休息中

有朋自遠方來到將軍澳跟我見個面, 知佢喜愛吃潮州菜, 於是就安排去#四點金, 食個晚餐啦~ 選了2人套餐, 價錢經濟實惠，包湯, 一款海鮮, 小菜選2款. 送蛋散一份。 #例湯 :蓮藕綠豆肉排湯，每人都分到有2-3碗湯，湯料都多，飲後沒口乾感。 #海鮮蒜芹煎煮黃花魚，都算大條而且肉嫩，有白蘿蔔跟蒜芹令味更提鮮。 #小菜:食潮菜一定要叫滷水，雜錦拼盤咩都有，除了有鵝外, 還有大腸、紅腸 滷水豆腐, 鵝肥瘦適中, 鹵水唔會過咸, 都唔錯既。另一款選了鳳梨梅羔骨, 都有成6~7舊, 梅羔醬調得輕甜而帶酸, 很掛醬但又唔會是很章的醬料, 賣相美且美味, 夠哂味道! 送的蛋散勁鬆脆, 入口即化, 好味到一口接一口~

今晚去咗將軍澳『四點金』， 唔係刻意去搵潮州菜食， 因為酒家也提供各種廣東菜比較多元化。每到晚飯時間都好多人等外賣， 門口也有不少潮式小食，綠豆餅，外賣小菜盒，非常吸引～前菜有潮州鹹酸菜， 脆身爽口唔會太酸，啱啱好完全打開胃口。晚市堂食也有幾款抵食孖寶💟金銀蒜蒸班頭腩 ＋ 香煎蠔烙$208好期待食蠔仔餅！ 好足料！裏面勁多蠔肉，也很大隻， 有蛋香而且加入番薯粉嘅蛋漿外皮煎得夠脆又煙韌， 蘸魚露更令鮮味提升！試試佢嘅蒸頭腩， 金銀蒜惹味， 墊底嘅粉絲索滿蒜味👍， 頭腩一般， 肉唔算多， 班腩皮還有少許鱗。福果甜芋泥本身預計潮州嘅甜品會好甜， 這款芋泥甜度啱啱好， 而且唔會太稠， 好似薯蓉咁做到好幼滑， 唔會乾爭爭，芋香十足， 而且成碗都係熱辣辣。 福果味道幾突出同芋泥好夾。晚市人流不少， 外賣也有很多優惠，成為不少街坊的飯堂。

平時經過新都城都會見到四點金門口人頭湧湧，今晚終於試咗佢哋嘅晚市。見到有個抗疫套餐好抵食，$268三餸一湯仲有甜品。我地揀左個杏汁燉白肺湯（加$20），杏仁味濃郁帶甜滋潤非常。另外餸菜方面，揀左個乾撈海王粉絲煲，粉絲炒得乾身有咬口，冇炒到斷晒值得一讚，粉絲略帶蝦干鹹香味。貴妃雞肉嫩滑Juice，唔似出面啲餐廳帶有冰鮮味。鳳梨梅羔骨，味道似咕嚕肉甜甜酸酸，送飯開胃。最後仲有佢哋嘅招牌蛋散，黃糖加上煉奶，又香又甜非常滿足。

平日難得放假，約左朋友早上去飲茶，呢間四點金飯店就係新都城商場入邊，位置易搵，裝修都好新淨好靚。黎到已經見到好多人排緊隊拎位，睇黎都好受街坊歡迎～餐廳主打潮州食品，菜單都幾豐富，有點心、潮州小食、燒味等，而我地主要黎係食點心😋。叉燒雪山包 大點 （$24.8）呢款同以前食開既叉燒包唔同，表皮脆脆地，食落有口感，忍唔住要食多件😍。杞子桂花糕 中點（$20.8）杞子桂花糕小朋友竟然意外地喜歡食，應該係甜甜地同埋凍凍地既口感吸引住佢，好似食緊啫喱咁😂😂。豉汁蒸排骨 大點 （$24.8）總之豉汁蒸排骨係飲茶必備架啦，都蒸得好入味，同埋夠淋，容易入口，小朋友同老人家都啱食～鳳爪排骨飯+時菜牛肉球 $40.8 呢個係特價點心孖寶內的菜單，兩款加埋都係$40.8，非常抵食，可以試多d款式。總結：街坊茶樓黎講質素都唔錯，價錢都唔貴，仲坐得好舒服，食完野仲可以係商場行下街先返屋企。

