呼吸星球

營業中

休息中

位於土瓜灣舊區既呼吸星球🌔一直都係我Bookmark 既一間店🌸因為佢裡面既裝修同擺設都有一種濃濃既復古風❣️而當日係閒日既下午時間黎到所以都唔洗等位 ❤️餐廳以和牛聞名所以今次揀咗沖繩鹽光石坦牛燒肉定食😥黎到個時覺得個份量好小🥲如果一個女仔可以覺得ok牛方面都係得幾塊不過幸好咖啡都不錯如果係想純打卡 舖頭最低消費，係每個人需要嗌一杯咖啡如果俾我本人揀嘅話 🥺我會寧願叫杯咖啡感受一下佢嘅復古風格裝

二訪呼吸☕為嘅就係沖繩吃過而念念不忘嘅石垣牛。食呢份火炙半熟石垣牛燒肉定食之前，我對佢期望好高，果然無令我失望，好值得推介👍🏻牛肉燒得相當香口，油脂豐富，入口即溶！有幸福嘅感覺🥰 最令我欣賞嘅係，定食上嘅配菜亦唔馬虎，麵豉湯有落少少酒、薯仔沙律有加玄米，好特別☺️其實食定食之前，我地已經試左一味相當創新嘅前菜：日本產蜜瓜伴火炙石垣黑毛和牛半熟薄切😋第一啖咬落去，我細細聲「嘩」左一下😆燒牛肉油脂混和蜜瓜嘅香甜，竟然諗到呢個有趣又出色嘅配搭👍🏻呢份豐富嘅午餐以陳皮雜莓雪糕配自家製麻糬窩夫作結，雖然窩夫略嫌有嘅乾，但點佢地自己打嘅忌廉來食，變得剛剛好❤️雖然價錢上有啲貴，但可以喺仿如博物館嘅環境下嘆石垣牛，值得👍🏻

🌎🫧呼吸星球💨💫一路都好想試！終於去食到，同朋友預祝生日💕一齊去試下，坐得好舒服！老好好人！我地叫左兩個熱門招牌👍😋🔸沖繩鹽燒❁極上部位❁石垣牛燒肉定食 [ A5/A4 石垣雌牛極上部位 ]- 黎到既小碗碟已經非常之靚！老闆提我地趁熱食，因為掛住影相😆味道其實鹽燒牛係食佢原味，肉質薄，牛好香。漬物小碟有紫椰菜沙律，粟子&豆，麵豉湯。勁豐富！🔸火炙半熟❁極上部位❁石垣牛燒肉定食[ A5/A4 石垣雌牛，以火直燒] - 呢份都係好靚，肉質係油脂較高，但油份會流到飯內，好香！肉相對厚身！小碟係漬物南瓜，薯蓉沙律，麵豉湯👍🔸沖繩海鹽朱古力🥤- 味道濃！仲有粒手作生朱古力！very good💕🔸 沖繩青檸乳酪🥤- 酸酸甜甜👍乳酪味濃，岩哂解肉味膩感，夏天都係一流之選！整體係無野可以挑剔，坐得舒服，環境行懷舊物收集收藏風。食飯中途有播一啲懷舊歌，原來係老闆開個舖頭內既大喇叭比熟客聽吓音質。不得不提呢度老闆好細心，佢會問你個肉夠唔夠鹹？俾定樽沖繩鹽你備用。另外叫我哋慢慢傾偈，唔使急，唔使趕住走，我哋嘅嘢飲已經飲完，仲主動斟杯水俾，我哋真係太好了！！

去土瓜灣整車, 順便試試呢間餐廳。裝修幾特別, 超多vintage特色擺設, 但因為太多擺設, 可能清潔唔乾淨,店內有烏蠅, 感覺爭少少。主打石垣牛燒肉定食,但幾片牛肉無咩味道。我地12點零就入去, 只有3台客, 等左差唔多30分鐘先有得食。有少少overpriced, 肉質未係二百蚊一個SET的質素, 味道也一般。如果作為主打未夠好食，味道及肉質也可提升。雜莓果手工雪糕伴自家製麻糬窩夫甜品幾好食, 麻糬窩夫煙韌, 有口感, 賣相幾靚!

Food is only average. We came here for lunch on a weekday and their sets range from $200-$300 without even consisting a drink. Atmosphere is not bad but honestly the location was really inconvenient and service was just so so. Never will be here and they only accept cash which is off-putting for the price they charge. We paid a total of $616 for 2 very average beef rice plus 2 drinks.

