味滿

營業中

休息中

細個成日見到門口擺滿油炸鬼牛脷酥嘅傳統粥店🥺 隨住時代變遷 粥店都紛紛改頭換面 坐得舒服食得舒服😌 今次食呢間仲有全日套餐 好受街坊歡迎💑-🥣 艇仔粥 (全日套餐) $77套餐包括油條同腩汁蘿蔔😋 粥底煲得夠綿 味道啱啱好唔會太鹹😙 每一啖都食到海鮮配料🦑 腩汁蘿蔔清甜 油條好大份 同朋友share先食得曬🤯-🍜 鮮蝦雲吞湯麵 (全日套餐) $70套餐包括油菜同熱飲😉 我自己食麵好怕太重鹼水味 呢度就唔會☺️ 湯底香甜 飲多兩啖都唔口渴🫡 配料方面有五粒雲吞 每粒都食到蝦肉 唔錯🦐-🍤 脆脆炸両 $31 / 香茅雞翼 $33 (套餐加配價)粥店油器入面我最鍾意炸両 點大量麻醬甜醬夠曬邪惡😏 最估唔到係香茅雞翼會咁好食 醃得好香炸得乾身 推薦🤭-🧆 酥炸鯪魚球 $36 (套餐加配價)見好多枱都有嗌 應該係餐廳拿手菜🤤 鯪魚肉爽口彈牙 調味偏濃 真係幾好味👍🏻

今晚和朋友去了天后一間有特色粥麵店，環境舒適，上菜快。韭黃鮮蝦腸:鮮蝦豐富多汁，口感Q彈，腸粉爽滑。 香脆炸雲吞:外層酥脆，內餡Q彈飽滿，炸製後帶有一絲酥香，誘人可口。鮮蝦雲吞湯麵:雲吞肉質鬆軟滑潤，麵條夠彈有勁，湯汁鮮甜，性價比高。芥蘭:口感清爽，葉片脆嫩多汁。 生滾鯇魚片粥:粥底軟綿滑嫩，魚片軟嫩鮮美，味道鮮甜。熱羅漢果: 酸甜中帶有天然的清香，具有清涼解渴的特性。薏米水:薏米軟糯爽滑，味道清香微甜。

最近天氣悶熱，又成日落雨，冇咩胃口，又唔想行好遠，係公司附近放工去食～本身想食清小小，但一入到小店，好多嘢都想試，就叫到成枱嘢😂豬膶粥：粥煲到剛剛好，不會太稀薄也不會太稠；豬膶口感細嫩，咬口剛剛好，亦冇任何澀味或腥味，幾好唔錯👍🏻加左上適量的蔥花，令成個粥底即刻鮮味咗….酥炸鯪魚球：新鮮鯪魚肉炸成金黃色的小球狀，外皮酥香脆口，咬落飽滿多汁，配合蜆蚧鹹鮮，更能突出鯪魚球鮮味腩汁蘿蔔：蘿蔔煮到軟綿，蘿蔔吸收了湯汁的精華，亦保留了自身的甜味；入口即化，柔軟多汁；搭上適量的腩汁，平衡整體味道。柱侯牛筋腩湯麵：牛筋和牛腩經過時間熬煮，質地軟嫩而又不失韌性。麵條本身Q彈有咬口，與湯汁完美融合，整體味道不錯～

今晚，在铜鑼灣做完嘢，然後帶朋友去天后“味滿“食粥食牛腩。開業兩年，喜歡食這裡的粥，腸粉，炸鯪魚球和牛腩。及第粥，師傅堅持以舊式做法，用心用時間去烹煮粥底，夠綿夠香，豬什足料新鮮。蝦腸粉，即叫即做。今晚，用晒韮王，冇咗韮王既香，反突顯蝦既鮮味，不错。雲吞，細細隻，薄皮包着鮮蝦肉，可以一口一隻，湯底，係以前既雲吞湯底味道，現在少遇上。熱辣辣即炸鯪魚球，奉上枱，熱力將鯪魚肉香同陳皮香，直撲上來。點點蜆介汁，立即咬一口，勁惹味。侯柱牛腩飯，濃香侯柱汁牛腩，保持老一輩既做法，不是現在本地常吃的滷水汁牛腩，吃到舊日情懷。最後，飲凍羅漢茶和熱薏米水。羅漢果茶，夠濃。薏米水，帶薑味，祛濕祛寒，不错。店長友善待客，出品堅持舊有風格。努力！

