唐宮小聚 (荃新天地)

營業中

休息中

餐廳在荃灣新開張時，己經時常買來食，有時一星期食足5日，每次買都最少6隻，有時什至十多隻，當然成家人食，每個人食2至3隻都可以，炸得幾好吾會乾，有肉汁，夠香口，但除著價錢增加，己少了買來食，衹是1個月買1至2次，最初其1隻衹買19.9元1隻，現在成57元1隻，好在呢排餐廳同開飯又有優惠，5O元1隻，叫2隻可再減多20元，40元1隻己開始又多了買，每星期1至2次。

今日同男朋友系荃灣行街經過見到餐牌嘢食幾吸引 一嚟到見到門口冇人所以直接入左去諗住攞位 點知入到去有侍應話未有位要出返去等 然後先有個短頭髮嘅女仔出嚟話要㩒飛等一等位 之後又走開左 坐系出面梳發見到距又汁枱又出餐 完全唔會理出面啲人 入去坐低左落左單之後 其實基本上冇咩人得閑理我哋 叫加茶都叫左兩次先加左 見到人手上面得5，6個 所以都體諒距哋真係唔得閑招呼周到 但唐宫都算高級餐廳 咁樣嘅招呼真係唔係咁得 如果真係人手唔夠不如唔好開咁多枱做生意啦 知客又唔系出面應付客人 BTW⋯⋯黑金流沙包，沙薑豬手，肉鬆抓餅，鳳梨咕嚕全部都好好食 值得嚟食嘢嘅 下次可以帶朋友一齊嚟食

約咗朋友喺荃灣行街疫情關係冇得食晚餐所以我哋決定去改食午餐，可能疫情關係午餐都唔係好算好多人，唔使排好耐隊就入到，每次食唐宮小聚我地都一定要點佢嘅乳鴿必食同埋黑金流沙包，今次我哋仲叫埋其他包括有石鍋鮑魚雞粒炒飯仲有火焰菠蘿牛腩。首先講吓隻乳鴿上枱非常之熱辣辣入口外皮香脆，肉質嫩滑，鹹到適中，而且仲有手套濕紙巾比客人備用。另外個黑金流沙包奶味偏重，流沙效果做得唔錯。火焰菠蘿牛腩上枱時會點火，一路keep住溫度，配飯食，食到停唔到口。最後個石鍋鮑魚雞粒炒飯上枱仲keep到溫度飯粒粒粒分明，配合鮑魚同雞粒非常入味。

11:30開門非常準時地方闊落👍樓底高員工勤快有禮💝服務貼心食品精緻＇味道出奇的好＇令人回味無窮新鮮沙薑豬手切得好細粒方便入口入味鮑魚酥無論味道同埋賣相都好精緻好好食蒸齊菜餃， 三隻都包得好好， 皮薄超多餡， 蒸嘅時間剛剛好冇破到皮另外有一個點心忘記咗名， 炸嘅點心，入面有啲海鮮餡料，一咬就會流曬啲海鮮湯出嚟㗎喇仲叫咗隻甜品豬食添～下次再嚟要試埋嗰個十三么我地可能食左辣野＇感覺上冷氣不夠另外茶壼用金屬嚟做，如用玻璃或瓦＂茶壺可能更好今期有＂月餅試食＂當飯後甜品，好正＇希望中秋後繼續有得食，４款月餅各有各好食＇每樣四分一，份量剛好＇岩晒甜品控既我店務員好有禮貌，提醒我哋即時買月餅有折扣， 可惜我哋要行街，所以就無買喇

依家好多酒樓都冇開，就算係2個人，想要飲餐茶都唔容易，對於每個星期都要飲茶嘅草根一家嚟講，呢個心癮真係唔易介，既然係咁不如買返屋企食啦🙌🏻.📍小小熊仔（$49）賣相好可愛🐻，撕開中間係流心嘅朱古力包，朱古力味超級濃郁，有驚喜！.📍黑金流沙（$49）包身鬆軟，但缺乏鹹蛋香🐣，只有奶黃嘅甜味有點單調。.📍松露燒賣（$49）燒賣肥肉唔多，感覺健康啲，加上松露香都幾好食。.📍咖喱牛腩（$99）未打開個盒已經好香👃🏻，外賣返去途中流晒口水🤤。牛腩份量都唔少，夠入味🐂，加上煮到腍晒嘅薯仔🥔，超好送飯🍚。.📍肥牛叉燒（$149）牛味好濃郁，佢真係做到好似叉燒咁半肥瘦，有一定脂肪，加上表面搽咗蜜糖🍯，食落好腍好香心。不過份量唔多，以呢個價錢嚟講係有啲貴。.呢間新式點心店特色點心相對較多，不過價錢比平日酒樓貴。而家冇得去傳統酒樓飲茶，外賣番啲點心返去同屋企人分享吓都唔錯😌🤟🏻。

