咖吔

營業中

休息中

星馬菜一向都係我嘅心水，適逢返工附近開左間主打星馬菜嘅餐廳，當然要一戰。裝修都充滿著星馬東南亞嘅味道。新加坡喇沙，$82。材料非常豐富，有大蝦，魚蛋，魚片，豆腐卜同埋雞蛋，忠實還原新加坡味道。特別欣賞佢充滿濃喐椰汁味道嘅湯底，令到每一口麵都變成精華。不知不覺食曬成碗麵，仲會有想飲埋碗湯嘅衝動！馬來炒貴刁，$128。鑊氣十足，同港式嘅乾炒牛河有啲相似，河粉同面條炒得非常乾身，配搭多種配料精製而成。食落真係有種你馬來西亞街頭獨有嘅味道！

下午茶時間去咗呢間新開嘅新加坡餐廳，叫咗煲仔老鼠粉同喇沙，味道一般，雖然喇沙湯都好足料但就是差一點點。老鼠粉也只是一般，沒什麼特別。反而跟餐杯香茅青檸荔枝梳打意外好飲，加咗好多薄荷葉，很清新!再叫咗咖吔多士但完全冇叻吔味🙄只係似一般鮮油多，但就甜甜地。不過裝修同服務都算幾好，下午茶時段人少少，可以慢慢坐。

我同家人係3月14號 下午5點半入座。當時檯面有一個下午茶餐牌，我問侍應係咪有其他餐牌，佢之後拎個午市餐牌比我。我即時問：呢個係午市wor，係咪無晚市餐牌？侍應：係得午市架咋，晚市要6點。（跟住就行開左。）我望一望隻錶，已經5:45，作為侍應係咪應該講「我地晚市6點先開始，不過可以比你睇住先」而唔係個客問有無其他餐牌，就求其拎個午市餐牌就算，有點兒腦淋下都會比個晚市比客人啦。最後我地叫左巴東牛肉飯，串燒拼盤，斑蘭咖吔多士，馬來拉茶。1.）巴東牛肉：硬，無味。似食茶餐廳牛腩飯。2.）串燒：硬，乾。圖文不符唔緊要，味道簡直難食，好似廚房求其用火槍燒下個面就算，魷魚硬到根本咬唔開，蝦細隻到得一半，雞完全無味好乾。3.）斑蘭咖吔多士：無班蘭香味，咖吔得少少，只係食到牛油味。 上碟個一剎那間我O曬嘴，用隻碟細到一個點。4.）馬來拉茶：感覺自己飲緊奶茶而唔係拉茶，無茶香，無奶香。拉茶竟然可以無泡，即係代表根本就唔係拉出泥啦，好懷疑佢地唔知拉茶同奶茶既分別。總結：絕對唔會再試，食物味道實在太差。

依家無得周圍去旅行，有時食到一間好既餐廳就當自己去左，今日係坑口行過見到，依間新開的新加坡店，想懷念食雞飯既感覺海南雞飯 拼 白胡椒肉骨茶海南雞飯 拼 喇沙菜單既設計十分好，可以滿足到我地依啲貪心想試多啲既人，海南雞飯就當然係主打，雞肉相當嫩滑，雞味亦都十分濃，3種醬料都齊，不得不提雞油飯，超香係停唔到，要大口大口爬落口。另外拼的湯或喇沙，都係一小碗就都足夠，白胡椒湯好濃郁，但又唔同黑胡椒咁搶，而喇沙雖然細細碗，但配料十分足，麵線超級爽滑彈牙。咖吔多士熱拉茶店名叫咖吔，無理由唔試埋，多士雖然放到最後食，但仍然鬆脆，仲有比較特別是有牛油，不是間間都會加，牛油變得更有風味同邪惡，最後配埋熱拉茶做結尾 當自己去完旅行。

巴東牛肉微辣，牛肉味香，亦唔會好韌。另外有炸蒜係面，提升香味。而旁邊嘅配菜都唔馬虎。花生，同魚仔炸得香脆。主食揀咗呢一款。海南雞飯配喇沙，份量十足。又可以食到飯又有粉。一次滿足晒我兩個願望。雞肉嫩滑，配埋油飯一流。而喇沙配料有半熟蛋、鮮蝦、魚片等。值得一提係店員態度友善。其中一位男店員十分細心，見到有小朋友會安排角落梳化位。而食飯中途見到小朋友訓咗，都會問需唔需要調高冷氣溫度。食物質素好、態度好，下次家庭聚餐又多一個選擇。