我們一行三人，叫了3個柚子清湯牛燉肉定食。友人1:00坐下，1:15落單，結果2:15才上菜。全場只有一個女侍應，時有應接不暇的情況，但值得一讚的是，她由始至終依然保持禮貌。的確，環境佈置有特色、食物質素更是令人喜出望外，值得回頭。不過一定要預備好慢活的時間和心情才能光顧這間餐廳。星期三，我們卻是唯一一檯需要在午飯後趕回去工作的俗人。望著身旁快樂地慢活的學生、文青、甚至中年夫婦，我深深地感受到上班族當不起這個星球的人。下次等不用開工的時候才再來好好呼吸吧。

九龍城一帶半日遊，行到好熱想休息下。對於熱愛沖縄嘅人嚟講，點都想入去睇下夠唔夠沖縄。最低消費一杯飲品，唔想飲凍野，要左熱嘅沖繩綠茶（原本個名好長但唔記得左），意外嘅係佢加左沖繩好出名嘅青檸（シークワーサー）汁落去，不過就係因為咁我唔係好飲到綠茶味，所以我覺得叫沖繩青檸汁比較適合，但熱嘅果汁感覺有啲奇怪😅…賣相搭救啦 。其實原本想食少少嘢，但佢只係得飯、雪糕、pancake），呢度主打牛但我又唔食牛。如果有沖縄海鹽雪糕、豬軟骨麵（ソーキそば)就更沖縄。P.S. 啲杯墊係最有沖縄feel，因為有守護獅。

間餐廳本身有少少唔就腳可能正因為係咁星期六亦都冇好多人排長龍嘅情況。係我訂枱之前冇細心睇間餐廳所有details，純粹覺得有位就訂，但係當時訂完枱之後就發現有一個$250嘅最低消費，果下心裏面都諗好少餐廳會咁樣寫出嚟。不過都冇所謂啦，又唔係成日食。去到睇吓個餐牌就知道隨便嗌個定食加杯嘢飲都已經會到最低消費餐牌啲嘢食都幾吸引所以我都毫無保留咁嗌咗好多嘢食。最好食同有驚喜嘅我覺得係漬物番茄🍅個蛋餅相對有啲鹹，可能啲鹽唔夠even。兩個定食之間，柚子清湯牛同漢堡扒，相比之下我覺得個漢堡扒惹味好多。個蛋沙律都幾好食。嗌咗個哈蜜瓜和牛，睇返網上嘅食評，原來啲牛肉係冇加鹽，侍應會叫啲客自己加鹽。當然啦我都冇問，亦都冇被告知，所以當時我食嘅時候覺得只有油香，個一刻我覺得都係parmaham好食啲…..食完晒啲前菜同主菜，想叫兩杯水飲吓，去到買單都見唔到，杯水去咗結界可能被發放喺邊疆位置，容易被人遺忘。但的確係好寧靜。最後叫咗自家製開心果雪糕做結尾，餐廳用咗熱浪鋪底… 都幾驚喜。但我都係鍾意就咁食個雪糕，因為個熱浪味有啲搶咗個雪糕本身。買單被告知要比現金，其實都有啲唔爽嘅，但係又怪自己訂枱嘅時候冇睇係

💬 印象中cafe前身係紋身店？周末突登想去呢間cafe可惜冇預先book位所以大概等左45分鐘店內環境比較擠迫，但佈置行復古風格每樣裝飾品都有特色少見食物方面不過不失，員工服務態度良好🐮 朋友叫左呢個 本身怕鰹魚湯會腥但都唔會牛肉好淋配關冬煮清清地 🐮 鹽燒本身已經好夠味 但同時食到牛肉鮮味配白飯都好開胃 配菜不過不失另外比左七味粉可以自己調味🍨 由於冇用餐時間限制，店員亦都冇諗住趕你走嘅感覺，所以再叫埋甜品開心果味雪糕配小鬆餅小鬆餅質地好似光酥餅但係唔係好乾嗰隻雪糕其實同小鬆餅係分開食 另外有提供果醬可以跟小鬆餅食飲品方面亦都不過不失💁🏻‍♀️ 如果可以的話最好都係book咗位先來因為附近冇乜嘢記得Menu其中有講到話男食客可以加飯其實唔明白點解女食客唔得 🤣(雖然我地都冇要求要加，但係我諗如果要求嘅應該都可以嘅) 最後提醒餐廳只收現金 💸呢度都係一個唔錯嘅週末消閑好地方

Monday blue 的星期一，來一口深呼吸，來慢活一下吧！復古的裝修擺設，令人忘記店外煩囂。店內人客不多，低聲輕鬆傾談。年輕店員不慌不忙處理店內大小事，溫文有禮。食物主打為石垣牛，友人點了柚子清湯石垣牛定食，餐點附前菜漬物。前菜小碟為牛蒡，糖漬栗子及味噌湯，味道恰到好處。石垣牛燉肉清爽不油膩，湯底有淡淡柚子清香。而素菜昆布清湯碗定食，前菜配有梅子蕃茄、薯仔沙律。素菜碗內的湯底亦是有柚子清香的，配上新鮮的蔬菜（蘿蔔、秋葵及冬菇等），吃光整個定食亦令人毫無負擔。在這裏可以閑適一個下午，在這裏可以忘一刻煩憂…

