呼吸星球

營業中

休息中

自從屯馬線開通左，土瓜灣對元朗國子民黎講好似新市鎮咁😂其實bookmark左依間餐廳好耐但因為地點問題就一直袋住先，終於有機會啦。環境黎講真係令人好想影相，因為成間cafe都擺咗好多復古物品，由於前身係舊式冰室，依家cafe保留左原有既冰室卡位、牆磚、花窗、招牌和吊扇，成個氣氛都好正佢哋主打食和牛，叫左個柚子清湯石垣和牛小燉肉定食，係類似關東煮既菜式。因為係柚子清湯所以味道淡淡地，如果可以再濃味小小就perfect。賣相就靚靚但味道唔算好出色啦，反而個飯幾好食喎煙煙韌韌又有飯味，平時唔太好飯既廢中都食左半杯一句講哂，黎貨金打下卡就算啦

話說早前 做野出完visit行到有啲攰 去左呢間店到呼吸下本來只係睇睇後來還是敵不過咖啡店的氛圍 不論是裝潢定音樂叫左杯小星球同開心果雪糕果然小星球既奶味同比例唔出 又有分層 很特別而開心果雪糕就…好淡味 加左熱浪薯片又有點搞鬼🤪有nuts 又好邪惡👿 夠晒 crunchy入左呢個cafe會好似去左另一個時空咁絕佳既放空地之選加埋旁邊馬路貨櫃車經過 有種地陣既感覺 更加覺得自己去左日本 So chill but 啲野食野飲真係比較貴

感覺是隱世餐廳交通不算方便聽聞d日本和牛好好味所以專誠去拜訪餐廳內裝修特別懷舊的設計加很多特別裝飾品不過令空間感少了d好欣賞佢獨特設計的餐牌少有地用了好用心的手繪圖老闆亦很有禮招待而且會介紹食品的特色讓客人更加清楚,易於選擇熱的抹茶鮮奶抹茶夠香奶夠滑可惜溫度略嫌不夠熱另外要了一個定食日本和牛飯我揀了半肥瘦的和牛，冇醬汁，只用沖繩海鹽.好香又嫩.有牛味!喜歡佢可以比客人揀大碗或細碗飯，不會浪費咁多飯.配菜有好味的南瓜較爽脆的栗子再有碗不會太鹹的味噌湯.都幾滿足!

點咗朋友話一試難忘嘅飮品🍫橙酒特調朱古力🍹無錯真係好好飲好舒暢橙酒味融合埋香濃朱古力入面唔會太甘苦又唔會太甜係Jacob香橙朱古力的童年回憶💕總之一般人飲都一定會愛上！叫咗兩個甜品🍨小鬆餅配手作雪糕每一間鬆餅其實都有唔同風格Butterfly Room就乾身啲Bakehouse就似麵包Gontran Cherrier 就比較香脆呢度就似grandma Scone 嗰款圓拱餅碎碎的牛油味香濃配搭雪糕極級邪惡雪糕味道自家製有風味不過份量少三個人食一兩啖就無了頂住舖癮🫐🍓雜莓果伴自家手作雪糕配麻糬窩夫🧇啲手作雪糕好粗糙我鍾意呢個質感反而太幼滑嘅雪糕會覺得好假同埋加工窩夫新鮮即製熱辣辣唔會太甜配搭埋個雪糕食一冷一熱一酸一甜香脆得來又煙韌成個味道好複雜好豐富

一向知道翔龍灣旁有間復古餐廳，星期六lunch終於有機會一試！打開門已經被餐館的精緻佈局所吸引，而且充斥著濃郁的牛肉香氣。翻開餐牌後才知道原來這裡全部都是吃牛，價錢由$200起，相對區內消費偏貴。不過看見餐牌上每項菜式仔細的描述，比較貴的價錢也是樂於一試～ 今次我們點了2個定食，等了大約20分鐘已經陸續上菜了：• 火炙燒肉定食 $298這道石垣牛丼的肉質鮮嫩多汁，切成薄片入口即化，吃得岀肉質鮮美。• 手打漢堡扒定食 $208主打「水煎」的手打漢堡，肉汁豐富，鬆軟質感增添了層次和口感，比起火炙燒肉，漢堡扒的口味更濃郁。• 凍摩卡咖啡 $59 (7折)飲品相對下比較遜色，咖啡沒有特別香濃，冰量比較多，還未飲到底已經很淡了。• 蘋果蜜桃梳打冰茶 $56 (7折)這杯較為驚喜，味道清甜而且有果肉，像傳統的日本果汁。整體而言，今次的用餐體驗是十分不錯的，食品用料高質，加上餐館的紛圍極佳，絕對值得一試！

