呼吸星球

營業中

休息中

呢度主打食和牛，又見到個裝潢咁特別，即管黎試試佢！石垣牛火炙燒肉定食 $298個牛實係冇得頂🤤🤤一咬落去，油脂就咇哂出黎，入口即溶，油脂豐富，好正🤤 靚牛果然係唔同！配埋柚子汁俾你，記得要夾起塊肉沾黎食，微微酸會中和左重油脂既油膩感👍🏻珍珠米都充份吸收左牛既油脂，每一啖飯都超級香！柚子介醬高湯玉子燒 $118食之前要抺勻面頭既柚子胡椒醬，玉子燒係用高湯方式烹煮，所以湯汁會好豐富，清甜既高湯玉子燒配上柚子介醬，整個配搭好清新👍🏻店舖既裝潢好有特色，店主好用心布置，復古味濃厚，每一個位都好岩用黎打卡🥰