味滿

營業中

休息中

喺天后站附近想食個簡單嘅 early lunch，行吓行吓，見到呢間粥麵店，似乎幾啱呢日嘅胃口，小店又睇落乾淨整齊，咁就決定入去開餐😆叫咗 $40 嘅「柱候牛腩麵🍜」，加 $20「鳳城水餃🥟」再加 $10「芫荽」，跟正價麵 加 $26 要咗 「脆脆炸兩」，加 $22 要「蝦籽芥蘭」，加 $8 要「熱奶茶☕️」，非常豐富😆「柱候牛腩」煮得夠腍，麵條就幾彈牙，「鳳城水餃🥟」有三隻餡料新鮮，「牛腩麵」另加芫荽🍀☘️特別香口😋。 「脆脆炸兩」裏邊嘅「油炸鬼」脆脆哋 外邊嘅「腸粉」軟腍腍😋。「蝦籽芥蘭🥬」新鮮簡單好食，顏色翠綠😋。「熱奶茶☕️」幾滑😋

今日去完工展會，太攰啦…所以1家4口快快手搵野食！因為唔熟路，我地都係跟啲放飯sale行🤣附近食嘅感覺好似唔多，我哋唔想立食。哥哥見到隔離有好大隻貓貓貼紙，話有爸爸鐘意嘅雲吞麵食😋我哋就入去坐低食👍🏻地方乾淨又光猛💕同岀面嘅廣東麵食鋪好唔同雲吞麵如果話佐敦好岀名雲吞麵要排隊，咁呢間都應該要排隊買…因為佢嘅雲吞真係好好食！佢個雲吞唔算好大，但係入邊啲蝦超級彈牙！我好怕啲梘水麵有梘水🥶但爸爸話要試真正嘅雲吞麵一定要幼麵💪🏻真心爽口彈牙！重點係冇梘水😋個湯好清好甜，係大地魚湯味！所以叫我唔好加腩汁柱侯牛筋腩撈粗爸爸就話食柱侯牛筋腩撈粗，又係標配🤣撈一定要粗麵！個柱侯牛腩勁入味😱啲肉燜到好冧👍🏻重點係佢有陳皮！超甘香陳皮叉燒腸哥哥弟弟要食腸粉，啲腸粉真係好滑！又夠薄！佢2個可以清得晒🤣叉燒腸啲叉燒好甜💕混醬腸粉2個腸粉都好鐘意💕佢哋食完都話夠飽😄蜆介鯪魚球必食蜆介鯪魚球，超彈牙！👶🏻話:嘩！佢好似乒乓波咁，差啲彈走😄炸雲吞炸雲吞又係即炸要即食！脆卜卜！啲皮冇乜梘水味👍🏻入面有隻彈牙蝦😏薏米水、羅漢果茶薏米水入邊有薑，飲落好舒服😌環境地方光猛，乾淨！大人小朋友坐都舒服。

假期周圍搵嘢食， 順便去朋友屋企探貓貓， 就在天后的食街， 新開了間裝修清新的粥麵店， 清新木系風格 ，打破了傳統對粥麵店的老土形象，。店內掛著可愛的貓貓畫， 還有些貓貓的裝飾， 當然我也是被這個吸引進來。淨水餃首選推介這個 淨水餃， 水餃餡料扎實， 蝦肉彈牙爽甜， 加上豬肉、木耳 、竹筍， 還有點蝦子的味道。 整體鮮味突出 加上滑捋捋的外皮， 深得我心 。以及濃郁的大地魚湯頭， 味道鮮甜。柱侯牛腩麵，牛腩份量不少 肉質淋滑， 牛腩汁味道濃郁， 幼麵夠曬爽口， 質地煙韌爽身， 吸收了牛腩汁的精華甚為好吃。麻辣牛筋，牛筋質地淋滑， 配秘製麻辣汁， 非常惹味，好想配碗白飯。炸雲吞＋肉丸粥生滾肉丸粥， 肉丸 彈牙新鮮， 份量比想像中多， 肉丸也好像有六粒。 脆脆的炸雲吞 和綿密的肉丸粥， 就像天衣無縫的組合， 相比起選擇炸油條是個更好的選擇。