位於荃灣的 唐宮小聚，是一間新派摩登中菜館，以大量可愛和充滿藝術感的點心打響名堂!最近因為疫情關係，推出外賣自取優惠，可用優惠價購買2人餐和4人餐 或 全單8折哦。鮮茄焗豬扒飯 $59由細到大，我都喜歡吃焗豬扒飯! 醬汁充滿蕃茄鮮甜味，豬扒大片肉嫩，米飯加入蛋後炒至乾身，啖啖滿足，好好吃呀!松露燒賣 $49 食點心又點少得吃燒賣呢?! 大顆豬展燒賣，放上松露醬，豬肉油脂甘香，也不錯。 松露紅茹 $49色澤鮮艷的紅色菇菇包，包身鬆軟，撕開包子，松露菇香一湧而上，獨享三個才感到滿足。小小熊仔 $49大人小童也會喜歡的可愛點心 - 小小熊仔，其實是流心朱古力包哦。流心程度驚人，朱古力味帶有奶香，作為甜品也可以呀。

第一次嚟呢間中菜館，食生日dinner因為男朋友book咗位，所以唔使等就有位一入到去餐廳，感覺好寬敞、舒適而且仲好光猛， 牆上面嘅畫像好特別。因為已經訂咗個位嘅原故，所以，可坐近窗口嘅落地玻璃位置。一眼就可以望到出面嘅夜景， 飽覽曬成個citywalk嘅景色好relax我同男朋友諗咗好耐，都唔知食咩好因為樣樣菜色都好吸引咁望咗個menu好耐，最後決定叫住五樣嘢先等咗冇幾耐，終於都上菜啦，佢上菜嘅速度好快，幾乎喺15分鐘之內全部上齊黑金流沙包，打卡影相一流，外型好靚，熱辣辣食就最好，一撕開個包，入面啲流心嗶晒出嚟流到我兩隻手都係！記得要趁熱食，凍咗嘅話就唔流心㗎啦。冰鎮咕嚕肉最令我喜出望外， 可以話係我食過最好味嘅咕嚕肉！ 外脆內軟， 因為佢用冰雪住，食落口一凍一熱，口感真係冷熱交替而且亦都唔會話太酸或太甜，咕嚕肉嘅味道啱啱好， 啲菠蘿亦都好甜，唔食菠蘿嘅我都食咗好多塊呢個十三么麻雀係甜品嚟，係椰汁糕外型非常之有趣，啱晒我哋女仔影相打卡不過味道就普普通通啦，冇咩椰汁味囉～食落去似大菜糕多啲，佢啲椰汁味好淡，不過影相係靚嘅！呢個黑松露脆蝦多士，係咁多樣餸入面最最最最最好食嘅一樣！我超中意

8 點鐘見到有位，就試吓呢間唐宮小聚，裝修都好靚，環境唔錯，兩個人嘅坐位都算寬敞👍🏻 點心類就叫咗：黑金流沙($49)，即係流沙包，但係黑色加埋金沙閃閃✨都幾靚，睇得都食得嘅，入面都有流沙，算係唔錯 焗鮑魚酥($29@) : 酥皮好食，而且落咗少少黑松露什菇，好香味！ 鮑魚仔 size 啱啱好，容易入口！紅油抄手($59)：就麻麻地，辣度係夠嘅，但真係油太多，食落成口油，麻麻地小菜就叫咗：肥牛叉燒 ($149)，有 surprise!!! 好味道！ 外皮有少少脆口，香又唔會太多肥肉 👍🏻 不過大約得7件，價錢就算貴了.... 白玉王鴿($36)：即係燒乳鴿，係唐宮小聚必食，幾乎抬抬都有😂 乳鴿算係入味，香口，不過不失。有機黑豆漿($19)同埋有茶介錢，每位$9 整體來講都唔錯，除咗紅油抄手之外，其他食物都算係好食嘅👍🏻

下午茶時段最抵食14:30~16:00？白玉王鴿記得多點幾隻！環境都幾好，最得意個碗，有d印花小動物。今次踩雷煎辣小龍同肥牛叉燒，下次唔會再點，非常山竹都麻麻地。

