喜聚坊

營業中

休息中

近排天氣凍咗好多，所以食晏我揀咗間可以飲湯嘅餐廳。唔知點解去到冬天就特別鍾意飲湯。喺大角咀附近見到呢間喜聚坊，就同朋友一齊去試吓。試完先知原來佢來頭都幾猛，見到鋪面擺咗好多主廚嘅得獎相片。今日叫咗個燉湯餐同埋個滑蛋叉燒飯。首先餐廳好好咁送左兩碗菜乾煲豬肺湯俾我哋。而家疫情時期真係好需要飲返碗靚湯補返個肺。👍個湯真係好足料，唔唔似邊嗰啲味精湯。滑蛋叉燒飯首先送到，呢個滑蛋真係煎到啱啱好唔會過老，另外個蛋味好濃，問吓個侍應先知道原來佢哋係用日本蛋😍唔怪之得啦。所以成個飯好快就俾我哋清晒啦！好食之後嗌左個燉湯係巴戟杜仲燉老鴿湯，個湯食水好深！原來已經燉咗六個鐘頭，唔怪之得咁入味啦。呢個湯啱晒依家天氣咁凍飲飲完，真係暖粒粒㗎。☺️

大角咀一向多美食，今次嚟試試喜聚坊，聽講都有唔少正評🧐我同男友閒日7點去，已經差唔多滿座😲好彩一早book咗位。老闆好熱情，同我哋推介咗好多菜式，最後決定試試以下幾味😋首先係靚湯～老黃瓜煲豬尾骨🐷超好飲！足料又冇落味精，愛湯之人首選🤙🏻我同老友成煲飲晒😆然後就係老闆娘重點推介嘅玫瑰花煙燻雞，整得唔錯，食落啖啖有煙燻味，配白飯就最好。之後就係充滿驚喜嘅土魷蒸肉餅煲仔飯🤩，好耐未食過咁好食嘅煲仔飯！個肉餅加咗小小魚乾真係成件事升級不少🤘🏻再加埋少少飯焦正到呢！真係必試！最後係黃金流沙蝦球🦐師傅好有誠意，啲蝦好大隻又彈牙，加上外面層炸粉好薄，所以好鬆脆，然後又食到蝦肉爽口彈牙😄overall，呢個價位我覺得cp值不錯，有興趣嘅記得book位試吓😏

今日去開大角咀工作，身住周圍都係連鎖店的新市鎮，甚少體會到舊區既街道同街鋪，而正好係大角咀搵食既時候遇到喜聚坊，又想食鑊氣小炒，無猶疑地入左去醫肚餐廳係我平時好少見既裝修，好有懷舊味道，綠色既牆貼上撚手小菜，師傅既相，更有以前細個見既梳化卡位。每枱都幾乎坐左枱客，似乎喜聚坊在大角咀既街坊同打工仔之中都略有名氣。午餐餐牌有唔少都係養生之選，我地點左土伏苓燉鮮雞飯，同家鄉海味煐銀絲粉。呢間店比較有誠意既地方，係上菜時會介紹埋是日靚湯同其功效，例湯係蟲草青紅蘿蔔黑白木耳雞骨草，聽店員講黑白木耳通血管，不加味精，而眼前呢碗靚湯十分足料，最尾除左蟲草之外，其他渣食哂，飲完完全唔口渴，湯係清甜。土伏苓燉雞飯，會上一整壺燉湯，再另上白飯，湯隔住個蓋而家聞到（我最中意的）藥膳味，店員亦有略有介紹，湯由朝早六點開始燉，燉足7個鐘，土伏苓亦有去濕功效。 湯底甘甜濤潤，似有枸杞香甜，又有土伏苓既甘苦，再加埋嫩滑雞肉，好快已經飲哂成碗，唔夠撈飯食再來係家鄉海味炆銀絲粉，可能因為平日關係，師傅好有心為我地上菜，亦有介紹如何調制，言談間我覺得即使係好平凡既炒米粉，師傅都會研究點調點炒，先能帶出食物美味。而我地食呢

