哥哥添飯•妹妹泡茶

營業中

休息中

哥哥添飯•妹妹泡茶新既大埔分店，人流多但係等一陣位就入得～❤️招牌牛腱肉牛筋麵 厚切牛𦟌大大件好軟淋又入味，牛筋又軟又黏，麵既質地好Q彈，湯底好濃味又帶有少少胡椒粉味，好有台灣既感覺🧡經典鹽酥味炸雞配古早味哥哥魯肉飯 雞球比平時既鹽酥雞大1倍以上，仲有成隻雞膇，炸到好酥脆，但雞肉依然好嫩滑，魯肉飯味道濃郁💛花枝丸酥 跟餐可以加配既小食，彈牙又香口💚自家製香滑芋泥烏龍奶茶 自家製既低糖芋泥，烏龍奶茶茶味清香💙燒仙草奶茶鐵觀首 茶味濃郁，奶味偏淡，再加埋仙草喱啫，唔錯唔錯

# 𝕿𝖆𝖎 𝕻𝖔 2023新年快樂第一篇食評，祝大家兔年充滿活力，「兔」氣揚眉，最緊要平平安安，笑口常開！ 「哥哥添飯·妹妹泡茶」係大埔開左新分店了！佢喺觀塘同火炭已經有好岀名嘅口碑，而且今次選址方便，就係大埔墟大明里，見個價錢唔係好貴，一於入去試吓。☺️今次試左：1-原粒胡椒豬肚雞湯麵 🍜（大埔店冬日限定）凍冰冰想食啲暖笠笠嘅嘢，而且見係大埔分店限定，就試下個胡椒豬肚雞湯，除咗麵仲可以配飯，個湯好重胡椒味，而且酸菜同豬肚份量都好足夠，豬肚好淋，雞都好嫩滑，麵係用上海麵，非常暖胃飽肚，好想飲晒成個湯😋另外養生花雕雞都係冬日限定。2-正宗紅燒手切牛肉麵 HKD96牛肉份量十分多，一碗大約有五大嚿左右，而且有啲蟲草同雪菜，同出邊一般牛肉麵有啲唔同，湯底好清甜，有少少藥材味，牛肉煮得好琳又入味，個糖心蛋勁正。3-＋芝士肉鬆蛋餅 HKD26台灣嘢當然要叫蛋餅，肉鬆好豐富，入面仲要爆曬芝士，勁好食 🤤4-🥤重碳焙桂香烏龍奶茶加豆花，燒仙草奶茶鐵觀音之前已經聽過佢啲飲品好正，佢d飲品配料都好特別，最鍾意係有得加豆花，而且甜度少冰都有得自己選擇，外賣拎走都可以，個人10分推介奶茶，唔甜又重茶味，好有台

新年假期搵食，好多餐廳未開市，營業嘅餐廳都排滿人龍，位於大埔墟新開業嘅哥哥添飯·妹妹泡茶都座無虛席，客如輪轉，咁啱有位我哋就即刻入去試吓。店舖裝修以橙、白、淺木色新穎簡約風為主，佢哋主打特色台灣料理，有點fusion菜，見到牆上宣傳poster個鹽酥炸雞都幾吸引，QRcode落單。#經典鹽酥味炸雞+青咖喱素菜蛋飯 $88叫咗個一人炸雞餐，包括個人份炸雞、任選自由丼碗及餐飲，更可升級台式特飲。炸雞有四款口味可以選擇，我哋揀咗經典鹽酥味炸雞，份量都唔少，一咬落去熱辣辣，脆漿好鬆脆，調味夠鹹香，裏面雞肉嫩滑，好Juice，配菜係炸青椒，都做得好出色，外面炸得鬆脆，青椒炸得爽口。有五款丼碗可選擇，我哋揀咗青咖喱素菜蛋飯，青咖喱汁椰香味濃郁，唔太辣，撈汁送飯一流，蔬菜有西蘭花、椰菜花、菇絲同甘筍絲，仲有一隻荷包蛋喺面，份量都幾大，呢個餐絕對唔止一個人食，可以夠兩個人share食，再追加多兩款小食。台式烏龍奶茶，茶味濃，多奶香滑，有台式風味。#原粒胡椒豬肚雞湯麵 $63見到大埔店做緊冬日期間限定，就叫咗胡椒豬肚雞餐，雞同豬肚份量都唔少，胡椒豬肚湯底唔突出，有少少失望，因為諗住會食到個勁胡椒味嘅湯底