凍冰冰最好就係食粥粥暖胃補腎，配唔同既食材，粥底味道有所不同成日經過見到好多人食，今日同同事黎試吓同事叫咗魚腩粥，好啱佢口味啖啖肉，只有幾條大骨粥底相對清甜我就叫咗豬膶粥，粥底味濃豬膶好好味，爽口鮮嫩連同事平時唔鍾意食豬潤都覺得好正炸兩即叫即做，外軟內脆豬膶腸腸粉好滑，豬潤同個粥一樣好好味麻辣牛筋已想不到超好味好夠濃，牛筋軟腍，可以撈兩碗白飯有幾件蘿蔔喺底，都煮得好淋好入味炸鯪魚球，外脆鬆軟，魚肉好彈牙，配埋蜆蚧汁冇得頂佢哋嘅薏米水係自家煲但係我哋已經飽到飲唔到下次再試

粥粉麵飯係廣東菜特色，尤其是粥品，當你需要暖和的時候，真的幫到手。最近天氣稍涼，氣溫下降不少，呢個時候就好想食番一碗粥，飽肚之餘又有溫暖感覺。剛好公司附近有一間粥麵鋪。粥灼鯪魚球粥底綿滑軟糯，用了不少心機來製作。鯪魚球咬開，即時散發出陳皮的香氣，富有彈性，好正。喜歡粥內放入了生菜絲，增添層次感。义燒腸粉自家製，粉皮滑溜帶有黏性，义燒比例適中，可嚐得到。薏米水非常好飲，材料十足，微微的薑味，醒神又健康。

今日行過天后想買晚餐，見到有一間新開嘅粥店好似幾好，入去買嘢，但係收錢該男員工好壞脾氣冇禮貌同冇耐性唔肯解釋餐單。其他女員工就正常，食物都幾好，但新店員工好似好唔想做，可能人工太低太辛苦😅😅

呢排天氣有啲涼…終於等到我鐘意既天氣出現，心情總是想著靚啲，食暖啲😂人總是有多麼藉口去支持自己既決定同行為🙈🙈我其實好鐘意食粥，但好食既粥唔係是是旦旦煲就好食，今次我搵到一間生滾粥,咩叫生滾粥呢？準備好粥底，想加既材料之後即叫即整，粥會直接吸哂材料精華，超入味❤️❤️我忍唔住即刻點左個⭐️豬膶粉腸粥⭐️$63粥好綿滑，豬膶超大塊，比其他舖大三倍👍🏻👍🏻，粉腸洗得好乾淨，加薑蔥，好好味😋⭐️薑蔥豬雜撈麵⭐️$58豬雜：豬肉丸，豬粉腸，豬心，豬膶，豬肚⭐️香脆炸雲吞⭐️$40脆卜卜，熱辣辣，隻蝦超彈牙👍🏻👍🏻⭐️麻辣牛筋⭐️$40牛筋忟得好淋好入味，蘿蔔吸哂麻辣精華，好惹味…

因為感冒加咳咗成個星期，喉嚨好唔舒服，所以突然好想食番碗粥。咁啱就經過咗呢間位於天后嘅「味滿」，目測裝修設計簡約清新，環境舒服衞生，仲有隻可愛貓貓公仔貼係門口，決定一試。餐廳提供有各款生滾粥、亦有各式粉麵飯及腸粉，亦有不同傳統小食及麻辣系列。除單點外，更設有全日套餐，凡點一個主食可以優惠價選一或兩款小食、及追加飲品。《皮蛋瘦肉粥》（$43），粥底夠曬綿滑，皮蛋瘦肉粥真係好有效下火、皮蛋更可令喉嚨即刻舒服咗，食完成個胃暖曬，十分正。《香茜牛肉腸》（$28），腸粉夠滑嫰，牛肉平均包在腸粉中，配埋餐廳辣椒油夠香又不太辣，更加好味。《酥炸鯪魚球》（$32），推介必試。因為見到隔離枱叫，上枱時見到非常吸引，所以忍唔住都叫咗。鯪魚球彈牙酥香，點上蜆芥更提鮮，呢個絕對係一味童年回憶嘅食物。

