和順記 (碧街)

營業中

休息中

呢間茶仔就係我屋企附近，不過開嘅時間唔長，所以唔係成日食到，得星期六或者放大假先食。佢個炸雞髀就係招牌黎嘅，個髀就用果汁醃過嘅，所以會有好微嘅甜味，至於個雞髀都唔算太鹹，已經好夠味。皮就好脆口，加上雞肉都好滑，有彈性，好好食。薯條就粗薯條，當然好食啦。呢個就係兄弟醬豬手，其實唔知乜醬黎，不過都係啲中式醬料味，唔太鹹。豬手處理好好，今次完全無毛，好細心。個豬手就炆得好林滑，個皮就已經好林，撈飯一流。滷水雞扒，呢個就滷水煮嘅雞扒，類似油髀做法。啲肉都算彈口，個汁唔太鹹。環境就無咖喇，但街坊鋪夠親民咁，好中意去。