和順記 (碧街)

營業中

休息中

雖然食過幾次以上，不過今次先第一次寫翻食評地方雖然細，不過食物有水準！不過就唔係經常食到。。因為太坐滿人我又費事等！佢地ge炸雞肶真係又大又好食！百吃不厭！仲有個豬扒飯都正！經過一定要試吓！雞肶大，又脆又夠味！好食過大家X果d當然如果要同大埔有名又係賣雞肶的店比。。我都覺得各有千秋價錢仲平d

近排上網揾下有咩地方食好食嘅港式漢堡包同炸雞肶, 無意中係youtube 果籽介紹呢間和順記有我鐘意嘅龍躉同大大隻炸肶食, 前幾日去開油麻地就行多幾步去試下,我果日5點多去,龍躉賣哂試唔到,唯有試炸肶食下,叫咗個炸肶辛辣麵加凍奶茶,等咗一陣間杯茶到先,普普通通, 之後炸肶到咗麵未到,趁熱食,隻雞肶真係幾大隻, 炸到陣皮剛好脆脆地,而啲雞肉又滑又林,冇炸到乾又硬,啲味道調得幾好味又唔會大濃, 唔同普通茶記, 好耐冇食過咁滿足嘅炸雞肶, 之後啲麵到反而仲爭少少未完全林哂, 不過主打雞肶彌補返哂, 值得一試

小編友人推薦系列：佢中午去咗油麻地依間餐廳食飯，間舖頭坐嘅位置💺唔多，但佢地D野都幾出色唔係講經🌝。 佢地嘅生炸雞髀🍗真係好大份，擺上檯面之後眼球👀都突埋，差D跌落地下要汁翻❤️ 唔講以為隻雞未劏之前，成日去健身室操腳。巨型到可以做武器🔧 依個雞髀入面醃得好入味😇，甚至覺得調味料帶出本身肉質既鮮甜，可以話外酥嫩👏🏻 順帶一提，依個餐份量真係好足 價錢只係42蚊，超級推薦卑油麻地返工一帶既朋友或經過附近又肚餓真係可以試下☺️

今日黎到油麻地和順記食下午茶，地點有d隔洩，周圍好多地盤，店頭好細細，放埋張枱比客係出面食，但有位既建議大家都係入返舖食，因為出面都幾嘈幾大塵黎到叫個炸脾薯條，炸脾大大隻，比起三多脾魔呢d出名既店仲大，食落都唔算乾，幾juicy，最差既係雞脾既味道，雞無雞味，又腌得唔夠，如果含埋眼食，真係唔知自己係食緊雞脾lor今次無試佢個紅豆冰，睇餐牌見到都幾細杯下，又多奶，只係點左個凍檸茶，正正常常無咩特別喇如果去開油麻地行街，可以一試既

終於食到朋友口中所講既特大炸雞脾，真的無吹虛，隻雞脾大個塊面，而且外脆內嫩，食落好juicy，隻煎蛋仲要係我最愛既流心蛋黃，配飯一流。朋友一早告誡我這碟炸脾飯比較大碟，所以係落order時都同伙記講聲少飯，為免做成浪費！店舖雖小，但人流亦不絕，而且店舖職員很重視顧客意見，亦會主動問有什麼改善地方，可看出小店熱誠努力，值得再次光顧！

食完之後上黎OPENRICE SEARCH先發現原來都有人彈緊呢間野,服務態度唔好,見到員工掂完錢又再掂野食,好唔衛生,個日食完之後就肚屙,以後都唔會再食,好少寫評語,希望大家唔好中伏呀