大埔都開咗呢間哥哥添飯。👍🏻想講性價比幾高，野食幾好食，炸雞高汁，但美中不足炸雞要等…牛腱+牛筋+牛舌三寶麵：好少地方既牛肉麵會有牛舌。值得一讚既係全部都好諗，配上酸菜+面條，冬天食暖立立，如果個湯可以濃少少咸少少就好。🍗鹽酥雞肉燥飯+薯條：想講等咗20分鐘左右先有，但等得值得。因為鹽酥雞的而且確炸得脆身，同埋一咬就散開見肉，而且肉係有豐富肉汁，係大埔少有好味既炸雞。🍚個魯肉飯甜甜地，咸到適中。另加既薯條🍟好大份同埋入面係好多薯蓉既粗薯。跟餐有野飲，兩個人200埋單。#哥哥添飯妹妹泡茶#大埔美食 #香港美食#香港好去處#台灣美食#hkfoodie#hkig#hkfoodblog#hkfood#hkfood

收銀女士服務態度好差，品質一般，落單時出現錯單、取貨時發現漏單、外賣漏發飲品給客人又唔出聲，我主動問店員個餐係咪有跟飲品才表示包括，店員仲要同我講，我而家先幫你入單，你係咪真係等（套餐是包括的）？其實你哋漏單唔係應該主動幫我跟進咩？ 點解仲要講到好似我唔啱咁呢？買一個外賣，企係門口等足50分鐘，叫一個外賣，錯漏百出，食物包裝是好的，但味道一般，質量一般。整體體驗極差，以後不會再去，食物質素一般，不推薦！

#20230121 🤍📍 哥哥添飯•妹妹泡茶 @gorgormuimuitw 大埔大明里6號寶豐樓地舖 🍽️觀塘觀塘道388號創紀之城一期地下6號舖火炭坳背灣街14-24號金豪工業大廈第一期地下C4號舖——————————————————————————————#招牌牛腱肉牛筋麵 $82💭 份量唔算好多，啲牛淋身唔會好難先咬得開🐄麵質正常唔易斷，但都唔煙韌😅湯底都係正常，成碗麵好似無咩特別，不過上面鋪左啲蟲草花加左分🤣.#養生花雕醉雞乾拌麵 $59💭 麵係同一隻麵，不過無牛肉麵個湯底咁濃味，又可能係🐷無撈混掛，所以第一啖食到啲麵粉味🙈雞凍凍地，好多件都係骨無咩肉，食到尾先食到啲藥材味😅.#沙嗲牛肉 +$24#鹽燒牛舌 +$26#花枝丸酥 +$18💭 其實價錢都唔平🥲味道正正常常，第一碟尼既沙嗲牛肉係生到🐷平時据扒叫5成熟都搞唔掂🙈原先以為佢會拎入去原碟整返熟，點知整左2串新既比🐷，即刻感覺幾有heart❤️‍🔥.#套餐 #跟 #無糖妹妹皇牌鐵觀音純茶 #熱#加 #豆花 +$5💭 本身🐷想像中既豆花係成舊豆腐花好似平時啲仙草凍咁，點知佢係碎上😂感覺似腐竹雞蛋糖水入面啲腐竹多啲，無口感又無咩味

大埔新開特色台式料理✨💓🦥大埔人又有口福啦！❤️這間以滷肉飯為賣點的餐廳，有好多款式的滷肉飯，每款都很有特色！賣相亦非常吸引！除了滷肉飯之外，更有青咖喱，台灣麵，醉雞等等，新年更有台式得食盆菜！👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻《雙層吉列漢堡芝士煎蛋魯肉飯》$84賣相相當震撼的特色滷肉飯，以層層疊的形式擺放，吉列的漢堡扒有兩塊，厚厚的，外層脆卜卜，肉質嫩滑，啖啖肉，不會過鹹，好吃！此外，配搭了芝士和流心煎蛋，真的很惹味！當然魯肉飯也很好吃，十分開胃！《鹽燒厚牛舌魯肉飯》$78賣相同樣地也很吸引！三大塊厚厚的牛舌，舖滿了整碗飯，超級厚的牛舌，燒得很完美，咬下來很軟熟，肥美無比，加上魯肉飯一起吃，很惹味！《麻辣鴨紅魚蛋》$24小食，喜愛吃麻辣的朋友一定喜歡，份量也很足夠。《無糖妹妹皇牌鐵觀音純茶》跟餐$11無糖系列，最適合輕型的女士們呢！鐵觀音的茶香很濃郁！《重碳焙桂香烏龍奶茶》跟餐$16推薦推薦！✨✨✨很香很香！重碳焙桂香非常濃郁！那種茶香在口腔中不停徘徊。✨✨

