喜來稀肉 (登龍街)

營業中

休息中

銅鑼灣食肆眾多，千挑萬選揀呢間韓國餐廳，果然無令我失望Lunch Set幾十蚊好抵食。前菜都有幾款唔同款式，除咗泡菜好味之外，其他都好正。「蔘雞湯🥘」原隻雞，裡面都是米飯，好足料，雞湯唔油膩，同韓國吃到的味道一樣。「芝士石鍋拌飯🧀」熱辣辣，上枱時芝士仲滾住，芝士多到拉絲，米飯底部黏著飯焦，又脆又香口。飲品方面仲有韓國果汁，裡面仲有果肉，好飲呀。「梨汁」🍐「桃子汁」🍑「葡萄汁」🍇店內環境好寬敞，夠哂地道

喜來烤肉 grilled beef seorae style (180g) ，用咗特製嘅醬汁醃製，牛肉肉質軟嫩，食落油脂感豐富但完全冇牛腥味，每一口都喺全新嘅味蕾享受，令人驚艷！牛五花肉 Pork belly with seorae soy source (150g)，肉質鮮甜軟嫩，口感嫩滑中帶有彈性，燒烤過後嘅肉唔會過硬，裡頭依舊保有肉汁，油香十足！肥厚嘅牛舌 Beef tongue with seorae soy source (180g)，牛舌表面喺滿滿嘅油脂，口感軟嫩，燒烤過後都唔會太乾柴。值得一讚嘅喺餐廳份量完全唔小氣，每一次上碟份量十足，肉肉經過炭烤後，每次入口都感受到滿滿嘅炭火香氣，肉質燒烤過後又不失柔軟，性價比甚高！每一枱都有蔬菜伴碟，將燒肉夾喺蔬菜入面，非常清爽解膩！

不嬲有林種種的精選燒肉，包括豬肉、牛肉、雞肉、同海鮮，就五花肉都有幾種，有喜來五花肉、濟洲五花肉、牛五花肉，讓肉肉控一次吃到不同口感燒肉，應有盡有，好似置身於韓國一樣。喜來烤肉 grilled beef seorae style (180g) 調味過後頗具層次，食落肉質肥嫩，味道濃郁但完全唔膩。牛五花肉 Pork belly with seorae soy source (150g)，每片都呈現大理石紋的粉嫩油花，雪花平均，燒烤過後牛嘅味道更為濃郁。因為店舖都喺自助燒肉，沒有店員幫手，一開始我哋都怕燒得太熟，但餐廳用料上乘，呢塊五花肉完全冇果種燒烤過多的乾燥，相反，口感柔軟。牛舌 Beef tongue with seorae soy source (180g) 油脂充盈，舌身軟嫩食落非常入味。不論是燒肉定烤肉，餐廳每桌都跟隨一碗生菜，俾客人將肉夾住生菜享受清爽的滋味！

銅鑼灣真係好多嘢食你到呢一條街有 好多嘢食 價錢親民 成條街都大部分係十年嘅我就唯獨鍾意食呢度樓上嘅韓國燒烤 因為佢地方大便有啲韓國嘅感覺好似去咗旅行咁 有間韓式嘅燒肉店我哋鍾意食佢嘅護心肉新鮮可口分量多加上資源上菜快係一個同朋友飲酒傾計嘅好地方

喜來稀肉是座落於銅鑼灣一個旺中帶靜的餐廳，樓上環境清幽，有烤肉及各種韓式套餐選擇，午餐時間匆忙之間嘗試了人參雞及石煱烤牛肉飯。在這個秋意漸濃的季節一份熱氣騰騰的糥米及人參雞湯感覺回味無窮，人蓼雞成隻送上，雞肉吸收了人蓼甘香味道，雞肉嫩滑，就算雞胸都係滑的。石窩牛肉飯也是一款非常不錯的選擇。牛肉嫩滑 有肉汁，牛肉份量多，加上浸滿牛肉汁的粉絲，非常好食。午飯時間比較緊，下次找個空閑時間來再次體驗這家韓式風味餐廳。