-味滿🍽-及第粥 $50鐘意食內臟既人就必定會揀及第粥因為入面有齊豬潤/粉腸/豬肚/豬腰等等加埋綿綿既粥底每一啖都好鮮甜😋而且內臟清楚得好乾淨完全冇異味同煮得夠熟既🤣-碎牛粥 $40碎牛粥另外加左$25要埋蠔豉！呢個蠔豉真係必加因為佢個味令到成個粥完全升華勁甜👍😋-蠔油冬菇 $25跟餐可以再以優惠價配小食！小編最愛冬菇仲要蠔油炆勁入味又勁林😋-鮮蝦腸粉 $34腸粉好軟滑而鮮蝦又大大粒一條腸粉有2粒大蝦🦐😉-酥炸鯪魚球 $32鯪魚球新鮮炸起所以外皮勁酥脆！值得一讚呢度既鯪魚球係冇骨既😂-檸檬薏米水 $10薏米水勁足料一定係自家製因為個味道偏清甜唔係死甜既糖漿🤣-🌟評分:🏅🏅🏅🏅🏅📍地址: 天后電氣道64號地舖-#foodieluveat#foodieluveat_hk#foodieluveat_天后#foodieluveat_港式#hkfoodie #foodiehk #foodiehkig #hkfoodblogger #hkfoods #hkfoodlover #foodiegraphy #hkfoodblog #hkfoodbloggers #香港美食 #食在香港 #相機食先 #吃

今晚約了朋友係天后上完瑜伽班後，朋友提議今晚去食粥粉麵清吓腸胃，見到附近有間新開的粥品店，裝修光猛，掛了新穎卡通掛畫、亦設有高枱感覺時尚，真的非一般粥麵店。店員親切地介紹，每一款都吸引，選正價粥麵飯，升級優惠可選小食有油菜、腩汁蘿蔔、蠔油冬菇、糭、腸粉、炸鯪魚球、麻辣牛筋等，仲可以另配飲品，非常豐富。薑蔥豬膶粗撈份量好多，麵條爽滑有鴨蛋香，豬膶大塊厚實，咬落爽口，鮮甜嫩滑，薑蔥鋪滿面令味道昇華不少及第粥老闆娘話佢哋出品比坊間廣東粥更加綿滑，超足料有齊豬膶、豬肝，豬粉腸、肉丸及豬心，全部新鮮嫩滑，大量薑蔥癖走腥味，熱辣辣粥底綿滑好暖胃淨雲吞雲吞大小適宜有散尾，一啖一口，小巧玲瓏，份量都多有八至九粒，雲吞皮薄，湯底鮮甜酥炸鯪魚球鯪魚球炸得金黃香脆，鯪魚新鮮手打， 加入陳皮薑，口感更突出，點一點蜆蚧醬更是精華所在，配粥最佳拍擋炸雲呑完全唔油膩，咬落卜卜趣，新鮮即炸，配埋甜酸醬好好味香茜牛肉腸布拉腸粉，牛肉鮮嫩，腸粉皮滑同薄自製薏米水一粒粒薏米，好有咬口，味道凊甜，非常健康可以去濕消腫這間人情味小店，完全沒有味精，性價比高，下次會再來

放工同家姐去咗維園附近，見到<味滿> 咁啱有齊我哋兩個都想食嘅嘢，望落座位都幾舒服所以我哋就入咗嚟！薑蔥豬雜撈麵：有豬膶、豬肚、粉腸、手打豬肉丸同鮮肉片，材料非常豐富而且新鮮，豬潤嫩滑唔韌又唔會太生， 生熟程度煮得剛剛好，時間掌握得非常好！配上爽彈粗麵非常滿足👍🏻有骨海南雞飯：海南雞皮爽肉嫩，有啲美中不足嘅係無雞油飯，不過粒粒分明嘅白飯亦都唔錯！跟飯送上嘅湯充滿濃郁蝦籽味🐔鮮蝦腸：腸粉皮滑捋捋，入面包住大大隻嘅蝦同埋韭黃，名副其實嘅皮薄餡靚🦐香脆炸雲吞：一碟有六隻，熱辣辣脆卜卜，每一啖都食得到新鮮蝦肉，配埋泰式甜辣醬非常惹味😋紅油三寶：有水餃、菜肉雲吞、腐皮卷，雖然叫紅油三寶但係辣度非常低，如果可以揀辣度就更加好😆蝦籽芥蘭：翠綠爽甜嘅芥蘭灑上大量鹹鮮蝦籽，令人再三回味😍薏米水：薏米除咗可以美白仲可以消腫，加埋薑一齊煲更加香濃而且暖胃🥰食物質素唔錯價錢又唔貴，得閒行開附近可以再嚟食😊

