哥哥添飯•妹妹泡茶

營業中

休息中

一直係觀塘分店既fans見到佢開咗大埔分店即刻都要過嚟試一試同觀塘餐牌相比有啲改變比較偏重丼飯當然如果唔夠都有好多飲品同小食選擇雙層吉列漢堡芝士煎蛋滷肉丼飯巨無霸嘅份量望落去真係好壯觀兩嚿漢堡一啲都冇偷工減料超級厚同充滿肉汁中間嘅芝士非常邪惡上面嘅流心蛋配滷肉飯每一啖都係精華蜜糖芥末蛋黃醬炸雞＋秘製醬油爆蛋飯呢一個炸雞嘅份量都好多每一件都好大嚿蜜糖芥末嘅味道合格好容易就食晒一個餐追加小食芝士肉鬆蛋餅呢個極力推介都係＄26件但係蛋餅嘅份量一啲都唔少入面嘅肉鬆同埋芝士食落去好舒服 仲有啲脆口嘅感覺避風塘燒賣佢唔止係五件炸燒賣仲有一啲避風塘嘅炒粉食落去鹹鹹辣辣超級好味同推薦重碳焙桂香烏龍奶茶老細萬歲黑糖珍珠奶茶比平時嘅套餐要加少少錢但係份量係出面手搖店嘅份量大大杯個人比較鍾意桂香烏龍清香得來又唔會太肥膩非常出色嘅台灣菜

有一日經過大埔，見到開咗一間新嘅台灣嘢因為之前喺火炭返工嘅關係，試過佢做外賣嘅分店，感覺幾好食同幾抵食，咁我就入去試吓呢一間嘅堂食。入到去嗌咗一個花雕雞湯麵，一個巨無霸厚豬扒滷肉飯，跟一個熱檸茶同青檸梳打。滷肉飯黎到賣相幾好，但同事有啲多餘知我要分開切比隻空碟我，咁不如分開上或者幫我切埋。味道比我預期之中嘅差，不論係豬扒定係滷肉都比唔上之前食開嘅分店。豬扒唔到厚，醬汁唔夠夾。仲有佢既醃蘿蔔完全唔夠入味。仲有佢隻蛋仲有啲蛋殼留喺上邊滷肉散修修，完全唔似平時食開嘅滷肉飯唯一我覺得比較好嘅就係佢嘅飯軟硬適中到花雕雞湯麵花雕聞落去幾香，而佢嘅湯麵係用牛肉麵嗰啲湯底做湯底食落去麵質正常同普通食牛肉麵冇乜分別而花雕雞嘅香味，只係去到去浸皮，繼續完全冇花雕味可能新開嘅關係，佢哋嘅飲品都係咁樣上唯一好嘅地方，只係佢哋嘅飯底，同佢加$3就有得飲青檸梳打希望佢日後會改善

之前已經聽過呢間餐廳，由於個名好特別，一早已經想試，今日去開大埔，竟然發現開咗分店，就一於入去食個午餐啦。經典鹽酥味炸雞 :炸雞可以揀一款丼碗，我地揀咗清新雜菜丼碗。鹽酥炸雞一份有四件，外皮炸得酥脆，雞肉依然嫩滑多汁，鹹香味十足；雜菜丼碗有西蘭花、椰菜花、雜菇等等，食完油膩嘅炸雞，食返d青菜感覺份外清新。雙層吉列漢堡芝士煎蛋魯肉飯 :兩塊厚厚嘅漢堡夾住熱溶芝士，上面鋪上靚靚嘅煎蛋，賣相相當吸引，吉列漢堡外脆內軟，食落滿口肉汁，豬肉漢堡混入洋蔥更為香口，魯肉飯油香味十足，非常好味。花枝丸酥 :花枝丸酥炸得好香口，食落好彈牙，味道微鹹好開胃。大腸包小腸 :糯米包住台灣腸，再加上滷肉，糯米吸收咗香腸及滷肉嘅油香，煙煙韌韌好惹味。有時候想喝紅豆烏龍奶茶 :烏龍奶茶幼滑，茶味香濃，配上紅豆味道唔太甜。無糖碳焙烏龍純茶王 :烏龍茶經碳焙後味道更香更純，消除油膩感一流，熱熱嘅茶令身體更暖和。

