影片
更多
2020-12-06
66 瀏覽
今日去開大角咀工作，身住周圍都係連鎖店的新市鎮，甚少體會到舊區既街道同街鋪，而正好係大角咀搵食既時候遇到喜聚坊，又想食鑊氣小炒，無猶疑地入左去醫肚餐廳係我平時好少見既裝修，好有懷舊味道，綠色既牆貼上撚手小菜，師傅既相，更有以前細個見既梳化卡位。每枱都幾乎坐左枱客，似乎喜聚坊在大角咀既街坊同打工仔之中都略有名氣。午餐餐牌有唔少都係養生之選，我地點左土伏苓燉鮮雞飯，同家鄉海味煐銀絲粉。呢間店比較有誠意既地方，係上菜時會介紹埋是日靚湯同其功效，例湯係蟲草青紅蘿蔔黑白木耳雞骨草，聽店員講黑白木耳通血管，不加味精，而眼前呢碗靚湯十分足料，最尾除左蟲草之外，其他渣食哂，飲完完全唔口渴，湯係清甜。土伏苓燉雞飯，會上一整壺燉湯，再另上白飯，湯隔住個蓋而家聞到（我最中意的）藥膳味，店員亦有略有介紹，湯由朝早六點開始燉，燉足7個鐘，土伏苓亦有去濕功效。 湯底甘甜濤潤，似有枸杞香甜，又有土伏苓既甘苦，再加埋嫩滑雞肉，好快已經飲哂成碗，唔夠撈飯食再來係家鄉海味炆銀絲粉，可能因為平日關係，師傅好有心為我地上菜，亦有介紹如何調制，言談間我覺得即使係好平凡既炒米粉，師傅都會研究點調點炒，先能帶出食物美味。而我地食呢
餐廳係我平時好少見既裝修，好有懷舊味道，綠色既牆貼上撚手小菜，師傅既相，更有以前細個見既梳化卡位。
每枱都幾乎坐左枱客，似乎喜聚坊在大角咀既街坊同打工仔之中都略有名氣。
午餐餐牌有唔少都係養生之選，我地點左土伏苓燉鮮雞飯，同家鄉海味煐銀絲粉。
呢間店比較有誠意既地方，係上菜時會介紹埋是日靚湯同其功效，例湯係蟲草青紅蘿蔔黑白木耳雞骨草，聽店員講黑白木耳通血管，不加味精，而眼前呢碗靚湯十分足料，最尾除左蟲草之外，其他渣食哂，飲完完全唔口渴，湯係清甜。
土伏苓燉雞飯，會上一整壺燉湯，再另上白飯，湯隔住個蓋而家聞到（我最中意的）藥膳味，店員亦有略有介紹，湯由朝早六點開始燉，燉足7個鐘，土伏苓亦有去濕功效。 湯底甘甜濤潤，似有枸杞香甜，又有土伏苓既甘苦，再加埋嫩滑雞肉，好快已經飲哂成碗，唔夠撈飯食
再來係家鄉海味炆銀絲粉，可能因為平日關係，師傅好有心為我地上菜，亦有介紹如何調制，言談間我覺得即使係好平凡既炒米粉，師傅都會研究點調點炒，先能帶出食物美味。而我地食呢碗米粉，絕對不能與平時粥店既炒米粉相比，炒得有鑊氣，冇多餘油份同水份，米粉有蝦籽均勻分佈，唔需要再多既海鮮，都已經食到炒米粉既鮮美。
呢餐只係食左九個字都冇，因為好味到好快清哂幾樣餸，店員同師傅都好nice ，如果時間方便的話都想再過黎食。
有時都好希望新市鎮地區都有呢類舊式中菜館，唔使再比連鎖店壟斷。
張貼
