味滿

營業中

休息中

Being full is good❤️餐廳🍴好有家既感覺，食物質素係家常得黎又好味😋，舒服溫馨既感覺淨蘿蔔南乳豬手 $80超級惹味，豬手炆得勁淋身又處理得好乾淨👍🏻，淋身得黎又唔會一夾就爛，仲保持到佢飽滿既骨膠原感，份量好多，每隻豬手都肥美肉厚，一咬入口滿嘴都係骨膠原，完全漿滿口腔，味道炆得好入味，由外至內都色澤均勻，醬汁味道完全滲入體內😍🤤蘿蔔都勁清甜又完全無渣，完全配得起個價錢😎雞粥 $50粥底煮得好綿身，口感綿密柔軟，雞件量好多，就算有雞胸位，雞肉一啲都唔柴身，反而仲好嫩滑，呢個值得一讚，粥底味道非常鮮甜美味牛肉粥 $45一樣既綿密粥底，牛肉份量都好多，牛肉肉身都大大舊，肉質好嫩口，粥底亦好鮮甜，肉既香氣完全滲透到粥底到，整體粥品都好出色升級優惠🔸紅油三寶 +$32水餃，菜肉雲吞，腐皮卷水餃🥟同雲吞都皮薄餡多，餡料亦非常新鮮，非常有誠意，腐皮卷咬口比較軟腍多汁，紅油亦做得唔錯，無任何油膩感，但又食到麻麻辣辣既味道，惹味得黎又唔會重口味，順口美味炸兩 +$26油條炸得脆卜卜，就算放左陣再食都仍然保持到佢既脆身，非常厲害👍🏻，腸粉厚薄適中，配合埋入面既油條，外軟內脆

今日午飯時間和朋友去天后電器道味滿吃午餐。味滿有粉麵，生滾粥，飯，湯飯，油菜，腸粉，小食，飲品等，選擇多，可以各式其適。味滿提供全日套餐，凡惠顧任何一款正價粥/麵/飯，可享升級優惠，以特價享用油菜/小食/腸粉/飲品，幾抵。今日叫了兩個全日套餐一起吃。生滾魚腩粥美味，粥底綿滑，鲩魚腩鮮甜不腥，魚份量足。水餃湯麵麵爽口，水餃料足，皮薄餡靚，有蝦，豬肉，木耳等。炸鲮魚球好食，彈牙有魚味，一碟六粒，點埋蜆蚧更有風味。香茜牛肉腸粉滑有米香。店環境整潔，服務有效率。麻辣牛筋也不錯，牛筋滑，充滿膠質，蘿蔔甜。蠔油芥蘭新鮮美味。熱豆漿和熱鴛鴦都好飲。

粥飯麵飯，絕對係我心目中既四大發明，尤其是粥，係我訓醒無胃口既時侯，我會諗起佢係我病左既時侯，我淨係需要佢，係夜晚果陣唔想食太飽，我又會搵下佢，不知不覺，呢碗粥陪左我三十幾年，多謝你陪我走過既每一段路。👇📌全 日 套 餐 - ▪️ 艇 仔 粥 - $43▪️ 皮 蛋 鯪 魚 球 粥 - $45(+$10)▫️ 佢地個set幾抵食，嗌個正價粥/麵/飯再加少少錢可以嗌多1-2個小食，我同朋友分別嗌左碗「艇仔粥」同埋「皮蛋鯪魚球粥」，佢地d粥份量非常足料，前者勁多瘦肉、碎牛、魷魚、花生、魚片，口感夠哂豐富；而後者鯪魚球粥加10蚊要埋個皮蛋，淡淡鹹香，粥又夠綿，好好食。📌升 級 優 惠 -▪️ 麻 辣 牛 筋 - $32▪️ 紅 油 三 寶 - $32▫️ 第一個小食必食「麻辣牛筋」，辣汁入口果然夠勁，牛筋炆得幾淋身，唔錯；「紅油三寶」包括雲吞、水餃、腐皮卷，三樣吸收哂紅油精華，入口夠滑溜，份外惹味。 ▪️ 炸 兩 - $26 ▪️ 香 脆 炸 雲 吞 - $32▫️ 最後加多個「炸兩」、「香脆炸雲吞」，兩者就算擺耐左，食落仲係脆卜卜，炸兩仲可以配三款醬汁，包括甜酸醬、鼓油；而炸雲吞就配酸甜醬，仲嗌埋杯豆漿就f