呢間粥粉麵店喺天后嗰頭，相對上平民嘅餐廳，主打粉麵、生滾粥同腸粉，款式都好多，而且價格親民，食物都有返咁上下水準🤩！餐廳環境光猛企理，有種溫馨嘅感覺，堂食同外賣都唔少，好受街坊歡迎！------------------------------🍜◖柱侯牛筋腩撈粗◗ $52牛筋牛腩都煮得好入味，牛筋好Q彈滿滿嘅骨膠原，牛腩就煮得硬身少少，但肉味都幾濃有肉感！粗麵加咗少少蠔油一齊撈，口感爽脆，食到有鹼水味同蛋香，麵質唔錯！🍲◖及第粥◗ $53豬雜足料份量夠，有豬潤、豬肚、豬心、豬肉丸、粉腸，而且都係大大嚿，洗得幾乾淨唔會食到豬味，粥底軟綿濃稠，加啲胡椒粉更正！🐖◖叉燒腸粉◗ $37腸粉外皮軟糯，包住半肥瘦嘅叉燒，配甜豉油食，口感滑溜，但就唔算好驚艷呢～🥟◖上湯淨雲吞◗ $40有八粒足料雲吞，皮薄餡大，每粒都有兩隻鮮蝦，帶有淡淡胡椒粉味，味道鮮甜，整得幾出色！🥬◖蝦籽芥蘭◗ $30蠔油芥蘭見得多，蝦籽芥蘭真係第一次試，蝦籽鹹鹹地，整體食落唔會好濃味，清清地帶淡淡嘅鹹香。🍋◖熱檸水◗ $16🥛◖凍豆漿◗ $18竟然有豆漿飲，豆味濃郁甜度啱啱好，幾好飲🌟 Encore指數：9/10

與朋友到天后電氣道64號地舖「味滿」晚餐，還以為只是一般粥麵店，後來發現有驚喜，質素比預期高很多。食店整齊清潔環境好過很多其他粥麵店，再看一看餐牌，不是一般粥麵店食物，是有特式的食物，我們點了麻辣牛腩這食物最令我們驚喜，牛腩肉質非常好，牛味濃，很嫩，很腍，上碟時看到麻辣，還以為會很辣，但食落去不覺得辣，而且味道啱啱好，好好 味，與牛腩味道很夾，好正。 整碗牛腩滿滿的，蘿蔔又清甜爽脆，看得出老闆捨得落本，價錢只係卅三蚊，實在超值。豬雜湯飯有粉腸，豬潤等食材，是另一個驚喜，湯底很美味，應該是用海鮮熬出來的上湯，好奇問老闆湯底材料，原來是用魚，蝦肉頭，豬骨等熬出來， 讓整碗湯飯很美味。 豬腸食落去，好滑好嫩，火候啱啱好，用我自己煮食經驗，應該是大約煮兩分鐘，便收火的製法，所以食落去，嫩得來，有口感，爽 滑。 豬潤和粉腸廚師也做得啱啱好，好軟熟，好嫩爽口的肉質，不像其他一般越嚼越韌那類，飯是一粒粒有咬口，所以整個豬雜湯飯都好 美味，湯飯又容易入口，喜歡吃飯的我忍不住吃了很多，正。豬肚撈粗面鬆軟爽口的麵配合美味蔥花很正，豬肚肉質鮮，完全沒有騷味，食起上嚟好爽，不像其他一般好韌那類，因為通常啲人怕