唔一定上咗年紀先會食粵菜❌ XXG今日搵到依間私房菜 據說每碟菜都係由一位得獎名氣大廚親自操刀😋 但價錢又唔算貴~▪️8.5/10▫️<< 避風塘黃花魚 >> $168 個人大愛🔥 惹味避風塘炒法 唔太辣 黃花魚炸到極脆 但魚肉仍保持細嫩❗️可以原條連骨食😱 配埋大量乾蒜食 勁香口 食唔停😭❤️▪️8/10▫️<< 失傳醬脆皮生炒骨 >> $148 所謂嘅失傳醬就係老闆娘嘅自製蘋果醋🍏 醬汁醒胃唔會太酸 偏甜 生炒骨外皮超酥脆😵 大舊多汁 食得出係用新鮮骨！▪️8/10▫️<< 蟹油豬油渣炒高山椰菜花 >> $148 特別在於豬油渣🌟 用蟹油爆過 唔膩之餘仲要食到鮮甜蟹味‼️特選高山椰菜花 新鮮爽口▪️7.5/10▫️<< 老火煲佛手瓜南杏豬尾骨湯 >> $168 好大壺 湯渣另上 真材實料熬出嚟👀 唔使落味精都夠濃 飲落好滋潤 似屋企煲嘅湯 有住家感覺👍🏻🌿傳統廣東餐館裝潢 店入面仲貼左好多大廚嘅獎牌同名人合照😮 每張枱都係大枱 好闊落🐽總括嚟講 每道菜食材用料都好講究 烹調技巧

只看門面，會以為位於大角咀的喜聚坊以做街坊小菜為主，入內才知大廚有多年下廚經驗，做古法手功菜了得。古法手功菜要預先預訂，今晚就先一嚐小菜功架。老火煲佛手瓜豬尾骨湯 老火湯強調煲了很多小時，全無味精。先看湯色，湯色融而不濁，油份不多，入口濃郁鮮甜，是正宗的家常老火湯，可以喝一口鮮甜的老火湯，作為晚餐的開始，感覺確是窩心舒服。秘製咖喱牛肉煲 咖喱入口較平常的味道更香更辣，似是自家加入不同香料炮製。牛肉用上鮮牛肉而非肥牛，鮮牛嫩滑不韌，配上洋蔥及彩椒，比牛腩或牛肋條更健康。鮮茄果醋脆皮桂花魚 桂花魚起出魚柳𠝹花，連同魚骨切塊炸脆，勾上鮮茄蘋果醋芡汁。魚塊外脆內軟，魚肉依然嫩滑，未被炸乾，點上甜酸糖醋汁，胃口大開。瑤柱蛋白脆脆炒飯 瑤柱蛋白炒飯食了很多次，今次加上脆脆粒同炒口感更佳。炒飯炒得粒粒分明，乾身爽口，熱辣辣的非常暖胃。

唔知大家對穫氣仲有冇概念因為食得出有穫氣嘅餐廳/大排檔愈唻唻少今晚就食到一碟好重穫氣嘅小炒皇而且仲好多菇蝦腰果同鮮帶子裙邊啫啫雞煲高山椰菜花睇一次食高山椰菜花原來係咁爽脆蝦膏非常香口而雖然呢兩碟小菜都好好味 但係其實配料都算係清淡 因為完全冇味精 亦唔會過油過咸田雞煲仔飯 即叫即煲田雞肉好新鮮呀姐話每日新鮮入貨 嗌完就冇私房菜有樣好處就係你想個飯底乾爽啲又得 煮得冧身啲又得白目魚湯我都係第一次飲湯渣好細心咁幫我地另放一碟白目魚湯原來有美容活血功效連豬骨一齊煲 湯會濃啲偏奶白 非常滋潤浮誇嘢最啱我燈籠咁大粒夜明珠都係第一次見連隔離檯望到都話好考手工而且味道同外表一樣都好食呀姐話餐廳師傅個師傅以前serve開鄧小平睇唻下次要試隻國寶鴨