/食物/Cold brew用小玻璃杯和長瓶裝，附上木托盤一同送上，感覺精美。入口好smooth，不會澀或太苦太酸，十分清爽。Iced Latte 高杯裝承，綿密泡泡和鮮奶與咖啡比例很好，其中一塊大冰是咖啡冰，放耐少少都不易淡。小鬆餅與芝麻雪糕雪糕是當天指定的，每日可能不一樣口味，食落濃郁芝麻味，上面仲撒左黑芝麻，增加口感。小鬆餅有加熱，好香好好食，配上附上的莓jam（似自家製！）和手打cream，不時再同雪糕一齊食用，味道非常和諧！/環境/裝修靚是一定的，位置同枱身偏窄，較逼少少，但不會太難耐，亦不會焗。/食器/用嘅餐具大多感覺有精心揀買，很多好靚好特別嘅碟、器皿，好中意呢樣野，食落感覺更enjoy！會再去食！

呢度主打食和牛，又見到個裝潢咁特別，即管黎試試佢！石垣牛火炙燒肉定食 $298個牛實係冇得頂🤤🤤一咬落去，油脂就咇哂出黎，入口即溶，油脂豐富，好正🤤 靚牛果然係唔同！配埋柚子汁俾你，記得要夾起塊肉沾黎食，微微酸會中和左重油脂既油膩感👍🏻珍珠米都充份吸收左牛既油脂，每一啖飯都超級香！柚子介醬高湯玉子燒 $118食之前要抺勻面頭既柚子胡椒醬，玉子燒係用高湯方式烹煮，所以湯汁會好豐富，清甜既高湯玉子燒配上柚子介醬，整個配搭好清新👍🏻店舖既裝潢好有特色，店主好用心布置，復古味濃厚，每一個位都好岩用黎打卡🥰

🥓 火炙燒肉定食 石垣牛 100g $298個frd叫嘅，都幾精美啲肉半生熟咁反哂光咇緊啲油出黎，忍唔住偷佢一舊黎食，哇，油到pk💥，係咪我食唔慣靚肉🥺，啲什麼什麼大拖羅同和牛我都頂唔緊☹️，btw配埋柚子醋成件事合理好多即刻可以再戰下一舊hahaaaaa（一上枱職員都幾細心教我地點食，佢話啲肉夾起沾柚子醋再食，唔好一野倒落啲飯，會好乸酸）🍔 手打漢堡扒定食 石垣 $208未瞓醒我以為係漢堡包就嗌左😂，原來係漢堡扒🥹，頭幾啖都覺得ok嘅，啲肉係幾鮮嫩，但真係好淡而無味，我平時早餐食開雞蛋雞胸都覺得佢好淡貿貿，一啲香味都無，好雞肋，純粹夠個底啲汁吊味，最抵食係啲汁又唔係多😦🍵 跟餐+綠茶拿鐵（微糖）$45呢杯個cream好似話係手工嘅，又真係幾好食，甜而不膩又真係食到頗濃郁嘅抹茶味，但green tea latte淡得黎少苦少澀少鞋口，唔知係隻奶淡定溝左水，口感有啲稀薄呢間野食極普通，所有野都係淡 淡 同淡😂，但淡得黎啲肉又好油膩，好快食厭，一定要扒飯食果種膩口😥，我食左1/3就推比個frd，食唔慣爆油嘅感覺。啲飯係ok嘅，珍珠米煙煙韌韌唔會太爛。推薦指數：🌝🌝🌗🌚🌚裝修真係好有心機好靚，

🪐呼吸星球Fullcup Planet Cafe 📍土瓜灣 ~日本菜酒咖啡店~味道：😋😋😋😋服務：👩🏻‍🍳👩🏻‍🍳👩🏻‍🍳👩🏻‍🍳環境：⭐️⭐️⭐️⭐️⭐️性價比：💰💰💰🪟門面裝橫別具一緻，再加上充滿日式感的牌匾，假日休閑好選擇🤎🤎🥰餐廳的氛圍非常優雅，充滿著時代感的氣息。⭐️雖然是假日，店不是太多人，不用等位輕鬆走入餐廳⭐️有無盡復古的擺設讓你目不暇給,印象最深刻是女廁所亦有擺上一副勵志字句的畫「CHOOSE」提示自己生活可以作出很多對自己好的選擇，過一個自己舒服的生活 ~ Life is full of choice~⭐️店裏還有電插位，可以叉電🔋☆彡彡(*･ω･)ﾉ食物和牛亦是賣點之一⭐️今次選擇鹿兒島的和牛，，這份肉片質地極其細嫩，入口即化。肉質非常鮮嫩，帶有濃郁的牛肉香氣，口感十分豐富。未上菜前，店舖已瀰漫和牛香味。據說米亦是取自日本米。店舖還有其他咖啡甜品，有機會可再嘗試一下。 總括來說，這家和牛餐廳裝橫漂亮，提供的食物質量和口感都非常出色，還是值得一試的😋😋😋〔食飽治療系C〕

一直想來這星球逛逛，今日平日來到，店內星球 裝飾好有驚喜，職員態度有善，菜單好有創意， 呢個環境我好鍾意，好懷舊，呢度係吃日本石垣和牛，內質較嫩，今日選了漢堡扒及柚子燉牛。。。 最後選了兩款綠茶雪糕及飲品 我們真的好鍾意綠茶啊