天后乾淨有質素的新式粥品店天后的地方不算好大,但在幾條街之中總會隱藏好多味道不錯的小店,我本身就好喜歡吃老火粥品及腸粉,有時候想清淡一點就會去粥品店直接用膳。前幾天經過天后見到一間頗乾淨及多選擇的新式粥品店,價錢都可以接受,不如一試!主食:豬潤粥 & 柱侯牛筋腩幼麵最喜歡就是新鮮的豬潤和老火粥,兩者合體就是我的最愛,應該有6-8片豬潤吧,意外地多!牛筋腩的質素亦相當高,軟熟又好味,腩汁與幼麵好夾,下次想試雞粥和雲吞面!配菜:鮮蝦腸粉 & 炸兩 & 炸鯪魚球 & 蝦籽芥蘭炸鯪魚球有6大粒,新鮮炸出來上碟,好食到震!炸兩和鮮蝦腸粉都是即拉腸粉,粉皮好柔軟,而芥蘭配蝦籽都幾新潮的組合,完全不會有苦味~飲品:熱檸茶及凍央 - 好合格的飲品~味滿天后電氣道64號地舖港鐵天后站 A2 出口, 步行約2分鐘#天后 #三傻 #熊本熊 #kumamon #傻鴨 #部長 #熊本 #kumamoto #粥品店 #豬潤粥 #柱侯牛腩 #鮮蝦腸粉 #炸鯪魚球 #蝦籽 #芥蘭 #炸兩 #味滿 #電氣道 #tinhau #hongkong #lunch #congee #october #halloween #萬聖

咁岩遇著剛剛，特登揸車去天后想食麥x雲吞麵，點知咁岩泊低車對正就係呢間小店，仲要多人等位，又係食粥粉麵🤭心諗，呢間野應該都幾正，咁就決定食下新野。係門口等左10零分鐘就入座。.新裝修，簡單又舒服，坐位ok不過不失。食物選擇比一般粥粉麵多，價錢黎講係呢區可以叫平👍🏼.🍴及第粥 $50我諗我未食過咁足料既及第粥😂粥底好綿，豬雜份量勁多，仲要件件都大大舊。.🍴水餃粗麵 $3830幾蚊碗麵，麵底出奇地多，幼麵好爽口彈牙，絕對唔馬虎。水餃🥟3大粒，蝦與肉比例均勻。.叫正價粥粉麵，可以優惠價加配小食。最多每碗正價粉麵可加2樣特價小食。腸粉皮夠薄，整得唔錯，炸鯪魚球清爽少油，不太油膩，蘸上蜆蚧醬食更加惹味。油條值得一讚，炸得夠酥。酥炸鯪魚球 $32鯇魚片腸 $28蠔油芥蘭 $18油條 $14.總結黎講好驚喜既小店👍🏼性價比極高✅✅

做完嘢喺天后電氣街無無聊聊行街見到間舖門面不大，但好多人等住入去食嘢，唔執輸入埋一份，當然入去前知呢間係粥粉麵飯店喇。而入邊幾深吓，都有廿幾個位可坐，最緊要係乾乾淨淨，墙上有D印有“味滿”2字的畫作，低調得來又賣埋廣告，有意思。可選擇的粥粉麵飯好多，加加埋埋起碼好幾拾樣，終於落錘揀咗“薑葱豬粉腸撈麵”和“鯇魚腩粥”两樣主食，撈麵揀咗撈粗，除咗多葱仲有生菜，粉腸好爽冇噏味，食得超開心；鯇魚腩有5大件，鮮味十足，好正“腩汁蘿蔔“，“蠔油冬菇”，“香茅豬扒”和“酥炸鯪魚球”都係跟餐的特價小食，最鍾意香茅豬扒，入晒味嘅香茅，勁有泰國感覺，鯪魚球都好味，好食過某些酒樓嘅出品。