上星期，去左將軍澳探外公所以去左附近既四點金飯店買外賣。餐廳出面已經有好多人等外賣，相信食物一定吾會差呢！餐廳提供左午市特色潮州小菜客飯，均送白飯一碗、例湯一客。豆腐鮮炆斑頭腩：起初好怕炆斑頭腩好多魚骨又冇咩肉，點知食甘多舊只有一舊得少少魚骨，可以是用啖啖肉黎形容啊！每件斑頭腩size幾大件，配合當中既醬汁令味道帶少少咸味，斑頭腩是經油炸而味道吾油膩啊！另外，豆腐件數也不少，豆腐口感夠滑，整體黎講豆腐鮮炆斑頭腩幾好食。由於配有白飯，飽肚感增加。另有蘿白湯，真的好似食緊煮家飯啊！梅菜炆扣肉：依度既炆扣肉肉吾會太過肥，當中配有一定既肥膏令口感整體變得軟口，方便咀嚼。味道帶點咸咸地，肉吸入左醬汁，令味道吾會無味感。梅菜口感卜卜，大大增加口感。同樣地配有白飯和湯！魚香茄子煲：有魚有肉就叫埋茄子煲吧！茄子份量幾足，每件茄子也夠晒大件；軟硬度剛好，所以夾起黎吾會一夾就散。由於當中有茄子汁，用黎送白飯的確一流啊～

新春準備到，陪家人預訂盤菜。疫情期間都不敢同老人家外出用餐多，因此同婆婆一起外賣小食。服务：企門口的知客姐姐好好人，因為同婆婆一起，佢做緊派號碼等位又要招呼外賣噶人客，全程有笑容，同婆婆有講有笑，街坊生意。外賣系一大袋如此，所有都分開裝，包括調料。|普寧炸豆腐^豆腐潮州風味，鬆軟，調料另外比可以自己添加。所以我落好多蔥鹽，呢個婆婆無牙都可以慢慢食。|豉汁蒸排骨^排骨蒸出來有一段時間，因為堂食好多人，廚房等左不少時間，從打開外賣盒仲有一定溫度，蒸排骨粉嫩，肉質鮮。的確是即叫即蒸。|XO炒蘿蔔糕^呢個不算太辣，老人家都喜歡食，其實都係婆婆推薦，非疫情時候佢黎飲茶都會叫呢個蘿蔔糕，不會太辣，如果想辣可以自己額外加辣油。炒噶口感系惹味不會過於偏鹹。另外有小食咖喱魚蛋豬皮，細兜裝住，婆婆唔食魚蛋，咁我走左豬皮，只食魚蛋，因為可能系酒樓小食，同街上又的確不同的味道，首先就不會有食到想飲水🤣等候時間不算多。但其實疫情期間保障自己家人，我辛苦少少同婆婆外賣都唔緊要。外賣都有掃一掃安心出行，商家做得放心，客人食得安心。齊心抗疫，希望下次再同婆婆，等一家人可以堂食。

今天在將軍澳經過新都城二期商場的「四點金」，看到店前的潮州小食，很吸引，於是便外賣幾個客飯回家和家人一起品嘗。三個客飯，有白飯有湯。湯是老火木瓜豬骨湯，有大件的豬骨和木瓜，很有“家”的感覺。“潮式排骨炆春菜”,排骨都頗入味，肉質也不錯。“香辣回鍋肉”,潮州鹵水味，豬肉不肥膩，肉質爽口，有點像台式鹵肉，香而不辣。“澄海獅頭鵝肉件”,潮州鹵水鵝不愧是潮州菜的經典，肥瘦適中，肉質嫩滑細膩，加上入味的鹵水汁，送飯一流。我在想：下次路過的時候，又可以買幾款潮州點心回家吃了。

