喜來稀肉 (登龍街)

營業中

休息中

餐廳最出名就係食地道韓國燒烤，店內既裝修擺設都形造出韓劇入面既感覺🤣 食物款式多樣化，有經典韓式口味既豬牛肉，仲有不同既一品菜（包括參雞湯，大醬湯同水冷面）今次就試左以下幾款:蟹子紫菜飯團 $50香噴噴既米飯加入麻油、新鮮紫菜同彈牙蟹子，自己拌更加好玩又好食🤣喜來五花肉 $138喜來烤肉$158兩款肉都用上秘製醬汁醃製，非常入味！而且五花肉油脂夠多，啖啖肉汁👍🏻👍🏻而牛肉肉質鬆軟，啱晒韓燒🤤烤架外圍有提供烤芝士蛋和泡菜蛋，亦有自家醃製泡菜，口味正宗。海太韓國果肉提子汁 $20果汁用上韓國本地種植既提子，加入真實既清甜果肉，令口感大大提升，滋味可口！

勁耐都無食過韓燒趁住秋涼就燒一燒佢喜來稀肉既五花肉最正🤤豬肉油脂分布均勻 兩邊反轉燒完再包生菜 🥬塊塊都令立立好juicy🤤芝士石鍋飯 配料有少少失望因為係午餐肉 🥲睇黎都係focus係燒肉身上 由於我唔食牛 所以仲叫多左碟豬頸肉 足料 但五花肉邪惡啲🥰Btw 三碟前菜包括泡菜 醃漬青瓜同辣醬野菜 仲有包肉既生菜都係免費添加

要食韓燒，一諗就諗起 - 「喜來稀肉」。我細細就聽過呢個名啦！上一層，估唔到環境咁好，好有韓劇feel。喜來稀肉（牛）喜來五花肉五花肉同牛肉既質感都好好，燒完食落好鮮嫩，配埋餐廳特製既醬汁醃製，作為招牌菜嘅佢地，味道非常好，而且食落都唔會太鹹，岩岩好！ 配埋任食生菜、泡菜、青瓜等配菜一齊食，韓風十足！喜來烏冬 用特別嘅鐵窩上菜，好有風味，烏冬有咬口，湯底清甜，配埋少少魚糕，正！海鮮蔥餅 唔係講笑好大份，材料好足料，啖啖海鮮！

喜來稀肉一向都係香港好出名 今次做完大project 所以同朋友一齊黎食餐好嘅！叫左佢地既招牌 ：喜來稀肉（牛）喜來五花肉配特製醬汁五花肉同牛肉既質感都好鮮嫩👍🏽👍🏽 配左佢地特製既醬汁醃製味道岩岩好 而且唔會太鹹 配埋生菜 泡菜 等等配菜一齊食 好有韓國風味醃青瓜 泡菜 生菜都係無限refill 正呀！😍喜來烏冬 係平時係韓劇睇到既小鐵煱 好有feel!烏冬好有咬口 湯底好清甜海鮮蔥餅 份量好大份 而且材料好多 好足料 啖啖都食到海鮮！🥰🥰

呢間韓國燒肉其實喺香港開咗好多年，一直都好想試但係都未有機會試到。今日突然好想食韓燒，就特登去試吓。嗰度啲裝修真係好有韓國feel，尤其係個裝修嘅色Tone，感覺上自己真係去咗韓國咁！我哋兩個人叫咗一份豬嘅護心肉、一份喜來烤肉、一個水冷麵同一杯麥茶。嗰份牛肉係薄切嘅，每邊燒兩三秒即刻夾黎食超正！超級嫩口而且好Juicy！豬護心肉之前就未食過，但原來食落都係好好食。而水冷麵真係好令人我回想起喺韓國食過嗰個，個湯底夠冰而且酸酸地勁開胃！加埋佢爐邊燒嘅蛋同埋啲韓式配菜醬汁，成件事真係好正，一定會再嚟食！

自從疫情之後，就好耐冇出街食燒肉。呢期突然心癮起，想食韓國燒肉，第一野就係諗起喜來稀肉。由佢岩岩開黎香港到而家，一直印象分都唔錯。入到去見到咁既setting已經勁開心！好似返左韓國咁！ 仲要銅鑼灣間分店長期多外國人，真係好似去咗旅行。有齊哂紙巾，濕紙巾，消毒👍🏻喜來烤肉（牛）燙一燙就熟，唔使點任何醬都好好味。護心肉（豬）同樣地都好好味，夾生菜蒜片一流！每次黎喜來稀肉，最期待都係個蛋！相信下次黎都會因為個蛋再黎！ 有芝士/泡菜2款😍最愛泡菜🥰