秋冬想食暖笠笠的菜式, 想起了朋友推介的大角咀小店喜聚坊, 總覺得吃中菜才有溫暖的感覺。老火煲西洋菜南杏豬尾骨湯$168推介大家來這一定要叫老火湯, 煲了六小時, 火候十足, 無味精, 似乎無鹽或少鹽, 純粹食材的味道, 已經很濃郁帶著甜味, 和朋友都很喜歡喝湯, 大滿足。醬皇麻辣幹鍋走地雞$188很久沒食雞煲, 來到這季節涼涼地, 就最適合, 我們叫了少辣, 走地雞雞味特別濃, 醬汁也很惹味, 還有不少配菜, 如洋蔥、青椒、冬菇等, 連蒜頭我也吃, 十分豐富。黃金流沙蝦球$98黃金流沙外層滿滿蛋黃香, 十分迷人, 咬下去脆口香口, 內裡包著大大隻蝦球, 彈牙爽口, 有六大件份量十足。臘味田雞飯$100一打開已聞到好香的味道, 煲仔飯也是暖笠笠之選, 田雞件件滑溜, 其實我很愛吃但不常有得食, 臘味用料靚, 飯就有點偏硬。

獨家小炒@喜聚坊 網址: https://地址: 大角咀利得街10-12號地舖電話: 51993895==================轉口味，近幾個月都以食西餐為主，掛念中式餸同小炒，配上一碗飯就是廣東人家中的感覺同味道了。問了熟悉中餐的友人，建議我來呢間喜聚坊，拍心口保證好食又唔貴。足料湯水西洋菜陳腎豬骨南北杏湯$168，甘甜補水冬天乾燥飲完喉嚨好舒服，老火湯無味精，少油健康仲加了陳皮調出小小橘子香。陳腎同豬骨都煲到好腍身。$168小炒皇用上了蝦，腰果菜埔，魷片同蒜心，仲有炸過架銀魚仔同蝦乾，少少辣極之香口惹味。黃金炸黃花魚$98，是鹹魚黃呀！牛油炒到鹹蛋黃起沙出味，脆到如食薯片，而內裡魚肉很嫩。基本上整條可以食落肚，連魚骨都炸到酥香無比！立腸立肉煲仔飯$80，冬天必食，一打開蓋立腸味傳到鼻中，回憶起飯焦的滋味，油香噴噴的豉油撈飯，個底的飯粒結合了甜豉油同油，熱力令米轉化成香脆飯焦！仲送了渣渣糖水，多豆唔太甜，豆腍綿。經驗師傅做得一手好菜，傳統同手藝中菜，香港地賣少見少。很多獨有的菜式，我敢發誓出面一定食唔到。若非限聚令，一大班人來可以多叫幾個能手小菜食。

小編平時都會經過大角咀嗰邊，有時見到唔少餐廳都好吸引👀，突登停底望下有啲乜啱食。而今次終於都忍唔到想試下呢間攞哂獎又影哂相嘅「喜聚坊」✨，今次就襯著食Lunch親自去小試牛刀啦✨✦✦✦✦✦✦✦✦✦✦✦✦✦✦小編一坐低，店員姐姐就立即送上例湯✨，可能知道小編呢排好Dry要滋潤下🤣，小編無飲錯的話，應該係西洋菜南北杏，非常足料，西洋菜洗得好乾淨，入口清甜，讚👍🏻！✦✦✦✦✦✦✦✦✦✦✦✦✦✦🎈川芎白芷魚頭湯飯 $68小編叫左「川芎白芷魚頭湯飯 」，因為聽到靚姐話補腦去頭風，岩哂小編呢啲過度用腦既人士。🤣聞起黎好香，藥材味好重，店員姐姐仲好強調佢地嘅湯係唔會落味精！小編一飲就知勁補同落足料既，而且無魚嘅腥味！如果好似小編咁虧就要嚟試下✨，飲完真係唔口乾🤓👍🏻。配上白飯飽肚又滋補✨。✦✦✦✦✦✦✦✦✦✦✦✦✦✦