今日公司無乜高層喺office， 於是同同事落銅鑼灣喜來稀肉食lunch， 喜來稀肉樓下有韓式野食賣， 大家飯前飯後都可以去望下有無啱的韓式食品啱用。是日午餐石煱烤牛肉， 配飯人蔘雞湯飯袖子汽水石煱烤牛肉，牛肉嫩滑，有肉汁， 牛味豐富， 好似食緊薄切牛小排，石煱裡面有粉絲， 粉絲晶瑩剔透，掛上石煱牛的醬汁， 味道入哂粉絲度， 好味。人蔘雞湯飯， 大大條人蔘放喺雞上面， 相機食先， 成隻雞放喺石煱裡面， d湯重滾緊， 雞身入面放滿糯米， 糯米吸哂人蔘雞嘅精華， 啖啖人蔘芳香味。袖子汽水， 甘甘地甜甜地， 悶熱天氣之選外號: 食物麻煩神，揾好野食，享受人生。

呢間喜來稀肉地方寛敞，而且位置好方便，都好多韓國人過黎呢間食 前菜有3碟，主要食其中嘅泡菜，好好味😋爐邊蛋🥚可以無限添加😍生菜🥬亦可添加，包肉一齊食就更好味 喜來烤肉 🥓 薄薄牛肉加上已醃製過醬料，味道特別香濃，肉質美味😋 牛五花 🥩 比較多油脂，燒烤後好香好吸引😋 水冷麵 🍜冰凍水冷麵湯底，味道係酸甜交雜，味道令人好開胃，湯底有白蘿蔔片，青瓜同蕃茄。亦可以加醋同芥末醬調味料，少許芥末醬及醋更能令水冷麵味道提升 白桃汁🧃梨汁🧃韓國果汁特飲，有果肉係入面👍

即興約了友人到銅鑼灣晚餐，選了位置就腳的登龍街！約七點左右，店內已坐得滿滿的就坐前店員已在爐邊倒入免費的蛋漿，一邊是原味，一邊是帶點辣味的泡菜蛋，入口滑滑的！還有一格烤蒜頭之用，蒜頭烤後嗆度減輕，香度倍增，更易入口！全部都可無限量添加桌子亦放了數碟前菜，有口味正宗、辣味頗勁的泡菜、涼拌青瓜、辣醬沙律及包烤肉的生菜！還有一枝大凍水，可以清清油膩感有多款烤肉可供選擇，可自己以QR code下單，快捷方便喜來烤肉脂肪分佈均勻，肉質嫩滑，有點入口即融的感覺牛護心肉是牛的橫隔膜，略帶點油花，肉質軟腍，肉味濃郁吃韓國燒肉又怎少得韓國燒酒？天空藍瓶的「復古燒酒」Jinro is Back帶有米酒本身特有的淡淡米香和甜味，出乎意料的順滑

晚上天氣較涼🌬，食韓燒就至正🥓，係銅鑼灣梗係黎喜來稀肉🥰。銅鑼灣店下面係賣韓國食材，而上面就係燒肉店 前菜嘅泡菜味道好正宗，係好韓國地道味道，所有前菜同生菜都可以免費添加，而爐邊亦有任添嘅芝士🧀蛋及泡菜蛋🥚 喜來烤肉 🥓 ~ 薄薄牛肉加上輕輕醬料醃製過，味道好出色 牛五花 🥩 ~ 油脂比較多，肉質細嫩又多汁 生菜包肉🥬係韓燒必要的，生菜做底包住肉，上面加點韓式辣醬，喜歡的話可以加蒜，成個生菜包就更有層次，感覺無咁肥膩😍 水冷麵 🍜傳統北韓嘅水冷麵，酸酸甜甜冰湯底嘅特色味道，入面有白蘿蔔片、青瓜絲及蕃茄。另外，還有醋同芥末醬調味料，加一點點芥末醬更突出水冷麵嘅湯底冰涼味😋 🥤白桃汁🥤梨汁韓國果汁特別好飲，而且餐後每人都有一枝免費韓國Melona 雪條🍭

book咗銅鑼灣喜來稀肉食韓國燒肉😊七點幾已經開始排隊，咁鬼香，排隊嘅人會唔會越排越肚餓。前菜前菜入面最好味係泡菜😊酸酸甜甜好開胃。沙律菜撈埋紅色嘅拌醬原來都好夾，唔錯。食完前菜就啱啱好上主菜啦*喜來烤肉 $158*每次食喜來稀肉都必點，除咗靚之外，仲好好味㗎👍🏻一塊塊嘅牛圍成玫瑰花，加上甜甜哋嘅燒汁，每邊燒幾秒已經食得啦，好香好好味。*牛護心肉 $160*牛護心就偏瘦，厚身啲嘅，有咬口啲，牛味亦都相對重啲，冇加任何味，原汁原味都好滋味。*海鮮燒餅 $90*燒餅好足料，兩個人食真係有啲多，不過佢嘅汁好開胃，可以平衡返，冇咁漏。*紫菜包飯 $50*飯上面加咗勁多脆脆嘅紫菜，最上層係蟹子，撈埋一齊食好好味呀

