喫茶ちょうぼ

營業中

休息中

#cassiegotaipo -肥編每次星期六日去大埔超級城都見到依間喫茶ちょうぼ 大排長龍，今次終於抽到平日午市去試吓。餐廳裝修係日式昭和風和洋復古風，木系裝橫，打卡一流。👍🏿-首先就揀咗招牌流心蛋包飯，見到隔離枱都有叫。黃咖喱白露蟹肉蛋包飯，個黃咖喱比想像中辣，食唔到辣嘅朋友仔建議揀其他。但啲蟹肉好嫩滑，飯都唔係普通嘅白飯，係炒飯嚟，成個組合口感好豐富。🍳-另外揀咗個焦糖洋蔥鳥取和牛漢堡配薯條，薯條新鮮炸起，好香口。和牛漢堡肉味濃郁，肉汁豐富，非常推介。甜品揀咗戚風蛋糕盛合桂花烏龍布甸，個布甸好香蛋味，配埋啲脆脆同杏仁，好有特色。🍔-味道評分▶️🌕🌕🌕🌕🌗 (4.5)抵食評分▶️🌕🌕🌕🌕🌗 (4.5)回購評分▶️🌕🌕🌕🌕🌗 (4.5)-➡️ 喫茶ちょうぼ (大埔)📍 大埔安邦路8&10號大埔超級城B區2樓276號舖

西日咖啡之約會，和朋友享受洋食快樂，令人回味日式打卡感，優雅文靜，棒店內空間寬敞，非常適合和朋友休息大勢蟹黃膏旦包飯蟹肉啖啖肉，香濃之旦漿包住炒飯，彈牙又有味道，甜甜地燒汁和旦，非常夾，旦包飯的味道香濃，份量多，滑溜溜的旦， 旦汁流出芝士牛肉漢堡香濃惹味的牛肉，放上芝士，面包巨型 ，中間配菜塞滿，牛肉多汁，不太油膩感覺，色彩豐富～桂花烏龍布甸戚風旦糕盛合精緻藝術品，烏龍味香濃。布甸順滑，有烏龍茶茶香味，樹葉精緻，烏龍布甸濕潤幼滑，呈完美狀態，配上栗子，好好味！快樂感覺，入口很軟滑，茶味道突出，呈浪漫日式感覺，棒，完美平衡了味道。

這間位於大埔的【喫茶ちょうぼ】，主打日式西餐，除了有多款蛋包飯、漢堡等主食外，還有些特色甜品及飲品。雞皮餃子雞皮香脆，中間包著餃子餡，再點上日本蛋漿，更添香滑。黃咖喱白露蟹肉蛋包飯咖喱帶點微辣，十分惹味，蛋包飯十分香滑，還有些紅蘿蔔粒及蟹肉。焦糖洋蔥鳥取和牛漢堡配薯條和牛漢堡超厚身，煎至焦香，而且肉汁豐富，漢堡包烘至香脆，加上些焦糖洋葱，更添香味。桂花烏龍布甸戚風蛋糕盛合戚風蛋糕十分鬆軟，布甸帶點茶香，十分清香，而且不會太甜。秋茗杮橘沙冰時令杮橘味道清爽，杮味清香爽甜。抹茶麻糬沙冰抹茶味濃郁茶香，沙冰清爽去暑氣。