專登搭車過來食，8：00職員叫 No可以入座，入到去完全無職員帶，吾知坐邊到，要自己主動去問先有人帶你埋檯，入座前門口職員巳通知乳鴿沽清，都算，諗住可以試吓其它食物，一坐底巳即刻點咗4樣菜，職員入單後巳將單放番我張枱，10分鐘後，有職員行過來通知其中一樣已沽清，都算啦，點知再隔咗5分鐘，又有職員行過來話荷葉飯都無，當我想睇其它菜式時，個職員話入面其它都無，吾吓掛，😏咁大間餐廳，8：00鐘乜都無，最搞笑落單時話有，落完單就無😡巳經無哂心情😠既然咁多嘢都無，唯有去第2度食😠

今日去了一間位於荃灣荃新天地的唐宮小聚食午飯。環境方面-乾淨企理佈置-也頗有懷舊feel ,未入座眼晴已經吃了冰淇淋了食物質素方面-入座之後，我們二人在餐牌上order 了招牌點心，包括（黑金流沙包、乳鴿、薺菜蒸餃）以及乾蔥拌麵及擔擔麵，首先，黑金流沙包入面真的是熱辣辣而且仲係流心嘅添😋豉油王炸乳鴿亦都十分出色，新鮮熱辣辣上枱好好味😋。至於薺菜蒸餃、乾蔥拌麵和擔擔麵，我本人十分喜愛。服務態度-也值得一讚，侍應們也很有禮貌最後價錢方便-兩人午餐，點了五碟菜、合共$180 左右，價錢合理本人會再光臨😋😋

we had family lunch on Sunday. there were a lot of people waiting to be seated. but luckily, we didn't wait for too long. we ordered a few dimsum and some small dishes. dimsum was really cute and delicious, and the restaurant deco was very fancy. I think it's a very good place for family gathering. highly recommended!

約左個係荃灣住ge 朋友食飯，佢推介左呢間餐廳，餐廳裝修好靚，環境唔錯，朋友話平時好多人排隊，可能係疫情所以間餐廳未至於爆滿，我地叫左個非常山竹，白玉玉鴿，流心燒賣，黑金流沙，荷花蒸飯，非常山竹真係成粒山竹噤，好得意，白玉玉鴿就好抵食，$3x一隻乳鴿唔係度度有，係略嫌有少少油，流心燒賣同黑金流沙係最滿意ge, 可能我最鐘意食流心野，兩個人食仲要打包半個飯走，最後再叫多個甜品，得意小豬，賣相真係好可愛啊

唐宮小聚係尖沙咀就食過好多次，荃新天地1期依間就第一次幫襯，原來鋪面面積幾大，而且環境裝修比尖沙咀更好。呢間新派中菜，最出名食創意野。今晚又試下叫d特別野。肥牛叉燒：將安格斯牛柳配上蜜汁燒到5成熟medium rare，用香草墊底。相當唔錯。個邊燒到微脆口感，裡面肉質鮮嫩柔軟。如果話係fusion菜，我覺得係70%West 30% East，因為唯一中式元素就係蜜汁。肉鬆抓餅：台灣抓餅，中間夾肉鬆。口感與其話似蔥油餅，不如話似印度菜既nan，質感比較柔軟煙韌，有層次，同帶有油香。個人覺得抓餅做得好好，但唔太夾肉鬆，因為後者偏甜。如果抓餅中間夾半肥瘦豬肉碎或者滷肉，應該會更好食。白玉乳鴿：全場最抵食，就係招牌乳鴿，全隻都係$38，又有一次 性膠 手套用，唔駛驚成手油。乳鴿係做到水準。最重要既indicator係，除左皮脆呢d基本野之外，要保存到肉汁同油份，令到所有部位既肉質都咁嫩滑。呢點佢就做到了

又係午餐時間，疫情下吃飯只能四個人一起啊！今日去咗Citywalk 1的唐宮小聚，他們的枱擺得好疏，很符合政府的要求。每次你總會點 白玉王鴿，一隻只售$38，超抵食，因為它的味道非常好，皮脆肉嫩而且仲有好多肉汁流出。荷花蒸飯 荷葉香味四溢，擔擔面也是不錯的選擇，湯底濃郁不太辣很開胃。焗鮑魚酥 也是非常精緻的點心，外型吸引，細細隻的鮑魚放在焗好的撻皮上，中間還放有很幼細的菇菌，又香又脆。黑金流沙 外型靚到爆曬燈，裏便的流沙非常好味，又吸引又滋味。點來聚聚 係一個點心拼盤，內有墨魚汁餃，芋薯流沙等，每件點心放於一個小巧的蒸籠中，外型取勝，食味一流。