大埔最近開咗一間木系簡約風格嘅台灣餐廳「哥哥添飯・妹妹泡茶」，細聽之下先知道之前火炭同埋觀塘佢哋嘅台式便當同飲品已經好出名😍今次就同大家一齊試吓佢哋新開喺大埔嘅分店水準如何💕皇牌椒鹽雞腿排魯肉丼飯🍗椒鹽雞腿做到外脆內嫩，咬感鮮嫩多汁；滷肉飯油而不膩，值得一試👍🏻招牌牛腱肉牛筋麵🥘湯底正常牛肉味唔錯，略嫌牛腱肉牛筋麵比較有咬勁有少少韌。凍台式烏龍奶茶🧋驚喜之作😍烏龍茶茶味嘅香氣同奶茶嘅奶香碰撞出一種剛剛好嘅口味，甜度適中味道幽香，大力推薦👍🏻👍🏻凍檸檬蜜糖🍹檸檬蜜糖唔錯，檸檬吾澀，蜜糖啱啱好，酸度甜度適中。

「哥哥添飯。妹妹泡茶」係觀塘區數一數二高質台灣菜，近年終於衝出觀塘區，進駐新界開咗兩間新分店，火炭分店主打外賣菜，而大埔店就位於大埔墟大明里，距離港鐵店5-10分鐘路程☺️特級牛三寶麵食台灣菜又點少得牛肉麵，哩度嘅牛肉麵仲可以搭配唔同部位嘅牛肉，貪心嘅我地又點會錯過超豐富嘅牛三寶麵啦😆先講湯頭，深楬色嘅牛骨濃湯牛肉味厚醇，食得出係精心炮製，真才實料，至於主角牛三寶就有牛腱肉、牛筋、牛舌，有別於典型嘅牛肉麵，第一次見會加入牛舌，而且仲有額外驚喜，牛舌超厚身而且煮得非常軟冧👍🏻，牛筋大大件有好豐富嘅骨膠原，加上秘製酸菜又開胃仲可以平衡油膩感👍🏻👍🏻一人份蜜糖芥末蛋黃醬炸雞🍗配魯肉丼碗台式餐廳除咗鹽酥雞外仲有唔少味道嘅炸雞🍗，不同口味不同價錢，仲有5款主食可以揀，我地揀咗蜜糖芥末蛋黃醬口味，炸雞皮脆肉嫩，，魯肉丼係最典型嘅半肥瘦魯肉醬，古早製法最基本反而高難度，鹹香仲但少少甜度，美味非常送飯一流🤩🤩芝士肉鬆蛋餅極富台灣地道風味，蛋餅皮煙煙韌韌有涼淡蛋香味，芝士同肉鬆用料大方，每一件都係爆餡嘅，蛋餅上加上台式辣椒醬同蛋黃醬，鹹甜度適中😋😋鹽燒牛舌 - 一客兩件，牛舌爽口厚肉，只需用簡單鹽燒🧂已經

大埔最近新開一間台式店,收工經過就去試下~可能因為冬天,所以有期間限定嘅養生花雕醉雞!佢嘅醉雞好香酒味,但又唔會嗆喉,又滑又好食~連啲杞子都勁大粒,吸飽咗醉雞汁好鮮味~而濃湯麵個湯底唔錯,麵仲好滑身添~唔想食鹽酥雞咁悶,呢度有幾款炸雞口味俾你揀~我哋就揀咗蜜糖芥末蛋黃醬,酸酸辣辣好開胃,大大件炸雞脆卜卜外皮~呢度仲可以俾你選唔同丼碗,走碳水嘅朋友仲可以揀菜丼添!我哋就揀咗鹵肉丼碗,滿滿嘅鹵肉真係撈飯一流~比起食物,我覺得呢度嘅飲品更令人驚艷!佢嘅重碳焙烏龍適合喜歡濃茶口味嘅人士,烏龍好香,不過桂花味就唔太夠~而我覺得鐵觀音仲正,飲得出個茶底好好~淡淡嘅清香味,再加埋奶同埋仙草,唔係一般台飲店嘅假味可以比美~後來問店員先知,原來用原片茶葉,難怪咁香~哥日去食飯時,因為仲係新店,所以有啲甩碌咁~但係啲店員都好熱心又好有禮貓,所以都幾滿意~相信我遲下都會再幫襯佢哋嘅茶飲,因為真係好香,令人一試難忘~