特級牛三寶麵·牛腱肉·牛筋·牛舌🍜超級豐富🤩有齊平時食開嘅野，樣樣都炆得好林，份量又多，重點湯底好濃好好味🤤麵條比較粗，吸晒d湯好正，值得推介👍🏻滷豬腿拌芥辣汁魯肉飯🍚豬腿皮好正🤩好多骨膠原，好大件小小鹹鹹地好惹味，魯肉個汁好好味，撈飯簡直一流。芝士肉鬆蛋餅🧀餡料好多芝士溶溶地肉鬆脆脆地，加埋一齊好夾好正。鹽燒牛舌🥢大大塊又爽口。老細萬歲黑糖珍珠奶茶🧋茶味好濃，珍珠又多又彈牙。巨峰波子蘆薈梳打🥤蘆薈好有咬口，巨峰小小甜，好好飲呀⋯⋯

呢日入左去大埔行街行到黎四方公園附近搵食見到呢間現場有不少街坊等位我都唔執輸排埋一份(´❛-❛`)食過之後覺得好值得推薦俾大家❣️食物選擇同配搭都好多變～而且全部都好足料💓💓有機會真係要試埋佢地觀塘店添呀⟡⟡.· ⎯⎯⎯⎯⎯⎯⎯⎯⎯⎯⎯⎯ ⟡.·⋆꙳ 𝑴𝒚 𝑶𝒓𝒅𝒆𝒓 ⋆꙳𓈞 ⸝特級牛三寶麵(牛腱牛筋牛舌) $96𓈞 ⸝ 一人份蜜糖芥末蛋黃醬炸雞配魯肉丼碗 $126.˚⊹ ⁺‧小食追加.˚⊹ ⁺‧𓈞 ⸝芝士肉鬆蛋餅 $26𓈞 ⸝大腸包小腸 $34.˚⊹ ⁺‧飲品.˚⊹ ⁺‧𓏸𓈒巨峰波子蘆薈梳打 (餐價$25 +$5蘆薈）𓏸𓈒荔枝白桃氣泡茶（餐價$22 +$13 芋圓）⟡.· ⎯⎯⎯⎯⎯⎯⎯⎯⎯⎯⎯⎯ ⟡.·餐廳採用QR Code 落單🤳🏼我叫左兩款主食+ 兩個小食+ 兩杯飲品飽到捧著🤲🏻肚肚離開🫣··𓏸𓈒特級牛三寶麵(牛腱牛筋牛舌)放了不少蟲草花同榨菜落去🥰～ 滿載載的令到整個畫面豐富不少🫶🏻三寶都好好食 炆得夠淋入哂味之餘我的最愛的牛舌都有成1cm 咁厚 食落爽口唔鞋牛腱雖厚 但同樣唔會煮到又乾又鞋平時我好少揀牛肉麵食（因以前失望過太多次了🫠但呢碗麵質感彈牙有o趙頭 煮得恰到好處⑅⃛𓂂