[🇭🇰香港- 土瓜灣].🔻原來有間咁得意嘅小店 - 門面裝修到好似日本嘅舖頭, 裏面就好似雜貨鋪,放咗好多唔同年代嘅玩具或者裝飾, 好有趣最估唔到嘅係佢哋主打食"日本黑毛石垣牛"分別試左"火炙半熟鹿兒島牛燒肉定食" 同 "秘製咖喱石垣牛肉飯定食", 極力推介前者, 食到和牛入口即溶, 超豐富嘅油脂撈埋飯一齊食, 好邪惡😈.🔻🍽 呼吸星球📌 地址: 土瓜灣馬頭角道91號地舖.#tummysreadyattokwawan #tummysreadyforwestern #tummysreadyforsteak

之前一直都想試呢間Cafe，朋友生日就嚟試吓環境成間Cafe主打懷舊design，有條玩具火車軌圍住成間Cafe天花板，仲有各式各樣懷舊電話、鐘同玩具。大部份嘅座位係木製卡位，好似卡通片小丸子夢寐以求嘅日本洋式餐廳咁🥰有一種返咗以前年代嘅感覺(好似midnight in Paris番左以前咁😂)，亦有一種去咗旅行嘅感覺食物叫咗石垣牛燒肉定食($298)，喺土瓜灣食lunch來講算偏貴，不過喺香港食到石垣牛價錢都要咁上下石垣牛脂肪不多，入口爽香甜，幾好食，配埋紅糙米飯，平衡返個油脂，夏天食都唔會覺得滯。

人氣懷舊Cafe人氣懷舊復古風Cafe！今日終於可以嚟到啦！港式懷舊復古風嘅小店相信大家都會喺IG見過！佢係由60多年歷史的白宮冰室改建而成，保留左當時好多唔同嘅裝修，亦都加入咗好多懷舊嘅玩具同埋裝飾！原本坐喺中間枱嘅我，好彩最後可以轉到去卡位影相！食物方面都相當出色！石垣和牛、 北谷塩等都唔係好多日式餐廳可以食到！燒過嘅石垣和牛油脂相當好味！真係有當然喺沖繩旅行嘅味道！想體驗下回顧旅行嘅感覺絕對可以來呼吸Cafe暢遊一番haha

打卡星人分享☀️另一星球的探索之旅Cafe由白宮冰室改建 佈滿店主收藏品進入時光隧道 參觀小型古董博物館客人可以在Cafe中脱離現實逃去另一星球放鬆 喘一口氣🍃店的主題「一屋 二人 三餐 四季」店內有超多打卡位 開啟時光倒流復古之旅Cafe主打日式定食 咖啡 水果茶☀️極上日本石垣和牛燒肉定食 $298不過不失 和牛未達價錢應有水準等待時間頗長 建議去Cafe前打個底先☀️金星（玫瑰牛奶咖啡） $64☀️蘋果蜜桃鮮打綠茶 $56飲品都偏甜 建議可以叫少糖在OpenRice上預訂到現場要等一小時🙈人流眾多 需要耐心等候環境: 💗💗💗💗💗美味度:💗💗💗推薦度: 💗💗💗💗

由野食服務裝修細至menu都超有心思😍，冰室擺滿左好多復古裝飾同玩具，真係好有去日本舊式喫茶店嘅感覺😍。menu好似一本繪本咁，欣賞咗好耐😂，所有staff都好好禮貌好好笑容，見我地咁熱衷打卡仲主動幫我地調靚位😂，sweet到呢☺️🫶🏻，雖然價錢略貴，但呢個服務呢個裝修絕對推介呀！✏️京蔥手打漢堡定食 $158每個set搭配嘅菜漬物都唔同，南瓜同粟子偏硬，不過不失啦，但漢堡真係好出色😍，竟然做到清爽唔油膩嘅感覺，入口軟綿，啖啖肉汁，五穀米飯粒粒分明，飯素偏鹹香，成個定食嘅配搭都好清新健康😍，食完完全唔會覺得飽滯。✏️火炙半熟鹿兒島和牛定食 $280薄切和牛啖啖油脂好飽滿，好似食緊好肥美嘅火炙三文魚腩咁😍，入口有微微嘅焦香，附送嘅柚子鰹魚汁好夾好解膩，不過都係漢堡定食更勝一籌🫡。✏️日本小山園綠茶拿鐵 $62入口綠茶嘅味道係清香多於濃厚，涷latte上會有粟子同忌廉，奶味更重更香甜😋。