天氣涼涼地，又係時候去食番個韓燒😋今次揀左呢間銅鑼灣食一坐底已經放好曬小菜同爐邊蛋兩個人叫左唔係好多野，但食完都好飽🤣肉方面叫左牛舌同埋牛頸牛頸好靚，雪花分佈平均，又唔會太肥，而且厚度適中👍🏻燒到一半剪一剪會更方便入口就咁配鹽食已經好正，或者用生菜包一包都好正😆牛舌係已經醃漬左，簿切燒兩燒好快食得，抵讚係勁大碟，燒極都未食曬，性價比好高😂😂大醬湯，原來入面勁足料，有一隻蟹同大概10隻蜆，仲有牛肉tim! 好鮮甜又好飲，用石鍋上枱，放到燒完d肉先飲都唔會凍左👍🏻

難得今日5:00嚟到，唔使排隊真係好正，不過要6:30前交枱，睇嚟晚上真係full Booking！✨喜來烤肉～即係牛肉，用上呢度獨特嘅醬汁醃制，燒嘅時候，醬汁和肉汁咇晒出嚟，充滿肉香，薄薄一塊，雪花亦都夠均勻，好快就燒熟，肉質嫩滑！而且order燒肉，仲可以無限添加旁邊嘅泡菜蛋👍🏻✨石鍋拌飯～拌飯材料有牛肉、大豆芽、翠玉瓜、紅蘿蔔絲、紫菜，中間仲有隻半熟蛋添，石鍋夠熱，上枱1分鐘左右，飯焦就完成了，特別香口。呢度食完，仲一人送一條雪條，我發現有久違咗嘅好耐波子汽水冰棒，以前韓國先食到😄

要掃到香港最出名嘅韓國燒肉店 呢間相信大家都聽過 除咗有燒肉之外其實lunch佢都有一啲飯或者湯比大家選擇而且燒肉仲有免費芝士蛋任加我哋叫咗呢度最出名嘅牛肉喜來稀肉 切得厚薄均勻 燒起上嚟基本上10秒內就可以食得 點少少醬油已經非常之好食加上前菜有泡菜青瓜等等 所以其實都有肉有菜同埋有蛋營養均衡 而且呢度幾抽風系統都唔錯 雖然成間店都係主打燒肉 但係冇油煙味嘅感覺 而且佢都好貼心喺你椅下面可以擺袋 唔驚油煙入晒個袋度 好正

呢間韓國國民烤肉品牌，之前已經想試好耐，奈何每次去到食飯時間就排長龍，自己平時帶住小朋友，所以次次都放棄。呢度菜式出名似咁韓國正宗，前菜有韓國人最愛嘅泡菜、大葱和醃青瓜，點咗份啱小朋友食嘅牛肉眼，大大份有成200g，牛味重，小朋友食就剪成一絲絲，大人就要厚身有口感。最近天氣開始凍，我order咗人蔘雞湯，雞細細，肉質都算幼嫩，內藏人蔘糯米飯，軟滑得來又香噴噴，唔錯。食完，仲可以喺雪櫃度，一人拎一條雪條。仲有出面好少見嘅Line friend冰條添，小朋友零舍開心！

好耐冇食燒肉啦！見呢兩日天氣涼左，就好想食燒肉雖然嚟過幾次，但係都未試過佢全部嘅肉，所以今次就專食牛肉同樣，餐廳闊落，水泥色設計，好似身在韓國一樣😊前菜生菜任食任添，服務員好識做，見到你食晒就會自動幫你添加。爐邊蛋亦可添加，有加泡菜或者芝士可選擇。豬油開鑊，聽到‘滋滋’聲就代表個爐夠熱，豬油燃燒緊，可以開始燒肉啦特級牛頸肉🐄厚切，牛味濃郁，脂肪少，唔會好難咬，啖啖肉真係好正，包住泡菜食到好夾牛舌👅只係一百幾蚊，就有一大碟牛舌。每邊燒5秒已經食得，冇腥味，口感柔軟，建議可沾少少鹽一齊食，味道好夾海鮮牛胸肉大醬湯🥘大醬味好濃郁，材料豐富，蜆肉、半隻蟹仔、牛胸肉、豆腐等等，一啖湯一啖燒肉，一邊食一邊消濟