之前食過位於觀塘嘅分店，主打台式食物，外賣拎到返屋企都仲係好味。經過大埔，驚覺開咗分店！二話不說拉埋朋友入去食返件蛋餅先！👭🏻入店先發覺呢間分店路線有別於觀塘，偏向飯麵套餐。小編同朋友分別叫咗泡飯及牛肉麵套餐，再加少量小食。🍲原粒胡椒豬肚雞湯泡飯（$59）：胡椒湯濃香，有粒粒胡椒湯渣。豬肚切得好大塊，幸好軟糯易咬。酸菜偏甜，餸湯飯正好！雞件肉質偏柴，但勝在份量多。🍜特級牛三寶麵牛腱肉牛筋牛舌（$98）：肉量足，有齊曬三款肉食。牛腱肉，牛筋正常；牛舌厚切，加上煮嘅火侯影響，變相真喺少啲牙力都咬唔郁⋯切薄返啲會更好啦（亦有可能小編係日本食到嘴刁曬）🥗雜菜（+$15）：份量足，有粟米，西蘭花，紅蘿蔔，及菇片。 水煮另加醬油，健身減脂朋友必選。🫔芝士肉鬆蛋餅兩件（+$26）：蛋餅及包裹住芝士及肉鬆。呢個價錢係抵食嘅，但同樣價錢，觀塘店出品優勝許多。🧋靚靚桃膠烏龍奶茶（+$22）：粒粒桃膠，偏軟淋身。小編揀咗微糖走冰，茶底味都幾香，更可自行選擇添加其他材料～換購價相宜。🧋燒仙草奶茶鐵觀音（+$18）：仙草口感軟滑，多糖雖然邪惡，但風味真係好好！唔怕肥嘅朋友可以試試～🍡黑糖薑汁混一式綜合手工芋圓（

大埔大明里的台式餐廳，食到地道台灣牛肉麵🍜滷肉飯🥘仲有炸雞、甜品同超多款台式飲品🧋而且店員服務親切友善，感受小店獨有嘅人情味🫶🏽❤️招牌牛腱肉牛筋麵 牛肉麵湯底濃郁，厚切嘅牛肉煮得入味又軟腍，份量十足🍜配以蟲草花、溏心蛋同酸菜，味道更有層次❤️蒜香台灣夜市小香腸魯肉丼飯 幾鍾意佢地嘅滷肉，色澤油潤帶有滷水香味，食落唔會膩，額外加咗太陽蛋🍳十個正🤤而台灣腸帶點黑胡椒香，同蒜蓉一齊撈飯食好惹味❣❤️大腸包小腸 大腸包小腸以煙韌糯米包住黑椒台灣腸加上油香十足嘅滷肉，飽肚又好味😚❤️雜菜（小食）套餐可以加配雜菜，味道清淡帶點麻油香❤️大三圓紅豆椰汁芋圓手工芋圓 • 紫薯圓 •地瓜圓 • 蜜紅豆配椰汁食台灣菜點少得食芋圓甜品呢🥰三色芋圓口感煙韌份量好足配上大大粒又甜絲絲嘅紅豆🫘份量足夠2人開心share❣️❤️甘香西柚百香果氣泡茶甜度剛好，裡面加有西柚肉同愛玉，口感豐富😚❤️即磨咖啡+珍珠煙韌珍珠配奶茶之外，配咖啡都唔錯👍🏽

今日去咗大埔到食😋，食物質素好好，有台灣風味，食到好飽好滿足🔥😌✨特級牛三寶麵牛腱牛筋牛舌特級牛三寶麵嘅牛腱牛筋牛舌好嫩滑，牛肉味道濃郁，同埋啲筋都好腍而且份量幾大，令人回味無窮。✨一人四重芝士牛油炸雞配自由丼好香脆，外脆內嫩，仲有四款芝士同埋青椒，好豐富。✨秘製醬油爆蛋飯丼醬汁濃郁，蛋煎得好靚，飯米飯粒粒分明，好入味。✨凍妹妺皇牌鐵觀音純茶清香幽雅😋味道濃郁，好好飲👍🏻✨混一式綜合手工芋圓好滑好Q彈，配上啲椰汁，好食唔膩，好正。

