呼吸星球

營業中

休息中

呢度交通唔方便，但係好多人會慕名而來，因為喺土瓜灣嘅角落入邊有一間懷舊日式風情嘅Cafe，叫做呼吸星球。入到去，會見到佢哋擺滿咗好多舊年代日本嘅海報，裝飾，傢俬，擺設，全部都好精緻，睇得出裝修好有心機。清湯慢煮石垣牛燉肉定食($198)定食配埋特製嘅雜糧飯，薯仔沙律，漬物，湯，好豐富，佢嘅清湯好好味，係柚子鰹魚汁，石垣牛肉都好高質，好腍身，好有牛味。火炙燒肉定食($298)一樣配咗薯仔沙律，漬物同湯。不過呢個就冇咁經驗，因為佢嘅燒肉，燒得唔夠香，色澤亦都冇乜，雖然咬落去嘅肉質都唔錯，但係比想像中有少少失望。呢度環境的確幾chill幾舒服，食物質素都還好，但係價錢偏高，如果有興趣打卡嘅都可以嚟。

行街行到攰想搵間餐廳坐低飲杯咖啡食個甜品👦🏻就帶咗我去呢度～呢間位於土瓜灣嘅餐廳，一入門就感覺到強烈嘅復古懷舊風～裝潢同擺設都充滿老派浪漫，每一個角落都係打卡位，好靚又有心思～甜品主打老闆娘自家製雪糕、鬆餅、鯛魚燒等，每樣都好有心機🤩🔶 人氣 期間限定手工雪糕 伴 小鬆餅 🍨 $108鬆餅熱辣辣、外脆內鬆，一啲都唔乾～質感濕潤得嚟又有空氣感，口感近乎完美👏🏻 雲呢拿籽忌廉係偏泡沫狀，唔會好實身，食落輕盈滑身又唔會死甜，仲有淡淡天然香草味，襯埋雜莓果醬一齊食，酸甜平衡、果肉足料，真係好有驚喜！🔶 粗粒芝麻雪糕（香濃） 🍨 $69口感有啲似雪葩，唔係傳統滑身Creamy嗰種～但芝麻香氣超突出🔥 經自家焙磨芝麻，食得出粒粒質感，香濃而不膩～下次都想試埋最濃版本，應該更過癮😆🔶 沖繩青檸冰茶🍹 $53茶底清爽，加上沖繩青檸果香～清酸中帶微甘，飲落好清涼，🌿配住熱天氣飲真係秒回沖繩海邊🏖️🔶 【拿鐵】意式牛奶咖啡 ☕️ $45呢杯係有誠意之作！咖啡味濃郁，帶好微酸果香～最正係有條大冰粒係用咖啡做，唔怕融咗會溝淡味道☕️ 凍飲黨必試～整體環境好復古懷舊，有好多老闆收藏，Menu圖畫又畫得靚(太多版冇影到

首先，店舖門口非常多人排隊但沒有派籌服務，排隊次序混亂，我們排隊時被插隊但職員忘記了客人先後次序，就被下一台客人先進，最後等了4台客人排隊時間約1小時。而且職員態度一般，最後建議餐廳稍後添加派籌服務。進入餐廳，卡位座位非常窄，吃飯時需腳碰腳地坐。情侶一起坐就浪漫，與普通朋友坐的話就尷尬。另外出餐時間約30分鐘，成為外面排隊的時間非常長的主因。味道方面，食物製作時間長，但質素一般，「慢工出西貨」。總結，不一定要來。

食完嗰晚即刻腸胃炎 好辛苦😅😅😅唔想打咁多字 總之就係又嘔又痾我同朋友黎食 我食完腸胃炎 我朋友就胃唔舒服 反胃 我地兩個下晝都冇乜點食野所以好肯定係食完呢間野之後唔舒服