大埔有間裝修走昭和風，環境典雅的日本洋食屋《喫茶ちょうぼ Choubo Kissaten》，深啡色系，門口位置仲擺放了精品餐具，每次幫襯這間店都好似去咗日本。餐廳最近出了秋季限定新餐牌，出了很多新美味食物，立即想去試下。黃咖啡白露蟹肉蛋包飯$165日式咖喱用上黃咖啡豆去煮咖喱極少見，提升了醇厚香氣。秋風起，是食蟹肉季節，蟹肉的鮮味融入到充滿蛋香的綿密蛋包飯裡，蛋漿濕潤滑嫩，咖喱汁甜中帶點辣。焦糖洋蔥鳥取和牛漢堡配薯條$115有傳和牛的發源地其實來自鳥取，鳥取的和牛口感鮮嫩，漢堡包皮面層烘焗過，包質鬆軟。洋蔥炒到軟化成褐黃色，又稱為焦糖洋蔥，比一般洋蔥煮法更加香甜。中間仲有一塊半蓉滋味芝士。薯條炸得香脆，灑上芝士粉和辣粉，提升了口感。月見雞皮餃子$77以雞皮取替傳統餃子皮，經高溫油炸處理後，外皮金黃酥脆 ，內餡軟嫩多汁。雞皮油香十足，餡料飽滿。配上獨家生雞蛋醬汁，口感順滑。桂花烏龍布甸戚風蛋糕盛合$115這碟甜品圖案佈置得像畫一樣，完全感受到日本的秋色。兩塊秋葉，飄落到碟上，令人想起日本的紅葉。碟底的餅碎、焗杏仁和南瓜子化成秋天的泥土。面層金黃色焦糖，昭和風日式布甸，軟滑入口即溶

🇯🇵日式昭和風洋食餐廳「喫茶ちょうぼ」位於大埔超級城，環境雅緻、擺盤精緻可愛，充滿懷舊和洋風味! 十月Menu更有秋季限定款式🍂🍛黃咖喱白露蟹肉蛋包飯(Hk$165):香味撲鼻的黃咖喱融合鮮美蟹肉，蛋包飯綿密嫩滑，感受秋夕的氣息🍔焦糖洋蔥鳥取和牛漢堡配薯條(Hk$115): 和牛漢堡夠厚身彈牙，鹹味肉質和焦糖洋蔥的香甜交織，配香脆幼身薯條夠過瘾🥟月見雞皮餃子(Hk$77): 兩串共四粒的雞皮餃子油香十足、餡料飽滿🍰🍮桂花烏龍布甸戚風蛋糕盛合(Hk$115): 戚風蛋糕口感蓬鬆柔軟，布甸滑溜香甜，淡淡桂花烏龍香混合nuts更有口感🍓草莓沙冰(Hk$48): 粉色色可愛的骰， 細膩綿滑的沙冰，滲透酸甜草莓和奶油香，清新開胃🍠二番甜薯牛乳(Hk$58): 秋季限定款式，混合番薯、紫薯蓉和3.6香滑牛乳，淡淡清香(All subject to 10% service charge)📍喫茶ちょうぼ Choubo Kissaten大埔安邦路8&10號大埔超級城B區2樓276號舖

日式咖啡廳永遠都係二人食飯最佳選擇，呢間Cafe食物擺盤好靚，又有氣氛，嘢食仲好有特色，真係好似日本家庭式嘅Cafe🤣-🔥黃咖喱白露蟹肉蛋包飯日式黃咖喱唔會太辣，戒開蛋包入面有濕潤蛋漿，撈埋個咖喱同鮮甜蟹肉超好食，面頭仲有少少甜洋蔥同三文魚子，配搭好清新🫶🏻-🔥焦糖洋蔥鳥取和牛漢堡配薯條 和牛漢堡厚身好多肉汁，連埋大量焦糖洋蔥食落甜甜地好舒服。亦要一讚薯條炸得好脆，灑咗芝士碎同少少辣粉好惹味👍🏻-🔥雞皮餃子連一隻日本生雞蛋點咗更突出雞皮鮮味，但唔點蛋漿的話本身芝麻同蔥嘅調味都好足夠，雞皮彈牙，肉餡多汁超好味👏🏻-🔥桂花烏龍布甸戚風蛋糕盛合係秋天打卡之選，蛋糕同布甸都係情深啡色，仲有餅碎同杏仁做落葉，再加一塊薄脆扮枯葉，打卡一流。戚風蛋糕好軟熟好香茶味，加上軟滑忌廉同Q彈布甸，好食又好睇💯-另外叫咗兩杯牛乳飲品，牛奶好香滑，紅豆牛乳同二番甜薯牛乳都好足料，紅豆蓉同甜薯蓉甜甜地，都好有日式感覺‼️-

