和順記 (碧街)

營業中

休息中

聽同事講左呢間小店好耐，但一直未有機會去試，難得今日放假，又約到隻腳陪我，當然要把握機會！小店真的不大，只有5、6張枱，但幸好距離地鐵站不算遠，一出行到街尾就是了。小店黎講，餐牌算好豐富，不過這裏是炸雞脾出色，我當然點了生炸雞脾，朋友點點了滷水雞脾，各自都係配凍奶茶！雞脾製作需時，因為係即炸關係，但一定不會令你失望！雖然不是沒有食過炸脾，但呢度隻炸脾完全唔乾，佢啲皮就唔係炸得脆身嗰種，但反而對我呢啲唔食皮嘅人就啱晒！因為炸得唔乾入面啲肉仍然嫩滑！加上預先醃過，所以肉味道好夠，配的太陽蛋亦好靚！飯份量不算多，但因為係用甜豉油，所以呢個簡單配搭都好好食！黎食嘅人真係無停過，所以廚房入面幾個姐姐未停過，呢隻巨雞脾飯加埋凍飲$50蚊都唔使，真係性會比高呀！多謝同事的好推介！！

食左和順記兩年 今次先的起心肝為佢寫食評和順記係碧街幾火紅既飯店每到午膳時間都會有班工友同學生黎食飯佢最出名係生炸脾同埋龍躉飯不過我最愛係麻辣雞扒飯同埋避風塘雞扒飯今次先介紹麻辣雞扒飯 ($48 凍飲)因為黎親幫襯都係工友所以佢份量係好足夠另外本身雞扒係好夠味 我係要佢飯走豉油值得一讚係雞扒會走油但係肉質都仍然係鮮嫩雞扒醃得好入味配上麻辣汁 味道係一流講反和順記 點解話佢係暗黃我都幫襯左兩年 以前佢係播TVB反修例之後係播NOW 同埋只貼民主派文宣同老闆傾過計 佢係撐手足的

之前上網見到好多人推介呢間既炸雞脾飯，每日限量發售，而且係即叫即炸，非常吸引。早排經開油麻地，忍唔住要去試了！個鋪位係幾隱世，成條街得佢一間餐廳，而且鋪位算細，座位不多，今日因爲早去既關係，唔需要等位。到12點，已經好多人排隊。食物方面亦係十分有質素！生炸雞脾王煎蛋飯 ($46)推介指數：9/10雞脾即叫即炸，等左10分鍾先有得食。第一啖放入口，熱辣辣，而且外皮極脆，即叫即炸真係好唔同！雞脾亦非常大件，啖啖肉，好抵食！不過我個人覺得個豉油汁唔夠味，令到配飯有小小失色。如果就咁計個炸雞脾，我絕對會俾佢10分！除左食物正，老闆都有好禮貌，會問客人覺得食物如何。睇黎老闆都係一個會用心了解客人要求的人，欣賞！

淨係睇餐牌都覺得好吸引！必叫招牌生炸雞脾煎蛋飯同瑞士汁雞脾煎蛋飯！雞脾超大超有份量炸脾皮好脆好香，瑞士三汁雞脾夠入味，夠腍，好好送飯外賣d飯俾左好多，食唔曬😂下次試下沙爹汁烏冬，應該都正。服務員都幾nice, 呢間值得一試！

話說朋友介紹我到油麻地附近食好嘢， 於是就嚟到和順記。 我自問不算細食， 而我朋友比我更大食。 我哋叫咗兩個炸髀飯， 加一碟豬手。 飽到一個地步令我諗起第三世界都於心有愧， 最後真係食唔曬。所以奉勸各位女士， 如果你唔係做紮鐵的 你都要有啲心理準備面對呢個龐大分量的考驗。 你可以話， 呢啲嘢關我咩事喎！我食幾啖食唔曬咪算囉! 但係阿女， 做人唔係咁㗎。 農夫係好用心機種米， 隻雞又好用心機成長， 到個廚師又用心機煮。 去到你個口你偏偏唔用心機食， 係浪費咗好多人嘅心機。如果你身邊有朋友唔識得珍惜香港嘅富裕資源， 我建議你哋去啲落後國家住一排， 返到嚟香港包你成個人唔同曬。所以如果你係一個細食的小女人又想 試下龐大炸雞扒嘅威力， 你哋可以幾個女人仔食一隻雞髀， 又或者自備一個外賣盒，將食淨嘅拎走。 係咪一舉多得又為己為人呢？後記炸肶大到好似t骨扒， 鋸下鋸下真係好爽。 個飯仲有隻蛋，加一些蔬菜， 營養及味道都很豐富。

呢間茶仔就係我屋企附近，不過開嘅時間唔長，所以唔係成日食到，得星期六或者放大假先食。佢個炸雞髀就係招牌黎嘅，個髀就用果汁醃過嘅，所以會有好微嘅甜味，至於個雞髀都唔算太鹹，已經好夠味。皮就好脆口，加上雞肉都好滑，有彈性，好好食。薯條就粗薯條，當然好食啦。呢個就係兄弟醬豬手，其實唔知乜醬黎，不過都係啲中式醬料味，唔太鹹。豬手處理好好，今次完全無毛，好細心。個豬手就炆得好林滑，個皮就已經好林，撈飯一流。滷水雞扒，呢個就滷水煮嘅雞扒，類似油髀做法。啲肉都算彈口，個汁唔太鹹。環境就無咖喇，但街坊鋪夠親民咁，好中意去。

本期新竉經常會想試的餐廳，今日點了一份滑蛋松露飯，配日式芥末牛柳，滑蛋都算滑溜帶霸氣黑松露味，可惜飯不夠熱有點失色，日式芥末牛柳味道較甜口，芥末醬不平均有改進空間。不過整體都算不錯！👍