看到果籽的報到後，對其$45 龍躉頭鮫飯和$42 雞脾王煎蛋飯很有興趣，就約友人一起去嘗嘗。從網上資料說店內有部分餐點下午就會售完，而且店面小，為了慢慢吃舒適坐，就選了12點左右的時間進餐了。時間反映一切，理所當然地當日不用等位，選坐店內的角落後，就點了龍躉頭鮫飯、瑞士汁（滷水）雞脾王煎蛋飯及飲品。上菜時間很快，雞脾很大塊(店員亦很爽快地將雞脾斬件)，肉汁豐富又嫩滑，完全不會浪費了食材的特質（之前有吃過其他店三十幾蚊的雞脾薯條，竟將雞脾整到又韌又嚡，超浪費食材、吃的時間及金錢），而煎蛋是我最愛的半熟蛋黃（不愛吃全熟的蛋黃，最多壓碎配飯吃）。然後就是龍躉，飯餸分開上，白飯不怕沾上過多豉油，魚肉彈口鮮甜配少少豉油就可以配飯吃。但有一樣女士食客要留意，由於碟頭飯的特色是飯多（超有誠意的多），建議主動要求少飯或其中一碟少飯（最後兩碟都有剩飯，罪過罪過）。吃的時候，店員會過來吹吹水(街坊般親切)，而我們就坐到學生們的放飯時間就買單嚕。整體而言，感覺良好，四十幾蚊有龍躉吃（有埋魚身，魚腹揀就好了貪心貪心），吃到好吃的完全不枉此行。下次會去試試傳說中的韓汁炸脾。

巴蜀生炸雞脾王煎蛋飯($42)-特登黎食佢個炸脾，果然冇失望啊下，大過塊面喎，而且上枱超熱，個皮炸到脆卜卜但唔會好油🤤，食落仲好juicy，配埋白飯同煎蛋既蛋汁，正啊！-飯量唔算好多，男仔可能要叫多飯，不過女仔食雞脾都夠飽😏，因為真係超大隻哦。唯一失策既係唔記得要太陽蛋🤯，如果唔係仲靚仔。-再加多個小提示比大家，如果兩個人去食，唔好，唔好，唔好叫牛排飯，如果唔係你會望住你朋友仔既炸雞脾葡萄死🤯。

我說過，會再來的。今天一樣到上海街當買手，十點多早餐未食，有點想和順記，就來個早餐吧。坐下來發現多了不是午餐，看來都是誠意之作，可惜留待下次了。肚子不餓，點了個豬扒包。現點現做，需時十分，不過份。先上餐飲茶走，茶味夠，茶身厚，茶香四溢，很好。坊間茶走甜奶沉底，要自己拌勻，這裡就早已拌好才上桌。豬扒包也是誠意之作，沒有因為忙轉午市而求其，豬扒熱辣，蕃茄新鮮，美式漢堡芝士，自家調的千島醬，酸瓜碎，即炒滑蛋，32元，老實說是滿足了。唯一挑剔是豬扒醃得太過，沒有口感。有沒有心的店，食客是知道的。

老實說，我是慕名而來的。早上有點事情，要到上海街辦點貨。和順記的名號從報導得知，在附近。早兩月前曾試過前往，奈何客多位少，過門不入。今天完事才十一點不到，還未到午餐時間，就步行前往。到達才十一點零幾分，說實話沒有報章介紹得如此難找神秘，電子化把世界的距離都拉近了。從報導上得知店主叫豪哥，就在店中和客人吹水，我一入門告知我早餐已沒有了，我說明來意，想吃的是飯。送上餐單，心裏早有底，吃的是炸雞脾煎蛋飯，瑞士汁，凍奶茶茶走。餐是點了，眼還是貪婪地瀏覽餐單，整體而言不是豐富的，但精在於此，做量不如做質，小店之道。先上餐飲，茶味不錯的奶茶，茶走的煉奶正好帶出茶味，很好。不到十分鐘，飯就上了。先說瑞士汁，質地有點稀，不夠濃，味道帶甜，有心思煮過。但是瑞士汁配飯應該要掛匙一點，才不會令飯變得太濕，煮汁的時候可以點雜菜同煮，令味道更豐富，將近成事再加老抽或珠油。再說雞脾，用的是美國上等貨，質量沒話可說，生炸沒有撲上多餘的粉，因此炸得不好高下立見，但這個雞髀，剛剛好，肉質嫩滑，外皮香脆，沒有上粉的問題就是稍一過火則變乾鞋，果然很好。調味也足， 只是肉最深的位置還是有點雪味，醃的時候可能要加長。煎蛋是太陽