臨近月尾想食平啲見到呢間既飯$48起，仲有住家湯送，即刻入去原來有好多名人都黎過幫襯的黯然銷魂飯呢個飯原來係餐廳既招牌菜！一上檯，叉燒既香味撲鼻叉燒好厚切，但一啲都唔韌顏色仲好均勻重點係叉燒汁超正，唔會好似出面咁用蜜汁整到個汁好甜！連啲薑茸都好好食，唔會好咸撈飯一流要特別叫一碟黎撈飯咖哩牛肋飯呢度用牛肋骨代替牛腩，所以肉質特別軟滑無牛腩咁韌！重點係咖哩超香，勁好味原來係用左40幾種香料製成再加入鮮磨椰汁，令咖哩味香而滑，味覺升級左跟餐嘅湯：雞骨草木耳湯個湯完全唔濁，仲隔左油添一飲就知唔係味精湯好有住家湯既感覺土茯苓燉鮮雞湯飯呢個燉湯好足料成個湯好濃，飲落好實在燉既火侯好夠

今次揀這間餐廳慶生是為了這個富貴夜明珠，香港很少見，我之前是在越南食過，還記得當時睇住一塊小麵團放入高溫的油內，師傅巧妙地慢慢將佢變到又大又圓的圓球，今次見依然感覺震撼，真的十分吸晴，壽星朋友當然很驚喜！除左這個菜式，居然其他菜式也很驚喜，看牆上的戰績標榜，就知大厨來頭不簡單，這裏還有很多失傳的巧手菜這排天氣開始乾燥，於是點了一個$168老火煲赤小豆粉葛豬尾骨湯，滋潤得來順便除肝火，一看湯渣已經知真材實料，啖一口，濃郁清甜，飮完這個湯感覺身體滋潤了，連咀唇也感覺不乾燥$188 醬皇麻辣走地雞, 點的是中辣，食落麻味不太濃但辣得很惹味，雞件份量足、用的都是新鮮雞，所以肉質鮮嫩，配料也很豐富，一般的洋蔥和青椒外，還有菇，豆卜，紅椒，大蔥，蒜頭、食起來更有層次感$148 失傳醬鮮生炒骨，賣相已合格，酸甜濃淡度調得剛好，醬汁掛滿每一塊肉，一夾起拉絲效果，咬落外層非常薄脆，脆到連坐身旁的朋友都聽到鏗鏘的卜卜聲，肉質柔軟又有口感，用的是上乘豬肉，加上獨特的製法，這個生炒骨做得真出色，必食之選$108啫啫芥蘭煲，店員打開蓋子，一陣香味撲鼻而來，原來芥蘭連同蝦米粒土魷乾在熱燙燙的石頭鍋內炒得香噴噴$2

這家位於大角咀的中菜館「喜聚坊」已開業多年，由以前觀塘搬遷至現時大角咀。 每一道菜式都由大廚用心烹調，主廚「寶哥」有超過30年的下廚經驗，有部分是已失傳的秘製菜式，已經很難在一般中菜館吃到。今次到訪品嚐了多款拿手小菜，避風塘炒辣蟹$480（細蟹）雖然說是細蟹，但是也大大件，Size比想像中還要大，呈現方式非常美觀，下面有閃閃發光的燈，也有天鵝在旁，演繹得美輪美奐。小辣的炒辣蟹用上了海蟹，味道特別鮮甜，而且師傅烹調方式以蟹及蒜蓉同步進行炒起，相對於坊間現成炸蒜等等有過之而無不及，蟹味和蒜香相映成趣，令口味更添甘香。失傳醬脆皮生炒骨$148由於要開油鍋炸，一般都會到中菜館享用，以自家製蘋果醋製作，用上新鮮骨即炸，夠鑊氣之餘酸甜度適中，更有拔絲加持，外皮香脆肉質鮮嫩Juicy，味道一流！忘不了炒飯$168令人忘不了的炒飯，當然也需要不少秘訣，除了表面看到的蝦米，蝦仁，蛋，叉燒之外，當然最重要是秘密醬汁，非常鮮味！查詢師傅原來醬汁也很有學問，有大地魚，蔥蒜，紅蔥頭，頭抽等等，也需要一定製作時間淆出味 ，令整體炒飯有鮮味又不會太咸。緊記要趁熱食，味道特別香呢！川芎白芷魚頭湯$68 可以補腦去頭風