二訪喫茶😌我真係好鍾意呢類型餐廳。菜式有創意又好味，環境充滿夢幻感，令人彷彿置身於宮崎駿卡通嘅動畫世界中．．上次食過蟹肉蛋包飯好味，今個週末專登帶媽咪嚟試吓。黃咖喱白露蟹肉蛋包飯 呢道菜色香味俱全，蛋包外滑內嫩，黃咖喱嘅香味撲鼻而來，蟹肉嘅鮮味更令整體味道升華。每一口都係享受！焦糖洋蔥鳥取和牛漢堡配薯條 漢堡用嘅係鳥取和牛，肉質非常鮮嫩，焦糖洋蔥嘅甜味為漢堡增添咗層次感，薯條外脆內軟，搭配得好好。每一啖都令人感受到食材嘅用心。雞皮餃子呢個餃子真係好特別，雞皮包裹住餡料，外皮酥脆，口感非常爽口。餡料新鮮，味道濃郁，咬落去仲可以感受到雞皮嘅香脆，如果未食過我諗呢款係必試！桂花烏龍布甸戚風蛋糕盛合 呢個甜品真係一個亮點！戚風蛋糕鬆軟輕盈，桂花同烏龍茶嘅香氣混合得恰到好處。焦糖樹葉嘅裝飾好靚，旁邊灑咗好多餅乾碎，增添咗口感。每一口都係驚喜，甜而唔膩，絕對值得一試！二番甜薯牛乳 呢杯飲品真係靚得無得輸！紫薯抹杯邊，營造出獨特嘅視覺效果，整個杯子有一半係紫色，好吸引眼球。上層加咗滑滑嘅cream，飲落去嘅口感非常順滑，甜度適中，紫薯味道濃郁，令人心情愉悅。中間仲有一塊紫色楓葉做

•桂花烏龍布甸戚風蛋糕盛合 $115 (⭐️7/10)賣相好靚，好有fall vibe 🍂🧡戚風蛋糕好light同spongy，但就唔係太食得出個布甸有桂花烏龍味🍮個底鋪滿焦糖餅碎🍪•大勢蟹黃膏蛋包飯 $172 (⭐️7/10)店員會即場係你面前切開個蛋 然後再倒上滿滿嘅蟹膏🦀(好澎湃🤣 個蛋好嫩滑配埋炒飯 幾好食誒👌🏻•酥炸軟殼蟹塔塔醬漠堡 $145 (⭐️6/10)幾鐘意個包係brioche，好鬆軟👍🏻夾埋新鮮炸出嚟熱辣辣嘅軟殼蟹，但係個軟殼蟹 size偏細隻•秋夕山梨桃刨冰 $78 (⭐️5/10)白桃梳打 $45 / Latte $39 (⭐️6/10)📍喫茶ちょうぼ (大埔)•大埔安邦路8&10號大埔超級城B區2樓276號舖•尖沙咀河內道18號K11購物藝術館1樓117-118號舖•銅鑼灣告士打道280號世貿中心4樓8號舖

每次經過「喫茶ちょうぼ」，都被店面的和洋風和懷舊味道吸引住，很雅緻！感覺環境舒服，適合同朋友喝茶啖天🫖。之前吃過這間餐廳的蛋包飯，味道不錯，所以今次都有再點。今次點咗2個主食 + 2款甜品🍧：大勢蟹黃膏蛋包飯🦀上枱時仍然係一個普通蛋包飯，店員會當面切開，再淋濃郁的蟹膏，見到都吸引。酥炸軟殼蟹塔塔醬漢堡包🍔「炸軟殼蟹」平日比較少夾在麵包內作餡料，原來再加上塔塔醬這麼美味，像吃更脆更香口的魚柳包。伴碟的薯條🍟都炸得不錯，夠香脆，而且夠亁身。桂花烏龍布甸戚風蛋糕盛合🍰這個甜品🍮很有詩意，完全配合到秋天🍂意景，而且有布甸又有軟綿綿的戚風蛋糕，好豐富。布甸🍮滑溜，配埋杏仁同餅乾碎食，口感好有層次，而且不會太甜。秋夕山梨桃刨冰🍧刨冰蘸少許忌廉，再咬一啖山梨桃同吃，天氣熱時真的透心涼，而且山梨桃幾清甜。食完山梨桃🍑，再喝杯白桃梳打🥤，滿口都是桃的香甜味！