🌸豬雜河豬雜雖然唔系貴價食材，但要新鮮而且處理得乾淨無異味都絕對花時間同功夫。豬雜包含豬潤、豬肉片、豬心、豬粉腸、豬肚、豬肉丸，食起黎冇異味，而且烹調時間剛好，豬潤依然軟嫩。湯底簡單清甜，亦有大量蔥花蔥絲提鮮。🌸麻辣牛筋麵牛筋炆得夠淋，充滿膠質，湯底夠濃味。🌸炸雲吞外皮好脆，入面真材實料見到2-3隻原隻蝦肉，會提供泰式辣醬🌸香茅雞翼外皮香脆，食落會滲出淡淡香茅味。🌸蠔油菜心🍹凍齋啡🍹凍奶茶簡簡單單既小店，粥粉麵飯樣樣齊，有興趣可以試下噢🤍

星期五放工想舒舒服服行下海邊，市區最方便就係去避風塘海旁，行之前就係天后醫下肚先有時我覺得愈簡單嘅食物，就愈考功夫將佢整得不一樣的美味全日套餐撈麵$80，已經跟埋一碟油菜同飲品，我地揀左手打鯪魚球撈粗，鯪魚球有淡淡陳皮味，口感彈牙，份量都比我想像中多灼鯇魚皮（$52）勁爽，加埋麻油、花生、蔥花，食到停唔到口蘿蔔牛筋腩（$85）自己買黎煮都唔只呢個價錢，蘿蔔清甜，牛筋炆到腍曬，我好鐘意餐廳落唔少蔥花淨雲吞（$40）有幾隻爽口蝦係入面，女仔細食嘅話淨係食呢碗都夠飽

今日懶得煮飯，同老公嚟到味滿食晚飯，店內環境闊落乾淨，平日都坐滿食客，的確是人氣小店，朋友推介我要試呢度嘅陳皮鯪魚球，確實好好味價錢又吾貴，性價比高之選全日套餐鳳城水餃湯麵+菜心+熱豆漿 $70大大粒鳳城水餃，餡料十足，加上湯底鮮甜，麵質爽彈，好味道豆漿幼滑又吾會過甜陳皮鯪魚球湯飯+芥蘭+凍豆漿 $80陳皮鯪魚球湯飯湯底清甜，鯪魚球鮮味爽口，仲有陣陣的陳皮香，確實不錯 加配香脆炸雲吞 $36香脆炸雲吞炸得非常酥脆，蝦肉鮮味彈牙，食到唔停得口叉燒腸粉 $31叉燒腸粉入口滑嫩，叉燒都好夠味腩汁蘿蔔 $21腩汁蘿蔔整得好夠淋，腩汁入味

放工經過天后，想搵間粥麵店食個快飯。見餐廳裝修企理，新淨，食客亦多，便進去試試。 同朋友點了幾道菜式share，每一道都滿意：1. 炸醬撈麵：炸醬肉絲及幼麵份量毫不吝嗇，肉絲微辣美味，幻麵彈牙，喜歡!2. 淨蘿蔔麻辣牛筋腩：菜汁是柱侯醬加點麻辣，牛腩及牛筋都又淋又入味，我同朋友都喜歡。蘿蔔爽甜無根，配上微辣麻辣醬，正！3. 炸鯪魚球：即叫即炸，新鮮熱辣，鯪魚大粒魚肉味濃。整體食物出色，見隔籬枱食客叫咗粥品及雲吞粉麵，下次嚟會試試。

今次係天后又搵到間平民餐廳， 餐廳明亮乾淨，全日套餐都係$78， 有飯有菜仲包飲品， 加配小食仲有優惠， 小食都好吸引🤩叫到成枱放滿都係2百幾蚊～♡柱候牛筋腩飯配蠔油芥蘭&豆漿牛筋腩好入味，蘿蔔清甜，芥蘭好鮮嫩翠綠，有菜有肉營養均衡。♡爽脆灼鯇魚皮 $52懷舊小菜唔係周圍都食到， 雖然貴， 但跟餐平$10， 魚皮爽脆唔會太辣， 花生香脆。♡香茅雞翼 $33推！炸得好香好入味，而且好多肉， 咬落juicy 唔會乾柴。♡酥炸鯪魚球 $42真係手打魚球，炸到皮酥脆，配蜆介醬，咸咸香香。♡脆脆炸兩 $37粥鋪除左粥， 仲有多款腸粉， 最鐘意食炸兩， 標配豉油、甜醬、花生醬，夜晚都仲有內脆外軟嘅炸兩食， 開心～