之前都黎過四點金飲茶啲點心真係好有水準😋不過而家又限聚令冇得一家四口出去食飯 已經好耐冇去突然之間好掛住想食蛋散所以就決定去買外賣返屋企食去到見到有外賣晚市二人套餐有幾個餐選擇 價錢仲好經濟實惠所以一於試埋 睇吓呢間小菜掂唔掂🙈揀咗咕嚕魚柳+欖菜肉碎四季豆餐包兩碗湯同飯 都只係$168咕嚕魚柳 酸酸甜甜好開胃 味道適中魚柳無雪藏味 同埋一啲都唔厚粉欖菜肉碎四季豆 同外面一般唔一樣唔會太濃味 整體來講 性價比都高 👍🏻👍🏻值得下次再試其他額外再加咗個蛋散做甜品🍮想講個蛋散真係超好 係每次去嘅必點勁鬆脆 再配埋煉奶 食唔停口

難得放閒日 ， 當然要攤攤 訓到自然醒 😴😴😴就係最大既滿足凍冰冰既時候要離開張床都係得2個理由， 一就係肚餓， 2就係有生理需要 🤣🤔咁肚餓就張諗去邊度食會比較吸引 所以就楝左歎茶 🤩🤩 可以不停熱茶 ＆點心 ， 暖笠笠四點金幫襯過好多次， 所以以下點心相都係每次去到必點 鳳爪排骨飯 ， 鐘意咁樣食， 飯唔會太多 又可以試多幾款， 鳳爪 ＆ 排骨呢2樣係唔會嫌多， 即叫即蒸熱辣辣上枱 ， 鳳爪隻醬就係常見 百合醬 ， 而排骨一定有啲肥咁先好食 🤩叉燒包又係必嗌 ， 皮就脆脆的 春卷係好足料有蝦 ， 肉＆ 其他配料腸粉係2碟起 😀皮唔會好厚 ， 每次都keep到水準架

阿哥在日出康城新居入伙，邀請我們參觀。因我很少去將軍澳，一於早些過去四圍逛逛。這裡新樓林立，還有幾個大型shopping mall；就算打風都唔洗驚悶親。 唔行唔知新都城中心很大，我們行到二期時位置其實已屬寶琳。不久都係時間食午餐，眼見前面有間潮州菜館佈置得幾靚好有過年氣氛。服務員很有禮貌地招呼我們入內坐下，看看餐牌欵式頗多選擇有潮式和廣東式；還有即叫即蒸點心至合我心意，價錢經濟實惠，點心孖寶都係平日$40.8。水晶蝦餃皇配蔥花炸兩腸蝦餃大大隻，皮薄餡多；內裏全是爽口彈牙的蝦，真材實料。蔥花炸兩腸炸兩是卽炸，脆卜卜。時菜牛肉球配排骨鳳爪飯牛肉球質感唔錯。老公是無飯不歡，故特別叫個蒸飯比佢。份量雖然不大，但熱辣辣聞到都想食一口。蠔仔烙(細)蠔仔烙是潮州出名的名菜，在此午市居然以小食供應，當然係必食無疑啦！烙餅煎得香口，蛋味濃蠔仔鮮；加上魚露更覺惹味。馳名炸蛋散(練奶和糖另上)蛋散炸得鬆脆，一D都唔油膩很乾身。我喜愛它的 size雖然比一般畧細，但夾落碗內慢慢食都不會容易掉在檯上。最特別一提原來它配的是練奶和黃糖芝蔴，食落有懷舊感，份外親切滋味。雖然第一次來幫襯但感覺舒服，水滾茶靚；食物質

臨近過年，呢排返工真係忙到嘔🤪想出街食飯，但係又怕人多，只好同個同事落order叫外賣，我地都鍾意食潮州菜，呢間就岩晒口味🤗太多選擇，眼花撩亂😵兩個人相討完就點左幾樣share食🤤🤤鮮蝦菠菜餃👍🏻每隻餃都漲卜卜，皮夠薄、餡又多，好好食😋韭菜豬紅:呢個份量超晒班，好大盒🤩裝到滿滿，最後我地都食淨左少少。豬紅夠入味，滑嫩鲜香，如果放多d韭菜仲正🤤🤤🦪蠔仔肉碎粥:侍應很細心，將個粥分開裝，而且材料好講究，入面有柴魚乾同魷魚乾，好鮮甜😋😋沙茶牛肉炒河: 呢個我最鍾意，好香濃呀，份量又係好大盒，牛肉大大塊又嫩滑，河粉夠彈牙乾身而且配上沙茶醬一齊炒，唔會黏埋一齊

