和順記 (碧街)

營業中

休息中

話說朋友介紹我到油麻地附近食好嘢， 於是就嚟到和順記。 我自問不算細食， 而我朋友比我更大食。 我哋叫咗兩個炸髀飯， 加一碟豬手。 飽到一個地步令我諗起第三世界都於心有愧， 最後真係食唔曬。所以奉勸各位女士， 如果你唔係做紮鐵的 你都要有啲心理準備面對呢個龐大分量的考驗。 你可以話， 呢啲嘢關我咩事喎！我食幾啖食唔曬咪算囉! 但係阿女， 做人唔係咁㗎。 農夫係好用心機種米， 隻雞又好用心機成長， 到個廚師又用心機煮。 去到你個口你偏偏唔用心機食， 係浪費咗好多人嘅心機。如果你身邊有朋友唔識得珍惜香港嘅富裕資源， 我建議你哋去啲落後國家住一排， 返到嚟香港包你成個人唔同曬。所以如果你係一個細食的小女人又想 試下龐大炸雞扒嘅威力， 你哋可以幾個女人仔食一隻雞髀， 又或者自備一個外賣盒，將食淨嘅拎走。 係咪一舉多得又為己為人呢？後記炸肶大到好似t骨扒， 鋸下鋸下真係好爽。 個飯仲有隻蛋，加一些蔬菜， 營養及味道都很豐富。