唐宮小聚 (荃新天地)

營業中

休息中

所謂三個女人一個墟 今日三個女人再加一個BB女 真係講到停唔到🤣 好彩佢呢度環境舒服 而且又有BB櫈 可以比BB乖乖地坐定 等我哋可以好好傾偈。最好就係佢呢度啲點心造型全部都好有特色 有豬仔 蘑菇 山竹，唔好話小朋友 大人都相當吸睛。而且佢個麻辣乳鴿真係幾好食 鹹鹹辣辣好惹味，價錢亦都相當理想 出邊而家閑閑哋食隻乳鴿都五六十，佢仍然可以做到39$ 一只，仲想點啊？三五知己坐埋一齊食個lunch傾吓計 呢度真係好啱，因為佢啲嘢唔會好大份好啱大家share。

再食唐宮小聚一定來個必點三寶燒乳鴿、蔥油拌麵、黑金流沙包兩人食頭兩味已飽左，但最想食就係流沙包乳鴿肉質好juice不會乾爭爭，價錢亦很平，好味😋蔥油拌麵是最新必點食物，食過後番不到轉頭，唯獨是多油左，要狂飲茶去肥膩。黑金流沙包是用炭麵粉做個皮的，咬下去很軟熟，最讚是奶黃係一定流出來，記得要熱食兩人食三人份量,滿足了🤤

很久沒有寫食評😅 ，今次母親節飯我揀咗唐宮，老人家試吓新派野因為我家超過六人，用apps外賣訂有八折。我點了炸乳鴿、椰皇燉雞湯，最好味是醉🦀🦀 （外賣到吖）好味，再加上和牛啤利和山竹和飽魚等等 ，我外賣自取回家 路程半個鐘頭多啲，keep到，湯沒有倒瀉，還暖，下次還會點。員工有禮貌，但有點蝦look，我明明叫黑金流沙包，結果比了松露磨菇我，by the way 我哋當試新嘢，下次再叫番。希望出多啲新款父親節😬 因為父親唔飲鷄湯。

你老..  母親節食晚飯，叫個套餐  等半個鐘唔上，一想就上個甜品俾你先啲員工就完全零服務咁 ，你唔係唔知道母親節會多人係咪啊？ 準備功夫冇，服務冇，食物甜上先叫嘢飲叫咗45 分鐘都唔上完全失望

食物味道很好 個人推薦乳鴿和鮑魚酥 乳鴿外脆內嫩 味道驚為天人 鮑魚酥的酥撻鬆脆 餡料豐富美味 鮑魚也十分入味 值得推介 但我本人有過敏體質 吃到鮑魚酥的餡料後 有些許過敏反應 建議過敏體質人士慎嚐 水煮魚春卷、蟹粉丸子也十分特別 建議品嚐美中不足的是荃灣唐宮有一位有紋身的年輕女服務員態度欠佳 在我用膳時聽到她透過對講機、用粗口（二字經、四字經）責罵他人 員工言詞無禮 縱然餐廳的食物再好吃 也實在令人卻步 我想我下次應是不會再光顧了

晚上一行4人6時30分到達唐宮小聚，不用等候便可入座（可是後來不久便坐滿了，可見餐廳人氣滿滿！）由於是乳鴿買一送一優惠的最後一天，我們點了6隻乳鴿（開成12邊），確保每個人都吃得非常滿足，一大盤乳鴿上檯，光毛乳鴿的色澤已食指大動，這裡的乳鴿真的超好吃，不只口質酥脆，肉質肥美又夠入味，連骨頭都有味，啖啖咬下去充滿滿足感；由於吃了很多乳鴿，其他菜點不多，試了肉鬆抓餅，味道也很不錯，餅皮是蔥油餅口感，很香很脆，咬下去滿口肉鬆和酥餅，卻不會太油膩：甜品叫了小豬奶凍，捨不得食小豬哦！當然拍完照還是吃下去，不只精緻，味道也很棒，整頓晚餐吃得很飽足！

難得唔使等位 ，可以試呢個堂食優惠，真係好正㗎😍 既好味又抵食🤤👍雖然係特價優惠 ，但係品質一啲都冇馬虎，整體嚟講樣樣都好味 ，最有驚喜係個煲仔飯🤤🤤😍 臘味同啲飯都好香👍👍

今日家姐同媽咪生日，特登book枱夜晚嚟食今次比想像中失望，人均消費大約$230，個個都食到好飽唔知係咪有心理準備，對佢有太高期望，所以今次啲嘢食覺得麻麻地，沙田好似好食啲👀 個煙三文魚煙燻蛋，上面個煙三文魚好似冰咁😂個擔擔麵辣到飛起跟住到炸嘢，鹹水角蝦多士同埋蠔餅都麻麻地，用性價比來講算係差！不過今次要讚嘅係，牛肉叉燒，本人覺得好好食，但係成$150就有啲貴跟住因為椰皇燉雞買一送一，所以都叫咗兩個試吓，呢個就真係好好食！其他就冇乜特別！