店舖裝修好有老香港古典色彩，每張餐枱都有唔同既懷舊燈飾，而且店主都收藏左好多古董玩具/傢俬擺設，一坐落就覺得回到過去一樣。如果可以的話，可選擇坐4人座長枱，更加有舊式格調。⏩火炙半熟鹿兒島和牛燒肉定食肉片比較薄，但睇得出雪花分布尚算ok，食得出佢嘅油脂同微燒過既焦香牛味。個人覺得佢哋招牌既石垣島和牛定食比較好食，不過可能供貨或者師傅手勢唔一樣。⏩Rose Latte飲品好出色，配合埋啲懷舊既杯具更加有一種特別既韻味。

我絕不推介這餐廳超級差的體驗😰等了很久才有得食食物質素極普通，價錢極貴我叫了日本蜜瓜配石桓牛，蜜瓜不夠甜，石桓牛極油膩，肥膏多到吃不下個蕃茄味道一般，仲要等了一個半小時，食物才到，超級慢的上菜速度，永不再來！我那天12點半來到這餐廳，點了食物不多，結果兩點才走，原因是等了食物很久！試問不夠甜的蜜瓜加幾片肥膩牛，再一個蕃茄，何來值297元的價錢？服務態度一般，如果服務員告訴我要等1.5小時才可吃，我絕對不等。劣食加昂貴價錢，一肚氣

睇土瓜灣美食都一定會睇到這間嘅介紹，它們嘅特色懷舊裝修係吸引，大家都可能會慕名而來見識一下。小編就係抱住這心情會一會這間，先找找地址，喺地圖睇，雖然好找，都係一條直路就到，但離土瓜灣站好遠，步行至少20分鐘，完全唔方便。終於行到，攞到位坐低，想睇有乜好食，但服務員話冇餐牌，原來其他客人睇緊，非常奇怪原來餐牌係唔夠分。終於等到餐牌，叫咗兩款，就等上枱。點知足足等咗個半鐘第一碟才到，超誇張，原來不是只有我慢，睇睇其他客人，他們都一樣等了再等。我睇吓自己叫咗乜，其中一碟係蕃茄，係不用煮呀，根本可以好快上，但他們就係一定要順住點餐次序出菜，完全冇彈性，是客人為上嗎？第一碟上係蜜瓜伴火炙半熟薄切和牛，和牛得4片，當然如實嘅薄切，但肥肉多過牛肉，同一般油脂分布平均嘅和牛相差十萬八千里，完全唔係嗰回事，但價錢係$228，就算計埋嗰slice日本蜜瓜，仍然絕對超級overpriced。用90分鐘等來嘅只用5分鐘就食完，之後再等10分鐘，第二碟蕃茄才上。整體用餐體驗超差，等與overpriced，不可能再嚟，亦不會推薦。◇ 蜜瓜伴火炙半熟薄切和牛 $228◇ 梅子酒漬蕃茄 $42

第一次嚟係慶祝朋友生日，因為有小朋友，所以餐廳專登安排一個空間較大嘅位置俾我哋，無論係服務，餐廳環境定係食物，都值得再嚟。男朋友好鍾意食牛，所以專登帶佢試吓💕佢點左火炙半熟石垣牛燒肉，我就鹿兒島A5和牛燒汁牛丼。石垣牛上一次叫過，牛味超級濃，個人嚟講唔係好食到啲太濃嘅牛味，今次呢個鹿兒島和牛，我自己就覺得啱啱好😋甜甜地嘅燒汁再配油脂充足嘅牛肉，每啖飯都沾到醬汁，真係好好食！唯一挑剔嘅就係牛肉嘅脂肪比較高，所以啲牛油沉晒喺碗底比較油。飲品我叫左薑汁咖啡，尚算可以不過冇乜薑汁味，但整體都好滿意，男朋友食得好滋味，完滿！

自從屯馬綫開通，比我發現到呢間餐廳之後，就成日心思思想 Encore！🥰呢間餐廳雖然貴但啲石垣牛真心好食！！！🍖入口即溶，油脂豐富，沾埋柚子汁勁正！加上店主好用心佈置，放咗好多舊物，🕰️好復古有啲似80年代嘅冰室，每個位都係打卡位，很有情調，係難得好食嘅打卡餐廳，肉痛啲都值得一去再去！雖然定食有好多唔同部位嘅石垣牛同煮法，🍛不過我建議係薄切火灸多過漢堡或咖喱，因為咁先食到佢嘅油香同入口即溶！嗰種「嘩」一聲嘅感到令人好難忘，食過咁多次和牛，🍣對上一次都只係喺高山食飛驒牛握壽司感受過！唔止火灸半熟嘅和牛好食，連啲飯到吸收晒啲牛脂味十級香！🥗跟餐嘅配菜都幾爽口。份量上比較少，🍱就算叫定食基本上都唔會食得飽，同男仔去最好打定底先呀！🍈另外推薦嘅係日本產蜜瓜伴火炙石垣黑毛和牛半熟薄切，蜜瓜真係好甜，夾埋薄薄嘅和牛一齊食，🥰🥰🥰滿滿嘅幸福感！去咗幾次，都有叫甜品同飲品，不過就無乜大感覺，唔寫了～去相！