是夜晚餐有老朋友請客，趁限聚令收緊前最後一次見面一坐低姨姨就介紹話佢地d餸冇味精，全部都係真材實料，好好傾，一來到就上左個湯俾我地幾位飲，係青紅蘿白豬骨湯，熱辣辣既湯好甜，好多料，好濃，果然真係冇味精，我飲左一大碗都覺得唔夠，但打後仲要食飯留一留肚；水煮桂花魚，我地叫左小辣，真係唔係好辣，桂花係新鮮魚，師傅走出來問我地好冇食？我想講呢到既水煮魚暫時最深得我心，我地4個人ko晒 連d配料芽菜豆卜都食埋。魚冇腥味，冇乜骨，個湯頭唔係開出黎，食得出係用心整。拔絲咕嚕肉脆皮拔絲，姨姨話每日要用50個蘋果去整咕嚕肉，又係好好味既一道菜，下次返黎一定要再叫傳奇國寶鴨師傅話佢地用5小時既時間去做呢隻鴨，裡邊有蓮子，瑤柱，原來呢隻鴨係鄧小平命名，好威水咁外貌內軟，唔會好油，好好食，如果人多一定一定要試呢個！！！！白鱔煲仔飯新鮮白鱔加上飯焦係秋冬季必點，白鱔唔洗點樣調味，飯面加少少豉油已經好味瑤柱蓮子浸時菜食到呢碟我地已經超飽，但唔知點解都可以清碟😂 因為個湯底有雞湯味，d白菜仔食落又幾好味呢餐係超滿意，味蕾表示好開心，食到捧住個肚走 ，一定一定會介紹身邊人黎食，限聚令放鬆我會組隊再黎食過

大角咀多嘢食，相信好多街坊工友都唔會有異議，每次放lunch前諗揀食邊間餐廳都好苦惱，但聽講有間有得食黯然銷魂飯，就好想化身食神走去試凡幫襯都會有湯飲，從湯渣可見係好足料凍奶茶嗌少甜，又真係啱啱好喎作為OL嘅胃民係養生啲要飲熱檸茶呢個就係令家燕姐出現幻想嘅黯然銷魂飯嘩！佢啲蛋仲正過電影入面嗰碗撈埋底下嘅豉油同蛋汁，以後食唔到點算呀？佢地嘅咖喱係自家製，色水好吸引牛肋肉同牛根非常入味，份量仲要幾多㗎呢間吸引咁多名人幫襯，並唔係浪得虛名

呢間大有來頭，廚師非常有料，見到餐廳牆身貼滿相片，決定一試。店員都好友善親切，推介鮑魚金蒜排骨飯😻上菜速度都好快，賣相好可愛，原籠就見過，用竹筒真係少見。啲排骨都鋪滿曬，仲滲左少少味落飯到，排骨有少少肥，所以食落吾會鞋。呢間係主打冇味精，所以醬汁應該做左不少功夫！吾係個種甜醬油咁普通~幾滋味🤗而且個飯熱騰騰🤗冒出煙的🤩另一推介係川弓白芷魚頭湯飯。落足料燉左好耐，而且女士飲係好有益可以驅頭風，治頭痛！好香藥材味，而且絕無魚腥味🤪撈飯一流，平時撈汁食飯非常不健康，依家食完更養生，更滋補🤩午市套餐更會送上例湯，今日係以萬壽果為主，所以好清甜，老少咸宜！注重健康的你，去呢間包岩你心水，當中仲有好多古法失傳美食，下次一定要帶家人試吓🤪🤪🤪