最近過咗將軍澳港鐵站沿線搵食，今日去到坑口站，好隨意喺東港城入咗間星加坡餐廳食喇沙😋。餐廳俾我第一個感覺係啲店員好有禮貌，而且服務好熱心，仲主動幫我同朋友拍照📷！另外環境亦都坐得好舒服，光猛得來好和諧，我都幾鍾意呢款style。牛油果五色紙米卷呢款小食係店員推介的，紫米卷包著我最鍾意的牛油果🥑和紫椰菜，其他主要食材都是蔬果類，感覺好低卡，又健康，是減肥人士的恩物！新加坡喇沙喇沙湯底芳香撲鼻，略帶椰香。每啖麵條都沾染着香濃的喇沙湯底，口感彈牙爽口，蝦有鮮味，糖心蛋亦好吸睛😍海南雞飯海南雞肉嫩滑，配搭三色醬簡直一絕，而且油飯香口，令人胃口大增！熱手工拉茶口感好像是珍珠奶茶的奶茶味，味道不錯👍🏻凍香茅鮮橙茶鍾意香茅味的朋友都可以試一試，而我自己就沒想過香茅會和鮮橙茶搭配的。

東港城又開咗間新餐廳喇，開業兩個月等人流無咁多我哋先嚟幫襯。餐廳裝飾簡單，座位唔算寬敞，職員有效率，價錢偏貴但食物質素唔錯。斑蘭咖吔多士，牛油好大件，咖吔少，麵包夠脆。馬來炒貴刁(走辣)，呢個就普通，我覺得唔夠香。海南雞飯，油飯同雞嘅份量都幾多，雞肉夠滑有雞味，唔錯。街頭雞鴨絲湯粉，睇落好清，原來個湯好好味。檳城蝦麵，配料豐富，蝦肉爽口，唔太濃味。馬來拉茶(熱)+$12馬來芒果汁配芒果雪糕青檸紅茶(熱)香茅青檸荔枝梳打，呢杯唔錯。

呢間餐廳，服務垃圾，食物欠佳，但係老闆應該係一個好人嚟（詳見下文）。事緣3月4日，同老婆兩個人嚟呢間餐廳食tea，由於肚餓，所以兩個人叫咗三個餐。個海南雞，雞冇雞味；個檳城蝦麵又係冇味冇道嘅，配料又少，得三粒蝦仔、幾片好薄嘅肉片同幾粒豆卜，同我喺檳城食嘅蝦麵味道真係爭好遠。服務方面真係完全垃圾。個海南雞飯，落單時已經講得好清楚，要白飯，點知上到嚟都係油飯，咁我就即刻同個侍應講要白飯啦，點知佢拎走碗油飯之後，等到我哋食完啲雞都未拎返碗白飯畀我哋，要我哋三催四請先有。最後叫嘢飲喇，我哋要一杯熱水，一杯凍話梅水，結果打錯單，變咗熱話梅水。其實轉返凍話梅水咁簡單嘅事，個侍應都唔明唔識處理，要佢另一位同事幫忙，仲問我哋係咪已經飲咗杯熱話梅水，真係畀佢哋激死！點解我話個老闆好人呢？因為而家呢個社會，好少老闆會想一啲經驗不足或者智商偏低嘅人造嘢嘅，但係呢間餐廳老闆請咗至少三四個呢類人，真係好心地。

我對將軍澳餐廳冇什麼期望，看看最近開了新餐廳，之前疫情時外賣叫了雞串燒，回家吃竟然仍然好吃！juicy 不乾，今天疫情緩和了些可以堂食，也來吃吃其他。叫了咸蛋黃魚皮，不是剛炸起但吃進口剛剛好不太熱，吃這個新鮮的好過吃超市袋裝了，新鮮的咸蛋黃配合得很好！好好食。另外再叫喇沙，麵夠熟，較淋身和分量好足，我女人吃不完，湯也好喝，魚蛋和蝦新鮮，蝦是已剝殼已取腸。最後買了兩盒雞串燒外賣給家人。今餐我好滿意。

Sorry我唔記得影相 只係影左俾foodpanda但原來佢無留底係我電話到係food panda叫左5樣嘢得隻雞係好食 好香又juicy多士不過不失 但無乜咖吔其他我真係食唔落大蝦芒果米紙直情無大蝦我一打開真係O左咀 米紙裡面既菜占左90%芥蘭唔係用蝦頭膏炒 似係用左少少鹹蛋黃去炒但係完全無味街頭鴨絲湯粉 鴨絲無味 湯無味👍🏼好似食緊淡到爆既清湯肉絲湯粉咁係咪因為我叫外賣係到搏大霧🙄我本身好期待 但呢間嘢真係請我都唔會再食🤦🏻‍♂️真係好失望

