咖吔

營業中

休息中

心血來潮很想吃喇沙和海南雞飯，有冇機會一次過滿足晒兩個願望？原來係有㗎，佢咖吔就有啦！佢哋有個套餐係海南雞飯加一細碗喇沙，令到喇沙和海南雞飯fans可以一次過食晒兩種食物。咖吔主打食星加坡菜，一些星加坡嘅特色食物例如肉骨茶、巴東牛肉、咖央多士都有得食。佢哋嘅海南雞飯冇骨，雞啖啖肉，又唔太肥，配三種醬汁，連埋香香嘅油飯一起吃，非常惹味。套餐$108，有齊海南雞飯和喇沙，食完都真係好飽好飽，佢嘅海南雞飯大大份，油飯亦都好大碗。喇沙雖然唔係好大碗，但其實都有平時嘅大約半碗份量，我最鍾意佢嘅喇沙辣辣地，麵條亦都非常彈牙，仲有半隻蛋、魚片、豆卜、蝦等配料，其實份量都唔算細。最緊要係喇沙湯底夠香夠好味。另外我哋叫咗個檳城蝦麵，有兩款麵條，一種似油面，一種有少少似米粉，一齊食都幾得意。配料亦都好夠多，蝦肉係多的，另外仲有蛋、豆卜、豬腩肉和通菜，非常美味。豬腩肉尤其好味，真係估佢唔到。

今晚約咗個好耐冇見嘅中二同學仔敍會，她住係坑口地鐵站附近，她推介去東港城一間新開主打星馬菜嘅餐廳🍴食晚飯🥣餐廳裝修好有熱帶風情，特別要讚店內服務員好熱情又有禮貌👍👍新加坡白胡椒肉骨茶 $82 +雞油香飯 $20星洲版的肉骨茶帶有濃烈胡椒味，不同馬來西亞肉骨茶有藥材濃味，我就鍾意星洲版口味，湯頭好清甜，配搭豬腩排的肉味，格外甜美，再加原粒連皮蒜頭，有提味的作用。配搭油飯同油條一齊食，好滿足🥰🥰香芒大蝦米紙卷 $68輕食米紙卷包住香甜芒果肉，大蝦🍤、青瓜、紅蘿蔔🥕紫棷菜絲，爽脆鮮甜嘅口感，配上芒果醬汁，又健康又好味😋😋馬來街頭棷子雪糕🍦（榴槤味） $62有三種雪糕可以選擇（榴槤、椰子🥥、奶茶🧋）我哋兩個最鍾意榴槤味雪糕🍦，配上花生碎、粟米🌽椰子肉一齊食，真係好似係星加坡街頭食一樣😁😁

呢間既下午茶Set 超抵食 又夠哂惹味 岩哂我星洲香辣炒飯 呢個飯無得輸啊 真係好好食！飯粒炒到好乾身 粒粒分明 食落仲有魷魚🦑 同埋蝦粒 🦐配埋燒雞肉串味道好夾！不過提醒大家真心辣！食唔到咁辣可以叫佢少辣啊烤馬來蔥餅配咖哩 推介必叫小食 蔥餅好脆卜卜 點埋咖哩非常惹味 每次黎都會嗌呢個牛油果五色米紙卷 呢款小食比較清淡 我係鐘意卷入面舊牛油果🥑

Came here twice. Very well-staffed although restaurant is not very big. Quick and professional service. I like that the lunch sets are available on weekends, and come with "premium drinks" (e.g. Lemongrass tea, lychee & mint soda). Hainan chicken rice is good but I recommend the Singapore laksa . Price is very reasonable.

將軍澳區食星馬菜嘅餐廳選擇唔多，嗰日下午茶時段就喺東港城試左呢間啦！新加坡喇沙 $62 (連飲品)喇沙湯頭有豐富嘅香料味道，蝦香亦濃，稠身creamy帶橙黃紅油，椰奶味濃厚所以食落唔會覺得好辣。配料都幾正宗，有齊溏心蛋、蝦、豆腐卜、魚蛋，芽菜通菜等等。呢度嘅喇沙唔係配傳統嘅米粉、油麵或摻摻之類，而係配米線，米線爽口唔易斷，不過幾吸汁好快會索乾啲湯。地道老鼠粉 $62 (連飲品)其實係類似乾炒銀針粉，用特調豉油調味，仲食到豬油渣的油香，味道濃郁。配料都幾多，有溏心蛋、銀魚仔、肉碎、花生，菜甫、蔥花等等，口感豐富，不過我覺得銀針粉稍為腍咗啲。串燒拼盤 $68 (連飲品)呢度嘅串燒拼盤唔似一般嘅全部都係肉類，係有雞肉、大蝦及魷魚鬚，雞肉軟腍，蝦同魷魚鬚就幾彈牙。蘸醬係香濃惹味嘅參巴醬而非一般嘅沙嗲醬，辣味入口溫和，怕辣嘅也可一試。跟餐飲品凍手工拉茶：入口比港式奶茶更加香滑，奶味同茶味比例啱啱好。凍香茅青檸荔枝特飲：係飲到香茅同青檸味道嘅梳打水，冇荔枝味比較淡口。總括而言：餐廳環境舒適不過座位有啲密，食物味道正宗質素唔錯。平日下午茶時段嘅價錢幾抵食，份量亦算ok，將軍澳人想食星馬菜可以一試。