呢間係天后的餐廳提供了豐富多樣的粥粉麵飯、雲吞和水餃等美食選擇，真是令人眼花繚亂，呢度有各種實惠的套餐供選擇，非常適合那些想要一次過品嚐多種菜餚的我🤣今晚令我最深刻的係佢嘅招牌菜—酥炸鯪魚球，以新鮮的鯪魚肉製成，每一個鯪魚球都經過精心處理，保持了肉身的彈牙口感和厚實的質感。一口咬下去，鯪魚球外層的酥脆炸皮與內部的鮮嫩鯪魚肉完美融合，帶來極致的口感享受❤️印象最深刻的係冇影到相，因為一上檯就已經食晒😂😂😂其實下面呢啲都係美味嘅選擇呢！

天后電氣道出名多嘢食，今次試咗粥麵店，因為喺門口見到個酥炸鯪魚球好似好好味咁🤣🧆酥炸鯪魚球 （$36）鯪魚球大大粒，魚肉彈牙唔會太油膩，最正係蜆介醬d蜆好大隻，好味😋值得推介🤩🥬蝦籽芥蘭 ($26)坊間比較少食到蝦子芥蘭，蝦子🦐提升整體嘅味道，好少咁主動食菜😂🐮麻辣牛筋 ($52)牛筋好腍唔算太辣👌🏻蘿蔔浸住啲麻辣腩汁超入味☺️🍝醒胃炸醬麵 (套餐$80）套餐包咗一個煮食、油菜同飲品😙炸醬撈麵中規中矩，唔會太乾👍🏻油菜份量都好大，不過蝦籽芥蘭比較好味😛🍹薏米水 ($10)問返老闆娘先知原來係自家製，入邊仲有粒蜜棗，健康又好飲🤣

1. 粥煮豬肚只有一大碟豬肚同墊底生菜，唔會有一碗粥另上，豬肚軟淋，有咬口，好香豬味，一啲都冇豬騷味，雖然要90蚊，都唔平，但係份量好多，足夠兩三個人食，非常非常之好食，必食之選！2. 雞粥加豬潤雞非常之滑，但係本人覺得豬潤實在太精彩，豬潤係爽脆嗰個口感，非常非常之好食，下次會食淨豬潤粥！3. 揸兩都唔錯，油炸鬼仲有啲脆。4. 酸薑皮蛋都唔錯，份量好足。5. 必食嘅小食係魚皮，魚皮非常爽脆！6. 呢度嘅豆漿真係好好飲，係有豆味嗰隻，本人覺得熱豆漿香濃過凍豆漿。

由細到大喺香港生活都食過好多粥店/粉麵店，同事介紹呢間真係好驚喜，叫咗好幾樣嘢都係前所未有嘅好食，難怪大排長龍有好多熟客，仲不斷出外賣單💖豬潤湯飯 $54豬潤軟嫩彈牙份量多，湯飯落咗好多薑蔥驅寒，但唔會太突出影響味道💖酥炸鯪魚球$42出色！真係未食過咁軟身嘅鯪魚球，出面食多數都有少少骨又有鯪魚腥味，但呢個係好軟滑嘅魚肉，蜆介汁鹹香都好夾杜侯牛筋腩撈幼$52牛筋腩同白蘿蔔都好腍好入味，撈麵剪開一段段方便進食脆脆炸兩$37腸粉好滑，油炸鬼好脆，配上三格混醬碟蝦籽菜心$30蝦子佈滿菜面令清淡嘅菜心有鮮甜味咸肉糭$32就嚟端午節提早食糭過節，綠豆蓉好軟滑，包住肥豬肉，點甜豉油一流。