咖吔

營業中

休息中

之前見到新開張一直嘗試，都未有機會，今日放假，終於可以試。可能係新裝修嘅關係，就算無窗，都光線充足，感覺好乾淨。而且裝修都幾骨子，打卡都係唔錯嘅選擇。由於今日係公眾假期，等位都要啲時間，我哋一行二人都等咗成20分鐘到。終於入座，嚟到梗係要食喇沙啦，我就揀咗咖喱麵試吓。其實佢啲凍飲同甜點都好吸引，但係由於唔算好肚餓，唯有下次先是試。喇沙同咖喱麵兩個各有特色，兩個湯底都好夠濃，而且份量都好足。喇沙有配原粒鮮青檸，仲有個好似蝦醬嘅醬幾好食。另外，初時以為咖喱麵係就係麵，原來都係摻摻。好彩都唔會煮到咁軟林林，不過啲料就真係少咗啲。整體來講感覺唔錯，有機會再試試佢其他嘢。