自2019年去完韓國望返旅行相，諗起當時去韓國食燒肉幾開心，突然好想去食韓燒

銅鑼灣分店幾大，裝修好去韓國feel，入到去韓國旅遊回憶即刻返晒黎前菜、生菜、旁邊可以任refill，Kimchi 我覺得都好好食，酸到啱啱好，同平時超市買到kimchi 好唔同，原來全部由韓國嬸嬸親自在店內醃製，口味正宗烤架都非常韓式，外圍有烤芝士蛋同泡菜蛋，可以refill，另一格烤蒜頭，蒜頭烤後香度倍增，可以夾烤肉食招牌護心肉護心肉即位於豬橫隔膜和肝之間的筋肉，燒過仍然軟腍多汁，加上生菜夾住食，食多幾件都唔會濟喜來烤肉 （牛肉）牛肉少脂肪，燒過都仲好軟腍多汁，肉味仲幾香韓國米酒韓國人最愛吃燒烤、韓式煎餅、火鍋等濃味食物時喝米酒，甜甜的十分好入口最後餐廳好貼心送支韓國雪條降火作為甜品...Menu

壹頭牛只係菜名啫，大胃王都食唔到一頭牛啦😆～壹頭牛包左五種牛肉，由左邊起分別為牛肋骨肉、牛五花、牛頸肉、調味牛排肉以及花形喜來烤肉。🌖牛肋骨肉：牛味較重，肉汁豐富🌗牛五花：油脂感爆燈，記得包住菜嚟食balance 下🌖牛頸肉：肉厚有咬口🌗調味牛排骨：味道偏甜，遮蓋左牛味🌖喜來烤肉：造形滿分，略帶油脂，質地比較軟腍，調味唔會太重手，表現平均喜來稀肉黎左香港咁多年一直咁受歡迎，其中一個原因就係生菜🥬、泡菜、爐邊烤蛋（芝士及泡菜味）都可以無限refill🤩！另外仲每人都可以免費食一條韓國雪條做甜，真係十足置身韓國🇰🇷之中。食完仲可以落樓下food market 買食材，肉類、泡菜、飯卷、零食都有得賣，食飽飽再去shopping 真係人生一大樂事😄（憑單仲有九折！記得keep 單）。店員超主動，會主動幫我地換鐵板同refill 生菜；要求refill 爐邊蛋同泡菜嘅時候反應好快，唔會拖下拖下唔記得左我地，服務呢一part真係好抵讚👍🏻！

未叫野就開爐，叫個牛一上就有血水都算，40分入座時講到明個半鐘用膳時間。淨番20分鐘果陣提得個半鐘用膳時間，淨番10分鐘果陣又黎趕你走，話下檯到左。生意唔係咁做的，唔會再有下次

銅鑼灣登龍街好多野食但燒肉餐廳好似少見喜來稀肉對一般韓國愛好者一定唔會陌生食過尖沙咀個間見銅鑼灣都有，過下口隱被安排到窗口位看到樓下喧嘩熱鬧既銅鑼灣鬧市剛好天氣涼，開左窗又涼又舒服同一般韓國餐廳一樣爐邊有蛋，一邊泡菜蛋，一邊芝士蛋個人喜歡芝士蛋，拉絲既感覺，夠哂邪惡有一碟碟泡菜，前菜開餐食又得，夾燒肉食都得喜來稀肉上碟時排成花形牛肉切到厚度大小適中看似份量少但燒下燒下都食到好耐而且中意喜來稀肉，肥瘦平均一啲都唔肥豬護心肉有醬汁醃製想試豬同牛護心肉有咩唔同所以叫哂豬同牛護心肉都係喜來稀肉既招牌位於橫隔膜與肝之間既肌肉肉筋而且冇乜油份，口感柔和牛護心肉個人比較喜歡牛護心肉因為都偏向鐘意啲冇乜醃過既肉食到肉質之餘，食到佢既新鮮餐廳服務很好，服務員refill快

#偽韓國之旅 Annyeonghaseyo! 今晚同 oni 去食韓燒預先book左7點，餐廳越夜越多人，都好多外國人黎食一坐低有3碟小菜，泡菜真係好好味😋 就咁食得又得，用生菜夾住食都得，生菜好乾淨爽口👏🏻食完仲可以refill 😚我哋兩個人叫左🥩壹頭牛 소한마리 Beef Set $520呢個餐已經夠兩個人食(壹頭豬都係二人份量)，如果冇乜idea食乜，叫呢個set就岩晒. 入面有喜來烤肉/牛五花/牛頸/牛肋骨肉/烤調味牛排骨/4片瓜我最鍾意係牛肋骨肉，牛味好出，同埋因為有啲厚度，我呢啲慢手慢腳既人都無咁易overcook 🤣牛五花就比較肥，牛油一路燒一路流出嚟，超香呀! 牛頸都唔錯喜來烤肉砌到成朵玫瑰🌹 唔捨得整散佢，呢個係薄切唔太肥既牛肉片，份量好多好扺食😎食到咁上下肉就可以烤埋D瓜, 中和下,燒淋左熱辣辣都唔錯😋🍳爐邊烤蛋都係韓燒signature, 一邊係芝士蛋另一邊係泡菜蛋，一樣有得無限refill (我哋都refill 左一邊蛋) 我覺得個蛋最好岩岩熟就即刻剷起晒黎食，咁樣先最滑🍧 食完晒之後記得要留時間食韓國雪條，每人有一支架！私心推介芒果同蜜瓜味👍🏻 店員見到我哋個

