咖吔

營業中

休息中

好少去坑口，好彩先前做咗啲功課，竟然俾我發現有星加坡餐廳。商場唔大，但係佢個位都幾隔涉，喺中揾到colour mix，行入去見到body shop斜對面就係。諗都唔諗緊係即刻幫襯，因為無得去旅行真係太耐無食過星加坡餐。假期早上11點多到步，好彩啲人未醒，只係坐滿半成。（我食完埋單已經企滿20人）好la, 入正題。諗都唔諗架吔多士一定必要，＄28，不過份量有點細。和牛蝦麵好似128,小朋友從來唔食米粉，竟然食晒，我食咗一啖真係唔錯好軟身，可惜豆卜配料我唔啱。海南雞飯OK, 肉骨茶唔錯，不過係個肉有點鞋，飲品有點細，但唔錯。讚雖然價錢有點貴，不過間唔中食下都ok

I got take away from this place 2 times both time same dish, Their beef Rendang is abysmal. One time it had really high salt and other time they just put cooked beef cubes. I am fan of South Asian food. The best I had in ASAM chicken rice. Even having high price in Kaya taste is poor.

戴定頭盔先 🪖 嗱！雖則我成日都鼓勵大家多啲幫襯小店，尤其輪椅朋友，其實唔使餐餐都幫襯連鎖集團餐廳，不過，現實歸現實，香港地的確地方細，有時同幾位輪椅朋友一齊出街食飯嘅話，商場的確有較大嘅空間可以容納多張輪椅，所以有時都真係無辦法。不過，我依然會堅持去介紹多啲唔同類型嘅小店，等更多嘅輪椅朋友知道，香港其實有好多好多好多食店係好值得去試 💪🏻今次嘅gathering就揀咗「咖吔」主要食星馬菜，幾個人叫咗以下呢幾樣：▪️星洲香辣炒飯- 辣㗎，屬於微微嘅辣，炒飯比較多油不過夠乾身，餡料有魷魚粒蝦粒，成個炒飯都幾惹味。要讚嘅就係雞肉串燒，燒得好靚又夠入味，而且軟淋，好食。▪️地道老鼠粉- 老鼠粉即係銀針粉，呢碟屬於重口味尤其肉碎部份，真係幾鹹，炸魚乾花生粒冇得輸，卜卜脆，超惹味！糖心蛋唔知關咩事🤣但整得好食嘅▪️喇沙- 唔記得要求轉摻摻，即係油麵加米粉🥲 湯底濃郁，同樣微微辣，魚蛋魚片都幾彈牙㗎，最正係豆卜，吸湯一流！▪️班蘭咖吔多士- 如果椰味班蘭味再突出啲就更好啦，而家嘅味道都OK嘅，不過不失咁囉。▪️熱 & 凍拉茶- 呢個好飲，凍熱都好飲▪️香茅青檸荔枝梳打- 朋友推介呢個，話酸酸甜甜，好正喎🌟🌟🌟

下午茶時段，好多人等位，但人流都算快，可能上菜都快嘅原因，我哋等咗大約20分鐘就有位叫咗必食嘅新加坡喇沙（$62），味道都幾好😋，如果比起正餐價平$20，唔知係咪咁嘅原因，d料不算太多，但椰味幾濃仲有d辣再叫咗一碟串燒拼盤（$68），有雞肉🐔、大蝦🦐、魷魚鬚 各2串，味道都唔錯，雞肉同魷魚唔會太硬 餐飲就叫咗1杯馬來拉茶，1杯南洋咖啡。拉茶就淡味少少，唔係好夠茶味。服員質素就幾好，好有禮貌👍。

去咗東港城見到呢間新開既新加坡菜又想食喇沙見到唔使排隊 就入去試下坐低環境都幾乾淨枱面有個紙袋放口罩 仲有濕紙巾侍應服務態度都好好 好有禮貌坐底嗌咗個喇沙米線 白胡椒肉骨茶 蝦頭炒芥蘭烤馬來蔥餅咖喱同拉茶喇沙湯底味道啱啱好  米線唔會太淋  好味～個人覺得普通  個餅有少少硬  咖喱唔係好夠香但係個芥蘭幾好食  咬落幾嫩  冇渣晚餐冇跟到飯  肉骨茶一飲落去胡椒味好重  好飲～油炸鬼又好脆    不過d肉有一舊好硬好柴其他就幾好食拉茶好好飲～埋單$352連加一