天后附近好多好野食，前排同朋友就黎左一間主打港式粥粉麵飯既鋪頭食野，餐廳食物選擇都好多，值得一讚店員服務態度都好好，今次都叫左幾款野食，味道都唔錯架! 牛肉湯飯 $52湯底有啲似雲吞湯個味道，牛肉份量多亦好嫩滑，秋風起食番碗都好暖胃，值得一試 蠔油菜心 $22除左菜心仲有幾款油菜選擇，大家黎到都可以叫番碟同朋友仔share 香茅雞翼 $30雞翼外皮香脆食落都幾入味 酸薑糖心皮蛋 $30皮蛋如果可以再糖心啲會更加惹味 口感都夠滑溜 叉燒腸 $35腸粉好滑好好食! 加入叉燒好香口! 下次試埋個蝦腸先! 紅油三寶 $40三寶係水餃、菜肉雲吞同腐皮卷，特別喜愛菜肉雲吞，多餡皮薄好好食!

近著天后站一帶有很多價廉物美的小店，其中這間港式茶餐廳，主打健康的粵式菜，有常見的粉麵類、生滾粥類及飯類等等。餐牌方面，食物的選擇非常之多，有全日套餐可以優惠價錢選配一款或兩款食品。有骨海南雞飯(雞脾) - $62加錢升級更加嫩滑順口的雞脾，油亮的雞皮藏著一層果凍狀雞汁，雞肉嫩滑甜美又多汁，配黑豉油、姜蒜蓉及辣椒醬，還有一碗鮮味無味精的老火雞湯。柱侯牛腩拼墨丸湯麵 -$60湯麵類可加配價錢雙拼，數塊炆得軟腍鬆化的牛腩，柱侯醬好入味，還有數粒雪白飽滿的墨丸，充滿墨丸鮮味好彈牙，幼麵底軟硬適中有彈性，可轉粗麵或加錢升級至撈麵。鮮蝦腸 +$34即叫即蒸的腸粉好新鮮，每條有兩隻爽滑彈牙的鮮蝦仁，粉皮薄而晶瑩剔透，質地柔軟香滑，入口有陣陣米香。叉燒腸粉 +$28有為數不少的叉燒粒，肥瘦兼備好有口感。蠔油唐生菜 +$18新鮮翠綠的唐生菜份量好多，少少鮮味鹹香的蠔油更易入口。凍奶茶 +$10凍檸茶 +$10茶底的茶味好香濃，奶茶拉得好絲滑，奶味兼備。

今日係天后泊低車搵野食，見到呢間小店勁地道咁。入到黎原來係食粥粉麵既小店。。叫左個「蠔豉粥$50」另加左$20要肉丸，粥係超驚喜💯好食，未食過咁綿既粥，真心好正，仲要蠔豉同肉丸勁足料。「炸醬幼麵 $38」呢個係職員推介既，食完之後又係幾驚艷，炸醬絲一條條，帶點酸酸甜甜咁，好惹味，麵底都好唔錯。。小食方面叫左「韭皇蝦腸$34」蝦腸必點，呢度腸粉好滑身又薄又好食，蝦就大大粒咁。「麻辣豬軟骨 $32」炆得夠淋，一咬就溶，辣味唔算好重，配麵食岩岩好。「蠔油菜心$18」$18食菜心好平😅🤣「炸鯪魚球$32」個人最鍾意食呢個炸鯪魚球，炸得好脆又金黃，啖啖魚肉好彈牙。。跟餐加$8可配薏米水，唔太甜好清熱，推介之選。

今日印度新年Diwali 公司到會印度餐之後放半晝，印度菜不是我杯茶，所以由中環去天后覓食。本來諗住去八寶清湯腩睇吓食唔食到崩沙腩，出地鐵後沿著食街行行吓見到呢間《味滿》，見餐牌有外面少見的豬雜麵，決定入去試吓。餐廳唔大但乾淨光猛，因為過了兩點午餐時間，所以店內沒太多客。我點了豬雜幼麵，腩汁蘿蔔，白灼魚皮➕凍檸茶。豬雜有粉腸，豬潤，豬肉丸，最特別係豬心（問老闆娘先知道係豬心），豬心薄薄一大片，爽口好味。麵彈牙，合格。大地魚湯清澈加薑蔥吊味，應該冇落味精。腩汁蘿蔔，腩汁唔肥膩，蘿蔔清甜超淋冇渣好耐未食過白灼魚皮，魚皮超爽滑，又唔會太硬太鹹價錢合理，下次會再幫襯。