這間餐廳成日都有長長的人龍，內裡裝修精緻是日本的cafe舒適系。【大勢蟹黃膏蛋包茄汁蔬菜飯】融合了鮮美的蟹黃膏醬汁和柔軟的滑蛋包，搭配茄汁蔬菜飯，酸甜適中，讓人一試難忘。【酥炸軟殼蟹塔塔醬漢堡】是一道創意十足的菜式。酥脆的原隻軟殼蟹搭配香口濃郁的塔塔醬，夾在鬆軟的漢堡中，口感豐富又惹味。薯條金黃酥脆，又有芝士碎搭配，讓人忍不住一口接一口。【桂花烏龍布甸戚風蛋糕】桂花的香氣與烏龍茶的淡雅完美融合。布甸的滑嫩和戚風蛋糕的輕盈帶來雙重口感。【秋夕山梨桃刨冰】以清甜的山梨桃為主，搭配細膩的冰沙，清爽解暑。【青森蘋果梳打】清新怡人，蘋果的自然甜味與氣泡水的爽口感相結合。【培茶牛乳】濃郁的茶香與牛乳的香滑交織，帶來舒心的味覺體驗。

又到大閘蟹🦀🦀季節喇，好多餐廳都慢慢開始轉餐單🙂‍↔️前幾日到大埔喫茶一嘗新餐單首先點咗主食大勢蟹黃膏蛋包飯，酥炸軟殼蟹塔塔醬漢堡。店員上大勢蟹黃膏蛋包飯嘅同時會幫忙切開蛋，兩邊散開包住飯🤭炒飯好有心機，用咗好多配料去炒，所以味道口感方面好豐富，不過少少喧賓奪主，搶晒🦀嘅風頭，呢個位有少少可惜。另外酥炸軟殼蟹塔塔醬漢堡，絕對無誇張，隻蟹同個包一樣咁大😂啖啖蟹肉，蟹汁Juicy不特只，仲炸得好鬆脆，可以回頭再食🔥食完主食就點兩份甜品同朋友share，先喺桂花烏龍布甸戚風蛋糕盛合，擺盤已經好似藝術咁，充滿秋意嘅感覺！值得一讚，睇得又食得🤭個人好加咗茶味嘅食物，桂花烏龍布甸冇做到好濃反而一陣一陣嘅茶香，唔好茶味都入到口❗️秋夕山梨桃刨冰，綿綿冰入口即溶🤯桃偏淡📍喫茶ちょうぼ (大埔)大埔安邦路8-10號大埔超級城B區2樓276號舖

大勢蟹黃膏蛋包飯蛋包飯上菜時已經見到佢浪下浪下咁，一切開，蛋皮入面啲蛋漿好似熔岩咁流出嚟，濃濃蛋香，炒飯底加左茄汁，淋上蟹黃蟹肉鮮味十足。酥炸軟殼蟹塔塔醬漢堡原隻軟殼蟹真的非常吸睛，軟殼蟹炸得酥脆可口，唔會好油膩，同塔塔醬好夾。桂花烏龍布甸戚風蛋糕盛合賣相非常精緻盛合，有戚風蛋糕同桂花烏龍布丁、果仁同消化餅碎，加埋芝士奶蓋，又充滿秋天裝飾，食埋呢個盛合就好滿足。秋夕山梨桃刨冰天氣熱時最好食冰解暑，刨冰上嘅醬汁味道清甜，仲有果肉同忌廉係冰上，份量超多，啱哂兩個人share。焙茶麻糬沙冰焙茶味濃郁麻糬煙韌好食。草莓沙冰士多啤梨沙冰清爽可口，絕對是炎熱夏日裡的最佳解暑佳品，飲一啖喺如此炎熱天氣即刻透心涼。