今日入咗大埔搵朋友食飯，記得之前同朋友喺觀塘食過呢間台灣嘢幾好食，所以今日入嚟大埔又走去食呢間台灣菜。雙層吉列漢堡芝士煎蛋滷肉丼飯上台真係嚇親份量非常之多，面頭有塊煎得好靚嘅太陽蛋，下面有兩塊大大件嘅吉列漢堡，中間仲夾咗片芝士Tim ，漢堡扒外層炸非常鬆脆入邊保持肉汁鮮嫩，漢堡扒底下就有啲滷肉同埋青瓜絲同埋有幾片日式醃蘿蔔能夠適當咁減低油膩感。招牌牛腱肉牛筋面湯底非常之濃郁，牛腱肉牛筋問得非常之淋唔使用力咬開，而且配上咗啲蟲草花增添口感，仲有半隻糖心蛋同埋酸菜真係令人食唔停口難怪可以做到招牌麵。自家製香滑芋泥烏龍奶茶燒仙草奶茶鐵觀音兩杯都非常之有濃郁嘅茶味而且杯芋泥烏龍奶茶真係必點芋泥真係非常好食！

大埔人氣台式餐廳😋係出面已經見到好多人排隊！餐廳選擇好多，好多都好吸引🥰✨招牌牛腱肉牛筋麵湯超濃郁，好香牛肉味🤤再加埋蟲草花口感更豐富，好好食👍🏻朋友清哂成碗😆✨吉列漢堡煎蛋魯肉飯集合哂我至愛既野😍😍吉列漢堡超厚，即炸脆卜卜，好好食😍再加埋流心煎蛋同魯肉好正，魯肉亦非常多😍夠哂飽肚🤭另外同朋友叫左兩杯台式飲品🤣兩杯都唔會死甜，蜜糖鐵觀音飲到甜甜既蜜糖味好夾！ 朋友叫左杯荔枝白桃氣泡茶好fresh☺️下次黎好想試下其他小食炸雞同雙層漢煲😋

先前外賣叫過呢間餐廳，今日第一次堂食，個餐牌真係好吸引🤩作為漢堡怪 首推當然係依個！👉🏻雙層吉列漢堡芝士煎蛋魯肉飯高到成座塔咁🤩兩塊用吉列炸咗嘅厚厚漢堡 蓋咗一塊太陽蛋做被🩷 跟住下面有芝士同埋青瓜絲酸瓜做配菜🩷 佢個魯肉嘅味道都同出面其他餐廳嘅鹵水汁有啲唔同，食到好似有叉燒咁嘅蜜糖味🩷👉🏻仙草鐵觀音奶茶絕對飲到鐵觀音 ge茶味，加上仙草口感爽口，幫我清一清熱氣🩷哥哥添飯•妹妹泡茶網址: https://s.openrice.com/QrbS0KzI5W0~uBuf7Aw地址: 大埔大明里6號寶豐樓地舖電話: 62860988

之前食過觀塘嘅總店，今次大埔嘅分店，食物並不是完全複製觀塘嘅選擇；反而開闢一條新嘅路，菜單上顯示，這間餐廳主打的是滷肉飯和炸雞。同時，店員親切，態度良好。餐廳提供的選擇多元化，都是香口濃味菜式；飲品偏甜，建議選擇半糖口味。我叫咗一個「有時候想喝紅豆烏龍奶茶」，另外俾$10加咗芋泥，奶茶充滿濃郁嘅紅豆沙，甜度非常；另外我要左一個荔枝白桃氣泡茶，荔枝味濃，配合食濃味野其實幾好，但氣泡茶味道多為糖漿，如果不嗜甜，建議選擇其他飲品。餐前小食包含左呢個炸燒賣，外皮炸得香脆，另外亦都加咗炸蒜，將味道再提升左，濃味左。亦都有一份著名嘅台式大腸包小腸，其實即是糯米外皮包住一條台灣腸，另外亦都加咗啲肉燥，台灣腸係幾好食，咁樣嘅配搭煙煙靱靭，口感不錯，但都係濃味。之後我叫左雙層吉列漢堡芝士煎蛋滷肉飯，欣賞佢嘅係吉列漢堡係新鮮整，非常香脆可口，肉醬亦都非常多，太陽蛋蛋汁佈滿整個飯，肉燥稍鹹，中間亦都有日式蘿蔔中和油膩感，但成效有限；整體而言，呢個飯在香港來說算是中高質，但要有食濃味野嘅準備。再之後我叫左一碗芒芒甘露芋圓豆花配，其實係楊枝甘露，配左芋圓同埋豆腐，就創新而言，都可以一試。