之前見到新開張一直嘗試，都未有機會，今日放假，終於可以試。可能係新裝修嘅關係，就算無窗，都光線充足，感覺好乾淨。而且裝修都幾骨子，打卡都係唔錯嘅選擇。由於今日係公眾假期，等位都要啲時間，我哋一行二人都等咗成20分鐘到。終於入座，嚟到梗係要食喇沙啦，我就揀咗咖喱麵試吓。其實佢啲凍飲同甜點都好吸引，但係由於唔算好肚餓，唯有下次先是試。喇沙同咖喱麵兩個各有特色，兩個湯底都好夠濃，而且份量都好足。喇沙有配原粒鮮青檸，仲有個好似蝦醬嘅醬幾好食。另外，初時以為咖喱麵係就係麵，原來都係摻摻。好彩都唔會煮到咁軟林林，不過啲料就真係少咗啲。整體來講感覺唔錯，有機會再試試佢其他嘢。

見咁多人排隊食應該冇死，點知係個伏。咁嘅價錢食啲咁嘅嘢真係覺得好唔抵😓啲嘢辣到死，味道一般般。個炒貴叼得個貴字，其實就係一般嘅炒河，完全唔係馬來西亞食到嘅味道。最好食係個老鼠粉，不過都係好辣。杯拉茶28蚊，得嗰一啖😐，味道正常。最難食係個排骨山，啲骨完全冇味，淋啲醬上去又當一碟嘢，不過捧出嚟嗰吓真係好壯觀，超級大碟。嗌咗六樣嘢，total $605🤢冇下次唔明點解可以咁多人排隊，可能我哋嗌錯嘢啦。

店面用熱帶植物🌴🍀☘️🌱🌿做主題，好靚又坐得好舒服，但今日食晚市，午市/下午茶應該會抵啲😂新加坡喇沙摻摻 $82一見到個樣已經流口水🤤超濃郁嘅喇沙味，加埋青檸同辣醬，味道更豐富！配料有蝦、魚蛋、魚片、雞蛋等海南雞飯拼白胡椒肉骨茶 $118肉骨茶好濃白胡椒味，但肉味較一般，海南雞好滑，雞件都多，醬汁好食鹹蛋黃雞翼 $68真係超愛鹹蛋黃同雞翼嘅配搭🥰鹹蛋黃超足料好香！！雞翼炸得香脆，可惜偏細隻🥲

次次經過都有好多人排隊，今日早少少突登過嚟食，每樣野都好吸引，我地兩個人食咗差唔多3個人份量既野!!班蘭咖央多士呢個招牌菜冇得唔嗌啦。多士脆身而且牛油岩岩好係中間溶咗，配合埋咖央醬既香甜又唔會膩，真係2分鐘唔使已經食哂。亦都因為咁搞到我地勁開胃!串燒拼盤有雞肉、魷魚同埋蝦。呢個蝦真係食過既串燒入面最爽口同彈牙，肉身好juicy食得出係好新鮮，加上佢燒得岩岩好而且仲有個香辣沙嗲醬，成個串燒都好出色。雞肉亦都係有肉汁個款唔會乾爭爭!老街咖哩麵咖哩味好香濃而且有油麵同埋米粉，食落口感十足而且掛湯能力十足，每一啖都食到咖哩味!海南雞飯拼喇沙呢個set真係好抵，可以食到海南雞之餘又有一小碗喇沙。雞肉既份量超級夕而且係勁滑，入口已經食到雞肉既嫩滑口感，加上少少醬汁調味，個海南雞飯真係好出色!另外因朋友唔食油飯所以轉咗白飯，但一D都唔馬虎，白飯粒粒分明而且夠乾身! 喇沙既湯一飲就知係正宗既味道，加埋有魚片索下湯汁，好快就食哂!

位於將軍澳區坑口站嘅新加坡菜，裝潢充滿新加坡風情，非常吸引。番工辛苦了一天，決定要坐得舒服，食得好一d😊😊下午茶至到6點鐘，已經好少餐廳會去到咁晏，好適合放工較早嘅人，食下午茶嘅價錢，但有晚飯嘅份量🤩🤩🤩我叫左個海南雞飯$68，飲品揀左香茅橙茶。海南雞，無骨，唔怕食食下有碎骨👍🏻雞肉嫩滑，雞皮入口即溶，而且份量都好多，非常抵食😍😍第一次飲橙茶，甜甜的，好好味☺️另外點了地道老鼠粉 $62，雖然寫了微辣，但一d都唔辣，味道香口，配料甚多，有花生，銀魚仔，菜甫，肉碎，生雞蛋等，食落去口感豐富👍🏻👍🏻重頭戲來了，點了一份串燒拼盤 $68，有大蝦，雞肉及魷魚鬚，各兩串，非常好食🤤🤤。大蝦大大隻啖啖肉，魷魚鬚好彈牙，雞肉入味，而且仲包一杯飲品，呢個價錢，簡直係超值！呢間餐廳絕對係值得推介🤩🤩🤩