見網上有人推介就試下本身專程去油麻地試見食評網都係推介雞髀就試雞髀點知中伏間野好唔衛生本身叫了一個雞髀,同個避風塘豬扒飯隻雞髀 放外賣盒時個店員竟然直接用手去拿隻雞髀佢隻手又摸過垃圾,又摸過錢,然後去拿隻雞髀...污糟到極我叫佢再加熱一下隻雞髀點知同我煎2-3秒就算數而且個店員用手拿雞髀個位都無加熱到叫佢煎一下個雞髀尾部,點知就煎個雞髀頭部完全無聽客人講野服務態度極差又污糟,服務又差店員連最基本的衛生常識都無講返味道普通都極雞髀連薯餅隻雞髀味道只係一般,但要成$31薯餅要加錢先有,但件薯餅係爛的而且外賣返到屋企發現件薯餅基本上係變了糊仔咁件薯餅爛溶溶,又碎又爛,完全唔食得5分滿分雞髀 味道:3薯餅 味道:0完全唔食得避風塘豬扒飯似薯片定即食麵味道豬扒差個飯重有d甜味的汁,同豬扒味道完全唔夾飯都差避風塘豬扒飯 味道:2整體評分衛生:負分環境:3抵食度:3味道:2服務:1

星期六放半日去搵好野食，緊係要去食啲平時少接觸到既「超大」炸脾飯！之前每個星期都會係大圍屋企樓下食炸雞脾燴意，但當商場重整，店舖都送舊迎新，舊式快餐店已逝去。所以好希望搵返舊日回憶，星期六晏晝都唔小人，行遲一步都要等位，其實除左脾飯，仲有好多選擇的。不過我緊係無忘初衷，炸脾為目標，但炸脾只可以配飯，令我有點失落。當炸脾黎到我面前時，我對眼發左光，真係好大隻，外表望落去已經好脆口，一切落去仲有肉汁流出黎！估唔到外面炸但咁乾身但裡面仲keep 到嫩滑多汁，每次行過都抵擋不了❤️❤️❤️❤️

這是一間不起眼的小店，位在油麻地。如果不是看了報章的介紹，根本不知道那麼可口的飯頭菜小店竟然是遺漏之珠。店面很小，大概祇有八張桌子。食物種類雖然不多，但每一道佳餚都是廚房的用心之作。服務人員是熱情的 oppa，廚房則是鐵娘子。我兩次光顧都點炸雞腿蛋飯。白飯淋上瑞士汁，簡直讓人欲罷不能。如果喜歡瑞士汁還可以跟帥哥 oppa 講一聲，讓他為你添。一盤炸雞腿飯叫價$42，還包括一杯熱飲。這裡是我目前吃過最好吃的炸雞腿，本人大力推薦。

從來冇試過係快餐店，茶記食過咁好味嘅炸脾外皮脆，內面充滿肉汁，調味剛剛好，完全唔須要再加淮鹽仲有隻雞脾大過我塊面，超興奮好味到冇朋友，下次我會再食，仲要試豬扒雖然舖頭細細，仍然坐得舒服，不錯！

說這間小店"隱世"，說實在是不太對，位置上這兒絕對不難找。不過她著實是亳不起眼到極點，一不小心便很容易就走過了頭，錯過了這裡的出品了....正所謂 "有麝自然香"，如斯不起眼的小舖，還未到午飯高峰時候便要在門外輪隊就坐....小店內就只有四至五張桌子，連擺在店外冷巷的那一張，如此之狀態，怪不得是一位難求了....喵一喵食客點甚麼，差不多全部人都叫她的炸肶蛋飯以及豉汁蒸龍䠢頭鮫。一個人當然啃不下兩碟，所以就只點了前者....點後等不用五分鐘飯就上檯。乖乖不得了，這件炸肶的size是小弟多年揾食生涯中遇到最大最巨的一隻。其件頭是誇張到將底下的材料 (包括蛋、菜及飯)全然遮擋著。若單論抵食程度來講，這絕對是無敵的....儘管它不是即叫即炸即上桌的 (不然那會這麼快就有得食?)，但皮在這狀態下仍是留有微脆；如斯大只的雞肶肉，要炸熟它倒不是件易事....當小弟咬開它時，整體上肉是帶微微粉紅。肉質是嫩的但肉汁卻沒如料想中的澎湃....白米飯配合上自家調製的瑞士汁及流晒黃的煎蛋，一口飯加上一口肉，想起來每碟連一杯飲品 (今天小弟喝的是凍啡)，竟只花費四十多塊錢就可換來，也就難怪這裡是如此的旺場了..