每次經過見到都想試，今日終於有機會同屋企人去食咗個下午茶！原粒胡椒豬肚雞湯豬肚好夠火候，好淋滑，胡椒，雞的份量亦很足夠，上桌時湯熱呼呼，吃完全身暖笠笠。非常適合手腳經常冷冰冰的女士吃。特級牛三寶麫：有牛舌、牛筋、牛腱好足料，厚切牛舌，好有口感，牛筋炆得火候掌握剛好，淋滑得嚟有口感，牛腱入味非常👍再來紅棗桂圓熱飲：真材實料😋我們另加了桃膠，十分養顏保身😇鮮手工芋圓烏龍奶茶：鳥龍茶味清香，芋圓的份量也很多，粒粒Q彈充滿芋香，令人飲唔停口

巨無霸醬麴燒厚豬排魯肉飯淨係見到張相已經夠晒睇頭 好厚嘅豬扒，真係大過一般人嘅手掌厚度最少有一cm而且配上美美嘅滷肉，台式醃製蘿蔔 半隻雞蛋每一口都充滿着台灣嘅味道古早嘅味道滿足嘅味道鹽燒厚牛舌魯肉飯看看這牛舌厚嘅程度可以媲美西冷牛扒 唔好以為咁大塊口感一定好硬，原來咬落去入口即溶呢個係最高層次嘅牛舌做法 同樣加上魯肉 口感一流，原來牛舌同埋滷肉配合起來真的有這樣的美味之前真係諗都冇諗過青蘋果白桃氣泡茶淨係見過顏色真係打卡一流這個梳打，原來內有乾坤 有QQ的啫喱 而且還有水果一杯飲品消暑又消滯重碳焙桂香烏龍奶茶非常有特色嘅一杯奶茶香濃嘅炭味，再加上桂香烏龍味好似去咗台灣山區飲一杯剛剛摘出來嘅茶一樣位於大埔墟，要去就早啲出門口，因為真係好多人幫襯㗎

每次去到大明里，都見到哥哥添飯•妹妹泡茶大埔分店門口/餐廳入面有好多人。於是今日嚟咗呢度食lunch，發現大埔分店同觀塘分店嘅飲品同主食都各有不同，而且佢哋嘅台式料理和台飲一樣都非常出色，呢度仲有大埔限定台飲揀！招牌牛腱肉牛筋麵 牛腱肉質軟腍又煮得入味，湯底濃又郁嘅，仲有蟲草花嘅配搭，非常養生，果然係招牌麵！一人蜜糖芥末蛋黃醬炸雞配自由丼 & 古早味哥哥魯肉飯蜜糖芥末蛋黃醬炸雞+滷肉飯同時享受，炸雞炸到金黃色，入口非常酥脆，肉質鮮嫩。而滷肉飯份量好多，非常飽肚！跟餐升級大埔限定台飲青蘋果白桃氣泡茶飲品中嘅青蘋果味道非常清新，而白桃香味融入其中，再加上台灣愛玉，非常美味！甘香西柚百香果氣泡茶平時飲嘅西柚汁會帶一啲苦澀味，個呢杯一啲都唔苦，而且非常甘香，仲有百香果味超香甜同一粒粒嘅蘆薈果粒係入面，好正！小食-麻辣鴨紅魚蛋台灣風味麻辣鴨血口感滑嫩，仲有魚蛋嘅配搭，好滋味！小食-避風塘燒賣超級惹味避風塘椒鹽燒賣，炸出新口感，做出外脆內軟嘅口感，正！