星期四我在「坑口」「東港城」購買外賣自取「紅酒燴雞意大利粉」，作為晚餐裡面雞肉食品的同時，也在「東港城」裡面光顧另一間馬來西亞菜餐廳「咖吔」，享用「咖吔」三文治下午茶。「咖吔」作為一間馬來西亞菜餐廳，當然少不免有其他「馬來西亞菜」風味濃厚的菜式，例如回應食店實際店名「咖吔」的招牌食品「咖吔多士」。「咖吔多士」實際製成品的味道口感感覺，有點像我在港式茶餐廳裡面，也曾經食過的「油占多」食品，以甜味的「咖吔」醬汁加上「鮮牛油」，營造出類似「鮮牛油果占多士」的多士食品。「咖吔」廚房製作出來的食品「斑蘭咖吔多士」，不像港式茶餐廳做法，會先把「斑蘭咖吔多士」切成兩半，然後分別叠起，放在金屬銀色餐碟上面。由於「斑蘭咖吔多士」裡面加入了甜味「咖吔醬」，還有甜味「鮮牛油」襯托和增加「斑蘭咖吔多士」甜味，所以實際上難以從「斑蘭咖吔多士」裡面清楚食到「斑蘭」醬的甜味。至於口感方面，我覺得「咖吔」廚房製造出來的「班蘭咖吔多士」，「班蘭咖吔多士」實際製成品的口感感覺十分新鮮和香脆，即使價錢不算便宜，也屬於值得一試的食品。「咖吔」下午茶茶餐裡面的「喇沙」食品，「新加坡喇沙」裡面的實際材料，感覺其實即是跟「海鮮喇沙

不倫不類的喇沙，湯不香而「太傑」，亦不夠熱，，最敗筆是喇沙用米缐不是惨惨，有冇攪錯，我要食米線唔好去Tam 仔？俾double 價錢吃米線？一碗喇沙total 有1.5隻蝦，小小魚片絲，3粒細少魚蛋,半隻蛋，連一杯普通飲品，咁樣tea set就收成$70 （連加一），以這個質素我覺得一D都唔值，嗰杯南洋咖啡超級難飲，食完仲肚痛屙咗幾次，總之沒下次，疫情其間仲要只收現金，污糟邋遢, 討厭。這個算是我吃過的最難食喇沙了，

東港城新開左間東南亞食店緊係要去試試佢既喇沙有幾好食但日日都見佢好多人排隊於是出門口果時係GULU拎定飛去到等幾分鐘就有得入去食😆新加波喇沙$82豆卜吸哂喇沙既湯汁 🤤蝦以為有4隻 其實佢係一分為二但蝦肉好新鮮彈牙👍🏻蛋唔會煮到老哂仲有炸魚蛋同切條既魚片底係用米線幾彈牙同埋第一次食喇沙係配米線幾特別🤣同埋佢有碟醬同青檸跟埋我食開比較酸所以問左佢地拎多左粒青檸都無問題服務真係好好👍🏻香茅青檸荔枝梳打 (跟餐唔使加錢)唔太甜 正正常常唯一唔好既地方係價錢太唔親民🙈

我本來好中意食咖咉多士同老鼠粉，見到佢開左呢間就好想試下。因為佢本身都偏貴，所以簡左食下午茶，雖然食呢d好似都係呢個價🙊。因為疫情關係 外賣有9折，不過提提大家，佢外賣係會收返1蚊既外賣盒同外賣杯既錢，我叫左7樣野（連餐飲）就收左我7蚊。好，講返野食。單叫左斑斕咖咉多士，但係我幾失望。唔知會唔會因為外賣關係 佢個包好淋 仲冇乜咖咉 牛油就一大舊。個烤餅同咖哩，個咖哩夠辣 但係個烤餅就唔好食。喇沙都係夠辣，料都多，正常啦。老鼠粉，係我覺得暫時可以再叫既野。中意食老鼠粉既人可以試下。個粉係ok，d料都多，不過個肉碎就咸左d😂有機會會再試下其他💛

位於坑口東港城嘅新加坡茶餐廳「咖吔」係疫情下開業。電子取票服務，再可以掃描QR Code知道排隊序號，其實都幾方便，起碼唔需要聚集在門外。2點過後提供下午茶餐，點了必食新加坡喇沙及地道老鼠粉，當然唔少得手工拉茶及南洋白咖啡！雖然是下午茶餐，但份量唔會太少，喇沙好足料，有蝦、豆卜、魚蛋、魚片、芽菜及半隻蛋，湯汁充滿了椰香味，加上少許辣，十分惹味。老鼠粉由熱辣辣锅上，肉醉、花生、魚仔乾、炸蒜、蔥花及半隻蛋舖滿老鼠粉上，香氣撲鼻，一口接一口，好快清了！手工拉茶及白咖啡香滑濃郁，為一餐看似平凡嘅下午茶劃上完美句號！