係附近返工，我每個禮拜都會去食一次。成日都排曬隊，但係又好快有位～瑞士雞髀超大份（良心老細！），又滑又入味；豬排好淋，一d都唔乾；避風塘炒起更加不得了！！！ 但係會有d油，所以怕油的可以叫佢分碟上！值得一試，會上癮㗎🤪🤪今日老闆推薦麻婆豆腐，好正...... 同外面食開個d唔同，係乾身的，但都係好香。值得推薦！！ 同行同事食撈丁，老細又介紹有一樽佢哋鋪頭自己秘製嘅調味粉，我地覺得有啲似薯片嘅味粉，又係會上癮的😂😂

香港地少人多，人工舖租是開店最大成本，所以大部份本地創作的，坐位都是比較細空間較狹小，不過只要是用心製作的，坐位對我來說就不再是問題！這天中午在油麻地一間小店食了一頓豐富美味的午餐，非常滿足！🥢花旗參椰子雞髀湯飯真材實料香濃味美，每一匙都滋味十足，老闆說是用壓力煲熬了四小時相等於明火八小時，難怪如此出味，老火靚湯我喜歡！👍🥢兄弟醬炆豬手飯 $45兄弟醬不知是什麼混出來的醬，就是味濃肉滑滿口骨膠原，越食越滋味！👏跟餐還有一杯飲品，價錢超值。

油麻地碧街的午餐✋🏻✋🏻其實有好多選擇，豬🐷牛🐮雞🐥配搭上瑞士汁、避風塘、麻辣，簡直可以一個月食吾同款式🤪遠近馳名嘅瑞士汁雞髀飯配上半熟流心荷包蛋，大過女仔嘅手掌，啖啖肉🤤正👍🏻👍🏻

機緣巧合下係openrice搵到呢間和順記隱世雞脾皇，見到第一眼諗起元朗果隻雞脾，但原來呢間先係始祖，一問之下原來已經開舖有三年。我竟然今時今日先發現到佢不過都難怪，舖頭出奇地完全無做任何推廣，主要都係做熟客生意選擇非常豐富，亦夠創新，如果我係附近住或者工作，應該日日黎食都唔厭！除左雞脾，老闆都推介豬扒、麻辣口味！另外亦有豬手飯、連龍躉都有得揀，真係好多元化價錢好平民抵食，大大隻雞脾配煎蛋飯連凍飲先$48，超經濟！我地點左一款炸脾一款瑞士汁雞脾，兩款都超大隻瑞士汁雞脾望落以為會鞋，點知又出奇地嫩滑，而且入味炸脾亦十分出色，一d都唔乾，絕對稱得上皮脆肉嫩老闆重介紹我地食梨，大大粒先$16整體非常滿意，食物高水準，價錢經濟，服務好

之後幫襯過食品可以的，但店舖太窄，環境衛生差，所以今次試外賣中午1:40下單，一個炸肶飯，店員話等5分鐘左右，一直等到2:05有店員出來門口大叫（有無人轉滷肶）我就問炸肶仲要等幾耐佢竟然話無晒炸肶，而家炸要等20分鐘我即刻問點解當時落單唔講店員還說我免費送麻辣汁比你唔收錢，我話唔使我唔需要你送野，佢再話送多杯嘢飲,之後我話唔需要立即幫我轉滷水雞髀飯但再過10分鐘依然等唔到滷水雞髀飯真係都幾嬲，點解午飯時間要咁樣浪費左我45分鐘最後同店員講退錢，這店舖很細，店員不珍惜客人當我說要退錢，店員立刻比錢我，打發我快d走咁既態度

話說呢間食炸脾既小店bookmark左好耐終於有機會過到黎試小店既位置比較唔顯眼係外面睇你唔會知道裡面埋藏著驚人既美食而且店面好細只有8-9張小枱黎到呢度梗係食佢既雞脾雖然冇叫到炸脾但佢既瑞士雞脾一啲都唔輸蝕！個雞脾大到好似食緊半邊雞咁已經佔左大半隻碟淨係食個脾都飽！雖然佢叫瑞士汁但其實佢係滷水汁冇左陣甜味似係鹹啲既豉油汁咁隻雞脾醃得好入味肉質仍然保持嫩滑同juicy 真心正加埋隻煎到金黃既太陽蛋撈飯蛋汁加埋雞脾 點忍呀！下次試試佢炸脾先

生炸雞髀薯條🍗$35 下午茶連熱飲☕果然名不虛傳😎估唔到原來響九龍市區都有大炸髀食完全拍得住元朗覓食家😝雞髀真係大大隻😋新鮮即炸🙈皮脆肉嫩👍相比之下薯條就真係一般般🍟整體的確幾抵食

星期六下午百忙中抽到時間去碧街吃龍蠆飯49元一個升級果皮蒸龍蠆飯送熱飲個必須的是舊舊龍蠆都擁有厚皮環抱普通魚的話：愈多魚肉愈好龍蠆的話愈多皮先值錢和順呢度：每件魚塊只有少許肉但大大舊龍蠆皮直接食到@漏一杯濃濃奶茶都幫唔到消化但係抵飲主要因為：所有魚件塊塊都係頭腩和多魚皮的位置老闆實在令人擔憂：其實放些肉落去蒸可能更為客接受特別是細路仔唔識啜咁多呢啲骨但基本上我都係魚殺手好料一於有殺錯無放過小朋友可以食炸雞脾好香好大隻但自認食家的在下卻不能辜負店主咁蝕底俾晒d 好魚腩位 我地食而且仲勁多陳皮