話咁快就到秋季🍂，又去到食蟹🦀嘅季節啦，今次就去到大埔嘅一間日式洋食餐廳-喫茶ちょうぼ☕️，見到佢哋換咗秋季Menu多咗幾款期間限定嘅菜式🍽️，主食有大勢蟹黃膏蛋包飯，同埋酥炸軟殼蟹塔塔醬漢堡🍔，而甜品就係桂花烏龍布甸戚風蛋糕盛合同秋夕山梨桃刨冰🍧，飲品都有出季節性限定，包括二番甜薯牛乳同埋秋茗柿橘沙冰🍧😋🤤🌟大勢蟹黃膏蛋包飯🦀蛋包飯可以係講呢間餐廳嘅特色菜，入口即溶又勁滑嘅炒蛋包裹住西炒飯，再喺蛋上面淋上濃郁嘅蟹黃膏醬汁，蟹黃鮮美🤤🌟酥炸軟殼蟹塔塔醬漢堡🍔炸到金黃色，外脆內嫩又Juicy的軟殼蟹，搭配塔塔醬，食落去口感層次分明，又唔會乾爭爭，仲好香添。🌟桂花烏龍布甸戚風蛋糕盛合淨係見到蛋糕成盒就已經好開心，戚風蛋糕食落去好鬆軟帶有濃郁嘅茶香味，桂花烏龍布甸食落去好Creamy🤤🌟秋夕山梨桃刨冰🍧大大個刨冰，刨冰面上淋上咗山梨和桃子醬汁，刨冰側邊都放咗超甜嘅水蜜桃肉，好適合夏天去食🍽️🍨🌟二番甜薯牛乳日本甜薯又香又甜，再加上香滑嘅牛奶，原來番薯溝牛奶都唔錯㗎，健康又美味。🌟秋茗柿橘沙冰🍧😋真係第一次見到有人用這柿橘去做沙冰，酸酸甜甜😋飲完先發現原來柿係咁樣嘅味道，都唔錯。

上次同朋友嚟食用餐體驗唔錯！裝修環境樣樣都覺得幾好空間感都好足夠依家諗返唔知係咪因為上次星期日下午嚟（依家啲人興北上？）當時冇乜人大把位可以安排到卡位俾我哋坐，服務都好正常今次帶另外一個朋友嚟食晚餐一嚟到門口見到限時90分鐘同埋有條小人龍排隊入座但其實入面係仲有枱嘅只係真係唔夠人手安排入座所以先要等一等大概等咗10分鐘就入得入到去被安排坐嘅二人枱係行入去坐嘅時候個pat pat會揩到對面枱上面嘅嘢超級窄同尷尬！窄到咁真係唔知肥少少嘅人點樣入去野食又等左超耐叫咗一個軟殼蟹意粉同埋一個壽喜燒牛肉蛋包飯意粉差唔多食完個蛋包飯都未上我見我左右兩台人都有叫到嘢食都係等到食晒其他嘢都未上，要吹先上係呀，同其他枱係近到完全聽到佢哋講緊啲乜嘢同埋做緊乜🙃🙃連要杯水都要吹左2次先有上次係自動波上我仲要第一次問果陣（一個後生女仔，唔知係咪part-time)拎杯水嘅時候，佢仲要好似做到崩潰咗咁話：呀！！！呢d等一陣間先啦！what??!!🤡🤡🤡最後果然係冇理到我哋杯水要我哋問第二次先有...唔知係咪用餐體驗影響味覺今次覺得啲嘢食十分之普通我諗有排都唔會再黎🙃唔明點解閒日夜晚會有咁多人黎大埔仲有其他更高性價

門面靚，令人有期待。但staff態度實在太差，無禮貌可言。1. Reception 長期無人，企左係度成分鐘都無人理，要自行走去問一個收緊錢既staff安排入座。2. Staff俾menu我地時好急速同”lur”脷咁講咩餐有咩折，俾人感覺係敷衍食客，事後睇完menu有啲位唔肯定想問清楚都hea答同少串。3. 叫左二人餐，野食都算快上，但野飲就等到差唔多食完先黎到。4. 上其中一樣小食，個staff竟然離張枱大約大半條手臂距離，用接近拋既形式將小食拋/放到枱邊，差唔多跌落地既位置。5. 野食好一般，完全對唔住個價錢。總結黎講，試過一次就夠，唔會再去，service令人卻步。👎