呢度嘅雪花牛肉真係好鬼正！鍾意食牛肉嘅我，今晚嚟到呢一間傳統韓國燒肉店🥩見到佢哋嘅前菜仲有芝士蛋🥚都可以飲添，真係食得好開心。前菜都有三種，除咗有辣嘅生菜之外，仲有經典嘅泡菜，同埋醃青瓜。🥒醃青瓜就酸酸味味，醃泡菜都幾辣下，所以好開胃，係傳統泡菜嘅味道🌶叫肉食，當然唔可以少得牛魔王！我哋試咗下佢呢度嘅雪花牛肉，因為雪花均勻剔透，所以食落去油脂豐滿，幾香。🔥更加可以點埋佢嘅三款醬料，最深刻印象嘅係佢哋嘅豆瓣醬，同埋辣醬。除咗肉之外，🥬佢哋嘅生菜，同埋芝士鍋邊蛋，泡菜鍋邊蛋，都係任意添加，食得非常盡興！

同朋友嚟銅鑼灣shopping，dinner當然要搵嘢食😋朋友推介呢一間韓式烤肉餐廳，因為係有韓國人打理🇰🇷味道夠正宗，上到嚟果然有韓風設計。我點左我最鍾意食嘅尊尚牛排骨，🐮佢好貼心，又分開兩種，一種係有落調味，有另外一種係唔落。因為我比較鍾意食牛肉嘅香味，所以我就揀咗原味，更加可以食到肉嘅質感，牛肉好香好正，大大條好抵食，而且因為夠晒厚肉，可以keep住入邊嘅肉汁，食落去滿口都係牛肉香，非常過癮！

之前聽舊同事說經常去喜來稀肉，貪佢的爐邊蛋、泡菜和生菜可以無限添加，啱哂男友呢D食肉獸，又可以用生菜包肉塞爆佢個口而迫佢食多D菜，何樂而不為?埋位已經放好三款泡菜，分別是大白菜、沙律菜和醃青瓜蘿白，味道也不錯。另外兩款爐邊蛋 (芝士味及泡菜味)亦已準備好，看著爐邊蛋成形變熟，用羮畢起剛熟的蛋非常香滑~用QR落單，一份護心肉 (豬)、喜來烤肉 (牛)、芝士石鍋拌飯及兩杯梳打，兩個人食已經夠哂飽。燒板上用肥豬肉代替食用油，感覺天然。護心肉位於豬隻橫隔膜和肝之間，每隻豬唔係好多。雖然屬於五花肉一部分，但油分唔多。上枱切得大小不一，看上去不太精緻，但質感柔軟，入口爽滑彈牙。喜來烤肉整成一朵玫瑰上枱，翻開是薄切，一燒就食得。肉質細嫩，肉味濃而無渣。因本身已醃過，沾少少鹽就最能突出其肉味。以生菜包肉，再加蒜片、醬汁及泡菜，減膩之餘，味道亦更加有層次。芝士石鍋伴飯芝士控必點，厚厚的芝士和蕃茄醬、午餐肉、粟米等材料配合得宜。還有長長的拉絲效果。柚子梳打及藍莓梳打柚子梳打加了檸檬非常清新，藍莓味就偏向甜一點，兩者都是解渴解膩的好幫手最後不得不提，餐廳的待應服務殷勤，未吃完生菜籃已經幫忙refill，另外

太耐無飛韓國，好掛住韓國美食，搵到銅鑼灣呢間地道餐廳。部分店員都是韓國人，加上環境裝潢，感覺身處韓國一樣。4款前菜好惹味，醃到入哂味。店員非常貼心，知道小朋友食唔到辣，送了韓國紫菜比佢地食，仲安排好開揚嘅窗邊位置比我地。蔘雞湯湯底清得嚟，充滿人蔘雞味。肉質嫩滑，連雞骨也煲到軟軟的，入哂味。芝士石鍋拌飯呢道菜真係不得了，芝士溶入飯中，拉絲長而不斷，大大粒午餐肉 唔會太鹹，超正。個人好喜歡韓國果汁，啖啖都有粒粒。下次可以晚市時段嚟食燒烤