✨得意又可愛嘅點心，越食越驚喜🥰好姊妹生日，佢有個三歲嘅仔仔，我諗咗陣就決定去荃灣個間「唐宮小聚」，佢地嘅點心好靚好可愛，小朋友見到實鍾意🥰荃灣呢間「唐宮小聚」我都係第一次去，原來餐廳好大好闊落，樓底好高，每張枱之間都相隔一段距離，傾偈都傾得好舒服。姊妹生日，一切由佢發辦點菜。仔仔一睇Menu就話我要「豬仔」😂之後成晚見親侍應行近，就話，我要一隻豬仔😂勁搞笑沙田乳鴿 $39 一隻皮脆肉嫩，不錯，好香口肥美火焰菠蘿🍍 $129上次食，蝦子餅大讚好味，今次食仲專登叫埋白飯，入面喺少少辣嘅薯仔牛肉，唔個點解火焰菠蘿入邊冇菠蘿😂上台嘅時候仲有點火表現🥰椰皇燉雞🥥 $69 一位好清甜嘅雞湯，雞肉嫩滑鮮味龍鬚芥蘭 $79賣相好靚，大廚刀功好勁焗鮑魚酥 $29 一件好香口，下個個層酥好濃味，是有點可惜太濃味蓋過晒飽魚嘅鮮味。和牛啤梨🍐 $49 三件賣相如同一隻迷你小啤梨，相當精緻可愛，外層好似鹹水角，入面喺有少少辣嘅黑椒和牛，好好味。非常山竹 $49 三件紫色嘅山竹好得意，入面喺龍蝦汁加蟹肉，好鮮好好味🥰得意小豬 $39 一件仔仔等咗成晚嘅小豬終於出場😂其實喺草莓乳酪凍，震震下相當過癮😂隔離枱小朋友

食物出餐時間很快，各店員都很有禮貌，叫了流心奶黃包，可惜包既質素轉差了，一上枱發現奶黃包細了很多，而且現在的餐牌轉了，並不是太多選擇。連之前最熱賣的蟹肉粥都變為雞粥，質素退步了一點。其次，翻枱時間太急，入座時枱上仍有水沒有抹乾，令客人感覺有點不衛生，希望店員能多加注意。

到「唐宮小聚」一定唔可以錯過的就是椰皇燉雞，以前吃得比較晚 所以椰皇燉雞都沽清，今天疫情下重開晚市所以吃得比較早，也能品嚐這雞湯。椰皇燉雞湯汁清甜可口，淡淡的椰香加上雞肉的香甜，經長時間燉煑，清潤滋味。沙田乳鴿也是必吃的，外皮香脆，鴿肉還帶肉汁，現在堂食優惠價$39 一只，必吃。花雕醉雞也是這裏做得很好的菜式，花雕酒的香加上雞肉的結實有肉香，我喜歡吃。荷葉蒸飯 濃濃的荷葉香味滲入飯粒中，而且飯粒分明，好吃。小點來了一客紫薯天鵝，黑白天鵝造型可愛，味道一般。

食生日飯，想搵間又大又舒服同精美嘅點心，非佢莫屬 打卡一流，又再來荃灣唐宮小聚!奶皇流沙包必食煲仔飯都好味，多啲飯焦會更好乳鴿每人食各一隻(必食)仲叫左好可愛精美嘅點心，坐得好舒服，傾計一流

裝修新派有格調，好多位，地方好大，坐得舒服，每個菜式份量唔多，但好處係可以試多啲唔同嘅菜式。點菜方式係似酒樓咁用點心紙落單。•🥢白玉王鴿 $39上菜時熱辣辣，要攤一陣先食到。每張枱已放有獨立包裝膠手套，唔怕整污糟對手👐🏻乳鴿皮薄得嚟係接近無肥膏，但肉質juicy嫩滑，重點係唔會覺得油膩，必食！🥢椰皇燉雞 $69椰皇湯好飲好夠濃，好重椰子味，不過雞肉偏嚡。🥢冰鎮咕嚕 $99表面微凍，但內裡微暖，外皮好薄好脆，肉質爽嫩，甜酸汁出色。🥢西蘭花苗 $79西蘭花好翠綠，非常爽甜，炒得好夠味🥦🥢松露紅菇 $49 (三件)造型係一粒菇，好特別，麵包鬆軟，內裡有松露同菇碎，味道好夾好濃🤤🥢焗鮑魚酥 $29 (一件)鮑魚彈牙入味，撻皮係曲奇皮，中間有少少黑松露醬🥢蒜蓉辣椒蝦 $109個醬好惹味，小辣，可惜蝦入唔到味。

今午去上店訂外賣，落單時間15:01，系統顯示時間係可以取餐15:22，我差不多時間到了，我問樓面職員，佢話剛剛煮緊，等到15:40，終於煮好（等咗39分鐘），畀餐我的職員沒有講什麼，所以我問另一近門口職員點解遲咁多整好，連一句歉意都冇， 佢先話唔好意思。我問點解遲咁多但又唔會知人，唐宮小聚原來係咁嘅服務.......而囉咗返嚟的餐有兩樣嘢，一樣先煮，另一樣係後煮，先煮的果冷晒啦...咁差的服務態度，我以後都唔會幫襯...

今日去左唐宮小聚之前已聽聞d點心好精緻既然想食中式野就揀呢間呢度好似都必食乳鴿錦我地都有叫黎趁墟仲另外試左隻麻辣佢都有溫馨提示係凍食的朋友試左話都幾好食岩晒辣人之後都叫左好幾款點心和牛咸水角係啤梨造型黑椒辣辣地同夠熱幾好味反而個鮑魚酥唔得好咸又無乜特別仲要唔平伏呢個價錢食其他好d肉鬆手抓餅不過不失雲吞都係普普通通個冰鎮咕嚕肉幾好味不過賣相我覺得可以好d最後叫埋酸菜班片都好鬼辣下但係好食既反而年糕同有個叫臘味糕可以不試麻麻地最後叫多個西蘭花苗都幾好味有少少牛肉炒仲有係叫野飲原本想叫檸檬薏米水話無奶茶檸茶都冇叫左豆漿係勁細杯矮個d玻璃杯下次都係唔好叫