去左大埔墟大明里新開食肆，哥哥添飯，妹妹泡菜店舖裝修好舒服，好乾淨原粒胡椒豬肚雞湯果然係招牌菜，好食😋雞的份量十足，雞有質素，豬肚淋滑，加上酸甜適中嘅咸菜，湯底鮮甜👍特級牛三寶麵三寶有：牛筋、牛腱同牛舌，材料真係好豐富，足料。除咗三寶外，仲有半隻溫泉蛋、雪菜、蟲草花等。牛筋淋滑入味，麵條爽滑。芒芒甘露芋圓豆花芒果好足料，😋有好多芋圓，芋圓質感煙韌，豆花夠滑佢有好多養生熱飲，我哋要左紅棗桂圓茶，熱辣辣，飲完成身暖曬！

估唔到大埔終於開返間台式小店!✨ 特級牛三寶麵(牛腱牛筋牛舌)三款都好好味 煮得夠腍同好入味! 個人最推介牛舌 超厚身😆😆溏心蛋都好好味😋本身套餐包左熱飲 可以優惠價升級特飲 天氣咁凍我加$14轉左熱紅棗桂圓茶💕✨一人份四重芝士牛油炸雞配自由丼 $93我地揀左古早味哥哥魯肉飯 以為細細碗 點知咁大份😱 仲要有四件雞 其中一隻係脾😋本身想叫蜜糖芥末不過冇哂 不過四重芝士都冇令我失望😚男朋友加左$16轉重碳焙桂香烏龍奶茶都唔錯 唔會太甜~重點係仲可以瘋狂追加小食😆✨芝士肉鬆蛋餅 $26 👍🏻✨避風塘燒賣 $16 👍🏻👍🏻✨鹽燒牛舌2串 $26 👍🏻👍🏻👍🏻✨菠菜芝士一口薯餅3件 $15 👍🏻👍🏻👍🏻

夜晚得唔夠10度想食胡椒豬肚湯飯見到呢間有就叫外賣點知係外面唔夠10度等左20幾分鐘門口遞外賣女仔都似乎醒覺漏單問一問門口外賣女仔話機有問題果然漏單 話5分鐘後有5分鐘內真係補返單最後10度以下足足等左30分鐘點知都未返到屋企就d汁定飲品就由膠袋漏出來成條褲同埋件外套都係汁定飲品第一次幫襯唔會再幫襯漏單兼漏汁返到去未開已經咁未試過叫外賣漏成咁 唔會再幫襯

❣︎ 大埔墟呢邊終於有台灣菜🇹🇼有好多款食物種類🤪炸雞·青咖喱·滷肉飯·台灣麵仲有新推出的花雕雞系列同埋胡椒豬肚湯系列飲品方面有好多唔同的台式飲品真係花多眼亂呀🤩以qr code落單喜好選擇都幾詳細 都幾貼心👍🏻可以配合哂唔同喜好需求的客人😉♡⋯⋯食評⋯⋯♡ ☻ 4.5/5 🐖皇牌椒鹽雞腿排魯肉飯 $124加夜市小香腸1條 $ 15雞腿份量好足✨入口有香口惹味的椒鹽香🐓養生花雕醉雞（半只）$ 108呢個都幾有驚喜啲雞肉入哂味🤪花雕香真係好難抵擋🤤🐖巨無霸醬麴燒厚豬排魯肉飯 $95出場時真係有啲驚喜😆塊巨無两豬扒好似仲大塊過隻碗大到背面要用碟仔先撐得住☕️熱即磨咖啡 $18轉 4.3 鮮牛奶沖調 $8加黑糖珍珠 $5🍵紅棗桂圓茶（熱）$ 14唔算好甜 杯底見到好足料

【大埔• 哥哥添飯•妹妹泡茶 】————————————————————————🍯｜養生花雕醉雞濃湯麵｜HKD59配熱妺妺篁牌鐵觀音純茶。養生花雕醉雞濃湯麵 - 期間限制，醉雞有香醇酒味，d麵浸住湯好入味，加埋杯皇牌鐵觀音純茶，味道岩岩好，份量夠🍯｜招牌牛腱肉牛筋麵｜HKD95配無糖碳焙烏龍紳茶王。招牌牛腱肉牛筋麵湯底濃郁，除了配酸菜，更配蟲草花，令賣相更亮眼。牛腱肉-整得岩岩好，根部有咬口，肉質鮮美。牛筋 - 幾淋但仍有咬口，麵-正常。本來想多個甜品，但食完兩碗麵真係好飽