多元化新潮流的粥粉麵飯天后地鐵站出口美食當前舖頭多心血來潮想食麵見到味滿坐低先潮流的粥粉麵飯光猛舖頭又乾淨睇睇餐牌又幾正豬雜唔係度度有仲要整得好乾淨咁有特色嘅食物唔使諗就一定食有套餐又有散叫正價粉麵可升級加個小食有優惠粥麵小食都叫齊鍾意邊樣食邊樣👍😋———————————🐷薑蔥豬什撈麵：薑蔥又多，豬什又正又足料，粉腸、豬心、肉丸、豬肚、肉片…….等等👍最喜愛吃豬粉腸、灼的時間剛剛好，不會—太腍又帶爽口，時間剛剛好，恰當，好味道😋———————-🐠鯇魚腩粥：魚是我的至愛，粥又軟綿綿又夠滑，魚腩吃落新鮮又夠甜————————-🐷淨蘿蔔南乳豬手：充滿骨膠原的南乳味豬手，炆得夠腍又夠香，夠腍之中又帶爽口的質感👍—————————-🐟酥炸鯪魚球：炸得金香，足料魚肉，果皮香濃，吃落彈牙好味😋——————————凍豆漿：豆味濃郁又香滑😇————————-熱羅漢果茶：清熱又正氣的一款飲品😊——————————潮流中的懷舊，多元化新潮流的粥粉麵飯其實開心🥳簡…單就在你身邊..食….拍…寫.. 已經成為我生活中的一部份鍾意食..鍾意拍…鍾意寫..留下美食回憶—————————-

味滿是近期天坑區的一間新店，是一家承傳香港地道食品既新派小店。今次是第二次的光顧，叫了個豬手粗麪，淨雲吞，炸鯪魚球。豬手稔，入味😋雲吞內既🦐，爽口。剛好one mouth size bite, 正是傳統的廣東雲吞size 👍🏻然后，個炸鯪魚球。又是彈牙的乒乓波size, 入口有點點的蝦米碎同陳皮味道，又係one of my 飛佛😋聞到隔離枱叫又客蒜香豬扒，追加跟叫。果然，冇失望，小驚喜！肉排鬆化，蒜茅香，送飯最好。可惜小女子一人前，實在眼闊肚窄，叫到成枱美食，要打包回府再慢慢食😋😋

炸兩入面嘅油炸鬼係淋嘅,加多左個蝦子油菜完全冇味呀我自己帶咗個豬什麵,豬什正常，但係個面好林一啲都唔彈牙，附近有好多雲吞麵店，因為過開嚟上堂諗住不妨一試，不過一定冇下次

行經天后，見到地鐵站附近開咗間新嘅粥麵店，叫做💖味滿，環境企理，佈置小清新🍀同囡囡去食個下午茶，套餐幾抵食，點正價粥飯麵，可以用特價叫小食同飲品👏🐟粥灼鮮鯇魚腩$80 好鍾意食魚，魚腩好肥美😋 🥢淨水餃 $38 材料有蝦仁，木耳絲，入口爽口彈牙。🥢牛肉腸 跟餐$28即叫即做，超滑溜😍 牛肉餡都幾多，牛肉味濃。🥢炸兩 跟餐$26 脆卜卜，夠香口， 配甜醬麻醬同豉油。🥤熱豆漿 跟餐$8豆味濃郁，清新健康。

今日係天后做完野，諗住簡單食碗粉麵，遇到《味滿》呢間粥麵舖。舖內環境唔算好大，但好光猛、乾淨，牆身仲有啲藝術掛畫同裝飾，好舒服。［麻辣牛筋湯米］麻辣味好夠，牛筋好淋好入味，同係出面專食牛雜粉麵既真係有過之而無不及。［爽脆灼鯇魚皮］平時多數得啲打冷舖有，仲要唔係間間有！一見到既嗌！魚皮真係超級爽脆，仲好香麻油味！加配伴碟既花生，大讚！［薏米水］每日新鮮自家製，除左薏米，仲有蜜棗同薑，暖笠笠又健康。見到隔離枱食炸雲吞、炸鯪魚球⋯好想試，但已經好飽喇，下次！