聽朋友講天后附近有間好好味嘅食粥麵嘅餐廳，今日特登約住附近嘅朋友同我去試吓。Lunch有套餐，只要照一碗粥或者麵，就可以加錢有小食，又有飲品。及第粥生滾粥用白粥加新鮮肉料一鍋鍋滾熟而成，食落好有粥味。粥加有豬心、豬潤和豬粉腸和豬肉丸等，值得一提嘅係，呢度嘅豬肉丸加咗蝦膠手打製成，識落唔單止彈牙而且鮮味突出，經滾熟後盛碗，超級好吃！鯇魚腩粥生滾嘅鯇魚腩片粥同様粥底好軟綿綿。鯇魚腩目測至少有5條！仲要大大舊，味道鮮甜，而粥底同樣魷魚嘅味道。鮮蝦腸粉腸粉幼滑，內裏的鮮蝦爽口彈牙。炸両炸両兩真係好出色，進食的時候仍可感受到內裏的油炸鬼非常香脆可口！炸雲吞炸雲吞內有鮮蝦，蝦味突出，外皮脆卜卜，加D泰式甜辣醬一齊食好好味。蝦籽菜心菜心鮮嫰，味道清甜，蝦籽咸香味十足，有提升味道的效果。凍豆漿、凍薏米水豆漿好幼滑，甜度適中。薏米水除咗加入薏米之外，還有麥米，祛濕一流。

呢個星期都喺公司附近見客，由於我哋呢行食無定時，所以有時見完客都下晝，但都有個好處嘅就係唔駛中午同人迫餐死食個飯。話說今日經開天后諗住食碗牛腩麵，記得之前食過話好出名嘅牛腩麵，但都只算普普通通，咁今日咪又睇下附近有無其他選擇囉。行行下見到一間門面幾靚嘅舖頭叫做味滿，起初以為係西餐廳，點知見到入邊有人食緊牛腩麵，咁既然見到無理由唔試下㗎~ 由於下午茶時間，所以人流唔算好多，咁第一時間搵個靚位坐啦。睇一睇個環境，我諗係新餐廳，佢門面裝潢都用好多木系裝飾， 始終喺呢區環境都係重要元素，呢間就做得到啦。唔講咁多啦睇返餐牌，      佢種類都非常多，見到佢除咗有普遍嘅粉麵之外，亦見到粥同飯，另外亦有其他特色小食，選擇都非常多，但係可惜一個人食唔到咁多，所以最後獨沽一味諗住叫我最鍾意嘅牛腩麵，不過見到隔離枱食緊撈麵，自己又好耐無食過，心思思不如要個牛腩撈粗... 而且成日無食過嘢，最後貪心少少叫咗份炸雲吞，加杯凍檸茶咁就差唔多啦。喺等緊呢段時間，見到職員同其他客人相處態度好好，勁有禮貌~ 加上舒適嘅環境，成件事都好夾。等咗一陣間，我要嘅嘢食都上枱啦~ 首先出場嘅主角牛腩撈粗，佢嘅擺盤好日式好精緻

在天后見到有間粥品麵店幾多人食，新裝環境光猛！我就和同行朋友入內食晚餐。餐廳有個 menu係升級優惠，加錢可以叫到d小食，幾抵食！鮮牛肉撈麵，鮮牛肉厚切，而且質感夠爽身，味道重牛香，大大片口感好正，撈麵質地幾好，夠入味而且麵底幾爽彈！麻辣牛筋飯，味道又香又麻，見到有花椒麻香更突出！牛筋嫩嫩滑滑又有質感，滑捋捋有骨膠源既感覺！炸雲吞，炸到好脆卜卜唔太油，內層蝦肉都有鮮味！再配香辣醬幾惹味開胃。鮮蝦腸，粉漿做得好好幾重米香，唔太厚又唔會一夾就散，蝦肉都幾大隻又足料，加錢幾抵食 !

天氣涼涼地有時都會好想食粥，清清地又可以暖胃～天后依間小店性價比高又足料！唔錯！🥄及第粥 $50及第粥超足料👍一碗有齊哂豬心豬潤豬肉丸豬肉豬肚粉腸！豬潤超大塊煮得岩岩好，咬落去好嫩好爽口！豬肉丸都好有驚喜，嫩滑又飽滿😋🥢豬軟骨河粉 $42豬軟骨醃得好入味！而且咬落去就散開咗🤤勁大碗，一碗入面仲有3大舊肉，超抵食！另外仲可以跟餐嗌小食🤓嗌左麻辣牛筋，酥炸鯪魚球，叉燒腸粉同蠔油菜心～全部都好有水準！特別係牛筋入口即溶超好食！鯪魚球大大粒勁飽滿😳叉燒腸皮薄餡又多，真係好唔錯！