最鐘意老人家活動-飲茶的我，由於二人限聚令關係，已經甚少去茶樓一盅兩件，今日經過終於忍唔住去買點心外賣拿回家和家人一齊分享。外賣點心有優惠價較堂食便宜，而且沒有茶芥和加入一服務費，非常抵食。鮮蝦菠菜餃-菠菜份量很多，塞爆餃子，有蝦肉有菜，營養豐富蜜汁叉燒包-酒樓必點，半肥瘦叉燒配上蜜汁，熱辣辣非常好食香煎南瓜粿-用南瓜蓉做餡，落鑊煎香，煙煙韌韌，不錯甜酸炸雲吞-童年回憶，而家好少酒樓有，見到一定要買！香茜牛肉腸-外賣溫度有點冷卻，但味道沒有差很多，依舊好味

因疫情關係，而家餐廳只有午市才可堂食，於是就去將軍澳探下朋友，諗住去新都城商場嘅四點金飯店食午餐，怎知太多人等位，唯有買外賣上朋友家食。沙嗲肉片炒河，肉片鮮嫩，沙嗲醬汁好濃郁，味道調較得好惹味。芥蘭菜也很爽脆，河粉掛上醬汁又滑又好味！鮮蝦潮州炒麵，鮮蝦爽口，麵係用粗麵，麵質比較林，加入芽菜肉絲增加口感。汕頭牛丸湯麵，牛丸是汕頭特產，當然要試吓，食落十分爽口，湯底清甜，麵底是粗麵，湯底是分開盛載，唔怕浸林啲麵。

疫情反反覆覆，第四波疫情又殺到，真是苦了市民，傷了食肆。雖然疫情嚴峻，但仍然要好好過日子，總之萬事小心，加倍留意清潔衛生就是了。日子照過，嘆茶依舊。以前可以三五知己嘆茶，因為限聚令關係，暫時此情不再。今日喺將軍澳新都城中心二期四點金飯店，就嚟個雙打嘆茶，一於照打「疫」境波，繼續午市茶。四點金主打潮州菜，午市有點心供應，另按季節推出不同款式套餐，包有一款合你心意。四點金地方寬敞，佈置典雅，環境舒適。座位亦有足夠距離，以防感染。坐下先看點心紙，有各式潮粵點心、特色小食、炒粉面飯等供應，選擇很多，而且價錢合理。於是叫了數款點心，一於來個慢活午市茶。潮州第一美食蠔仔烙是必吃之選，一客有兩塊。蠔仔烙煎得很香口，烙邊煎得特別香脆，蠔味蛋香充沛，配上魚露一起吃，更加惹味。紅糖核桃包，啡色包皮脹卜卜，熱騰騰，賣相不錯。包身又熱又軟又香，中間流沙饀漿連核桃粒像火山熔岩流動，流沙效果出色。紅油抄手一碟有6粒，皮薄餡靚，紅油酸辣味度調得恰好。潮州粉粿，粉粿外形飽滿，餡料有唐芹、韭菜和炸花生等潮州粉粿必備的材料，粿皮薄而通透，賣相和味道都不錯。香煎韭菜粿，嫩綠韭菜和餡肉清晰可見，煎得香口而不肥膩，好味道。鳳爪

老豆茶癮起又話想食點心，但依家限聚2人一枱，出街食飯咁多限制。我就提議不如到四點金買外賣點心回家慢慢歎，又唔使媽子換衫周圍等位咯！拿起點心紙，有成60個點心、小食選擇。仲有這店特色主打的潮州小食，”揀掂未呀老豆”……終於揀好，入單即叫即做，所以等10多分鐘在所難免。水晶蝦餃皇  粉皮夠薄，蝦肉晶螢通透，蝦味濃郁鮮美明蝦子燒賣明蝦子在燒賣上面，大大粒蝦味同樣彈牙鮮美。叉燒雪山包超大個呀，個盒差點裝不落，叉燒餡又豐富，雪山包飽滿香口。蘿白絲酥卷此乃店家推介，果然無令人失望，蘿白一絲絲甜鹹適中，酥皮香脆。黑金流沙包賣相討好，咬開奶皇傾瀉而出香煎南瓜粿黏黏的南瓜粿外皮略略煎過，無餡不過味道可以的潮州小食。鮮蝦皮卷蝦、蝦、蝦，今日都食了不少蝦，依然好味，最重要是腐皮脆卜卜。