今日午飯時間去左坑口😎，見呢間食新加玻菜嘅餐廳好受歡迎，就同朋友入去試下啦🥳。。新加玻喇沙 $82黎到呢度當然要試下佢地嘅喇沙啦🤪，最重要嘅湯底都好夠濃郁🤩，而且咖哩同椰奶味道都好香濃，夠曬惹味🤤。。新加坡白胡椒肉骨茶(配:雞油香飯 ) $92另一樣要試嘅就係肉骨茶啦😍，個湯底好足料，肉都有好多件😛，仲有成個蒜頭更加香😂。不過我最鍾意都係佢個胡椒味好出😝，而且仲附送兩條炸得好香嘅油炸鬼添🙈。。飲品: 香茅青檸荔枝梳打 + 馬來拉茶(凍) (跟餐)呢度嘅午市套餐仲會附送飲品🔥，特別鍾意佢嘅拉茶😚，茶香味夠曬濃郁，而且荔枝梳打都好有特色❤️。

本身是因為沒有試過，打算在母親節這天試試。但真的沒想到這裡服務這麼有問題，一去到職員明明沒有忙碌，我喚了他三次才回應我，並且一直處於不想理睬的態度，而且沒有認真替我查找。我乾等了十分鐘依然等不到我的外賣，期間亦有追問，但仍沒有想幫我跟進，後來再三追問才開始跟進，卻發現原來我的外賣早已放在收銀處，卻草草了事說同事打錯了不好意思，完全沒有誠意的道歉，真的是沒有最差只有更差。這是我第一次也是最後一次光顧。

✨中女獨食難肥日誌 ✨咖吔 kaya 中女食將軍澳東港城又有新餐廳，是南洋風味的新加坡菜！雖然有旅遊氣泡，不過短期內去到新加坡機會仍然好微🙈吃個喇沙或者可止止癮！坐下店員即送上放口罩紙袋及消毒濕紙巾，乾淨衛生👍🏼新加坡喇沙 $82餐牌幾多選擇，花多眼亂，但一人晚餐還是簡單好！點了個新加坡喇沙，湯底有椰奶香濃！配料好足，有蝦、魚蛋、豆卜、雞蛋！雞蛋竟然半生熟流心，幾好食！米線底煙韌，亦好滑，口感不錯！最怕麵食發脹軟爛..醬料有青檸及辣椒醬，吃到一半加入，解膩不少！馬來拉茶 $28拉茶茶味不錯，但偏甜，怕甜的記得少甜！埋單時向店員反映偏甜，竟然表示可以再沖一杯少甜給我帶走！好窩心的服務❤️新開張期間願意聆聽客人聲音，令我覺得這店很有人情味！可以再來！

宜家先知道原來將軍澳開咗一間咁高質嘅星馬菜餐廳，而且價錢超級平，一嚟到門口已經排滿晒人，人氣勁高，好彩我哋早嚟🤣你都見到餐單嘢食種類勁多元化！好似去咗新加坡旅行咁樣，而且嘢食質素勁高，同佢新加坡食到嘅味道完全一樣，估唔到唔使去旅行都可以食到星馬菜式，超級正😍我哋叫咗一個新加坡喇沙10粒星推介！喇沙唔會好辣，而且湯底好香濃，加上面嘅材料都勁豐富，店主一啲都唔吝嗇，落咗勁多料🤩 加上麵條好彈牙檳城蝦面又係另一樣超級高質之選，飽肚又大碟，味道啱啱好，口感十足牛油果五色米子卷超級特別嘅一樣菜式！啱晒各位鍾意牛油果嘅你哋，米子卷皮薄餡靚，食過返尋味💕凍手工奶茶香茅青檸荔枝梳打另外仲叫咗兩杯嘢飲，特別推介嘅係手工奶茶，味道好特別，同去星加坡飲到嘅味道一樣！

尋日偶然經過坑口正猶豫緊食咩好，經過見到呢間個餐牌好似幾吸引價錢仲幾抵～於是就入去試吓啦～天氣有啲熱又唔想食太飽，所以叫咗個牛油五色米紙卷$56未加一～米紙卷有牛油果、紫椰菜、青瓜絲同蘿蔔絲組成，加埋底下好濃郁嘅芒果汁，非常清新～跟餐叫咗杯香茅橙茶，好香橙味不過略嫌香茅味不足⋯但以呢個價錢喺東港城食到一個質素不錯嘅下午茶真係好抵～值得一提佢嘅下午茶仲有喇沙麵、蝦麵等⋯可以5點幾嚟食個early dinner都得～餐牌上都好多嘢食好吸引，值得再嚟食～