估唔到將軍澳有間出色的新加坡菜👍🏻👍🏻無意中行過見無食過，就入去試下，仲係下午茶時間。價錢大概$6x左右包一杯飲品。我點了一個海南雞飯，有冬瓜湯附送。$68飲品揀了香茅橙茶，凍飲不用加錢。👍🏻海南雞肉嫩滑，無骨有驚喜👍🏻同行朋友點了老鼠粉，$68，未食過，原來係銀針粉，都幾特別，不過無咩肉。飲品點了香茅荔枝梳打，呢個麻麻地，唔係太好飲。😅😅總括唔錯，環境舒適😊😊回頭率 ⭐️⭐️⭐️⭐️/5

天氣熱到一個點, 真係冇心機煮飯, 出街搵食方便快捷呢間食店係東南亞美食為主, 我今次揀咗海南雞飯,拼白胡椒肉骨茶, 牛油果五色米紙卷, 檳城蝦麵。海南雞飯拼白胡椒肉骨茶湯$118冇骨雞肉嫩滑，香油飯，再沾上三色醬，更增加食慾肉骨茶有淡淡胡椒味.牛油果五色米紙卷$68米紙卷內有牛油果，紫椰菜，青瓜絲，紅蘿蔔等，賣相吸睛。最驚喜加埋底下非常香濃嘅芒果汁，炎炎夏日，一口咬落好醒神檳城蝦麵$86因為友人怕辣，所以揀咗呢款麵食。湯底滲出蝦味，配料也非常豐富，分別有豆卜，大蝦，蛋，豬肉，再加埋麵條和米線,十分滿足.

同朋友堂食過覺得味道正常當然價錢都唔平 百幾蚊一個炒貴刁而媽媽就未食過呢間餐廳就打算喺媽媽生日嗰日外賣6樣野食返去慶祝食生日飯我係17:35喺foodpanda落左order外賣自取顯示係17:58就可以取餐但一直等一直等都話未有我嘅外賣我唔知呢間餐廳點樣prioritize佢地嘅外賣單我見到嘅係6點打後嘅人即場叫嘅外賣單都已經有得拎而我嘅外賣仲係未有我就再搵職員問點解咁耐都仲未有咁有兩位員工就幫我搵緊單嗰啲其中有位職員就同另一職員講：佢係咪落左第二間既order阿？你地餐廳自己出外賣出得慢 比個客追竟然仲質疑返個客係咪落錯order?最後係落order後45分鐘後先拎到啲外賣之後就唔會再食啦！啲員工係覺得我有問題！

新加坡喇沙坑口新港城開咗間新嘅新加坡菜!裝修好有馬來西亞風情！冇得去旅行，真係好懷念新加坡嘅美食！鹹蛋黃雞翼$68聞落去已經好香鹹蛋黃味,一食落去就唔小心嘩！咗出嚟，唔係普通嘅冰鮮雞,係整海南雞翼！有黃油架！好味！新加坡喇沙$82湯底好濃郁，味道唔算太辣，最正係佢個面質！比米線硬少少🤏好有口感街頭雪糕🍦$62有得選擇椰子🥥同榴連味，我係榴連控，毫無懸念！食完雪糕仲可以食埋個椰子殼入邊啲椰肉！#新加坡喇沙#鹹蛋黃雞翼#榴連雪糕#Kaya#將軍澳美食#相機食先#食好西#坑口#馬來西亞風味#為食貓

特登嚟試吓呢間新開張嘅叻沙，攞完飛之後，兜咗個圈好快就入座，呢度嘅環境同埋裝修都舒服乾淨，不過枱與枱之間基本上係冇乜距離，除非你坐卡位。一坐低就即刻點左一碗新加坡叻沙和一杯凍話梅柑桔。等咗幾分鐘，飲品到咗，味道唔錯，料都幾足，慢慢咁飲，諗住一路飲一路等碗叻沙，點知等了又等，落單20分鐘後，問侍應一碗叻沙係咪都要等20分鐘，跟住佢話去睇睇，隔左冇耐就嚟到。一見到碗叻沙，面頭淨係見到豆卜同魚蛋，以為就係咁，冇晒印象分，點知用筷子一夾，原來裏邊仲有蝦、魚條、半隻蛋和幾條通菜芽菜，只不過係湯太多，沉晒底，大兜亂，一上枱時完全冇賣相，做得冇心，不過食落去料係夠，芽菜就偏小細條，魚蛋就冇乜特別，唔爽滑彈牙無鮮魚味，魚條反而OK，蝦就正正常常，都係冇乜特別，米粉係比較偏韌，份量都正常，湯底都係中規中矩，唔夠濃厚，缺乏層次感，相對起兩個禮拜前喺灣仔Rempah食嗰碗就冇得比啦，不過一分錢一分貨，今餐加埋一都係$68，都算係咁，不過真係唔值得要等咁耐，服務又冇乜特別，好機械化，冇好想再返嚟嘅感覺。