寫就寫11:30開 次次都12:30都未開門 又唔寫清楚幾時開 12:30仲寫緊準備中要個個客喺度等好心更新吓開門時間Google Maps寫九點半OpenRice 就寫11:30但冇一個位係準時嘅

呢間咖啡店裝修同飾品都好有復古年代感吸引咗好多人嚟打卡星期六日排隊有排等可惜收費偏貴一杯凍飲都要60-80呢個鬆餅配雪糕甜品細細份都要$108雖然野食係好食但真係太貴仲要土瓜環呢個地段咁嘅收費真係黎影下相試試就夠了

呼吸星球係土瓜環既呢間復古咖啡室，充滿懷舊風，放滿左唔同懷舊既攞設，有啲甚至係老板既珍藏玩具，呢間餐廳主打日本料理，再配合60年代既一啲古董攞設，環境十分舒適，果然係一間隱世既人氣咖啡室。佢地既餐牌係手繪既圖，好似日本居酒屋menu咁，非常用心同埋特別，今次點左杯熱朱古力，朱古力非常濃郁又唔會太甜，仲有啲可可粉係面，味道口感一流！不過呢度既交通不太方便，位於宋皇臺同土瓜環之間，附近冇地鐵站，可能乘搭其他交通工具會方便啲。店舖既座位比較少，而枱都係偏窄，因為佢冇得網上訂坐，所以週末嚟都要排隊。而食物既種類唔多，都係主打食燒肉定食，而小食同埋甜品種類就比較少，未嚟過同埋想打卡既朋友可以嚟試下。

比social media d foodie po 呃咗黎食，本身見個post留言好壞參半，但見環境幾靚，幾有聖誕氣氛，就試一試⋯首先，排隊時間過長。排咗成個鐘，條隊入得勁慢，入座安排混亂。成間餐廳都係大陸人咁滯，懷疑中咗social media熱點。餐廳本身已經細，啲人仲要個個喺條路打卡，又開晒閃光燈影，加上本身餐廳環境昏暗，極影響用餐體驗。見到有啲人為咗影相坐埋去人哋個位度，真係為打卡無所不用其極。上菜又慢，明明點咗2個一樣嘅餐，第一份上完都要等咗大半個鐘先上另一份，仲要埋單先發現落錯晒啲單。食物質素ok, 但唔值呢個價，仲要排咁耐隊，唔會有下次。Extremely overpriced, 極度唔建議食

本身諗住星期六餐廳要排隊好正常，點知最後排咗成兩個鐘（5點先有得食）仲要冇人follow up外面條隊，餐廳冇限時，條隊勁長，但係入邊啲人淨係喺度打卡又唔肯走⋯⋯之後諗住嘢食好食環境靚唔緊要啦，點知啲嘢食全部好貴同埋真係好普通，嘢飲都冇咩特別，但係收成40幾蚊🥲不過真心環境係好靚嘅，但去完一次唔會再去。

原本喺社交平台吸引去的，滿心期待。體驗完之後，唔會再幫襯。首先排隊，已超過一個半鐘，相信星期六排隊是常識，ok fine 冇問題。入座後，店員告知多款熱賣餐點售罄，而且上菜速度慢，order完上菜，仍要再等待一個鐘以上。甜品原先是窩夫，轉了機器亦不通知客人，窩夫變成鯛魚燒。餐品價錢偏貴，店舖位置亦不方便。唯一是優點，店內裝修出色，適合拍照留念。在離開時門外，仍然有10多人排隊。而且店內明明有空位，亦不放客人進場 。直程聽到店員嘅對話，係特登唔放人入場，簡直離譜，大家都理解小店位置有限，但如此原因難以接受。

保留了60年代白宮冰室的古董擺設，各式各樣的珍藏品，置身其中，時光像倒流著，讓我想起了「花樣年華」的場景。還記得幾年前重開的時候來過一次，今次再訪食物水準仍然保持，蜜瓜麻糬窩夫賣相勁靚，蜜瓜夠甜多汁，而且手工雪糕嘅質地係比較粗糙果種，比入口幼滑果種雪糕較多一份質感，絕對係是日MVP🥇復古裝修+聖誕樹擺設又有另一番體驗和氛圍感💯🎄- 燒汁豚肉定食- 蜜瓜手工雪糕麻糬窩夫- Cold Brew- Hojicha latte