好耐冇黎坑口東港城，估唔到呢度大翻身之後好多新嘅食店，呢間望入去裝修好靚，好吸引呢，見到下午茶餐好多選擇，就入去試吓先。新加坡喇沙喇沙湯底做得唔錯，有魚湯嘅味道，亦都有重重香料或辣味，最好就係唔會太辣，應該一般人都會食到。入邊材料豐富，有豆卜、魚蛋、魚片、下午茶餐來講都算大碗同吸引。串燒拼盤拼盤嘅擺盤做得好靚，而且種類估唔到有幾多，有牛豬雞肉、仲有蝦呢！都係令人幾驚喜嘅配搭，同埋呢度嘅餐具好靚，好有東南亞風味特色。大蝦青木瓜沙律好新鮮嘅青木瓜，果汁調得都好好味，令人好Fresh。 馬來西亞🇲🇾奶茶奶茶好有茶味，走甜比較好飲，因為茶味比較突出，普通嘅奶茶就味道偏甜，同港式嘅奶茶都幾唔同。我會建議走甜。

下午茶時間，唔使等位，正！下午茶黎講大大份又抵食，同daddy食好西，嗌多份餐一啲都唔過分！✨串燒拼盤（雞肉、大蝦、魷魚鬚）一上枱已經覺得好吸引，雞肉、大蝦、魷魚各兩串超抵食，重香茅味，加埋個沙爹汁，喂呀！停唔到口！✨烤馬來蔥餅 配 咖哩蔥餅又香又鬆化，咖哩好夠惹味，唔會太辣，同蔥餅簡直係天作之合！✨馬拉炒貴刁炒貴叼水準不錯，但粗河粉中混入幾條油麵，口感怪怪的；好足料：有新加坡臘腸、魷魚、仲有蝦添，微甜微辣。✨馬來拉茶爸誇張道：「嘩！未飲過咁好味嘅拉茶」✨南洋咖啡香滑味濃，也很不錯！但比拉茶遜色。

今日收工同朋友試下呢間馬拉菜嘅「kaya咖吔」，餐廳擺設同佈置有特色，套餐份量適合二人享用餐單有好多種選擇，而我試下娘惹烤豬五花腩，每件五花腩厚切，肥瘦均勻，帶有少少燶邊，充滿油脂口感，配上雜菜作點綴，份量大，價錢已經超值。海南雞飯套餐大家聽得多，之後嚟嘅就係重頭戲海南雞飯喇沙，同其他舖頭唔同，除咗海南雞飯之外佢仲有一碗喇沙，齋睇份量比起餐廳多好多，海南雞肉質爽同嫩，雞皮同雞肉之間有層啫喱，充滿雞味，油飯非常香，配合醬油啱啱好。喇沙足料，喇沙湯底不會渴喉，呢個套餐可以做到海南雞及喇沙一舉兩得。最後叫咗個咖吔牛油多士作甜品，熱辣辣麵包烘底，夾住牛油放落口即溶解。整體成個套餐可以食到咁多款食物，加上環境舒適座位之間保持距離，店員服務好，整體感覺舒適享受，值得推介。

之前疫情關係試過外賣返屋企，味道好正已經想再嘗試。結果今日得閒，去咗將軍澳分店堂食熱辣辣果然一流。我哋叫咗老鼠粉、叻沙麵、牛油果米子卷同咖喱薄餅，全部水準都非常高，絕對會再嚟。重點推介老鼠咩，雖然賣相麻麻地，但係材料齊全，味道剛剛好，如果要挑剔，可能係多咗少少油，但係絕對值得一試。其次係咖喱薄餅，本人極為鍾意食薄餅，薄餅十分香脆，咖喱汁調教得相當唔錯。其次，店員服務質素一流，溫柔對待以禮待客，今次真係大滿足，絕對推介各位嘗試。

今次喺坑口東港城見到有間餐廳叫【咖吔】，知道係食東南亞嘢就走去試下。座位都好多而且好有南洋氣息。今次叫咗星加坡喇沙，入邊有大蝦、豬肉丸、豆卜、溫泉蛋同埋雜菜，樣樣都係傳統南洋喇沙材料，最緊要個湯底係好啱香港人口味，既有辣但又唔會太多，麵底加埋芽菜一齊食好有feel。另外叫咗海南雞飯，隻雞完全唔肥，我連皮都食埋，雞肉就絕對幼嫩，點埋三種唔同嘅醬料，分別係蒜蓉、辣汁同埋甜豉油，再加埋個油飯。最後食埋咖央多士，咖央同牛油都夠哂香滑，今餐食到好滿足。