出餐速度極慢 等個雪糕可以等一個鐘😅肚餓到燥😅當日客人得兩檯 老闆同侍應行來行去傾計 我相信絕對唔會有人手不足嘅問題結果餐品送到嚟係要客人自己移開先前嘅食物嘅😅如果唔係嘅話嗰位小姐會端住個盤企係度黑口黑面望住你一聲唔出等到你清開檯面先嘅。野食又貴又唔好食 選擇唔多唯一一樣好係環境幾有特色 不過位置偏僻 真係去一次就唔會再去了。

喺呢個普通話多過廣東話嘅環境入面，一入去女服務員就毫無禮貌咁樣講「你哋要出邊等我叫你哋先可以入嚟。」入到去個環境只能夠講中西合璧乜嘢都有，一打開個Menu一個普通牛肉飯都要$200up，最平嗰兩個定食都同我哋講賣晒。我哋兩個人本身嗌咗一個定食一個甜品再加一杯嘢飲，被告知唔夠，最少就要再嗌多一杯嘢飲先得。佢限時每個人嗌一杯嘢飲，只能夠坐1.5小時，但係我哋等餐都等咗1.5小時。嘢食只能夠講10分普通，完全唔值呢個價錢。附近有好多內地遊客喺度影相，10分嘈吵，只係一間裝修好少少嘅貴價茶餐廳feel。

史無前例咁差質素嘅餐廳，24年8月25日 我一行二人到隔離某咖啡店外賣咖啡後，既然黎到土瓜灣，大家又話餐廳生意難撈，我哋就身體力行支持香港餐廳，沿途入黎食飯，我哋二人都分別手持剩餘嘅¼杯咖啡飲料，兩位侍應由我地等位至點餐至等餐既20分鐘內無拒絕攜帶飲料，而我哋都冇為意到！我哋等餐途中，突然一位鬍鬚男士（相信係老闆），突然衝過嚟聲嘶力竭指罵我哋，我哋即刻話唔好意思連續兩次道歉，我哋唔介意而且樂意可以點佢哋嘅飲料，由指罵到5秒內呼喝客人（即係我哋）離開餐廳，我哋就話唔緊要咁就離開餐廳，有趣地該男士竟然一直繼續破聲大罵羞辱我地。what an interesting experience! 支持所有好嘅餐廳but not this one who will insult their polite customers like us! Crazy 黐線餐廳

第一次要留劣評俾一間餐廳今日係呢間野對面既cafe飲咖啡杯咖啡差唔多飲完見到對面呢間餐廳幾特別 裝修幾復古諗住過黎食野入黎嗰時門口冇寫外來飲品禁止入內之類既標示店員見到我地拎住嘢飲亦都冇阻止我地 所以我地都冇為意之後就坐低嗌嘢食 等緊嘢食既時候 無啦啦有個鬍鬚佬（唔知係咪老闆）指住我地話我地點解咁冇禮貌係佢餐廳入面拎外來飲品我地自知理虧 即刻道歉話唔好意思同埋話可以即刻掉咗佢點知佢再大聲啲話 「你地有無搞錯 我依家唔做你地生意 即刻走」我地呆咗 但係都即刻起身話走 同埋再講唔好意思之後我地一路走佢再一路鬧我地話我地唔識禮儀 冇禮貌 就算啲嘢食已經煮緊都唔做你生意真係火都黎埋 首先已經即刻道歉同埋即刻起身走 佢仲要追住黎鬧 咩事？香港就係有呢啲人所以搞到飲食業彎晒唔知呢間野啲野有幾好食 但係如果想貼錢買難受既請幫襯